“စီးပလေစေ..ချစ်သူရေ..”

Share |
ကျနော်သည် အတွေးခေါင်တတ်သူဖြစ်ပါသည်။ တလွဲတွေးစရာများ ကြုံလျှင် မပျက်မကွက် တလွဲတချော် တွေးတတ်သူဖြစ်သည်။

မြန်မာစကားတွင် “ကသုတ်ကယက်၊ သုတ်သုတ်လာ၊ သုတ်သုတ်စား၊ ခြေကုန်သုတ်” ဟူသော အသုံးအနှုန်းများရှိရာ မောင်သာရ၏ ၀တ္ထုစာအုပ် နာမည်ကို “စီးပလေစေ... မောင်မသုတ်နဲ့” ဟု မြင်လိုက်ရသောအခါ အောက်ပါအတိုင်း အတွေးချော်ပါလေတော့သည်။

ဧကန္တ...မောင်သာရ၏ ၀တ္ထုသည် မြင်းတကောင်အကြောင်းကို ရေးထားခြင်းဖြစ်ရပေမည်။ “သင်၏ ကျောကုန်းပေါ်တွင် သင်၏သခင် (မြင်းစီးသူ)က အဘယ်မျှပင် တက်စီးပါစေ (စီးပလေစေ)၊ သင်ကား(အမောင်ကား) ခြေကုန်မသုတ်ပါလင့်” ဟူ၍ ဆိုလိုခြင်း ဖြစ်မည်ဟု တလွဲတွေးပါလေတော့သည်။

နောက်တော့မှ....

“ခါးပုံကို မောင်ဖြုတ်လို့
ရော့... သုတ်တော့ပေး။
စီးပလေ မောင်မသုတ်နဲ့
တုတ်တုတ်ကျချွေး”

....ဆိုသော မြန်မာကဗျာလေးကို ဖတ်မိသည့်အခါတွင်မှ မိမိ၏ အတွေးချော်ပုံကို မိမိဘာသာ ရယ်မောရပေတော့သည်။

နောက်ထပ် အတွေးလွဲသော စကားတခုမှာ... “ဆိတ်ဆိတ်နေခြင်းသည် ထောင်တန်၏” ဆိုသော စကား။ ဤသည်ကို ကျနော် တလွဲတွေးခဲ့ပုံမှာ စကားမပြောပဲ ငြိမ်သက်နေခြင်းသည် ထောင်တန်းကျလောက်အောင် (ထောင်ထဲ ၀င်ရလောက်အောင်) အပြစ်ထိုက်တန်ပေသည်ဟု တလွဲတွေး၏။ သို့သော် “မိန်းကလေးများကို လက်သည်းဖြင့် လိုက်၍ ဆိတ်ဆိတ်နေခြင်းသည် အချုပ်ထောင်နဲ့သာ တန်သော အမှုဖြစ်သည်” ဟု တွေးတောမိသည်အထိ အတွေးမခေါင်သေးသည်မှာ တော်ပေသေး၏။

တဖန်...ယခုဤစာကိုရေးနေချိန်အထိ သဲသဲကွဲကွဲ မသိသေးသော စကားအချို့မှာ “လူမိုက်နောက်မှ အကြံရ” နှင့် “ခွေးဖြူတောမတိုး” ဆိုသော စကားများ ဖြစ်သည်။

“လူမိုက်နောက်မှ အကြံရ” ဟူသည် လူမိုက်ထက်နောက်ကျပြီးမှ အကြံရခြင်းကို ဆိုလိုခြင်းပေလော (သို့မဟုတ်) လူမိုက်ဟူသည် နောက်မှ အကြံရတတ်ပေသည်ဟု ဆိုလိုခြင်းလော၊ ကျွန်ုပ်မသဲကွဲသေးပါ။

“ခွေးဖြူတောမတိုး” ဟူသည် ခွေးတကောင်အနေဖြင့် ဖြူတောထဲသို့ မတိုးခြင်းလော၊ သို့တည်းမဟုတ် ခွေးဖြူတို့မည်သည် တောမတိုးဝံ့ဟု ဆိုလိုခြင်းလော ကျွန်ုပ်မသဲကွဲသေး။

ဤသို့ဖြစ်ရသည်မှာ မြန်မာစကား၏ အဖြတ်အတောက် အရေးပါပုံကြောင့် ဖြစ်ရချေမည်ဟု ကျနော်တွေးမိပါသည်။

ငယ်ငယ်က စာတပုဒ်ထဲတွင် ဖတ်ဖူးသည်မှာ.....“ဆရာမလာတို့တော့ပျော်သည်” ဆိုသော စာကြောင်းကို သုံးမျိုးသုံးစား ဖတ်၍ ရပုံဖြစ်သည်။

(က) “ဆရာ မလာ တို့(ဒို့)တော့ပျော်သည်”.... ဆရာဖြစ်သူ မလာသည့်အခါ ကျွန်ုပ်တို့ ပျော်သည်ဟု အဓိပ္ပါယ်ရသည်။

(ခ) “ဆရာမ,လာ တို့တော့ပျော်သည်”.... ဆရာမ ဖြစ်သူ လာသောအခါ ကျွန်ုပ်တို့ ပျော်သည်ဟု အဓိပ္ပါယ်ရသည်။

(ဂ) “ဆရာမ လာတို့တော့ ပျော်သည်”.... ဆရာမ ဖြစ်သူက လက်ဖြင့်လာရောက် တို့ထိသောအခါ ပျော်သည်ဟု အဓိပ္ပါယ်ရသည်။

အချို့သော မြန်မာဆိုရိုးစကားများကို ရှေ့နောက် ကပ်ထားပြီး တလွဲလော့ဂျစ်များဖြင့် လျှောက်တွေးသောအခါ ရယ်ရွှင်ဖွယ်အဓိပ္ပါယ်များ ဖြစ်လာသည်ကိုလည်း တွေ့ရသည်။

ပေါက်တတ်ကရ စဉ်းစားရသည်ကို ၀ါသနာပါသော ကျွန်ုပ်၏ ပေါက်ကရတွေးလုံးများကို အောက်တွင် ရှုပါ။


သူ့ဆန်စားရဲမှ။
ရဲသော်မသေ၊ သေသော်ငရဲမလား။

ထို့ကြောင့် သူဆန်စားပြီး သေသော် ငရဲမလား။


ဆိတ်ဆိတ်နေခြင်းဟာ ထောင်တန်တယ်။
ထောင်တန်တဲ့စကား ရယ်လျှင်ပေါ့၏။

ထို့ကြောင့် ဆိတ်ဆိတ်နေခြင်းသည် ရယ်လျှင်ပေါ့၏။


ဟောင်လွန်းသည့်ခွေး လူမလေး။
လူမလေး ခွေးမခန့်။

ထို့ကြောင့် ဟောင်လွန်းသည့်ခွေး ခွေးမခန့်။


ပထမအရွယ်မှာ ပညာရှာ။
ပညာရှာ ပမာသူဖုန်းစား။

ထို့ကြောင့် လူတိုင်းသည် ပထမအရွယ်မှာ သူဖုန်းစားပမာပင်တည်း။


ဖင်မနိုင်ပဲနှင့် ပဲကြီးဟင်းစားချင်သည်။
ပဲဟင်းကို ရှုတ်ချင်၏၊ နှုတ်ခမ်းမွှေးအနှုတ်ခံဝံ့ မခံဝံ့။

ထို့ကြောင့် ဖင်မနိုင်သူများ နှုတ်ခမ်းမွှေးအနှုတ်ခံဝံ့မခံဝံ့။

9 comments:

khin oo may said...

လူမိုက်နောက်မှ နောင်တရ


ကိုဆက်စပ်ရှင်းလင်းတင်ပြပါ. (သုံးမှတ်)
(TZA စတိုင်ကိုကူးချသည်။

Kaung Kin Ko said...

ဟားဟား။ :D

Rita said...

ဆပ်ပြာသည် လင်ပျောက် ဆိုတာကရော
ဆိုလိုရင်း နဲ့ usage ကို သိပါတယ်
ဒါပေမယ့် ဘာဖြစ်လို့ အဲဒါကို ဆပ်ပြာသည်နဲ့ ပုံခိုင်းရတာလဲ research လုပ်ကြည့်ပါလား

Anonymous said...

့“စီးပလေစေ... မောင်မသုတ်နဲ့” ကို လူပျိုပေါက်စ တုန်းက စကြားဖူးတော့ တမျိုးအတွေးပေါက်ခဲ့ဖူးတယ်..(?)။ နောက်တော့ 'မျက်ရည်'လို့နားလည်ခဲ့ဖူးတာ၊ ခုတော့ 'ချွေး' လို့လက်ခံလိုက်ပါပြီ..(ကိုပေါပြောရင် ဘာမဆို ယုံတတ်သူဆိုတော့..:P)
'တရွာမပြောင်း သူကောင်းမဖြစ်' ၊ 'သေချင်တဲ့ကျား တောပြောင်း' နဲ့ 'သုံးကျောင်းပြောင်းသော ရှင် (သျှင်)' တို့ကိုလည်း ဆက်စပ်ပေးပါအုံး..သုခမိန်ကိုပေါခင်ဗျား..။

Anonymous said...

ဘာမှတော့ မဆိုင်ပါဘူး၊ မေးချင်လို့ပါ။

(မုန်လာဥလာမလုပ်နဲ့)ဆိုတာရယ်၊
(စလောင်းဖုံး၂ချပ်တီးရင် ကျားလာတတ်တယ်)ဆိုတာရယ်။
ဇတ်လမ်းလေးနည်းနည်း ရှင်းပြပါလား။

အဲ..
(လှေကြီးထိုးရိုးရိုး) နဲ့တော့ မရှင်းနဲ့ပေါ့ဗျာ၊
အမြင်ဆန်းဆန်းလေးနဲ့ ရေးပေးပါ။

ကိုပေါ said...

>>>>ကောင်းကင်ကို….. ဟဲဟဲ။း-)

>>>>အေးမြတ်မြတ်ကို…. ဆပ်ပြာသည်လင်ပျောက်… ဟုတ်တယ်။ ဘာကြောင့် ဆပ်ပြာသည်နဲ့မှ နိုင်းရတာလဲ။ စိတ်ဝင်စားစရာ။ ကွမ်းယာသည်လင်ပျောက် ဆိုရင်ရော မရဘူးလားမသိ။

>>>>စီအမ်အေ……((ကိုပေါပြောရင် ဘာမဆို ယုံတတ်သူဆိုတော့..:P)) မြားတွေကို ဆက်လက်ဖိတ်ခေါ်နေတယ်ပေါ့လေ။ မောင့်အချစ်မြား အသဲမှာစူး…နှုတ်လည်းနှုတ်ချင်လေဘူးလေ…..။ ဟိုသုံးခုတော့ ဆက်စပ်တတ်ဘူးဗျား။

>>>>ဒါဒါဒစ် ဒစ်ဒစ်ဒါ….. ကိုယ့်လူက ကြပ်ကလေးစာတွေ တော်တော်ဖတ်ထင်ရဲ့။ နာမည်တောင် အက်စ်အိုအက်စ် ရိုက်တဲ့အသံမျိုးနဲ့။ မုန်လာဥမလုပ်ချင်ပါနဲ့ ဆိုတာ… သိရဲ့သားနဲ့ မသိချင်ယောင် ဆောင်မနေပါနဲ့လို့ ပြောချင်တာမို့လား။ အဲဒီထက်ဆန်းအောင်တော့ ရှင်းတတ်တော့ဘူး။ စလောင်းဖုံးနှစ်ချပ်တီးရင် ကျားလာတတ်တယ်ဆိုတာတော့ အခုမှ ကြားဖူးတာဗျ။

Anonymous said...

ဆရာမ လာတို့တော့ ပျော်သည် - ဆိုပလား၊ စဉ်:စားစရာ များစွာ ရသွား၏၊ (ဟီး)

Anonymous said...

This is so damn funny,
Thanks for posting it.
You really are a genious.
BTW, how to read other ppl's comment written in Burmese.
I have zaw gyi one font but somehow i can't read.
Is there any setting i need to change?

ကိုပေါ said...

To last anonymous,

Don't click directly on the comments.

You can click on the post title in order to see the comments in Burmese. They will be shown just beneath the post.

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs