“သင်.....အသည်းကြောင်သလား”

Share |
ပြည်ပရှိ ဒီမိုကရေစီ လှုပ်ရှားသူများတွင် အချို့က ပြည်သူများ ကန့်ကွက်မဲ သွားပေးသင့်သည် ဆိုကြသည်။ သူတို့၏ အကြောင်းပြချက်မှာ ပြည်သူများကို မဲသွားမပေးဘဲနေဘို့၊ သပိတ်မှောက်ဘို့ စည်းရုံးရန်မှာ လက်တွေ့မကျ၊ မဖြစ်နိုင်ဟုဆိုသည်။

“စစ်မရောက်ခင် မြားကုန်သည်” ဆိုသော စကားမှာ ဤနေရာတွင် သုံးစွဲရန်ဖြစ်သည်။ နအဖ ကြေညာချက်ထုတ်သည့်အချိန်မှ စလျှင် နှစ်လခွဲခန့် လိုသေးသော အချိန်ကာလတွင် ပြည်သူအား လှုံ့ဆော်ရန် အချိန်များစွာ ရပါလျက်နှင့် ထိုစကားမျိုး ပြောထွက်ကြသည်မှာ နအဖကို အထင်အကြီးလွန်ခြင်းလော၊ ကိုယ့်စွမ်းဆောင်ရည်အပေါ် ကိုယ်ယုံကြည်မှု မရှိ၍ လော မပြောတတ်။ အထူးသဖြင့် ရွှေဝါရောင်တော်လှန်ရေးကို နအဖက ရက်ရက်စက်စက် ချေမှုန်းထားသည်မှာ လပိုင်းမျှသာ ရှိသေး၍ ပြည်သူတို့၏ စစ်အစိုးရအပေါ်နာကျည်းချက် ပြင်းထန်နေဆဲ ကာလမျိုးတွင် ထိုသို့ လက်မှိုင်ချကြသည်မှာ ပြည်ပရောက် ဒီမိုကရေစီ ဘက်တော်သားအချို့၏ ပျော့ညံ့သော စိတ်သဘောထားကို ဘွင်းဘွင်းကြီး မီးမောင်း ထိုးပြရာရောက်ပေသည်။ ထိုသူမျိုးများသည် လက်နက်ကိုင် တော်လှန်လျှင်လည်း ရေရှည် တော်လှန်ရန် ဇွဲမရှိ၊ ငြိမ်းချမ်းရေးလမ်းစဉ်ဖြင့်သွားလျှင်လည်း ရေရှည်သွားနိုင်သည်ထိ အသည်းမမာသူများ ဖြစ်ကြကုန်ရာ၏။

ပြည်သူအများ မဲသွားမပေးဘဲ နေလျှင် ၄င်းတို့၏ ကြံဖွံ့များ၊ စွမ်းအားရှင်၊ မီးသတ် စသည့် လက်ကိုင်တုတ်အဖွဲ့အစည်းများကို နအဖ အစိုးရက ကောင်းကောင်းကြီးအသုံးချကာ ထောက်ခံမဲ အလေးသာအောင် ပြုလိမ့်မည်ဟု ၄င်းတို့ စိုးရိမ်ကြသည်ဆို၏။

တဖန် ပြည်သူများမှာ နအဖက အတင်းအကြပ် မဖြစ်မနေ မဲရုံသို့ မသွားမနေရ သွားခိုင်းလျှင် သွားကြရမည်ဖြစ်၍ ကန့်ကွက်မဲထည့်ရန် တိုက်တွန်းခြင်းသည် ပို၍ ဖြစ်နိုင်ခြေ ရှိသည်ဟု လည်း ဆိုကြသည်။

ကောင်းပြီ။ ထိုသို့ ပြည်သူလူထုအား ကန့်ကွက်မဲ ထည့်ခိုင်းနေသော ပြည်ပမှ မျိုးချစ် ဒီမိုကရေစီသူရဲကောင်းများသည် မိမိတို့ ကိုယ်တိုင်ရော ပြည်တွင်းသို့ ပြန်ကာ ကန့်ကွက်မဲ ထည့်ရဲကြပါ၏လော။ မထည့်မီတွင်လည်း မိမိတို့ကန့်ကွက်မဲ ထည့်မည့်အကြောင်းကို ယခုလိုပင် မီဒီယာများတွင် တရားဝင် ကြေငြာ၍ ပေါ်တင်လုပ်ဝံ့ကြပါ၏လော။ မထည့်ဝံ့ ကြဆိုလျှင် ကိုယ်မလုပ်ရဲသည့်ကိစ္စကို သူများအား တိုက်တွန်းနေသည်ဖြစ်၍ “အငှားဗိုက်နှင့် ဓါးထိုးခံချင်”ဆိုသကဲ့သို့ ဖြစ်နေပေသည်။

ထို့ကြောင့် ဤကိစ္စကို ပြန်လည် သုံးသပ်ကြည့်ပါက ဆန္ဒခံယူပွဲကြီးတခုလုံးကို သပိတ်မှောက်ခြင်းသည်သာလျှင် အဖြစ်သင့်ဆုံး ကိစ္စ ဖြစ်ချေသည်။ ကျနော်တို့သည် မဲသွား ထည့်ခိုင်းခြင်းအားဖြင့် နအဖ သွားနေသော လမ်းပြမြေပုံ ၇ ချက်ကို ထောက်ခံရာ ရောက်ပေသည်။ မဲသွားထည့်ရန် တိုက်တွန်းနေသူများသည် လွန်ခဲ့သော နှစ်အနည်းငယ်က ကိုဇာနည်နှင့် ကိုအေးလွင်အုပ်စုက အမျိုးသားဒီမိုကရေစီအဖွဲ့ချုပ်အား အမျိုးသားညီလာခံသို့ ၀င်ရောက်ပူးပေါင်းရန် သွေးဆောင်တိုက်တွန်းနေသည်နှင့် သဘောတရား အတူတူပင် ဖြစ်နေချေသည်။ အသည်းကြောင်လျှင် အတွေးပါကြောင်တတ်သည်ကို သတိပြုကြပါကုန်။

၎င်းတို့၏ နောက်ထပ် အကြောင်းပြချက်တခုမှာ မည်သည့်နည်းနှင့်မဆို နအဖက အတင်းအကြပ် မဲသွားထည့်ခိုင်းစေမည်ဖြစ်၍ ပြည်တွင်းရှိ ပြည်သူများတွင် ရွေးချယ်ရာလမ်းမရှိဟုလည်း ဆိုကြသည်။ ထိုသို့ဆိုလျှင် ရွေးချယ်စရာ လမ်းရှိသော ပြည်ပရောက် ထိုသူများသည် မိမိတို့ ရောက်ရှိရာ နိုင်ငံများတွင် သံရုံးများ သို့ မဲသွားထည့်ရန် မလိုချေ။ သပိတ်မှောက်သင့်ပေသည်။ အကယ်၍ ရွေးချယ်ရန်အခွင့်အလမ်းရှိပါလျက်နှင့် ၄င်းတို့ မဲသွားထည့်ကြပါက ၄င်းတို့ တံတွေးကို ၄င်းတို့ ပြန်မြိုကာ သွားကြခြင်းသာဖြစ်သည်။ သို့တည်းမဟုတ် နအဖ ရုဒ်မက် ကို ထောက်ခံလို၍သာ ဖြစ်ချေမည်။

ကျနော်တို့သည် ၁၉၉၀ခုနှစ်တွင် အမျိုးသားဒီမိုကရေစီ အဖွဲ့ချုပ်မှ ကိုယ်စားလှယ် အများစုအား ပြည်သူလူထုက ထောက်ခံမဲရွေးချယ်ပေးခဲ့ပြီးဖြစ်သည်။ ဖွဲ့စည်းပုံအခြေခံဥပဒေ ရွေးဆွဲရေးအတွက် ပြည်သူက ရွေးချယ်တင်မြှောက်သော ကိုယ်စားလှယ်များတွင်သာ တာဝန်ရှိသည်။ နအဖ က ခေါင်းခေါက်ရွေးချယ်ထားသော ပုတ်သင်တစုနှင့် ဖွဲ့စည်းပုံကို ရေးဆွဲသော အမျိုးသားညီလာခံသည် တရားမ၀င်။

ထို့ပြင် ဖွဲ့စည်းပုံအတွက် လူထုဆန္ဒခံယူပွဲဟူသည် လွတ်လပ်သော အခြေအနေတရပ်တွင် တရားဝင်သော အစိုးရတရပ်ကသာ ကျင်းပပေးနိုင်သည်။ ယခုသို့ စစ်အာဏာရှင်စနစ်အောက် မလွတ်လပ်သော အခြေအနေတခုတွင် လူထုက ရွေးချယ်ရသော ရွေးချယ်မှုသည် လွတ်လပ်သော မှန်ကန်သော ရွေးချယ်မှုမျိုးမဖြစ်နိုင်ချေ။ ပမာပုံပြရလျှင် လှောင်ချိုင့်ထဲက ငှက်ကို လှောင်ချိုင့်ထဲတွင် အတင်း တုတ်နှင့်ထိုးဆွ၍ ပျံခိုင်းခြင်းမျိုးသာဖြစ်သည်။ လွတ်လပ်စွာ ပျံသန်းရခြင်းမျိုး မဟုတ်သဖြင့် ဘယ်ကိုမှ ခရီးမပေါက်ရောက်နိုင်သကဲ့သို့ပင်။

ထို့ကြောင့် နအဖ သည် မည်သို့သော ယုတ်မာသော ပက်စက်သော နည်းမျိုးစုံကို သုံးကာ လူထုဆန္ဒခံယူပွဲကို ကျင်းပသည်ဖြစ်စေ..... ထိုလူထုဆန္ဒခံယူပွဲကို သပိတ်မှောက်ရန် တာဝန်မှာ ပြည်သူလူထုအားလုံးတွင်ရှိသည်။ ပြည်ပရောက် ဒီမိုကရေစီဘက်တော်သား များအနေဖြင့် သပိတ်မှောက်ပွဲဖြစ်မြောက်စေရန် လေလှိုင်းမှ တဆင့်လည်းကောင်း၊ သက်ဆိုင်ရာ နိုင်ငံအသီးသီးတွင် လူစုကာ သပိတ်မှောက်ပွဲများကို ကျယ်ကျယ်ပြန့်ပြန့် ပြုလုပ်သင့်ကြပေသည်။ သို့မှသာ ပြည်တွင်းရှိ လူထုသည်လည်း သပိတ်မှောက်ရန် အကြောင်းကို သိကြပေမည်။ သပိတ်မှောက်လိုသော သူသည် အတင်းအကြပ် မဲပေးစေလျှင်လည်း (အကယ်၍ မယုံနိုင်စရာကောင်းလောက်အောင်ပင် လျှို့ဝှက်စွာ ပေးခွင့်ရှိပါက) ကန့်ကွက်မဲကိုသာ ပေးမည်ဖြစ်ကြောင်း အထူးပြောဘွယ်မလိုချေ။ အကယ်၍ မဲပေးရာတွင် လျို့ဝှက်လုံခြုံမှုမရှိခြင်း၊ သို့မဟုတ် နအဖမှ မဲခိုးခြင်းကြောင့် အတည်ဖြစ်သွား လျှင်လည်း မဲမပေးမီ မဆွခင်ကပင် မိမိတို့အားအတင်းအကြပ် စေခိုင်းသဖြင့် သွားရောက်ရခြင်း ဖြစ်ကြောင်းကို မီဒီယာများတွင် ထုတ်ဖော်ပြောကြားခဲ့ပါက ထို နအဖ က ပြုလုပ်သော ဆန္ဒခံယူပွဲသည် တရားဝင်မဟုတ်ဘဲ အောက်လမ်းနည်းဖြင့် အတည်ဖြစ်အောင် လုပ်ထားကြောင်း ပိုမိုထင်ရှားကာ လူထု၏ မခံချင်စိတ်၊ နအဖ အား တော်လှန်လိုစိတ် ပိုမို မြင့်မားလာမည်ဖြစ်သည်။

ကျနော်တို့သည် နာဆာ (အမေရိကန် အမျိုးသား လေကြောင်းနှင့် အာကာသ ဦးစီး)မှ အာကာသယာဉ်များ လွှတ်တင်သော စနစ်ကို အတုယူသင့်ကြပေသည်။

အာကာသယာဉ်ပျံ (ဗွိုင်ယေဂျာ (၁) ၊ (၂) စသည်) တို့ကို နေစကြ၀ဠာအတွင်းရှိ ဂျူပီတာ၊ စေတန်၊ နက်ပ်ကျွန်း၊ ယူရေးနပ်စ် စသည့် အပြင်ဘက်မှ ဂြိုဟ်များဆီသို့ လွှတ်တင်လိုပါက ၄င်းဂြိုဟ်များဆီသို့ တိုက်ရိုက်ချိန်ရွယ်ကာ လွှတ်သည်မဟုတ်။ လောင်စာနှင့် အချိန်များစွာ ကုန်ကျနိုင်သည်။ ထို့ကြောင့် ခရီးတထောက်တွင် ရှိသော အင်္ဂါဂြိုဟ် စသည့် ဂြိုဟ်များနှင့် ဆုံနိုင်လောက်သော ဂြိုဟ်ပတ်လမ်းကြောင်းများသို့ ချိန်ရွယ်ပစ်လွှတ်ကာ ထိုဂြိုဟ်များထံမှ လောက်လွှဲအား (Gravitational sling shot) ကို ရယူရသည်။ အင်္ဂါဂြိုဟ်သည်လည်း ကမ္ဘာကဲ့သို့ပင် နေကို အရှိန်ပြင်းစွာနှင့် လှည့်ပတ်နေရာ ၄င်းအနီးသို့ ကပ်လာသော အာကာသယာဉ်ကို ၄င်း၏ဆွဲငင်အားဖြင့် ဆွဲယူကာ ၄င်း၏ အမြန်နှုန်းအတိုင်း အရှိန်တိုးမြှင့်ကာ လိုက်ပါ လှည့်ပတ်စေသည်။ အင်္ဂါဂြိုဟ်မှ တဖန်ပြန်လည် ထွက်ခွာခဲ့သည့်အချိန်တွင်လည်း အာကာသယာဉ်သည် ထိုအမြန်နှုန်းအတိုင်း ဆက်လက်၍ မိမိသွားလိုရာ ဂြိုဟ်သို့ လျှင်မြန်စွာ သွားနိုင်လေသည်။ ထိုအရှိန်သည် လောင်စာမကုန်ကျရဘဲ အလကားရရှိသည့် အရှိန်ဖြစ်သည်။

(ပို၍ သိသာထင်ရှားသော ဥပမာ တခုမှာ မော်တော်ဘုတ်နောက်တွင် လှေကို ကြိုးဖြင့်ချိတ်၍ အတန်ငယ်သွားမိပြီးနောက် လွှတ်လိုက်စဉ်တခဏတွင် ထိုလှေသည် မော်တော်ဘုတ်ဆွဲသော အရှိန်အတိုင်း ဆက်လက်၍ မြန်မြန်သွားသကဲ့သို့တည်း။ အာကာသအတွင်းတွင်မူ ကမ္ဘာပေါ်မှာကဲ့သို့ လေ၊ရေတို့၏ ခုခံမှုမျိုးမရှိ၍ တော်ရုံနှင့် အရှိန်မလျော့ဘဲ ၄င်း အမြန်နှုန်းအတိုင်း ဆက်လက်၍ ကြာမြင့်စွာ သွားလာနိုင်ပေသည်။)

ယခုလည်း ကျွန်ုပ်တို့သည် နအဖက ပြုလုပ်သော လူထုဆန္ဒခံယူပွဲကြီးအား လောက်လွှဲအရှိန်ကဲ့သို့ အသုံးပြုကြရမည်ဖြစ်သည်။ ပြည်သူလူထု၏ စစ်အာဏာရှင်စနစ်ကို ရွံမုန်းစိတ်၊ တော်လှန်လိုသောစိတ်၊ ဒီမိုကရေစီအတွက် တိုက်ပွဲဝင်လိုသော စိတ် စသည်တို့ကို အရှိန်အားကောင်းစွာ မြင့်တက်လာအောင် အသုံးချသင့်လေသည်။ ထိုသို့ အရှိန်မြှင့်ပေးရန်အတွက် ယခုကတည်းက ဤနအဖ ကြီးမှူးပြုလုပ်သော ဆန္ဒခံယူပွဲကို သပိတ်မှောက်ရန် နှိုးဆော်ကြခြင်းဖြင့် စတင်သင့်ပေသည်။

(မှတ်ချက်။ ။ လူတချို့သည် မိမိအမြင်ကို တင်ပြရာ၏ တာဝန်ယူစိတ်မရှိဘဲ တစုံတခု ကို အကာအကွယ် ယူကာ မရိုးမသား ပြောဆိုတတ်ကြ၏။ ဥပမာ ပေးရလျှင် တခါက ကိုဇာနည်နှင့် အခြား ကျောင်းသားခေါင်းဆောင်တယောက်၏ ဆွေးနွေးခန်းကို အမျိုးသမီး တယောက်က ပေးစာဖြင့် ဝေဖန်၏။ ဝေဖန်ခွင့်ရှိပါ၏။ သို့သော် သူမက စာထဲတွင် မိမိသည် သာမန် အိမ်ရှင်မ တဦးသာ ဖြစ်ကြောင်း ဆိုသည်နှင့် အစချီထား၏။ သူမသည် နှိမ့်ချလို၍ နှိမ့်ချထားခြင်းမဟုတ်။ မိမိအား ပြန်လည် မထိုးနှက် စေရန် ကြိုတင်အကာအကွယ် ယူထားသော အချက်ဖြစ်သည်။ လူတို့သည် မိမိပြောသော စကားကို မှားမှားမှန်မှန် တာဝန်ယူသင့်ပေသည်။ မီဒီယာပေါ်တွင် တက်ပြောပါက မိမိအား ပြန်လှန် ထိုးနှက်တိုက်ခိုက် ဝေဖန်သည်များကို မျှော်လင့်ထားရမည်သာဖြစ်သည်။

ကျနော်တို့သည် ဆန့်ကျင်ဘက် အမြင်များကို အစဉ်သဖြင့် နားလည်ပေးရန် မလိုအပ်ချေ။ ဤသို့သာ နားလည်ပေးနေရပါက အမေရိကန် သမ္မတလောင်းတို့သည် တဦး၏ပေါ်လစီကို တဦးက အပြန်အလှန် ထိုးနှက်နေစရာလိုမည်မထင်တော့ချေ။ ကျနော်တို့သည် မိမိတို့နှင့် မတူညီသော အမြင်ကို လိုအပ်ပါက ထိုးနှက်တိုက်ခိုက်တန်သင့်လျှင် ထိုးနှက်တိုက်ခိုက် ရပေမည်။ လူကို ပုဂ္ဂိုလ်ရေးရာ တိုက်ခိုက်ခြင်းမျိုးမဟုတ်ဘဲ ၄င်း၏ အယူအဆကိုသာ ဝေဖန်တိုက်ခိုက် ခြင်းဖြစ်ပါက ဖြစ်သင့်ဖြစ်ထိုက်သော ဝေဖန်မှုမျိုးဖြစ်သည်။

ဤအချက်ကို ဗမာများအကြားတွင် အဓိပ္ပါယ်ပေါက်လွဲနေဟန်ရှိသည်။ ကျနော်သည် မောင်ဖြူနှင့် အင်မတန် ရင်းနှီးသည်။ သို့သော် အင်တာနက်စာမျက်နှာပေါ်တွင် အများကြည့်ရန် ရေးထားသော မောင်ဖြူ၏ ပို့စ်တခုသည် ကျနော်နှင့် ဆန့်ကျင်ဘက် အမြင်ရှိသည်။ ကျနော်သည် ထိုအမြင်ကို ထိုးနှက်တိုက်ခိုက်ရေးသားရန်လိုအပ်ပါက ထိုးနှက်တိုက်ခိုက် ရေးသားမည်သာဖြစ်သည်။ ဤသည်မှာ မောင်ဖြူအား ပုဂ္ဂိုလ်ရေးအရ ကျနော်မုန်း၍ မဟုတ်။ မောင်ဖြူ၏ ပုဂ္ဂိုလ်ရေးသက်သက်ဖြစ်သော ရည်းစားစာမျိုး၊ သူ့ရည်းစားအကြောင်းမျိုး၊ သူ့အချစ်ဆုံးခွေးလေးအကြောင်းမျိုးကိုကား ကျနော် ဝေဖန်စရာ အကြောင်းမရှိ။ ခင်မင်သောအားဖြင့် ကျီစယ်ခြင်းသာ ပြုကောင်းပြုပေမည်။ အများနှင့်ပတ် သက်သော အယူအဆမျိုးကိုကား ဝေဖန်မည်ဖြစ်ပါသည်။

သို့သော် မြန်မာများအကြားတွင် ဖြစ်နေသည်က ထိုသို့ရေးသားလိုက်ပါက “မတူညီသော အမြင်များကို နားလည်ပေးနိုင်စွမ်းမရှိ” ဆိုသော အချက်ဖြင့် ကာချင်ကြသည်။ အမြင်စောင်း ချင်ကြသည်။

ယုတ္တိဗေဒနည်းအားဖြင့် စဉ်းစားကြည့်ကြစေချင်ပါသည်။ မတူညီသော အမြင်များကို အဘယ်သို့ အဘယ်ပုံ နားလည်ပေးကြကုန်ပါသနည်း။ သင်သည် အလုပ်လုပ်နေစဉ် လက်မအား၍ အသင်၏ နဖူးတွင် နားနေသည့် မှက်ကို သင့်သူငယ်ချင်းအား ယပ်တောင်ဖြင့် အသာအယာ ခြောက်ပေးစေလိုသည်။ သင့်သူငယ်ချင်းသည် မှက်ကို တူနဲ့ ထုကာ ခြောက်ပေးလိုသည်။ သင်သည် မတူညီသော သင့်သူငယ်ချင်း၏ အယူအဆကို ဘာမှမပြောဘဲ နားလည်ခံစားပေးပါမည်လော။

ဖြစ်သင့်သည်မှာ ဆန့်ကျင်ဘက် အမြင်များ၊ မတူညီသော အမြင်များရှိလာပြီဆိုလျှင် အများနှင့် သက်ဆိုင်သော ကိစ္စများဖြစ်ပါက အပြန်အလှန် အကြိတ်အနယ် ယှဉ်ပြိုင်ငြင်းခုန်ပြီး (Debate) လုပ်ပြီးမှ မဲခွဲဆုံးဖြတ်ကြခြင်းဖြစ်ပါသည်။ ထိုသို့ အပြန်အလှန် စစ်ထိုးနေစဉ်ကာလပတ်လုံး အဘယ်သူသည်မိမိ၏ ဆန့်ကျင်ဘက်အမြင်အား နားလည်ခံစားပေးအံ့နည်း။ တိုက်ခိုက် နှိပ်နယ် ပြောကြားကြမည်သာဖြစ်သည်။ အမေရိကန် သမ္မတလောင်းများ စကားစစ်ထိုးပုံ၊ ဘရစ်တစ်ရှ် ပါလီမာန်တွင် အတိုက်အခံနှင့် အာဏာရပါတီမှ ခေါင်းဆောင်များ စကားစစ် ထိုးပုံတို့ကို နမူနာယူကြပါလေ။ ဆန့်ကျင်ဘက်အမြင်များအား ဝေဖန်ခြင်းသည် ဒီမိုကရေစီ မဟုတ်ဟု အဘယ်သူပြောချင်ပါသနည်း။

နိဂုံးချုပ်အနေဖြင့် ကျနော့်အမြင်ကို ထပ်လောင်းပြောချင်သည်မှာ အင်တာနက်စာမျက်နှား၊ ရေဒီယို၊ သတင်းစာ၊ မဂ္ဂဇင်း စသည့် မီဒီယာများနှင့် လူကြားသူကြားထဲတွင် အများနှင့်ဆိုင်သော ကိစ္စကို မိမိဝင်ရောက်ပြောကြားလိုပါက မိမိစကားကို မိမိ တာဝန် ယူနိုင်မှသာပြောကြစေလိုပါသည်။ တချိန်လုံး ချီးမွမ်းစကားကိုသာ အလိုရှိ၍ ဝေဖန်ရေးကို နားဆင်ရန် သတ္တိမရှိသူများ အထူးသတိထားကြပါ။ ထိုသို့မဟုတ်ဘဲ အဝေဖန်ခံ ရမည်ကြောက်၍ “ကျမက သာမန် အိမ်ရှင်မပါ” ဟူ၍လည်းကောင်း၊ “ကျနော်က သာမန်ပြည်သူတဦးပါ” ဟူ၍လည်းကောင်း စကားခံ၍ ပြောသည်မှာ အမှန်တကယ် နှိမ့်ချရိုကျိုးသော စိတ်ဓါတ်ရှိ၍ မဟုတ်မူဘဲ ထိုသူ၏ သူရဲဘောကြောင်ခြင်းကို လူပုံအလည်တွင် သူ့ဘာသာ ကြေညာနေခြင်းသာဟု မှတ်ယူရပေမည်။ ကျနော်တို့ အများစုသည် မည်သူမှ အလုံးစုံ ပြီးပြည့်စုံသော လူများမဟုတ်ကြ။ လူမှန်လျှင် တခါမဟုတ် တခါတော့ မှားမည်သာဖြစ်ချေသည်။ မမှားသောသူဟူ၍ အဘယ်မှာ ရှိအံ့နည်း။ အမှားကို ဇွတ်အတင်းကာချင်သောကြောင့်သာ မဖြစ်သင့်သည်များ ဖြစ်ရချေသည်။ လူတို့တွင် ညံ့ခြင်း တော်ခြင်းများမှာ ပါရမီရှိဘို့နှင့် ကြိုးစားမှု ၀ီရိယတို့ကြောင့် ကွာခြားနိုင်သော်လည်း ရိုးသားခြင်းမှာမူ မည်သူမဆို ထားဘို့ တတ်နိုင်သောအရာတခုဖြစ်သလို ထားရန် အခက်ဆုံးကိစ္စတရပ်လည်း ဖြစ်နေဟန်တူသည်။)

4 comments:

မြန်မာပြည်သားတဦး said...

Let me share what I think...
ကျွန်တော်တို့ဒီနှစ်လအတွင်း Referendum ကိုသပိတ်မှောက်ဖို့ညီတူညာတူကြိုးစားကြမယ်ဆိုရင်...

၁။ နအဖဟာ ဒီReferendum ကိုနောက်ဆုံးမှာကျင်းပသွားရအုန်းတော့ ချောမွေ့ကောင်းမွန်စွာနဲ့ကျင်းပခွင့်ရသွားမှာမဟုတ်ဘူး။နိုင်ငံသားတွေရဲ့ သပိတ်မှောက်တယ်..လက်မခံနိုင်ဘူးလို့ ဘဝဂ်ညံအောင်ဆန့်ကျင်သံတွေကြားထဲမှာ ထုံစံအတိုင်းမျက်နှာပြောင်တိုက်အရှက်မဲ့စွာနဲ့သာကျင်းပသွားရလိမ့်မယ်။

၂။ ပြည်တွင်းကပြည်သူတွေ နောက်ဆုံးတချိန်မှာ မဲသွားပေးရအုန်းတော့ ဒီမဲတွေဟာ မတရားforceလုပ်လို့ ၊အခြေအနေအရ မလွန်ဆန်နိုင်လို့သွားထည့်ရတဲ့မဲတွေဆိုတာပိုမိုပေါ်လွင်လာမယ်။သပိတ်မှောက်ဖို့ကျယ်ကျယ်လောင်လောင်ဆန္ဒရှိတဲ့ပြည်သူဟာဘယ်နည်းနဲ့မှ ထောက်ခံမဲပေးလိမ့်မှာမဟုတ်ဘူးဆိုတာ ကမ္ဘာက ယုံမှားသံသယဖြစ်စရာမရှိတော့ဘူး။

၃။ ဘယ်လောက်ဘဲ No No... နအဖလက်ထဲမှာYes ဖြစ်သွားမယ့် ဒီမဲတွေဟာ စောစောက သပိတ်မှောက်ဖို့ အပြင်းအထန်ကြိုးစားခဲ့တဲ့အတွက် လိမ်မဲတွေဘဝကို အလိုအလျောက် ရောက်သွား ပြီး result ဟာ Legitimate မဖြစ်ဘူးလို့ ထောက်ပြဖို့ အခွင့်အရေးရသွားမယ်။

၎။ရွေးချယ်ပိုင်ခွင့်ရှိတဲ့ပြည်ပကလူတွေအနေနဲ့ကတော့ လုံးဝကိုမဲသွားမပေးဘဲ ကိုယ်ရောက်နေတဲ့နိုင်ငံတွေမှာပြတ်ပြတ်သားသားသပိတ်မှောက်သင့်တယ်။သပိတ်မှာက်ပွဲတွေကိုလည်း မီဒီယာတွေအကူအညီ နဲ့ပိုပြီးကျယ်ပြန့်အောင်လုပ်သင့်တယ်။

၅။ သန်းငါးဆယ်ရှိတဲ့ပြည်သူတွေမှာ နအဖ စစ်တပ်နဲ့ ကြံ့ဖွံ့ပေါင်းရင် ဆယ်သန်းဆိုပါတော့။ ကျန်ပြည်သူတွေသပိတ်မှောက်လို့ ထောက်ခံမဲဆယ်သန်းရသည်ဟုကြေငြာသည်ဘဲထားအုန်း။ ပြည်သူလူထုအားလုံးရဲ့ ဒီလောက် % ဘဲပါဝင်မှူရှိတဲ့ Referendum ဟာဘယ်လိုမှ Legitimate မဖြစ်ဘူးဆိုတာကိုစွဲကိုင်ပြီး အာဏာရှင်စနစ်ကျဆုံးသွားသည်အထိဆက်လက်တိုက်ပွဲဝင်သွားကြရမယ်။

Maung Tin Yu said...

စကားလည်းပြောကြပေါ့ဗျာ၊ကိုယ်လုပ်ခဲ့ကြသောအလုပ်တွေကဘာမှတာဝန်ခံယူခြင်း၊ခံရဲခြင်းမရှိဘဲ ပြီးပြီးရောဆိုပြီတော့မပြောနဲ့ဗျာ၊
ခင်ဗျားတို့ ၁၉၉၀ရွေးကောက်ပွဲကြီးကိုလည်းရှုးသလိုပေါ်သလိုပြောပြီးလုပ်ရင်၊အခုခင်ဗျားတို့ ပြောတာတွေအားလုံးဟာလည်းရှုးသလိုပေါ်သလိုတွေအဖြစ်ကို
နောင်လာနောင်သားတွေကိုဆိုးမွေအဖြစ်ပေးပြီးတော့ သံသရာကြီးကိုလည်ပေးနေအုံးမှာကတော့အသေအချာဖြစ်နေပါသည်။
ဒီတော့ရိုင်းရိုင်းပြောရရင် ခင်ဗျားတို့ ကိုခင်ဗျားတို့ သတ်သေရင်သေ၊မသေရင်ရဲလို့ ဆိတ်လစေ့လိုလုပ်ကာ နောက်ဆုံးခွေးသားဝက်မြေးဘ၀လုပ်ရင်တော့
ပြည်သူတွေအပြီးရက်စက်ခြင်း၊ရှင်းလင်းခြင်းကိုမလွဲမသေခံရမယ်ဆိုတာကိုအရင်ဆုံးပြောထားပါသည်.

Ka Daung Nyin Thar said...

Well, you seems to have misunderstood the mood of people inside Burma. Maybe you don't contact with your friends inside Burma often.

Well, Do you understand the risk of not voting to the station? You can embrace the people not to vote. But you are not the one inside Burma. So you won't suffer the consequences.

Instead, if you go there and vote 'No', you already show your rejection to the constitution. You have gone there and said NO. Do you think by just going to polling station means to support the constitution? Think twice please.

Do you know the current sentiments of the people inside Burma now? They are wanting for an end. They don't care NLD or whatsoever. But they do admire Aunty Su. Do you want to have another golden revolution which hundreds of monks and thousands of people arrested again? Do you really think the regime will let go and step down like Nay Win did before if there is mass demonstration? I don't think so you know. You can't time the mass movement. and the current movement inside Burma is scattered for the time being. I believe in people's power but I don't believe that the regime beleive in people's power and submit to it.

I won't say like you say "Are you coward?" I won't refer back to you because I don't want to have sharp tougue to disgrace myself. But will voting no become coward and boycotting become a hero? Think twice please.

The political forces inside and outside must make this time tactfully. See how Thailand and Pakistan transition from Military rule to civilian rule? Well, you can say those military leaders are more civilized. But the people and politicians did this tactfully and get the power back.

By the time, the outside oppositions have reached to agreement to vote no. Well, your idea become vanished since it is not practical. By the way, the outside oppositions will push for UN to have a watchdog on Burma referendum voting. We must have someone to watch over the voting process in order for the regime not to cheat.

Oh.. Last words. Do we miss all our arrows before battle? No. But The first battle is over. We will have few more battles. Do you have enough arrows? Hmm.. A few options. But Pushing people to vote No is not "missing shots before battle". It is actually we are shooting "NO" votes in the coming battle against regime.

Just a gentle reminder. I don't know about you. Many of the people are just citizens where they will do in their extent to show dislike to junta. Don't expect people to be selfless. You yourself will have self. If you are well prepared for the coming battles, please lead us. We will follow within our extents if your ideas are thoughtful and consistent with the people.

Note :

Hope I don't bring animosity and break down our respects between each other.

burmesegoldbull said...

hey i agree with u on wat u wrote under မှတ်ချက. so i can have some debate with u.. :D

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs