“တညချမ်းဝယ်”

မေလ ၁၇ ရက်။ စနေနေ့ညနေ။

ကျနော်တို့ လေးယောက် စီးနင်းလိုက်ပါလာသော တက္ကစီကား စိန့်မာတင်ဒရိုက်ဗ်လမ်းထဲကို ချိုးဝင်လိုက်တော့ ညနေ ၇ နာရီထိုးဘို့ ဆယ်မိနစ်ခန့်ဘဲ လိုတော့တယ်။ ကားဝင်လာတာမြင်တော့ အရပ်ဝတ်နဲ့ ရဲသုံးယောက်က လမ်းထိပ်ကနေ လက်ပြပြီး လှမ်းတားတယ်။

“မရပ်နဲ့။ မရပ်နဲ့”

ကျနော်တို့ လေးယောက်စလုံး တပြိုင်တည်းလိုလို အော်လိုက်ကြတယ်။ ကျနော်က ရှေ့ခန်းမှာ ထိုင်လျက်။ မဒမ်ပေါ၊ မျိုးမြင့်မောင်နဲ့ အခြား မြန်မာတယောက်က တက္ကစီနောက်ထိုင်ခုံမှာ။ ကျနော်တို့အားလုံးလက်ထဲမှာ ပန်းတွေ ကိုယ်စီကိုင်ထားကြတယ်။

ဒါပေမယ့် တက္ကစီသမားက ကားကို လမ်းဘေးကို ဆွဲချပြီး ညင်ညင်သာသာ ထိုးရပ်ပေးလိုက်တော့ ကျနော်တို့ တော်တော် စိတ်ပိန်သွားတယ်။

“အင်း.....ဒီပုံနဲ့တော့ ကျော်လွှားရမယ့်အရာတွေက များသေးတယ်” လို့ တွေးရင်း ကျနော်သက်ပြင်းတချက်ကို ပင့်ရှိုက်လိုက်မိတယ်။ တချိန်တည်းမှာဘဲ စင်္ကာပူမှာ ရဲတွေ ဘယ်လောက်အထိ ကြီးစိုးလွှမ်းမိုးနေတယ်၊ သာမန်အရပ်သားတွေအနေနဲ့ ဘယ်လောက်အထိ ဦးကျိုးနေတယ်ဆိုတာကိုပါ သိသိသာသာကြီး ခံစားလိုက်မိတယ်။ ကမ္ဘာပေါ်က တခြားဘယ်နိုင်ငံမှာမဆို ခရီးသည်တင်ဆောင်လာတဲ့ တက္ကစီကို အရပ်ဝတ်ရဲက လှမ်းတားရင် ခရီးသည်ဆန္ဒနဲ့ ဆန့်ကျင်ပြီး ဘယ်တက္ကစီသမားမှ လွယ်လွယ်ကူကူ ရပ်လိမ့်မယ် မဟုတ်။ ဒါပေမယ့် ဒါက စင်္ကာပူလေ။

ရဲသုံးယောက်အနက် တယောက်က သူ့ ရဲတံဆိပ်ကဒ်ပြားကို ပြရင်း.....“ခင်ဗျားတို့က ဒီ လမ်းထဲမှာ နေတဲ့လူတွေလား” တဲ့။ ကြည့်ဦး....မေးပုံက။ လူဆိုး။

ကျနော် ကျိတ်ပြီး ရီချင်သွားတယ်။ ကြံကြံဖန်ဖန်ကွယ်။ အပေါစား စပို့ရှပ်ကလေးဝတ်ပြီး အငှားကားစီးဝင်လာတဲ့သူကိုမှ ဒီလူချမ်းသာရပ်ကွက်မှာ နေတဲ့လူလားလို့ မေးရက်ပလေတယ်။ ဒါပေမယ့် ပါးစပ်ကတော့ “မဟုတ်ပါဘူး” လို့ဘဲ ခပ်တိုတို ပြန်ဖြေလိုက်တယ်။

ရဲ။..........။ “ဒါဆို ဘယ်သွားမလို့လဲ ခင်ဗျ”

ကျနော်။...........။ “မြန်မာသံရုံးကို”

ရဲ။...........။ “၀မ်းနည်းပါတယ်ဗျာ။ မြန်မာသံရုံးကို ဒီအချိန်ပိတ်ပါတယ်။ သွားလို့မရပါဘူး။”

အဲဒီတဒင်္ဂမှာတော့ ကျနော်ဟာ မြန်မာလူမျိုးဖြစ်ရတာကို အတော်လေးဂုဏ်ယူသွားမိတယ်။ ဟုတ်တယ်လေ။ မြန်မာသံရုံးဟာ ကျနော်တို့ မြန်မာနိုင်ငံသားတွေကို အရေးတယူနဲ့ သံရုံးဖွင့်ချိန်ပိတ်ချိန်ကို စင်္ကာပူရဲကတဆင့် ပါးစပ်ငှားပြီး ထိရောက်စွာအကြောင်းကြား ပေးနေနိုင်တာကိုး။ ဟာ...နေဦး။ မဟုတ်သေးဘူး။ ဧကန္တ၊ အရပ်ဝတ်နဲ့ ဒီငနဲသားက ငါ့ရဲ့ စဉ်းစားဆင်ခြင်နိုင်စွမ်းကို လျှော့တွက်တာဘဲဖြစ်ရမယ်။ ဟင်းဟင်း လူကိုများ ငတုံး အောက်မေ့နေလားမသိဘူး။ ဟေ့...ဒီမယ် မြန်မာသံရုံးဆိုတာ စနေနေ့ ဘယ်တော့မှ မဖွင့်ဘူးဆိုတာ မြန်မာတိုင်းသိတယ်ကွယ့်။ ဘာမှတ်နေလဲ...ဟင်း...ဟင်း။ (စိတ်ထဲမှာ ပြောလိုက်တာပါ။) ပါးစပ်ကတော့.....

“မပူပါနဲ့ဗျာ။ ကျုပ်တို့ကလည်း သံရုံးထဲ ၀င်မှာမဟုတ်ပါဘူး။ နာဂစ်ဆိုင်ကလုန်း တိုက်ခတ်လို့ သေဆုံးသွားတဲ့ ကျုပ်တို့ မြန်မာလူမျိုးတွေအတွက် သံရုံးရှေ့မှာဘဲ ခဏတဖြုတ် ပူဆွေးဝမ်းနည်းမလို့ပါ”

ရဲ။.............။ “အဲဒီကို သွားလို့မရပါဘူးခင်ဗျာ။ ခင်ဗျားတို့အနေနဲ့ ဒီနေရာကနေ အမြန်ဆုံး ထွက်ခွာသွားဘို့ အကြံပေးလိုပါတယ်။”

ဗုဒ္ဓေါ..... သွားလို့မရဘူးဆိုပါလား။ ဘုရား... ဘုရား... စိန့်မာတင်ဒရိုက်လမ်းထဲမှာပါ နာဂစ်မုန်တိုင်းတိုက်ခတ်သွားလေရော့သလားမသိ။ သွားပြီ... ငါတို့ ချွေးနှဲစာထဲကနေ ခြစ်ခြုတ်ပြီး သံရုံးမှာ ပေးဆောင်ချင်လွန်းလို့ ရှိခိုးဦးတင် အောက်ကျို့ပြီး လျှောက်လွှာရေး၊ ကြည်ဖြူစွာ ပေးဆောင်ထားတဲ့ အခွန်တွေတော့ လေပြင်းထဲမှာ ပေါက်မိတဲ့ အီးတလုံး လို သဲလွန်စမကျန်ဘဲ ပျောက်ဆုံးသွားရော့မယ်လို့... ကျနော် ရုတ်ချည်းပူပန်သွားတယ်။

အဲ..အဲ တော်ပေသေးရဲ့။ ကျနော့်ရဲ့ အစိုးရိမ်လွန်မှုကို ချေဖျက်ပေးမယ့် တန်လင်းရဲဌာနချုပ်မှ မိတ်ဆွေဟောင်းကြီး ဆစ်ခ်လူမျိုး ထောက်လှမ်းရေးအကြီးအကဲ မစ္စတာ ဒိဆင်း မြင်ကွင်းထဲကို အချိန်မီ ၀င်ရောက် လာတယ်။ ထုံးစံအတိုင်း အကြိမ်တရာမက ကြားဘူးနေကျ စကားရပ်တွေ သူ့ပါးစပ်က တတွတ်တွတ် ထွက်ကျလာတယ်။ အမယ်မင်း... နားဆင်းရဲလိုက် တာကွယ်။

ဒိဆင်း။.............။ “ရဲပါမစ်မပါဘဲ တရားမ၀င် လူစုလူဝေးလုပ်လို့မရဘူး။ ခင်ဗျားတို့ ဒီနေရာက အမြန်ဆုံးထွက်ခွာသွားဘို့ အကြံပေးချင်တယ်။”

ကျနော်။............။ “နေပါဦးဗျာ။ ဒီတက္ကစီထဲမှာ ကားဆရာကို ဖယ်လိုက်ရင် လူလေးယောက်ဘဲကျန်တော့တာ။ ဘယ်လိုလုပ် တရားမ၀င် လူစုလူဝေးလို့ သတ်မှတ်ရသလဲ။ (သူ့နိုင်ငံဥပဒေအရက လူငါးယောက်ထက် ပိုမစုရလေ။)”

ဆရာသမားက ကျနော့်အမေးကို မဖြေဘူး။ ဘာပြောလဲဆိုတော့...“ခင်ဗျားတို့မှာ ရည်ရွယ်ချက်တစုံတရာနဲ့ စုဝေးတာဖြစ်နေသရွေ့.....”

“ဘုရားရေ။ ဘာရည်ရွယ်ချက်ကို ပြောနေတာလဲ။ ကျုပ်တို့ ရည်ရွယ်ချက်က မုန်တိုင်းဘေးကြောင့် သေဆုံးသွားတဲ့ ကျုပ်တို့ နိုင်ငံသားတွေအတွက် ၀မ်းနည်းကြေကွဲ ဆုတောင်းဘို့ ဟာဘဲ..ကို”

အဲဒီမှာ ဉာဏ်ကြီးရှင်က ကျနော်တို့ကို အခုလို အကြံပေးသဗျ။ ဆုတောင်းဘို့ဆိုရင် ဘုန်းကြီးကျောင်းကို သွားပြီး ဆုတောင်းပါတဲ့။ ဒီနေရာက ဆုတောင်းတဲ့နေရာ မဟုတ်ဘူးတဲ့။

ဒီနေရာမှာ သတိပြုရမှာက အခုအချိန်အထိ သူပြောသမျှဟာ အကြံပေးတာ၊ အကြံပြုတာတွေချည်းဘဲ။ ရဲက ပြင်းထန်စွာ သတိပေးတယ် ဆိုတာမျိုးမဟုတ်ဘူး။ ဒီတော့ကာ အကြံပေးတာဘဲ... ဘာကြောင့် ဒီလောက် အကြာကြီး အချိန်ဆွဲပြီး ထပ်ကာထပ်ကာ ပေးနေရသလဲ။ ကျနော်တို့ကို ဘာကြောင့် သွားခွင့်မပြုသေးသလဲ။ သူ့အကြံပေးချက်တွေ အတွက်တော့ ကျနော်တို့ အသိအမှတ်ပြုပါတယ်။ အလကားရတဲ့ အကြံပေးချက်တွေ မဟုတ်လား။ ဒါပေမယ့် အကြံပေးတယ်ဆိုပြီးတော့ အတင်းလက်ခံခိုင်းနေ၊ ကျနော်တို့ကို တားဆီးနေတာကတော့ လက်ခံနိုင်ဘွယ်ရာ အလျဉ်းမရှိဘူး။ တမင်သက်သက် ဗိုလ်ကျနေတာဘဲ။

နောက်ခန်းမှာ ထိုင်လိုက်လာတဲ့ မျိုးမြင့်မောင်က ၀င်ပြောတယ်။ စင်္ကာပူမှာ မြန်မာလူမျိုးတွေ အနေနဲ့ ကိုယ့်မြေကိုယ့်ရေ၊ ကိုယ့်နိုင်ငံကို ကိုယ်စားပြုခံစားနိုင်တဲ့ (one piece of land where we have the highest sense of belonging) နေရာက တခုဘဲ ရှိတယ်။ အဲဒါဟာ မြန်မာသံရုံးဘဲတဲ့။ အမှန်ကတော့ သဘောကို ပြောပြတာပါ။ တကယ်ကတော့ မြန်မာသံရုံး ဆို ကြောက်လွန်းလို့။ တခေါက်တခေါက် ပတ်သက်ရတိုင်း အိတ်ထဲက ပိုက်ဆံထွက်လွန် လွန်းလို့ပါ...အရပ်ကတို့ရေ။

နောက်ဆုံးတော့ မစ္စတာဆင်းဟာ ထုံးစံအတိုင်း ကျနော်တို့ရဲ့ ကိုယ်ရေးအချက်အလက် တွေကို တောင်းပါတော့တယ်။ အမှန်တော့ ကျနော်၊ မဒမ်ပေါနဲ့ မျိုးမြင့်မောင်ရဲ့ ကိုယ်ရေးအချက်အလက်တွေကို အရင့်အရင်က နှစ်ကြိမ်မက သူတို့ကို ပေးခဲ့ပြီးသား။ ဒါကို သက်သက်မဲ့ ညစ်တွန်းတွန်းပြီး ထပ်တောင်းနေတာ။ ကျနော်တို့က ဘာဖြစ်လို့ ထပ်ပေးရမှာလဲဆိုပြီး အဲသည်မှာ အချိန်တော်တော်ကြာကြာ အချေအတင်ပြောရသေးတယ်။

ပြီးတော့ ရုတ်တရက်ဆိုသလို ကိုယ်ချင်းစာတရားကြီးမားလေသူ မစ္စတာဆင်းက ဟောဒီ မှတ်သားလောက်ဘွယ်စကားကို မိန့်မြွက်ပါတယ်။

“အလကား အချိန်မဖြုန်းပါနဲ့ကွာ။ မင်းတို့လုပ်တာနဲ့ တက္ကစီသမားမှာလည်း ငွေရှာဘို့အချိန်တွေ အလဟဿ ပြုန်တီးကုန်ပြီ” တဲ့။

သေဟဲ့ နန္ဒိယ။ နားရှိလို့သာ ကြားလိုက်ရတယ်။ ကိုယ့်နားကိုယ်တောင် မယုံနိုင်။ ဘယ့်နှယ့်ဗျာ၊ ကျနော်တို့ စကားပြောနေစဉ်တလျှောက်လုံး တက္ကစီမီတာက စင်္ကာပူက ကုန်ဈေးနှုန်းလိုဘဲ တရိပ်ရိပ် ထိုးတက်နေတာခင်ဗျ။ အခုလို စောင့်ဆိုင်းရတဲ့အတွက် သူရသင့် ရထိုက်တဲ့ အခကြေးငွေကို မီတာတက်သလောက် တက္ကစီသမားမုချရမှာဘဲ။ တကယ်တမ်း အဲဒီငွေကို စိုက်ထုတ်ပေးရမှာကတော့ ကျနော့်အိတ်ကပ်ထဲက။ ကိုယ့်လူ....သနားတာ လူမှားနေပြီ။ နောက်ပြီး ကျနော် ကျိန်ပြောဝံ့တာတခုက အခုလို ကြန့်ကြာနေရတာ ကျနော်တို့ကြောင့်မဟုတ်။ တကယ်ဆို ကျနော်တို့က ခရီးသည်ဘဲ။ ကိုယ်သွားချင်တဲ့နေရာ အမြန်ဆုံးရောက်ချင်တာပေါ့၊ မဟုတ်ဘူးလား။

ကျနော်တို့ ကိုယ်ရေးအချက်အလက်တွေ မပေးရင် လုံးလုံး ပေးဝင်မယ့်ပုံမပေါ်တာနဲ့ နောက်ဆုံးတော့ သူတို့ကို အိုင်စီကဒ်ပြပြီး မြန်မာသံရုံးရှေ့ကို ရောက်ခဲ့ရပါတော့တယ်။ အဲသည်မှာ ကျနော်တို့အရင် ရောက်နေတဲ့ မြန်မာလင်မယားစုံတွဲတတွဲကို သွားတွေ့တယ်။ သူတို့အနေနဲ့တော့ အိုင်စီကဒ် ပြစရာမလိုဘူးတဲ့။ ဘာကြောင့် ဥပဒေကို တပြေးညီတည်း သတ်မှတ်မကျင့်သုံးသလဲတော့ စဉ်းစားစရာဘဲ။ (အေးလေ...ငါတို့ကို ရဲက ပိုချစ်လို့ဘဲ ဖြစ်မှာပါဆိုပြီး စိတ်ဖြေလိုက်ပါတယ်။)

နောက်တော့ ကျနော်တို့လိုဘဲ လာရောက်ဆုတောင်းမယ့် မြန်မာလူမျိုးငါးဆယ်ခန့် လမ်းထိပ်မှာ စတင်စုဝေးလာတာကို တွေ့ရတယ်။ ပထမတော့ ရဲတွေက လူစုခွဲပြန်ကြဘို့ တဦးချင်းလိုက်လံ စည်းရုံးရင်း ဗျာများနေတာကို တွေ့ရတယ်။ သူတို့စကားနဲ့ဆိုရင် ဒီနေရာကနေ အမြန်ဆုံး ထွက်ခွာသွားဘို့ အကြံပေးတယ်ပေါ့ဗျာ။ အဲဒါကို မြန်မာတွေက မပြန်ဘဲ ပေကပ်ပြီး စုဝေးနေကြတော့ နောက်တဆင့်တက်ပြီး အိုင်စီကဒ်တွေ ထုတ်ပြခိုင်းတဲ့ နည်းကို သုံးတယ်။ တဖြည်းဖြည်းနဲ့ လူအုပ်က ဆက်လက်ကြီးထွားလာပြီး လူတရာလောက် အင်အားရှိလာတဲ့အခါ နောက်ဆုံးမတော့ ရဲက လူတွေကို လေးယောက်တတွဲနဲ့ သံရုံးရှေ့မှာ ဆုတောင်းခွင့်ပေးလိုက်ရတော့တယ်။


တသုတ်ကို ငါးမိနစ်နှုန်းနဲ့ သံရုံးတခါးဝနားမှာ ပန်းတွေချ၊ ဖယောင်းတိုင်တွေထွန်းပြီး ၀မ်းနည်းကြေကွဲစွာ ဆုတောင်းကြတယ်။ အမျှဝေကြတယ်။ ဆုတောင်းကြတဲ့အထဲမှာ နအဖ ကြီး အမြန်ဆုံးပြုတ်ကျပါစေ ဆိုတာလည်း ပါတယ်။ ဒါပေမယ့် ဒါတွေအားလုံးဟာ ရဲနဲ့ အကြိမ်ကြိမ် အထပ်ထပ် ဆွေးနွေးငြင်းခုန်ပြီးမှ ရလာတဲ့ အခွင့်အရေးပါ။

နောက်ဆုံးအချိန်ကျတော့ ရဲက ကျနော်တို့ကို လာပြောပါတယ်။ စောစောက စိတ်အနှောက်အယှက်ဖြစ်စေခဲ့တဲ့အတွက် အာဃာတ မထားဘို့၊ သူတို့တဦးချင်းအနေနဲ့ တောင်းပန်ကြောင်းပြောပါတယ်။ ကျနော်တို့ကလည်း ခွင့်လွှတ်ပါတယ်။ သူတို့ဟာ သူတို့ကို ပေးအပ်လာတဲ့ တာဝန်ကို ထမ်းဆောင်ခြင်းမျှသာဖြစ်ကြောင်း ကျနော်တို့ ကောင်းကောင်း သဘောပေါက်ပါတယ်။ သူတို့လည်း လူသားတွေပီပီ ကြင်နာတတ်တဲ့ နှလုံးသားတွေ ရှိမယ်ဆိုတာ ကျနော်တို့ အသေအချာ ယုံကြည်ပြီးသားပါ။

ဒါပေမယ့် ရွှေဝါရောင်တော်လှန်ရေးအပြီးမှာ မြန်မာ့အရေးအတွက် အနောက်တိုင်းသူတွေ ပါမစ်မပါဘဲ စုဝေးခဲ့တုန်းက စင်္ကာပူရဲက နှုတ်ဆိတ်နေခဲ့ပါတယ်။ ဥပဒေကို ကျင့်သုံးတဲ့နေ ရာမှာ လူမျိုးမရွေး၊ ဘာသာမရွေး၊ နိုင်ငံသားမရွေး အားလုံးကို တန်းတူညီမျှ ကျင့်သုံးရမှာဖြစ်ပါတယ်။ တစုတဖွဲ့ကို ရွေးချယ်ပစ်မှတ်ထားပြီး အပြစ်မရှာသင့်ပါဘူး။ နောက်ပြီးတော့ ဥပဒေကို တရားမျှတစွာ မှန်ကန်စွာ လက်တွေ့ကျင့်သုံးတာမျိုးလည်း ဖြစ်သင့်ပါတယ်။

အရေးအကြီးဆုံးအချက်ကတော့ တချို့သော ဥပဒေတွေဟာ တရားမျှတမှုလုံးလုံးမရှိဘဲ၊ လူထုကို ဖိနှိပ်ဖို့သက်သက် အုပ်ချုပ်သူများက ရေးဆွဲထားတဲ့ ဥပဒေတွေ ဖြစ်နေတတ်ပါတယ်။ အဲသည်လို ချုပ်ချယ်တဲ့ ဥပဒေနှင့် တွေ့ကြုံလာရင် မိမိတို့ လူ့ကျင့်ဝတ်ဆိုင်ရာ စံချိန်စံညွှန်း၊ လူ့သိက္ခာကို ဦးစားပေး၊ တန်ဘိုးထားပြီး မတရားတဲ့ ဥပဒေများကို ချိုးဖောက်တန်သင့်ရင် ချိုးဖောက်ရပါမယ်။ ရိုစာပါ့ခ်၊ မာတင်လူသာကင်း၊ မဟတ္တမဂန္ဒီ နဲ့ ဒေါ်အောင်ဆန်းစုကြည်စတဲ့ အာဇာနည်ခေါင်းဆောင်ကြီးများဟာ မတရားတဲ့ ဥပဒေမှန်သမျှကို သတ္တိရှိရှိနဲ့ ဖီဆန်ခဲ့ကြပါ တယ်။

စင်္ကာပူနိုင်ငံမှာလည်း ယခုထက် ပိုမိုခေတ်မီပွင့်လင်းပြီး နိုင်ငံအတွင်း မှီတင်း နေထိုင်သူတဦးချင်းရဲ့ အသက်ရှင်ပိုင်ခွင့်၊ လွတ်လပ်ခွင့်နဲ့ ကိုယ့်ကြမ္မာကိုယ်ဖန်တီးပိုင်ခွင့်တို့ကို ပိုမိုအလေးထားတဲ့ လူ့အဖွဲ့အစည်းတရပ် ပေါ်ပေါက်လာစေကြောင်း ဆန္ဒပြုလိုက်ပါတယ်။
Read more

“ဘယ်သူသေသေ ငရွှေ မာရင်ပြီးရော”

ဒီနေ့အဖို့ အိမ်ကမထွက်ခင် ကာတွန်းလေးတပုံ ဆွဲပြီး တင်ခဲ့လိုက်ပါတယ်။
နိုင်ငံတကာ ကယ်ဆယ်ရေးအဖွဲ့တွေ မြန်မာပြည်တွင်းကို အလျှင်အမြန် ပေးမ၀င်ရကောင်းလားဆိုပြီး အားမလိုအားမရဖြစ်နေသူများအတွက် အများအချစ်တော် “နအဖ”က ပြန်လှန်မေးခွန်းတခု ထုတ်လိုက်ကြောင်း သိရပါတယ်။ အဲဒီမေးခွန်းကတော့....

“လူသားချင်း စာနာတယ် ဆိုတာ ဘာလဲဟင်...၊ တို့များ နားလည်ဝူး....” တဲ့။

Read more

“ဖြူစင်သောအလှုငွေ၊ မွန်မြတ်သောစိတ်ထားနှင့် နာရေးကူညီမှုအသင်းကြီး”

ရေးသူ------------------> ဂျေမိုး၊ မေလ ၁၆ရက် ၂၀၀၈။
စင်္ကာပူနိုင်ငံရှိ လမ်းပြကြယ်စာကြည့်တိုက်မှ မြန်မာလေဘေးဒုက္ခသည်များအတွက် အလှုငွေ ၄၁၅ သိန်းနှင့် ကုန်ပစ္စည်း ၆တန်ကို နာရေးကူညီမှုအသင်းကြီး မှတဆင့်လှုဒါန်းခဲ့ပြီး ကုန်ကစ္စည်းလက်ကျန် (၇) တန်ကို လေယာဉ်ခရီးစဉ်ဖြင့် ဆက်လက်ပို့ဆောင်မည်ဟု သိရသည်။

ပြည်ပရောက် မျိုးချစ်မြန်မာများ အဖွဲ့မှလည်း ယနေ့ထိ ကောက်ခံရရှိငွေ ဒေါ်လာ တစ်သိန်းနှစ်သောင်းကျော် လက်ခံရရှိပြီး ခြောင်သောင်းကျော်ကို မြန်မာပြည်ရှိ လေဘေးဒုက္ခသည်များအား လှုဒါန်းပြီးဖြစ်သည်။ နာရေးကူညီမှုအသင်းကြီးတွင်လည်း ဒေါ်လာတစ်သောင်းကျော်တန်ဘိုးရှိ ဆန်အိတ် ငါးရာ လှုဒါန်းခဲ့သည်။ အလှုငွေကောက်ခံသောလုပ်ငန်းကို လာမည့် မေလ(၁၉)ရက်နေ့အထိ နောက်ဆုံးထားကောက်ခံမည်ဖြစ်ပြီး ကျန်ရှိနေသော အလှုငွေများကို ကယ်ဆယ်ရေးအဖွဲ့များ အလွယ်တကူ မဝင်ရောက်နိုင်သော လမ်းပမ်းဆက်သွယ်ရေးခက်ခဲသော နေရာများကို ရွေးချယ်လှုဒါန်းသွားမည်ဟု မျိုးချစ်မြန်မာအဖွဲ့ လူငယ်တစ်ဦး၏ အဆိုအရ သိရသည်။

လမ်းပြကြယ်စာကြည့်တိုက်နှင့်ပတ်သက်၍ "နောက်ထပ် ကုန်ချိန်(၇)တန်လောက်ရှိဦးမယ် အခုငှားထားတဲ့ သိုလှောင်ရုံက အရမ်းပြည့်နေတယ် အဲဒါတွေကို အရင်ရှင်းလိုက်မယ် အဝတ်အစားအလှုခံတာတွေကိုတော့ ခဏရပ်ထားမယ် လက်ထဲမှာရှိနေသေးတဲ့ (၇)တန်ကို အရင်မြန်မာပြည်ကိုပို့ပြီးရင် လမ်းပြကြယ်ကနေ ပစ္စည်းတွေပြန်လက်ခံပါပြီဆိုတာကို ကြေညာမယ် အဲဒီအချိန်ဆိုရင် လာပို့လို့ရပြီ" နာရေးအသင်းကြီး ဆက်လက် အကူအညီပေးသွားနိုင်ဖို့ အလှုငွေတော့ လမ်းပြကြယ်အနေနဲ့ ဆက်လက်လက်ခံပေးဦးမယ်"

"လမ်းပြကြယ်မှာ အခုအမြဲတမ်းပါဝင်ကူညီနေသူတွေ လူဦးရေ ၂၅ ယောက်လောက်ရှိတယ် အလုပ်လုပ်နေသူရော ကျောင်းသားတွေရောပါတယ်" "လော်ရီကားတွေကလဲ လေး၊ ငါး၊ ခြောက်စီးလောက်ရှိတယ် ကားတွေကတော့ ဖုန်းနံပါတ်တွေပေးထားတယ် အကူအညီလိုတဲ့အချိန်မှာ ဖုန်းဆက်လိုက်ရင်လာပြီး ကူညီတာပဲ"

"ကိုယ့်ချွေးနဲစာထဲကနေလာလှုကြတဲ့သူတွေရဲ့ စေတနာကို အရမ်းလေးစားပါတယ် နာရေးကူညီမှု အသင်းကြီးကလဲ တစ်ဘက်မှာ အပင်ပမ်းခံပြီးလုပ်ပေးနေတယ်ဗျာ နောက်တစ်ခုက အစ္စရေးနိုင်ငံမှာရှိတဲ့ မြန်မာ လူဦးရေ ခုနှစ်ရာလောက်ကနေ နာရေးကူညီမှုအသင်းကြီးကို သိန်းငါးဆယ်လှုပေးပါဆိုလို့ လူပေးလိုက်သေးတယ်" ပုံမှန်အားဖြင့် လမ်းပြကြယ်စာကြည့်တိုက်အနေနဲ့ တနေ့ကောက်ခံရရှိတဲ့ငွေကို တနေ့ချင်းလွှဲပြောင်းပေးတဲ့အခါကျတော့ နာရေးအသင်းကြီးအနေနဲ့ စီမံခန့်ခွဲရတာလွယ်ကူသလို အလှုရှင်တွေကိုယ်၌ကလည်း ကိုယ်လှုလိုက်တဲ့ ပိုက်ဆံ ဒုက္ခသည်တွေဆီကို ချက်ချင်းရောက်သွားတယ်ဆိုတာ ချက်ချင်းသိနိုင်တယ်လေ" ဟု လမ်းပြကြယ်မှ ကိုစိုင်း ကပြောပြပါသည်။

ပင်နီဇူလပလာဇာရှိ တာဝန်ရှိသူများမှလည်း အလှုခံပစ္စည်းများ သိမ်းစည်းနိုင်ရန် လမ်းပြကြယ် စာကြည့်တိုက်အတွက် အသင့်အတင့် ကျယ်ဝန်းသည့် အခန်းတစ်ခန်း စီစဉ်ပေးထားကြောင်းသိရသည်။

စင်္ကာပူနိုင်ငံရှိ မြန်မာ့အရေးတက်ကြွသူများမှ နာဂစ်မုန်တိုင်းဒဏ်ကြောင့် သေဆုံးသွားသူများနှင့် ကျန်ရစ်သူမိသားစုများအား ရည်စူး၍ စင်္ကာပူနိုင်ငံသံရုံးရှေ့တွင် စနေနေ့ညနေ (၇)နာရီမှစတင်ပြီး ဖရောင်းတိုင်များထွန်းညှိကာ ဆုတောင်းမေတ္တာပို့သကြမည်ဟု သိရသည်။

လူသားချင်း စာနာထောက်ထားပြီး ကြားဝင် ဆောင်ရွက်မှုများ အမြန်ဆုံး ဆောင်ရွက်ပေးရန် စင်္ကာပူနိုင်ငံရှိ မြန်မာနှစ်ထောင်ခန့်မှ လက်မှတ်များရေးထိုးပြီး အမေရိကန်၊ဗြိတိန်နှင့် ပြင်သစ်နိုင်ငံ သံအမတ်ကြီးများသို့ ပေးအပ်ပြီးဖြစ်သည်။ ၄င်းလက်မှတ်များကို ကုလသမဂ္ဂ နှင့် တခြားနိုင်ငံများသို့လည်း အလားတူ ပေးပို့ပြီးကြောင်းသိရှိရပါသည်။
ရေးသူ----------->ဂျေမိုး၊ မေလ ၁၆ရက် ၂၀၀၈။
Read more

“ကြားပြီးပလား”

“မေလ ၁၇ ရက် - စင်္ကာပူနိုင်ငံ မြန်မာသံရုံးရှေ့ ဖယောင်းတိုင်ထွန်းညှိ ဆုတောင်းမည် ”


လာမယ့် မေလ ၁၇ ရက်နေ့ (စနေနေ့) ညနေ ၇ နာရီမှ စတင်ကာ စင်္ကာပူနိုင်ငံ စိန့်မာတင်ဒရိုက်လမ်းရှိ မြန်မာသံရုံးရှေ့၌ စင်္ကာပူရောက် မြန်မာများအနေဖြင့် နာဂစ်မုန်တိုင်းဒဏ်ကြောင့် သေဆုံးသွားကြသော မြန်မာလူမျိုး တသိန်းကျော်အတွက် ၀မ်းနည်းကြေကွဲသည့် အထိမ်းအမှတ်အဖြစ် စုဝေးကြကာ ဖယောင်းတိုင်များ ကိုယ်စီ ထွန်းညှိ၍ ငြိမ်းချမ်းစွာ ဆုတောင်းကြမည်ဖြစ်ကြောင်း ကြားသိရသည်။ (ပေတရာ)
မိုးမခ အင်တာနက်စာမျက်နှာမှ ကူးယူဖော်ပြသည်။ (ဒီမှာ ဖတ်ပါ၊)
Read more

“၂၁ ရာစု ခေတ်ကြီးထဲမှာ….မယုံနိုင်ဘွယ်”

ဒီပုံကို ကြည့်ပါ။



သင့်စိတ်ထဲမှာ ဘယ်လို ခံစားရပါသလဲ။

ဆာလောင်မွတ်သိပ်ခြင်း….
အားကိုးရာမဲ့ခြင်း….
ကူကယ်မည့်သူကို မျှော်လင့်ခြင်း…..
မလုံခြုံခြင်း….
…………..စတဲ့ အရိပ်အယောင်တွေကို ဟောဒီ ဘိုကလေးမြို့နယ်က ဒုက္ခသည် ကလေးငယ်ရဲ့ မျက်နှာမှာ အထင်းသားပေါ်နေတယ်လို့ မခံစားရဘူးလား။
ကြီးလာရင် ဆရာဝန်ကြီးလုပ်မယ်၊ အင်ဂျင်နီယာကြီး ဖြစ်ချင်တယ်၊ ကျောင်းဆရာဖြစ်ချင်တယ် စတဲ့ အိပ်မက်မျိုးတွေ အဲဒီကလေးငယ်ခမြာ လောလောဆယ် မက်မြင်နိုင်ဦးမယ်မဟုတ်ဘူး။ နောက်နာရီအနည်းငယ်အတွင်းမှာ၊ ဒါမှမဟုတ် လာမယ့်ရက်အနည်းငယ်အတွင်းမှာ အစာရေစာ ၀လင်စွာနဲ့ နွေးထွေးလုံခြုံတဲ့ ခိုလှုံစရာနေရာတခုမှာ အသက်ရှင်သန် နေပါရစေ…ဆိုတာသာ သူ့အတွက် လောလောဆယ် အမြင့်မားဆုံး မျှော်လင့်ချက်ဖြစ်ပေမယ်။

ကမ္ဘာ့တဘက်ခြမ်းကို တရက်အတွင်း ခရီးပေါက်နိုင်တဲ့ သည် ၂၁ ရာစု ခေတ်ကြီးထဲမှာ သည်ကလေးလိုအပ်နေတဲ့ အကူအညီတွေကို ရက်ပေါင်း ၁၂ ရက် ကြာလာတဲ့အထိ အရောက်ပို့မပေးနိုင်တာဟာ လူအဖွဲ့အစည်းတရပ်လုံးအနေနဲ့ အင်မတန် ရှက်သင့်တဲ့ ရှုံးနိမ့်မှုတခုပါဘဲ။
Read more

“မေလ ၁၇ ရက် သို့မဟုတ် ဆိုင်ကလုန်းအကူအညီအတွက် ကမ္ဘာလုံးဆိုင်ရာ လှုပ်ရှားမှုနေ့...”

နာဂစ်ဆိုင်ကလုန်းမုန်တိုင်းဘေးဒဏ်အတွက် အပြည်ပြည်ဆိုင်ရာမှ ပေးလာသော အကူအညီများမှာ ယခုအခါ စုစုပေါင်း ဒေါ်လာ သန်း ၈၀ ခန့် ရှိနေပြီဖြစ်သည်။ အလှူစာရင်းအသေးစိတ်ကို ဧရာဝတီ အွန်လိုင်းမဂ္ဂဇင်း အင်တာနက်စာမျက်နှာတွင် သွားရောက်ဖတ်ရှုနိုင်ပါသည်။ (ဒီမှာ ကလစ်ခေါက်ပါ။)

ပြည်ပတွင် ရောက်ရှိနေသော မြန်မာတို့၏ ငွေကြေးအလှူ၊ အ၀တ်အစား အသုံးအဆောင်နှင့် လုပ်အားဒါနအလှူတို့မှာလည်း ကြက်သီးထခမန်းပင်ဖြစ်သော်လည်း နိုင်ငံတကာမှ ကူညီမည့် ပမာဏနှင့်မူကား နှိုင်းယှဉ်ရန် မဖြစ်နိုင်ချေ။ ထို့ပြင် မြန်မာတို့အနေဖြင့် တသီးပုဂ္ဂလ ကိုယ်ထူကိုယ်ထ ကိုယ်တိုင်သွားရောက်ကာ အကူအညီပေးသည့် စေတနာရှင် လုပ်အားပေးသူများ အမြောက်အမြား ရှိသည်ကားမှန်၏။ တကယ်တမ်းတွင်မူ လက်တွေ့ကယ်ဆယ်ရေးအပိုင်း၌ စနစ်တကျ လေ့ကျင့်ပေးထားသည့် အတွေ့အကြုံရှိသော နိုင်ငံတကာမှ ကယ်ဆယ်ရေးအဖွဲ့များနှင့်ကား မယှဉ်သာပေ။ လိုအပ်သော မော်တော်ယာဉ်၊ စက်ပစ္စည်းကိရိယာ၊ တန်ဆာပလာ၊ အထောက်အကူပစ္စည်းများမှာလည်း နိုင်ငံတကာမှ ကယ်ဆယ်ရေးအဖွဲ့များသာလျှင် တတ်နိုင်ပေသည်။

သို့သော် ယခုကြုံတွေ့နေရသော အဓိက ပြဿနာမှာ ထိုအကူအညီအထောက်အပံ့အားလုံး လိုအပ်နေသူများထံ လက်ငင်း အချိန်မဆိုင်းရောက်ရှိဘို့အရေးပင်ဖြစ်သည်။

အားလုံးသိပြီးဖြစ်သည့်အတိုင်း မြန်မာစစ်အစိုးရနှင့် ၄င်းတို့၏ လက်ကိုင်ဒုတ်ဖြစ်သော ကြံဖွံ့၊ စွမ်းအားရှင်၊ မယက၊ ရယက စသည့် အဖွဲ့အစည်း အရပ်ရပ်သည် ကမ္ဘာတလွှားမှ ကူညီထောက်ပံ့မှုများကို ဒုက္ခသည်များလက်သို့ မရောက်အောင် နည်းမျိုးစုံဖြင့် ဟန့်တား နှောက်ယှက်လျက်ရှိသည်။

အထက်က ဆိုခဲ့သော နိုင်ငံတကာ အကူအညီများနှင့် ကယ်တင်ရေးအဖွဲ့များအနေဖြင့် လိုအပ်နေသူများထံ အချိန်မီ မရောက်နိုင်ပါက အင်မတန် ဆိုးဝါးသော အခြေအနေတရပ်ကို မလွဲမသွေ ကြုံတွေ့ရပေတော့မည်။ ကုလသမဂ္ဂ၏ ခန့်မှန်းချက်အရ.... အချိန်မီအကူအညီ မပေးနိုင်သည့်အတွက် နောက်ဆက်တွဲဖြစ်ပေါ်လာသော ရောဂါဘယတို့ကြောင့် အသက် ဆုံးရှုံးရမှုမှာ မုန်တိုင်းဒဏ်ကြောင့် သေကြေပျက်စီးသော အရေအတွက်ထက်ပင် အဆပေါင်းများစွာ ပိုနိုင်သည် ဆို၏။ ယခုပင်လျှင် ကုလသမဂ္ဂခန့်မှန်းချက်အရဆိုလျှင် ယနေ့အထိ သေဆုံးသူပေါင်း နှစ်သိန်းတစ်သောင်းကျော်ခဲ့ပြီ ဆို၏။

ထို့ကြောင့်နိုင်ငံတကာမှ အကူအညီ ချက်ချင်းအချိန်မဆိုင်း ၀င်ရောက်နိုင်ဘို့ရာ အင်မတန် အရေးကြီးသည်။ ကျနော်တို့သည် ဖြစ်လာသမျှအား ဘာမျှမတတ်နိုင်သကဲ့သို့ စိတ်ပျက်လက် ပျက် ထိုင်ကြည့်နေမည့်အစား ကျနော်တို့တတ်နိုင်သည့်ဘက်က နည်းလမ်းပေါင်းစုံဖြင့် နိုင်ငံတကာမှ ကယ်ဆယ်ရေးအဖွဲ့များ အမြန်ဆုံး ၀င်ရောက်ရန် ကိစ္စကို တိုက်တွန်းတောင်းဆိုသွားရမည်ဖြစ်သည်။

ယူအက်စ်ကမ်ပိန်းဖော်ဘားမား မှ မေလ ၁၇ ရက်နေ့အား ဆိုင်းကလုန်းအကူအညီအတွက် ကမ္ဘာ့လှုပ်ရှားမှုနေ့အဖြစ် သတ်မှတ်နှိုးဆော်ထားသည်။(ဒီမှာ ဖတ်ပါ။) ထိုနှိုးဆော်ချက်အရ နိုင်ငံတကာရောက်မြန်မာများအနေဖြင့် မေလ ၁၇ ရက်နေ့တွင် ရန်ပုံငွေပွဲများ ကျင်းပခြင်း၊ နိုင်ငံတကာအကူအညီများ ချက်ချင်းဝင်ရန်တောင်းဆိုသည့် ဆန္ဒပြပွဲများ ပြုလုပ်ခြင်း၊ ဖယောင်းတိုင်ထွန်းဆုတောင်းပွဲများ ပြုလုပ်ခြင်းတို့ကို ကမ္ဘာတလွှားတွင် လုပ်ဆောင်ကြရန် တိုက်တွန်းနှိုးဆော်ထားပါသည်။ အင်မတန် လျော်ကန်သင့်မြတ်သော တိုက်တွန်းချက်ဖြစ်ပါသည်။

ထို့ကြောင့် ကမ္ဘာ့နိုင်ငံအသီးသီးတွင် ရောက်ရှိနေသော မြန်မာများအနေဖြင့်လည်း မိမိတို့ ရောက်ရှိရာနိုင်ငံအလိုက် မိမိတို့ တတ်နိုင်သော လှုပ်ရှားမှုများအား လုပ်ဆောင်သွားကြရန် ထပ်ဆင့်တိုက်တွန်းလိုက်ရပေသည်။
Read more

“ကျွန်ုပ်မေးမိ အပြစ်ရှိ၏”

ကျောကို အကြိမ်ကြိမ် အချကြမ်းလွန်းလို့
ဓားပြမှန်း သိခဲ့တာ ကြာပြီ။

အကြိမ်တိုင်းမှာလည်း
ဒီတခါ လုပ်ရပ်ဟာ လူမဆန်ဆုံးဘဲရယ်လို့
အော့နှလုံးနာစွာနဲ့ စွဲထင်ထားသမျှ
အမြဲပင်မှားသဗျလို့ သက်သေပြနေသလို
အခွင့်ရတာနဲ့ စံချိန်ချိုး
တမျိုးပြီးတမျိုး
မရိုးလည်း မရိုးရအောင်
ဆိုးပြီးရင်း ဆိုးရင်းက
နအဖ ဗိုလ်ချုပ်တစု
တိုးတိုးပြီး မိုက်ခဲ့သည်။

မိုက်တဲ့လူကို
မကြိုက်တဲ့လူတွေက…
“သင့်မှာ လူစိတ်မရှိဘူး။
လူသားချင်းစာနာမှု အကူအညီကို
ပြည်သူဆီမရောက်အောင် ဟန့်တားနေတာ
ဒါ…သူတော်ကောင်းအလုပ်လား…”လို့
တွင်တွင်မေးကြတော့
မေးတဲ့လူတွေသာ ပါးစပ်ကအမြှုတ်တကယ်ထွက်သွားမယ်
ဗိုလ်ချုပ်တွေကတော့ အရယ်ပျက်မယ်မထင်။

ဗိုလ်အောင်ဒင် ရုပ်ရှင်ထဲက
မင်းသားခင်မောင်ရင်လေသံနဲ့
မဲ့ပြုံးလေး ပြုံးတဲ့ပြီး..

“ဟင်း ဟင်း ဟင်း ဟင်း…
မေးမှ မေးရက်ပလေတယ်ဗျာ….
ကျုပ်..သူတော်ကောင်းမဟုတ်လို့ ဓားပြဗိုလ်လုပ်စားနေတာပေါ့။
ဒီမယ်……ကျုပ်နာမည် ဘုရားဒကာ ဦးအောင်ဒင်လား…
ဓားပြခေါင်းဆောင် ဗိုလ်အောင်ဒင်လား….”လို့
မဟားဒယား ပြန်ဖြေလိမ့်မယ်။

မှား၏။ မှား၏။
မေးသူမှာသာ အပြစ်ရှိတော့၏။
Read more

“သွေးစုတ်ဖုတ်ကောင်များ”

“တပ်မတော်သာ အမိ၊ တပ်မတော်သာ အဖ”….. တဲ့။

“တိုင်းပြည်ကို ချောက်ထဲမကျအောင် ကယ်တင်လိုက်ရတာပါ”……တဲ့။

“တိုင်းပြည်ပြိုကွဲမယ့် အန္တရာယ်ကနေ ကာကွယ်လိုက်ရတာပါ”…..တဲ့။

ထွီ…..မတန်မရာ။ အခုလို သဘာဝဘေးအန္တရာယ်ကြုံလို့ ပြည်သူတွေ တကယ်လည်း ဒုက္ခရောက်ရော……ဘယ်မလဲ… အဲဒီ အမိအဖ လို့ ကိုယ့်ဘာသာ သတ်မှတ်ထားတဲ့ ပုဂ္ဂိုလ်ကြီးတွေ၊ ကယ်တင်ရှင်ကြီးတွေ၊ ကာကွယ်စောင့်ရှောက်သူကြီးတွေ။ အားလုံးကြက်ပျောက်ငှက်ပျောက် ပျောက်ကုန်ကြတယ်။

ကမ္ဘာတလွှားက တခြားနိုင်ငံတွေမှာ အခုလို အဖြစ်မျိုးကြုံရင်... စစ်တပ်က စွမ်းစွမ်းတမံ ကယ်ဆယ်ရေး လုပ်ငန်းတွေ၊ ပြန်လည် ထူထောင်ရေး လုပ်ငန်းတွေမှာ ပါဝင်ဆောင်ရွက် ပေးတယ်။ အကူအညီတွေပေးတယ်။

အခုတော့ လမ်းမပေါ်မှာ လဲကျနေတဲ့ သစ်ပင်တွေကို ပြည်သူတွေနဲ့ ရဟန်းသံဃာတွေဘဲ ကိုယ်ထူကိုယ်ထ ခုတ်ထွင်ရှင်းလင်းနေကြရတယ်။ သူတို့က ရုပ်မြင်သံကြားမှာ တကွက်နှစ် ကွက် ဟန်ပြလုပ်ပြီး ၀ါဒဖြန့်ဘို့ဘဲ ကြိုးစားနေတယ်။

အခု နောက်ဆုံးကြားရတဲ့ သတင်းအရဆိုရင် တော်တော် အော့နှလုံးနာပြီး မသတီစရာ ကောင်းတယ်။ လူတွေ အုံကြွမှာစိုးရိမ်လို့ ရန်ကုန်မှာ လုံခြုံရေးတွေ တင်းကြပ်ထားသတဲ့။ တော်တော်လည်း တရားကျဘို့ ကောင်းတယ်။

မုန်တိုင်းတို့ မြေငလျှင်တို့ ရေကြီးတာတို့ဟာ သဘာဝဘေးအန္တရာယ်တွေမို့ တားဆီးလို့မရတာ မှန်ပေမယ့် လူအသေအပျောက်နည်းအောင်၊ အိုးအိမ်အပျက်အစီးနည်းအောင် ကြိုတင် အစီအမံတွေ ချထားနိုင်တယ်။ ပြီးတော့ မုန်တိုင်းပြီးပြီးချင်းမှာလည်း ကယ်ဆယ်ရေး လုပ်ငန်းတွေကို အလျှင်အမြန်လုပ်ဆောင်ရမှာ ဖြစ်တယ်။

ဆင်းရဲတဲ့နိုင်ငံမို့ အစိုးရက ကြိုတင်တပ်လှန့်မှုတွေ ထိထိရောက်ရောက်မလုပ်နိုင်ပါဘူးလို့ လာဆင်ခြေမပေးနဲ့။ အမျိုးသားညီလာခံထောက်ခံဆန္ဒပြပွဲတွေတုန်းကတော့ မြို့တိုင်းရွာတိုင်း တအိမ်တယောက်နှုန်းနဲ့ မထွက်မနေရ ထွက်လာအောင် ဖိအားပေးတတ်တယ်။ အတင်းအဓမ္မ လုပ်အားပေးခိုင်းပြန်ရင်လည်း လူထုမှာ ပုန်းလို့တောင် မလွတ်စတမ်း အကွက်စေ့စေ့ ခိုင်းတတ်တယ်။

ဟော….လူတွေ အကျိုးစီးပွားကို ကာကွယ်ဘို့ကျတော့ တကယ်ဘဲ မျက်နှာလွှဲခဲပစ် နေနိုင်ရက်တယ်။ နေနိုင်မှာပေါ့။ ဗိုလ်ချုပ်ကြီးတွေ၊ ဗိုလ်ချုပ်ကလေးတွေ၊ ၀န်ကြီးတွေ၊ ၀န်ကလေးတွေရဲ့ သားသမီးတွေက စင်္ကာပူလိုနိုင်ငံမျိုးမှာ ပြည်သူ့ချွေးနှဲစာကို ဓားပြတိုက်လို့ ရထားတဲ့ ပိုက်ဆံတွေနဲ့ ကွန်ဒိုမီနီယံတွေဝယ်၊ ကားတွေဝယ်စီး။ ကြွားကြ၀ါကြ ပလွှားကြ။ မုန်တိုင်းက သူတို့တတွေနဲ့ အဝေးကြီးမို့လား။ သူတို့ဘ၀တွေ ပြည်တော်သာနေရင် ပြီးရော ဆိုတဲ့စိတ်နဲ့ တိုင်းပြည်ဘာဘဲဖြစ်ဖြစ် ဂရုလုံးလုံးမစိုက်တဲ့ အစိုးရ။ အဲသည်အစိုးရမျိုးရှိနေတာဟာ ပြည်သူအတွက် အထောက်အကူမရဘဲ ၀န်ထုပ်ဝန်ပိုးကြီးသက်သက်ဘဲ။

စင်္ကာပူမှာရောက်နေတဲ့ ဗိုလ်ချုပ်သားသမီး၊ ၀န်ကြီးသားသမီး ဆိုတဲ့သူတွေ….။ သင်တို့ သိအောင်ပြောလိုက်မယ်။ သင်တို့ ဖခင်တွေဟာ ဒီရာထူးကို လူထုက ရွေးချယ်တင်မြှောက်လို့ရထားကြတာမဟုတ်ဘူး။ လူထုဆီက အာဏာကို ဓားပြတိုက်ယူထားလို့သာ ဒီနေရာ ဒီရာထူးတွေကို ရခြင်းဖြစ်တယ်။ သင်တို့သုံးဖြုန်းနေတာ တွေဟာလည်း လူထုစားမယ့် ထမင်းလုပ်ကို ပုတ်ချပြီးမှ ရလာတဲ့ ပြည်သူရဲ့ချွေးနှဲစာ ပိုက်ဆံတွေဖြစ်တယ်။ပြည်သူတွေရဲ့ သွေး၊မျက်ရည်နဲ့ ရင်းပြီးမှ စားရတဲ့ ထမင်းကို သင်တို့ မြိန်ယှက်ပါသလား။ သင်တို့မှာ ကိုယ်ချင်းစာတရား မရှိတော့ဘူးလား။ သင်တို့ လူစိတ်ခေါင်းပါးသလား။ သင်တို့ဟာ သွေးစုတ်ဖုတ်ကောင်တွေလား။

ပြည်သူအားလုံးအနေနဲ့ကတော့ ဒီ သွေးစုတ်ဖုတ်ကောင်၊ မကောင်းဆိုးဝါး စစ်အစိုးရကို မြန်မာ့မြေပေါ်က အမြန်ဆုံး အမြစ်ပါပြတ်အောင် မဖြစ်မနေ ဆန့်ကျင်တော်လှန်ကြရမှာဘဲ။
Read more

“နာဂစ်မုန်တိုင်းဘေး ဒုက္ခသည်များကို ၀ိုင်းဝန်းကူညီကြစို့”



မြန်မာပြည်အတွင်း နာဂစ်ဆိုင်ကလုန်းမုန်တိုင်းဒဏ်ခံရသူများ ကယ်တင်ထောက်ပံ့ရေး အတွက် စင်္ကာပူနိုင်ငံ ပင်နင်ဆူးလားပလာဇာ ငါးထပ်ရှိ လမ်းပြကြယ်မြန်မာစာကြည့် တိုက်တွင် အလှူငွေများ စတင် လက်ခံနေပါပြီ။

နေ့စဉ် ညနေ ၆ နာရီ ခွဲ မှ ည ၉ နာရီ အထိ စာကြည့်တိုက်ကို ဖွင့်လှစ်လက်ခံသွား မည်ဖြစ်သည်။

အလှူငွေအပြင် အ၀တ်အထည် များကို လှူဒါန်းပါကလည်း လက်ခံဆောင်ရွက်ပေးသွားမည် ဖြစ်ကြောင်း အသိပေးအပ်ပါသည်။

အလားတူ ပင်နီဆူးလားရှိ မြန်မာဆိုင်များတွင်လည်း အလှူခံဌာနများ ဖွင့်လှစ်ထားရှိပါ သည်။

***နှစ်ထပ်တွင် လင်းလက်ဆိုင်
***သုံးထပ်တွင် စင်းမြန်မာဆိုင်
***ငါးထပ်တွင် သပြေနုဆိုင်နှင့် လမ်းပြကြယ် စာကြည့်တိုက်။


*****လမ်းပြကြယ်စာကြည့်တိုက်သို့ ဆက်သွယ်ရန်ဖုန်းနံပါတ်….၆၃၃၇၁၅၆၉
Read more

“၀ဋ်ကြွေးတုံ့တင်….ရှိပါရင်လည်း….”

ဆေးတံတို

ဆေးတံတို တညှိုလောက်
ရော့..သောက်ဘို့ပေး။

မယူလိုက်က
မိုက်လို့ထင်၊
ယူလိုက်ပြန်က
ကြိုက်လို့ထင်၊

သောက်စေချင်..
ကုတင်ထောင့်မှာ
ထောင်ခဲ့ကွဲ့ ညိုနွဲ့ရဲ့လေး။

(ရှေးစာဆို)

ဆေးတံတို ကဗျာထဲမှာတော့ ကဗျာစာဆိုဟာ ပေးလာတဲ့ ဆေးတံကို ယူရမလား မယူရမလား ဝေခွဲမရဖြစ်နေပုံရပါတယ်။ စာဆိုက မိန်းမသား ဖြစ်ဟန်တူတယ်။ မိန်းမသားဆိုတော့လည်း ပေးတိုင်းယူလို့မဖြစ်ဘူးလေ။ တော်တော်ကြာ သူ့ကို ကြိုက်လို့ လက်ခံလိုက်တယ် ထင်သွားပြန်ရင် အခက်သား မဟုတ်လား။

အင်မတန်ဆင်းရဲလှတဲ့ ကျနော်တို့ မြန်မာပြည်အတွင်း နာဂစ်ဆိုတဲ့ ဆိုင်ကလုန်းမုန်တိုင်းကြီး ဖြတ်သန်းတိုက်ခိုက်သွားတဲ့အခါမှာလည်း... ကုလသမဂ္ဂအဖွဲ့ကြီးက ကြည့်မနေပါဘူး။ ချက်ချင်းဆိုသလို အကူအညီပေးဘို့ ကမ်းလှမ်းပါတယ်။ ဒါပေမယ့် ကျနော်တို့တိုင်းပြည်ကို အုပ်ချုပ်မင်းလုပ်နေတဲ့ (ခုနင်က ရှေးစာဆိုထက်တောင် အရှက်အကြောက်ကြီးပုံရတဲ့) စစ်ဗိုလ်ချုပ်ကြီးတွေက အဲဒီ ကမ်းလှမ်းချက်ကို မဆိုင်းမတွဘဲ ပုတ်ချ ပစ်လိုက်ပါတယ်။ သူတို့အတွက် ဘာမှ တွေဝေနေစရာ၊ ဝေခွဲမရ ဖြစ်နေစရာအကြောင်းမရှိဘူးမို့လား။

့ပြည်သူတွေ ငတ်တာပြတ်တာ၊ ဆင်းရဲဒုက္ခရောက်တာဟာ….ဗိုလ်ချုပ်ကြီးတွေ ငတ်ပြတ်တာ၊ ဆင်းရဲဒုက္ခရောက်တာမှ မဟုတ်တာဘဲကလား။ ဘယ်သူသေသေ၊ ငတေနဲ့ ငရွှေ တို့ မာရင် ပြီးရော မဟုတ်လား။ အဓိကက ပြည်တွင်းက အဖြစ်မှန်တွေ၊ အခြေအနေမှန်တွေကို အကူအညီပေးရင်းရောက်လာမယ့် ပြည်ပက လူတွေ၊ ပြည်ပက အဖွဲ့အစည်းတွေ သိမသွားဘို့၊ မြင်မသွားဘို့ ပိုမိုအရေးကြီးတာ မဟုတ်လား။

နောက်ပြီး ဗိုလ်ချုပ်ကြီးတွေအနေနဲ့….“ငါတို့ရဲ့ အခါတော်ပေး ဘိုးတော်က တယ်စွမ်းပါ လား” ဆိုပြီး သူတို့ ဗေဒင်ဆရာရဲ့ကျေးဇူးဂုဏ်ကို အခုလောက်ဆို တသသနဲ့ အောက်မေ့ဆင်ခြင် မဆုံးဖြစ်နေ လောက်ပြီ။ “သူ့အကြံပေးချက်အတိုင်း မြို့တော်ကို ကြပ်ပြေးကို အမြန်ရွှေ့မိပေလို့သာပေါ့။ နို့မဟုတ်ရင် ငါတို့ပါ မုန်တိုင်းဒဏ်ခံနေရဦးမှာ။ ဘိုးတော်ကျေးဇူး အထူးကြီးမားပေစွ”…ပေါ့လေ။

ပြည်သူလူထုအနေနဲ့ကတော့…..ဟောဒီ ကိုတင်လှိုင်ရဲ့ အနှစ်နှစ်ဆယ် တေးလေးကို ဆိုညည်းရုံကလွဲလို့ ဘာများတတ်နိုင်ကြဦးမှာလဲ။

“ဖြေမနိုင်….ရေဆိုင်ဝဲ…..မှိုင်ပွဲနဲ့ကြုံရလေပြီ….
ဝဋ်ကြွေးတုံ့တင်….ရှိပါရင်လည်း….
ကံကြမ္မာမညီမျှ….သံသရာဒီဘ၀….
သည်မျှနဲ့ဘဲ…..အဆုံးသတ်စေချင်သည်”
Read more

“နေ၀င်း၊ မျိုးမျိုး၊ ဖိုးခင်”

“နေ၀င်း”
နေ၀င်း ကို ရွာထဲက အများစုက “မနေ” ဟု ခေါ်ကြသည်။ ကျနော့်ထက် ၈ နှစ်ခန့်ကြီးသည်။ လူပုံက ဖြူဖြူနွဲ့နွဲ့၊ လမ်းလျှောက်လျှင်လည်း ကနွဲ့ကလျ။ ရယ်ပြန်လျှင်လည်း ခိုးခိုးခစ်ခစ်။ နေ၀င်းသည် လွတ်လပ်သော လူ့အဖွဲ့အစည်းရှိသည့်၊ “ဂေး”များကို ခွဲခြားဆက်ဆံခြင်းမရှိသည့် နိုင်ငံများတွင်သာ လူဖြစ်ခွင့်ရခဲ့ပါက ပွင့်ပွင့်လင်းလင်း ဂေး ဘ၀ကို ခံယူကောင်း ခံယူပေမည်။ ယခုလို မပွင့်လင်းသော မြန်မာလူ့အဖွဲ့အစည်းတွင်၊ အထူးသဖြင့် ရိုးရာအစွဲကြီးလွန်းသော ကျေးတောရွာငယ်ကလေး တခုတွင် လူလာဖြစ်သည့်အတွက် နေ၀င်းသည် ပေါ်တင်မဂေးရဲရှာ။ တိတ်တိတ်ပုန်းသာ ဂေး ရရှာသည်။

လွန်ခဲ့သည့် နှစ်ပေါင်း၂၀ ကျော် ကျနော် ရွာမှ ထွက်ခွာခဲ့သောအချိန်က နေ၀င်းသည် မူလတန်းပြ ဆရာ အဖြစ်နှင့် ကျန်ရစ်ခဲ့ပေသည်။ ရှပ်အင်္ကျီအဖြူ၊ ပုဆိုးအစိမ်း ၀တ်လျက် ကျနော့်အိမ်ရှေ့မှ ဖြတ်၍ စက်ဘီးနင်းကာ ကျောင်းတက်သော ကျောင်းဆရာ နေ၀င်း၏ ပုံရိပ်သည် မနေ့တနေ့ကလိုပင် ကျနော့် မျက်စိတွင် မြင်ယောင်လျက်ရှိသေးသည်။

***********************************************************

“မျိုးမျိုး”
မျိုးမျိုးကတော့ ကျနော့်ညီ ၀မ်းကွဲ။ ကျနော်နှင့် အသက်မတိမ်းမယိမ်း။ ငယ်ငယ်တုန်းကဆိုလျှင် ကျနော်တို့ နှစ်ယောက်က ဓါတ်မတည့်။ ၀ိုင်းထဲတွင် ချပေးလိုက်သည့် ကြက်နှစ်ကောင်လို မြင်တာနှင့် ပြေးခွပ်ချင်နေသည်။ မူလတန်း ကျောင်းသားဘ၀က မျိုးမျိုးနှင့် ကျနော် မသတ်ပုတ်သည့်နေ့မရှိ။ ကျနော့်လက်ချက်ကြောင့် ဒီကောင် ဖူးယောင်ပြီး ပြန်သွားရသလို၊ သူ့လက်ချက်ကြောင့် ကျနော့်မျက်နှာတွင် သွေးစို့နေသော အစင်းရာ ဗရပွနှင့် အိမ်ပြန်ခဲ့ရပေါင်းလည်း များပေပြီ။ မျိုးမျိုးအမေက ကျနော့်မိခင်အား “ မစောရှင်၊ တော့်သားလေး မျိုးမျိုးကို လုပ်လိုက်တာ ဟိုမှာ မျက်နှာတခု လုံးလည်း မြင်မကောင်းဘူး” လို့ တိုင်တောတော့... အမေက “အမလေး အတင်ရယ်၊ ညည်းသားလုပ်ထားတာလည်း ငါ့သား မျက်နှာမှာ ရစရာ မရှိပါဘူးအေ” လို့ ပြန်ဖြေသတဲ့။ အဲဒီကျမှ မျိုးမျိုးအမေက ဟက်ဟက်ပက်ပက် ရယ်မောပြီး “ ကျုပ်ကလည်း မျိုးမျိုးကို မေးကြည့်ပါတယ်။ ငါ့သားနှယ်...ဟိုက နင့်ကို ဒီလောက်ထုရိုက်နေတာ၊ နင်က ဘာမှ ပြန်မလုပ်ဘဲ ငြိမ်ခံခဲ့ရသလား လို့ ဆိုတော့ မျိုးမျိုးက.."ဟာ၊ အမေကလဲ၊ ကျနော်လည်း ဘယ်ခံပါ့မလဲ။ ကျနော် ပြန်ကုတ်လိုက်တာ ဟိုကောင့်မျက်နှာမှာလည်း အစင်းတွေချည်း ပါဘဲ..လို့ ပြောတယ်” တဲ့။

မှတ်မှတ်ရရ အမေတို့ ဆွေမျိုးတစု စုပေါင်းပြီး သားတွေကို ရှင်ပြုတုန်းကတောင် မျိုးမျိုးနဲ့ ကျနော် တချီတမောင်း ကျောင်းပေါ်မှာ ကိုရင်ဘ၀ နဲ့ သတ်ပွဲကြီး ဆင်နွှဲလိုက်ရသေးတယ်။

မျိုးမျုိးတို့အိမ်က တနေ့ ကျောင်းမှာ ဆရာတော်တွေနဲ့ ကိုရင်တွေအားလုံးကို နေ့ဆွမ်းကပ် တယ်။ ကိုရင်ဝိုင်းမှာ အတူထိုင်ပြီး ဆွမ်းစားနေရင်းက ဘယ်လိုကနေ ဘယ်လို ငြိတယ်မသိဘူး၊ ဆွမ်းစားရင်း တန်းလန်း ထသတ်ကြတာ ဟင်းခွက်တွေလည်း မှောက်၊ သင်္ကန်းတွေလည်း ပေကျံကုန်တယ်။ ဘုန်းကြီးဝိုင်းမှာ ဆွမ်းဘုန်းပေးနေတဲ့ ဦးဇင်းလေးက မနေသာဘဲ ထလာပြီး နှစ်ယောက်လုံးကို ဆွဲပြီး နဘန်ကျင်းပေးလိုက်တော့မှ ပွဲပြီးသွားတယ်။ ဟိုကောင်လည်း အဲဒီညနေဘဲ ကိုရင်လူထွက်သွားတာ။

အဲ...ကျနော် လူထွက်ရပုံကတော့ ငိုချင်းလေးချပြီး ထွက်လိုက်ရတာ။ ဖြစ်ပုံက ဒီလို.. ကျနော်ငယ်ငယ်က ကျနော့်အစ်မတွေက ကျနော့်ကို ရွယ်တူမိန်းကလေးတွေနဲ့ စရင်နောက် ရင် အင်မတန် ရှက်တတ်တာ (အခုနဲ့ တခြားစီ)။ အဲသည်တုန်းက သူတို့ နောက်နေတာက ကျနော်နဲ့ တတန်းထဲ ရွာတောင်ပိုင်းက သန်းလှ။ သူ့အဖေက မြန်မာဆေးဆရာကြီး ဦးသြဘ တဲ့။ အဲဒီ သန်းလှနဲ့ စနောက်ရင် ကျနော်အရမ်းရှက်တယ်။ ဖြစ်ချင်တော့ ကျနော့် ကိုရင်ဘွဲ့က ရှင်သြဘာသ တဲ့။ အဲဒီ တနေ့ ကိုရင်ဘ၀နဲ့ ရွာထဲလှည့်ဆွမ်းခံတုန်း အိမ်ကိုရောက်တော့ အစ်မတွေက ဆွမ်းလောင်းရင်း ထုံးစံအတိုင်း နောက်ကြပြန်ပါရော။ “ဟယ်....ငါတို့ မောင်လေးက သန်းလှနဲ့ ရေစက်ပါပုံများ ကိုရင်ဘွဲ့အမည်ကတောင် သြဘသား တဲ့။” ကြည့်ဦး၊ သြဘာသ ပါဆိုမှ သြဘသား ဆိုပြီး ကြံဖန်နောက်တာ။ ကျနော်ကလည်း ရှက်တော်မူလို့ ကတုံးကြီးတန်မဲ့ ပုလဲတွေ ခ ပြီး သင်္ကန်းတွေ ဆွဲချွတ်၊ လူဝတ်လဲ၊ ကျောင်းပြန်မသွားတော့ဘူး လုပ်တာပေါ့။ နောက်တော့မှ အတင်းချော့မော့၊ သင်္ကန်းတွေ ပြန်ဝတ်ပေးပြီး ကျောင်းကို ပြန်ပို့ရတယ်။ အဲသည်ညနေ လူထွက်တော့တာပါဘဲ။

ငယ်ငယ်က တဇောင်းစေးနဲ့ မျက်ချေး ဆိုသလို မတည့်တဲ့ မျိုးမျိုးနဲ့ ကျနော်ဟာ အလယ်တန်း ကျောင်းသားဘ၀ တခြားရွာက ကျောင်းမှာ သွားတက်ရတော့ အင်မတန်ချစ်ကြသဗျ။ ညီအကိုချင်းကလည်း ဖြစ်ပြန်၊ နောက် သူ့အိမ်က သူ့ကို ကျနော့်အစ်မ ကျောင်းဆရာမ လက်ထဲမှာ အပ်ထားတော့ အိမ်မှာဘဲ စာအတူလာကြည့်၊ စာလုပ်ကြဆိုတော့ ပိုတွဲမိသွားရော။ ဒါပေမယ့် ဒီကောင်က ကျောင်းစာမှာ လုံးဝ စိတ်မ၀င်စားဘူး။ တချိန်လုံးစကားတွေ များနေတုန်းက ချောမွေ့လို့။ ဟော...ကျောင်းစာကို စဖတ်လိုက်ပြီဆိုတာနဲ့ မျိုးမျိုး ဆီက “အဟမ်း..အဟမ်း” ဆိုတဲ့ ချောင်းဟန့်သံတွေက စာတကြောင်းကို အဟမ်း ငါးခါလောက်ပါတယ်။

ဒီလိုနဲ့ ၆ တန်းလောက်မှာဘဲ ဒီကောင် ကျောင်းကထွက်ပြီး လယ်လုပ်တယ်။ စပါးပွဲစားလုပ် တယ်။ မြင်းလှည်းမောင်းတယ်။

ကျနော် ဆယ်တန်းအောင်လို့ ရွာကို ပြန်လာပြီး မြေပဲခင်း ညဘက်သွားစောင့်တော့ မျိုးမျိုးလည်း ကျနော်နဲ့ အတူ လိုက်စောင့်ပေးတယ်။ ညဘက် ကောင်းကင်က ကြယ်တွေကို မော့ကြည့်ပြီး အာကာသထဲက အလင်းကိုတောင် စွဲစုပ်နိုင်တဲ့ တွင်းနက်ကြီးတွေအကြောင်း၊ ဂြိုလ်တွေ အနားက ဖြတ်ပြန်သန်းပြီး ဓါတ်ပုံတွေ ရိုက်ပို့တဲ့ အာကာသယာဉ်တွေအကြောင်း၊ တခုနဲ့တခု ဝေးရာဆီကို ပြန့်ကြဲခွဲထွက်သွားတဲ့ ဂယ်လက်ဆီတွေ အကြောင်း ကျနော်ဖတ်ဘူးသမျှ ပြန်ပြောပြတော့ မျိုးမျုိးတယောက် ပါးစပ်အဟောင်းသားနဲ့ စိတ်ဝင်တစား နားထောင်နေခဲ့တာကို သတိရမိတယ်။ မလှမ်းမကမ်းမှာ လှမ်းမြင်ရတဲ့ မုန်းချောင်းရေကတော့ လရောင်အောက်မှာ ငွေရောင်တလက်လက်နဲ့ ငြိမ့်ငြိမ့်လေး စီးဆင်းလို့ပေါ့။

အဲဒီနောက်ပိုင်း တက္ကသိုလ် တက်ကတည်းက မျိုးမျိုးနဲ့ ပြန်မဆုံဖြစ်တော့ဘူး။

*********************************************************

“ဖိုးခင်”
ကျနော် မူလတန်းကျောင်းသားအရွယ်မှာ ရွာထဲက အတူကစားဖော်ကစားဘက် သူငယ်ချင်းနှစ်ယောက်ရှိတယ်။ ၀င်းဇော်နဲ့ ဖိုးခင်တဲ့။ ဖိုးခင်က မွေးကတည်းက မျက်လုံးတဖက်မှေးနေတယ်။ တချို့ကလည်း သူ့ကို မျက်မှေးဖိုးခင်တဲ့။ ကျနော်တို့ ဆိုတာ လူကသာ မူလတန်း တက်တဲ့အရွယ်ဘဲ ရှိသေးတာ။ လူကြီးတွေရဲ့ လေကို လိုက်ပြီး နှမ ရှိတဲ့လူဆိုရင် ယောက်ဖ လို့ ခေါ်ပြီး နောက်ချင်သေးတာ။ ကျနော့်မှာ နှမငယ် အရင်း မရှိလို့သာတော်တော့ တယ်။ အဲ..တရက်မှာ ၀င်းဇော်ရဲ့ ညီမ ရီရီခိုင်က အလှူခံ အသံချဲ့စက်က တခါတရံ ကြားရတတ်တဲ့ မာမာအေးသီချင်းကို သူ့ဟာသူ ကြားချင်သလို ကြားပြီး တလွဲဆိုတယ်။

“သ၀န်ကြောင်တာမဟုတ်ဘူးရှင်.... ကျမလင် ကိုဖိုးခင်” တဲ့။

အဲဒီမှာ ကျနော် နဲ့ ဖိုးခင် က ခွက်ထိုးခွက်လှန် ရယ်တာပေါ့။ ၀င်းဇော်ကတော့ မျက်နှာကြီး နီရဲပြီး သူညီမကို လှမ်းဟောက်တယ်။ “ဟာ။ ဒီကောင်မလေး၊ ဘာတွေ လျှောက်ဆိုမှန်းမသိဘူး၊ သွားသွား၊ အနားမလာနဲ့” တဲ့။ ကျနော်တို့ နှစ်ယောက်က ၀င်းဇော်ဖြစ်ပုံကို ကြည့်ပြီး ပိုရယ်ကြရတယ်။

ဖိုးခင်ကတော့ လေးတန်းတောင် မရောက်လိုက်ပါဘူး။ ကျောင်းထွက်တယ်။ ပျိုးနှုတ်တယ်၊ ကောက်ရိတ်တယ်။ မိဘရဲ့ လယ်အလုပ်တွေမှာ ကူလုပ်တယ်။

ကျနော်အလယ်တန်းကျောင်းသားဘ၀ ညနေဘက် ရွာထိပ်ကို အပျင်းပြေထွက်ရင် နွားစာအတွက် မြက်ထုံးကြီး နှစ်ထုံးကို တံပိုးနဲ့ လျှိထမ်းပြီး ပြန်လာတဲ့ ဖိုးခင်ကို တွေ့ရတတ်တယ်။ ဟော...ကျနော် တက္ကသိုလ်စတက်တော့ ဖိုးခင်ဆိုတာ အိမ်ထောင်ကျလို့ ကလေးတောင် သုံးယောက်လောက်ရနေပြီ။

****************** *********************************************

ဟိုတနေ့ကဘဲ ကျနော့်တူကလေးတယောက် ဗမာပြည်က ပြန်လာတော့ ကျနော့်အစ်မတွေဆီက စာပါလာတယ်။ စာထဲမှာ ရေးထားတာတခုက နေ၀င်း၊ မျိုးမျိုး၊ ဖိုးခင် အားလုံး ဆုံးသွားကြတာ ကြာပြီတဲ့။ သေပုံသေနည်းကလည်း အတူတူဘဲ။ သုံးယောက်စလုံး အေအိုင်ဒီအက်စ် ရောဂါနဲ့ဘဲ ဆုံးသွားကြတာ။ အဲဒီရောဂါနဲ့ဘဲ နောက်ထပ် သေလုဆဲဆဲ လူတချို့ရဲ့ နာမည်တွေလည်း ပါတယ်။ အခု သူတို့နဲ့ တလမ်းထဲကပင် လူသိသူသိ အေအိုင်ဒီအက်စ်နဲ့ သေသွားသူ ငါးဦးထက် မနည်းရှိပြီ ဖြစ်ကြောင်းလည်း ပါသည်။

သြော်....ကျနော်တို့ ရွာဖက်မှာ လူအများစုက ငှက်ဖျားဆိုတာ မြစ်ဖျားချောင်းဖျားက ရေစိမ်းတွေကို သောက်ရင်ဖြစ်တတ်တာလို့ ယုံကြည်နေကြတုန်း။ အလယ်တန်းတုန်းက ကျောင်းစာထဲမှာ အနောဖလိစ်လို့ ခေါ်တဲ့ ခြင်တမျိုးက ငှက်ဖျားရောဂါပိုးကို သယ်ဆောင်ပုံအကြောင်း ကျနော်တို့ အကျယ်ကြီး အော်ပြီး စာကျက်ခဲ့လည်း အမေတို့ ကိုယ်တိုင်က ရေစိမ်းသောက်လို့ ဖြစ်တာလို့ ထင်နေကြတုန်း။

သည်လို ဒေသမှာ အိတ်ခ်ျအိုင်ဗီ ပိုးနဲ့ ပတ်သက်လို့ အသိပညာပေးလည်း ယနေ့ထက်ထိ ထိထိရောက်ရောက်မရှိ။ ကွန်ဒုံးအစွပ်တွေနဲ့ ပတ်သက်လို့ကတော့ ပညာပေးမရှိတဲ့အပြင် ကွန်ဒုံးကိုတောင် အပြင်မှာ မြင်ဘူးကြဟန်မရှိ။ မြင်ဘူးလည်း တနေ့လုပ် တနေ့စားတွေအနေနဲ့ ၀ယ်သုံးနိုင်ကြမည့်ပုံမပေါ်။

ကျနော်သည်.....အစ်မ၏ စာကို ဖတ်ပြီး သက်ပြင်းရှည်ကြီး တချက်ကို မှုတ်ထုတ်မိသည်။ သူတို့အားလုံး အခုလို အရွယ်ကောင်းမှာ သေဆုံးသွားကြရတာ သူတို့ဘက်က ချွတ်ယွင်းချက်တွေ ပေါ့ဆမှုတွေ ရှိကောင်းရှိမှာ ဖြစ်ပေမယ့်လည်း ကျန်းမာရေးအသိမရှိလို့၊ လုံလောက်သော ကာကွယ်ရေးအစီအမံများ မရှိလို့ စောစီးစွာ လူ့လောကကို စွန့်ခွာသွားရတာ ဖြစ်ကြောင်းကိုလည်း ကျနော်မတွေးဘဲ မနေနိုင်ပါ။

ကျန်းမာရေး ပြဿနာလိုပင်၊ မြန်မာပြည်၏ ပညာရေး၊ စီးပွားရေး၊ လူမှုရေး အဘက်ဘက်မှာလည်း ပြဿနာပေါင်းစုံ ပြည့်နှက်လျက်။ သည်ပြဿနာတွေကို စတင်ထိထိရောက်ရောက် ကိုင်တွယ် ဖြေရှင်းခွင့်သာသော အခြေအနေတရပ် ပေါ်ပေါက် လာအောင် ကျနော်တို့ အားလုံး ၀ိုင်းဝန်း၍ မလျှော့သောလုံလဖြင့် အစဉ်တစိုက် လုပ်ဆောင် သွားကြရမည်သာဖြစ်သည်။
Read more

“နမော်နမဲ့”


ကျွန်ုပ်တို့ရဲ့ အကောင်းစားလေး လီယိုနာဒိုဒါကိုပေါ ဟာ ငယ်ငယ်ကတည်းက အင်မတန် နမော်နမဲ့ နိုင်သော လူသားတယောက်ဖြစ်ပါတယ်။ “ကျွန်ုပ်တို့ရဲ့ အကောင်းစားလေး” ဆိုသော ဝေါဟာရကို မျက်စိ စပါးမွှေးစူးနေသူများရှိရင် အဲဒီ စကားလုံးဟာ ကျနော် ငယ်ငယ်က အင်မတန် နှစ်သက်တဲ့ ကာတွန်းမောင်လွင်ရဲ့ ငထက်ဖြား ကာတွန်းထဲမှာ သုံးလေ့ရှိတဲ့ အသုံးအနှုန်းတခုမျှသာ ဖြစ်ကြောင်း ဒီနေရာမှာ ရှင်းလင်းပြောကြား လိုက်ပါရစေ။

နမော်နမဲ့ နိုင်တဲ့အကြောင်းပြောပြရရင်...... ရုံးမှာ ကော်ဖီဖျော်သောက်ရင် ကော်ဖီမှုန့်၊ ကော်ဖီမိတ်၊ သကြား စတာတွေကို ခွက်ထဲထည့်ပြီးသကာလ နောက်ဆုံးရေနွေးထည့်တဲ့အဆင့်မှာကျမှ ရေနွေးအစား ရေအေး (Cold water tap)ကို မှားယွင်း နှိပ်မိလို့ ကော်ဖီပျက်ရတဲ့ အကြိမ်ပေါင်းလည်း မနည်းလှတော့ပါဘူးကွယ်။ ဒါပေမယ့် ဒါကအသေးအဖွဲလို့ ပြောလို့ရတယ်။ သိပ် ကသိကအောက်မနိုင်လှသေးပါဘူး။

တနေ့က ရုံးမှာ တနေရာကို ထသွားပြီး စားပွဲကို ပြန်ရောက်လာတော့ ပလပ်စတစ်အိပ်ကလေးထဲမှာ သပ်သပ်ရပ်ရပ် ထည့်ထားတဲ့ အမှတ်တရ ကဒ်လှလှကလေး တခု တင်ထားတာတွေ့ရတယ်။ ရှေ့အဖုံးမှာ... ခွေးဘီလူးမျက်နှာ အရုပ်ကလေးနဲ့။ အောက်မှာ စာတကြောင်းလဲပါတယ်။ အဖုံးပေါ်က စာကို ဖြန်းသန်း ဖတ်လိုက်ပြီးတော့ အတွင်းကို ဖွင့်လိုက်တဲ့အခါမှာ လုပ်ဖော်ကိုင်ဖက်သုံးယောက်လောက် အမှတ်တရ စာရေးပြီး လက်မှတ်ထိုးထားတာကို တွေ့ရတယ်။ သူတို့ ရေးထားတာကိုလည်း အဖြစ်လောက်ဘဲ မျက်စိဝေ့ကြည့်လိုက်တယ်။ သိပ်စိတ်မ၀င်စားလှဘူး။

ရုံးမှာက ဒီလိုဘဲလေ။ လုပ်ဖော်ကိုင်ဖက်တွေ ကလေးမွေးတဲ့အခါမျိုး၊ အလုပ်ထွက်တဲ့ အခါမျိုးတွေမှာ အခုလို အမှတ်တရကဒ်ကလေးဝယ်။ အမှတ်တရစကား စုရေး၊ လက်မှတ်ထိုးပြီး ပေးကြတာ ထုံးစံဘဲ မဟုတ်လား။ ဒီတခါကတော့ အလုပ်ထဲက “နိုမဲလ်”ဆိုတဲ့ ဖိလစ်ပီနို အင်ဂျင်နီယာတယောက် အလုပ်ထွက်တော့မယ့်အချိန်။ နိုမဲလ် အတွက် အမှတ်တရ ရေးကြမယ်ပေါ့။

အဲဒီပုဂ္ဂိုလ်နဲ့ တဌာနတည်း တွဲလုပ်လာတာကလည်း ကြာပြီ။ အိမ်ချင်းကလည်း နီးတော့ ပြောမနာ၊ ဆိုမနာ တော်တော်ရင်းနှီးသပေါ့ဗျာ။ အဲဒါနဲ့ ကဒ်ပေါ်မှာ ရေးမလို့ ဘော့ပင်ရှာတော့ အနီရောင်ဘော့ပင်ကလွဲလို့ တခြားဘော့ပင်က ရုတ်တရက်ရှာမတွေ့။ အပျင်းဓါတ်ခံလေး ကလည်း ရှိတာမို့ ကြိုးစားပမ်းစား လိုက်ရှာမနေတော့ဘဲ နောက်ဆုံးတော့ အနီရောင်နဲ့ဘဲ နှိပ်ထည့်လိုက်သပေါ့ဗျာ။ ပြီးတော့....ဟောသလိုလည်း ရေးလိုက်သေးတယ်။

“...........အခုလို ခွဲခွာဘို့ အချိန်ရောက်လာတော့လည်း ၀မ်းနည်းစရာပေါ့ကွာ။ ဒါပေမယ့် မင်းလို လူတယောက်ကို ငါ့စိတ်ထဲမှာ အမြဲသတိရနေမှာပါ။ မင်းအတွက် လာဘ်ကောင်းမယ့် မင်အရောင်လေး ရွေးချယ်ပြီး အမှတ်တရ ရေးလိုက်ပါတယ်ကွာ”။

ကြည့်ဦး။ ကြည့်ဦး။ ...လုပ်ပုံက။ ကိုယ့်ဘာသာ ရှိတဲ့မင်နဲ့ ရေးလိုက်တဲ့ဟာကို ပလီစိချောက်ချက် လျှောက်ရေးပုံများ။

အဲ..ပြီးတာနဲ့ နောက်တယောက်ဆီကို လက်ဆင့်ကမ်းလိုက်တယ်။ ငါ့လက်ကလွတ်.....ဗြွတ်။

အဲဒီ နောက်တယောက်က ကျနော်ရေးတာဖတ်ပြီး မျက်လုံးပြူးသွားတယ်။ ပါးစပ်ကလည်း...

“ဟေ့လူ၊ ဒီကဒ်က နိုမဲလ်အတွက်မဟုတ်ဘူး။ ဘော့စ်ရဲ့ အနှစ်ငါးဆယ်ပြည့်မွေးနေ့အတွက် အမှတ်တရ ပေးမယ့်ကဒ်။ သူများရေးထားတာတွေလည်း သေသေချာချာ ဖတ်ကြည့်ဦး” တဲ့။ ဂိန်....။

ဟုတ်ပါ့ဗျား။ သေသေချာချာ ပြန်ကြည့်တော့မှ ဘော့စ်အတွက် မွေးနေ့ကဒ်ကြီး ဖြစ်နေတယ်။ သွားပြီ....အကျိုးတော့နည်းကုန်ပြီ။

ကဒ်ဝယ်လာတဲ့ အမျိုးသမီးက ကျနော့်ကို ပူညံပူညံလုပ်တော့တာပေါ့။ ဘာကြောင့် ဒီလောက်တောင် နမော်နမဲ့ နိုင်ရသလဲပေါ့လေ။ ၁၅ ဒေါ်လာတောင်ပေးရတဲ့ ကဒ်ဆိုဘဲ။ နောက်ပြီး အဲဒီ ဒီဇိုင်းက တခုတည်း ကျန်တော့တာတဲ့။ အဲဒါနဲ့ ကျနော်လည်း စင်္ကာပူအစိုးရရဲ့ လက်သုံးစကားကို ယူပြီး တောင်းပန်ရပေသပေါ့။ “ ရိုးရိုးသားသားမှားတာပါခင်ညာ (honest mistake)” ပေါ့လေ။

ဘုရား...ဘုရား...ကံသီပေလို့။ ကျနော်ရေးထားတာကို ဟိုပုဂ္ဂိုလ် မြင်ခဲ့လို့သာပေါ့နော်။ မဟုတ်ရင် ဘော့စ်က “ဒီကောင်၊ ငါ့မွေးနေ့မှာ သက်သက် နိမိတ်မရှိ၊ နမာမရှိ ငါ့ကို သေခိုင်းနေတာလားမသိဘူး” လို့ တွေးချင် တွေးနေဦးမှာ။ သူက ရှေးရိုးစွဲ တရုတ်လူမျိုး။ အယူကသီးတတ်ပါဘိသနဲ့။ အလုပ်ကနေ ခေါင်းနဲ့ ဆင်းရမယ့်ကိန်းဘဲ။

လွန်ခဲ့တဲ့ ၅ နှစ်လောက်ကလည်း အဲသလိုဘဲ နမော်နမဲ့ နိုင်မှုကြောင့် အတော်ကြီးကို စိတ်ကသိကအောက် ဖြစ်လိုက်ရသေးတယ်။

အဲဒီတုန်းက မဒမ်ပေါက NUS မှာ ကျောင်းတက်နေဆဲ။ စာမေးပွဲဖြေကာနီးတညမှာ ညစာစားရင်း မဒမ်ပေါတယောက် လည်ချောင်း ငါးရိုးစူးပါလေရော။ အဲဒါနဲ့ ဆေးခန်းကိုပြေးတော့ ဆေးခန်းကလည်း မတတ်နိုင်။ ဆေးရုံကို ထပ်ဆင့် ညွှန်းတာကြောင့် NUH အရေးပေါ်ဌာနကို ညကြီးမင်းကြီးပြေးရတယ်။

ဖြစ်ချင်တော့ အဲဒီတုန်းက SARS လို့ခေါ်တဲ့ ကူးစက်ရောဂါတမျိုး အာရှမှာ စတင်ဖြစ်ပွားနေချိန်။ စင်္ကာပူဆေးရုံတွေမှာ ကြိုတင်ကာကွယ်ရေးအစီအစဉ်တွေကို အဲသည်ညကမှ အပူတပြင်း စတင်ပြင်ဆင် ချမှတ်နေတဲ့အချိန်ပေါ့ဗျာ။

အရေးပေါ်ဌာနရောက်တော့ အထဲဝင်မယ့် လူတိုင်း အမည်တို့၊ အိုင်စီနံပါတ်၊ ဖုန်းနံပါတ် စတာတွေ ဖြည့်။ ပြီးတော့ ကိုယ်အပူချိန်တိုင်းဘို့ ဒစ်ဂျစ်တယ် သာမိုမီတာ တချောင်းစီ ထုတ်ပေးတယ်။ အခုနောက်ပိုင်းမှာလို နားထဲထိုးထည့်ပြီး တစက္ကန့်လောက်အတွင်း တွီကနဲ တိုင်းလို့ရတဲ့ အနီအောက်ရောင်ခြည် သာမိုမီတာကို အဲဒီညက မသုံးကြသေးဘူးခင်ဗျ။

အဲ...ကျနော့်လက်ထဲရောက်လာတဲ့ သာမိုမီတာပေါ်မှာ အသစ်စက်စက် ပလပ်စတစ်အိပ် အကြည်သားလေး စွပ်လို့ဗျ။ အဲဒါကို ကြည့်ရင်း ကျနော့်စိတ်ထဲမယ် “သြော်...စင်္ကာပူနိုင်ငံများ ချမ်းသာလိုက်တာ။ ဒစ်ဂျစ်တယ်သာမိုမီတာတောင် တခါသုံး အသစ်စက်စက် တယောက်တချောင်း ပေးနိုင်ပေတယ်...”လို့ ရွှေဥာဏ်တော် စူးရောက်ပြီး တွေးတယ်။ အဲဒါနဲ့ဘဲ အပေါ်က ပလပ်စတပ်အကြည်သားအိတ်ကလေးကို အသာချွတ်။ ဘေးက အမှိုက်ပုံးထဲကို ဖတ်ကနဲ ပစ်ထည့်။ ပြီးတော့ သာမိုမီတာကို ပါးစပ်ထဲမှာ ထည့်ငုံရင်း ခုံတန်းကုလားထိုင်မှာ မိန့်မိန့်ကြီး လက်ပိုက်ထိုင်ကာ စင်္ကာပူဆေးရုံရဲ့ ၀န်ဆောင်မှုကို အကျေနပ်ကြီး ကျေနပ်နေတယ်။

အဲဒီလို ငုံထားစဉ်အခိုက်မှာ မျက်စိက ဘာကိုသွားမြင်သလဲဆိုတော့ ဘေးဘီက တခြားလူတိုင်းဟာ ဘယ်သူမှ ကျနော့်လို ပလပ်စတစ်အိတ်အစွပ်ကို မချွတ်ဘူးခင်ဗျ။ နံဘေးမှာထိုင်နေတဲ့ မဒမ်ပေါ ကအစ လူတိုင်းအသီးသီး ပလပ်စတစ်အိတ်နဲ့တကွသော သာမိုမီတာ ကိုယ်စီငုံထားတာကို မြင်ရတော့တာကိုး။ အမယ်မင်း....ကိုယ်ကျုိးတော့ နည်းပါပေါ့လား။ သာမိုမီတာက ကျနော်ထင်သလို အသစ်စက်စက်မဟုတ်။ အပေါ်က ပလပ်စတစ်အိတ်အစွပ်ကသာ တခါသုံး။ အဲသည်အစွပ်ကိုသာ အသစ်လဲလှယ်တပ်ဆင်ပေးတာကိုးဗျ။ အဲဒီတော့ကျမှ ကိုယ့်အတွေးခေါင်ပုံ၊ နမော်နမဲ့ နိုင်ပုံကို ကိုယ့်ဘာသာ သတိထားမိတော့တယ်။ စိတ်ထဲမှာလည်း “ဟယ်.....အ လိုက် ထူ လိုက်တဲ့ ငါပါလား”ပေါ့လေ။

ပြီးတော့ လူတကာ ပါးစပ်ထဲ ထည့်ထားတဲ့၊ လူတကာ လက်နဲ့ ကိုင်ထားတဲ့ ဆေးရုံက သာမိုမီတာကြီးကို ပလပ်စတစ်အစွပ်မပါ၊ ဘာမပါ ငါ့ပါးစပ်ထဲ ငုံထားမိချေပေါ့...ဆိုပြီး ချက်ခြင်း ကိုယ်ပူတက်ချင်လာသလိုလို၊ ဖျားချင်လာသလိုလို၊ ခန္ဓာကိုယ်နေရာအနှံ့အပြားက ဟိုနားကယားသလိုလို၊ ဒီနားက ယံသလိုလို ဖြစ်လာတော့တာကိုး။ အဲသည်တုန်းက စိတ်ဒုက္ခရောက်လိုက်တာများ မပြောပါနဲ့တော့။ တလလောက်ကြာတဲ့အထိ စိုးရိမ် ပူပန်စိတ်တွေ နှိပ်စက်တာကို လိမ့်နေအောင် ခံလိုက်ရသပေါ့ဗျာ။

ကံကောင်းထောက်မလို့ အဲသည်တုန်းက ရောဂါကူးတာမခံလိုက်ရပါဘူး။ နို့မဟုတ်ရင် သတင်းစာမျက်နှာဖုံးမှာ ကိုယ့်ဓါတ်ပုံကြီးနဲ့ ခေါင်းကြီးသတင်းပါချင်ပါလာဦးမှာ။ “သာမိုမီတာကို တခါသုံးမှတ်ထင်၍ ပလပ်စတစ်အစွပ်ချွတ်ကာ ငုံမိသဖြင့် ရောဂါကူးစက်ခံရသော အူတူတူ လူနာ” ဆိုပြီးတော့လေ။ အောင်မယ်လေး.... နာမည်ပျက်လိုက်မယ့်ဖြစ်ခြင်း။

ဘလော့ဂ်ဖတ်လာ မိတ်သဟာ၊ ချမ်းသာကိုယ်စိတ် မြဲပါစေ။ နမော်နမဲ့နိုင်ခြင်း၊ ပျံ့လွင့်ခြင်း ကင်းရှင်းကြပါစေ.......။
Read more

“ရာမ လို လူစား ထင်လို့လား”

ရာမ ဆိုလို့ ရာမဇာတ်ထဲက “ရာမ ဆို တောင်လိုမောက်၊ ငါကြောက်သဟဲ့၊ မိဂန္ဘီရဲ့...” ဆိုရလောက်အောင် ဒဿဂီရိတယောက် ကြောက်ဒူးတုန်ရှာတဲ့ ရာမ မင်းသားကို ပြေးမမြင်ကြပါနဲ့ဦး။

ဗိုလ်အောင်ဒင်ရဲ့တပည့် ရာမကို ပြောတာပါ။ ဗိုလ်အောင်ဒင်အကြောင်းကို ပြီးခဲ့တဲ့ အပတ်က ဆောင်းပါးရေးတော့ စာဖတ်သူတွေ သဘောကျပုံရတယ်။ လက်ရှိနိုင်ငံရေးအခြေအနေနဲ့ကလည်း ကွက်တိ အံဝင်ဂွင်ကျ ဖြစ်သွားတယ်ထင်ပါ့။ အဲဒီ ဗိုလ်အောင်ဒင်ဇာတ်ကားထဲမယ် လူဆိုးချင်းတူပေမယ့် သစ္စာဖောက်တဲ့ ရာမလို လူမျိုးကတော့ နာမည်လည်း ပိုပျက်တယ်။ လူမုန်းလည်းခံရတယ်။

ဘယ့်နှယ်ဗျာ...ဓားပြလုပ်စားတဲ့လူအချင်းချင်းကို ရဲကလည်းမိရော...“....ဖမ်းပါဆရာ၊ သူ့ကို ဖမ်းပါ။ ကျနော်တို့ရဲ့ ခေါင်းဆောင် ဗိုလ်အောင်ဒင်ဆိုတာ သူပါဘဲ ဆရာ။ သူ့အကြောင်းကို ကျနော် သူ့ရှေ့မှာတော့ မပြောရဲဘူးဆရာ။ ရဲစခန်းရောက်ရင် ကျနော် အကုန်ပြောပြပါ့မယ်” ဆိုပြီး ဗိုလ်အောင်ဒင်အကြောင်းကို ရိုက်တောင် မစစ်ရသေးဘူး၊ အကုန်ဖော်တော့တာကိုး။ ရဲဘော်ရဲဘက်စိတ်ဆိုတာ ဒင်းမှာမရှိ။

မြန်မာ့သမိုင်းမှာလည်း ဗိုလ်ချုပ်အောင်ဆန်းတို့ အလုပ်ကြံခံရတော့ ဂဠုန်ဦးစောတို့ အဖွဲ့ထဲက ဘညွန့်ဆိုတဲ့တယောက်က အစိုးရသက်သေလုပ်ပြီး အကုန်ဖော်တာဘဲ။ အဲဒီအတွက် သူကိုယ်တိုင်တော့ ကြိုးမိန့်က လွတ်သွားပါရဲ့။ ဒါပေမယ့် သူ့နာမည်လည်း ဖော်ကောင် ဘညွန့်ဆိုပြီး နာမည်ဆိုးတွင်ပြီး ကျန်ခဲ့တာပါဘဲ။ မှားတာမှန်တာ အပထားလို့ အဲဒီလို သစ္စာမရှိတဲ့ လုပ်ရပ်ကို လူတွေ မကြိုက်နှစ်သက်တတ်ပုံကို ပြောချင်တာပါ။

ဟောလီးဝုဒ်ရုပ်ရှင်တွေထဲမှာ အဲသည်လို ဖော်ခြင်း၊ မဖော်ခြင်း၊ သစ္စာဖောက်ခြင်း၊ မဖောက်ခြင်းနဲ့ ပတ်သက်လို့ အင်မတန်ကောင်းတဲ့ ရုပ်ရှင်ကားတကားရှိတယ်။ အယ်လ်ပါချီနို အကောင်းဆုံးအမျိုးသားသရုပ်ဆောင် အော်စကာဆုရတဲ့ “Scent of a woman” ဆိုတဲ့ ဇာတ်ကားပါဘဲ။ မကြည့်ရဘူးသူများ အား ကြည့်ဘို့ ညွှန်းလိုက်ပါရစေ။

ဒီလောက် နိဒါန်းချီနေရတဲ့အကြောင်းကတော့ ပြီးခဲ့တဲ့ တနင်္ဂနွေက သံရုံးရှေ့ရောက်သွားတော့ တွေ့ကြုံခဲ့ရတဲ့ အဖြစ်အပျက်ကလေးတခုကို သတိရမိလို့ပါဘဲ။ အဲဒီအကြောင်းကို မဖတ်ရှုမီ စင်္ကာပူထုတ်နေ့စဉ်သတင်းစာကြီး စထရိတ်စ်တိုင်းမ်းစ် သတင်းစာထဲမှာ ပါတဲ့ ဟောသည်ဓါတ်ပုံနဲ့ ပုံအောက်က ပုံအညွှန်းစာလေးကို အရင်ဖတ်ကြည့်ပါ။




ပုံစာက ဗမာလို ဆီလျော်အောင်ပြန်ဆိုရမယ်ဆိုရင်.......“စောင့်ရတာမောပေါ့။ စိန့်မာတင်ဒရိုက်လမ်းမှာတည်ရှိတဲ့ မြန်မာသံရုံးရှေ့က ကျူတန်းကြီးဟာ တစ်ကီလိုမီတာလောက် ရှည်လျားတယ်။ လူအများစုဟာ နိုး လို့ စာတန်းထိုးထားတဲ့ အနီရောင် တီရှပ်နဲ့ ဦးထုပ်တွေကို ၀တ်ဆင်ထားကြတယ်။ အဲဒီ အင်္ကျီနဲ့ ဦးထုပ်တွေကို မြန်မာသံရုံးရှေ့ ခြုံပုတ်တွေကြားမှာ လဲလျောင်းနေတဲ့ အမှိုက်အိတ်တွေထဲက ရတယ်” လို့ ရေးထားတာပေါ့။ မရယ်ရဘူးလား။ အဲဒီ အင်္ကျီအနီတွေ ထည့်ထားတဲ့ အမှိုက်အိတ်တွေက သူ့အလိုလို ခြေထောက်ပေါက်ပြီး ခြုံကြားထဲရောက်နေတာတော့ ဘယ်ဖြစ်နိုင်ပါ့မလဲ။

တကယ်တော့ အဲဒီ တနင်္ဂနွေနေ့ မနက် ၉ နာရီ ခွဲလောက်မှာ သံရုံးရှေ့ကို ကျနော်ရောက်သွားပြီး အခြေအနေအရပ်ရပ်ကို စောင့်ကြည့်လေ့လာနေတယ်။ လူတွေ တဖြည်းဖြည်းနဲ့ များလာပြီး ကျူတန်း နှစ်ခုက ရှည်လာတယ်။ ကျူတန်းတခုက ဖိတ်စာရသူတွေ၊ နောက်တခုက ဖိတ်စာမရသူတွေ။ နေကလည်း မြင့်လာ၊ ကျူတန်းကလည်း ရှည်လာဆိုတော့ လူတွေကို ရေဘူးဝေဘို့ လုပ်ရတယ်။ အမှန်ကတော့ ရေဘူး ၁၀၀၀ စီစဉ်ပြီးသား။ ဒါပေမယ့် ပင်နီဆူးလားက ထွက်လာမယ့် ကားတွေနဲ့မှ အတူပါမှာလေ။ ဒီတော့ မဒမ်ပေါကို ငွေငါးဆယ်ထုတ်ပေးလိုက်ပြီး အနားက ချာတိတ်တွေကို ရေဘူးကဒ်တွေသယ်ဘို့ ထည့်လိုက်တယ်။ ဒါပေမယ့် ဖြစ်ချင်တော့ တခြားစေတနာရှင်တွေက သူတို့လည်း ငွေထည့်မယ်၊ လူလည်း လုပ်အားလိုက်ပေးမယ်ဆိုတာနဲ့ ရေဘူးတွေ လောက်လောက်ငှငှ ဝေပေးနိုင်ခဲ့တယ်။ ၁၁ နာရီလောက်ရောက်တော့ အင်္ကျီအနီတွေနဲ့ ဦးထုပ်တွေ ပထမဦးအသုတ်အဖြစ် ရောက်လာတယ်။ အမှိုက်အိတ်အမဲတွေနဲ့ထည့်ထားပြီးတော့လေ။ ဆယ်အိတ်လောက်ရှိတယ်။ အဲဒါတွေကို ကျနော်တို့ ထိုင်နေတဲ့အနားက ပန်းပင်ခြုံပုတ်တွေကြားမှာ မသိမသာ ချထားခဲ့ပြီး လူတွေက အဲသည်ရှေ့မှာ ပိတ်ထိုင်ကြရင်း စကားတွေ ပြောနေကြတယ်။ အင်္ကျီချထားခဲ့သူတွေက သေသေချာချာမှာသွားသေးတယ်။ နေ့လည် ၁ နာရီခွဲ မြို့ထဲက ကား ၇ စီးတိုက်လူတွေ ရောက်လာမှ ဝေရမယ်လို့။ (အင်္ကျီတွေ ထားသွားတာ ဘယ်သူတွေလဲလို သားသားမမှတ်မိဘူး။ လာမမေးကြနဲ့နော်)

မကြာပါဘူး။ ရဲတွေ ရောက်လာပြီး အဲဒီ အထုတ်တွေကို လိုက်ရှာတော့တာပါဘဲ။ သူတို့က သတင်းရပြီးသားလေ။ ရှာလို့မကြာခင်မှာဘဲ ကျနော်တို့ ထိုင်နေတဲ့အနားကို ရောက်လာပြီး အထုတ်တွေအားလုံးကို တွေ့သွားတော့တာပေါ့။

ရဲတွေက မေးတယ်။ ဒါ..ဘာအထုတ်တွေလဲ.....တဲ့။

ကျနော်တို့အားလုံး (အပြစ်ကင်းစင်သော မျက်နှာလေးတွေနဲ့)။ ။.....မသိဘူးခင်ည။

ရဲ။ ။ ဒီအထုတ်ထဲမှာ ဘာတွေရှိလဲ။

ကျနော်တို့။ ။ မသိဘူးခင်ည။

ရဲ။ ။ ငါတို့တော့ အင်္ကျီနဲ့ ဦးထုပ်တွေ ရှိတယ်လို့ထင်တယ်။ ငါတို့ထင်တာမလွဲဘူးဆိုရင် (အနားမှာ အိုဘီပီ အင်္ကျီအနီဝတ်ထားသော ကောင်လေးအား လက်ညိုးထိုး၍) မင်းဝတ်ထားတဲ့ အင်္ကျီမျိုးတွေ အဲဒီထဲမှာ ရှိမှာ သေချာတယ်။

အနီဝတ်ကောင်လေး။ ။(ပြုံဖြီးဖြီး မျက်နှာပေးဖြင့်) ကျနော်တော့ မထင်ဘူး။ (သူဝတ်ထားတဲ့ အင်္ကျီနဲ့ ဒီဇိုင်းမတူမှန်း လဒ ကလေးက အင်ကျူအီးရှင်းနဲ့ သိနေတယ်။း-)

ရဲ။ ။ (အထုတ်တထုတ်ကို ဖွင့်ကြည့်ကာ အထဲမှ အနီရောင် တီရှပ်များကို ချောင်းကြည့်ရင်း) ဒါ ဘယ်သူ့အထုတ်တွေလဲ။

ကျနော်တို့။ ။ မသိဘူး ခင်ည။

ရဲ။ ။ ဒါဆို ပိုင်ရှင်မရှိဘူးပေါ့။

ကျနော်တို့။ ။ဟာ ပိုင်ရှင်တော့ ရှိမှာပေါ့။ သူစောစောကမှ လာထားသွားတဲ့ဟာဘဲ..ဟာဘဲ။ ဒီနားမှာ မရှိဘူးလို့ပြောတာ။

ရဲ။ ။ ပိုင်ရှင်မရှိရင် ငါတို့ သိမ်းသွားရလိမ့်မယ်။ နောက်မှ သူ ရဲစခန်းမှာ ပြန်လာရွေးပေါ့။

ကျနော့်စိတ်ထဲမှာတော့....(ဟိုက်...သောက်ကျိုးနည်း၊ ဒုက္ခ။)

အဲဒီအချိန်မှာ ကျနော်တို့အထဲက တယောက်က တယ်လီဖုန်းနဲ့ တနေရာကို တိတ်တိတ်ခေါ်။ အချီအချ ဗမာလိုပြောကြ။ ပြီးတော့မှ ရဲတွေကို....

“ပိုင်ရှင်ကပြောတယ်။ ဒီအင်္ကျီတွေက ဒီမှာရှိတဲ့ လူတွေကို လှူဘို့တဲ့။ အဲဒီတော့ လူတိုင်းဟာ ပိုင်ရှင်ဘဲ။ သိမ်းချင်ရင် အားလုံးကို လိုက်မေးပြီး သိမ်းပေတော့။”

ပြောရင်းဆိုရင်းဘဲ ဖြစ်စဉ်တရပ်လုံးကို စိတ်ဝင်တစား စောင့်ကြည့်နေတဲ့ ဗမာတွေအားလုံးဘက်ကို လှည့်ပြီး...

“ကဲ...ကဲ...အားလုံး...အင်္ကျီတွေ နဲ့ ဦးထုပ်တွေ တယောက် တစုံစီ လာယူလှည့်ကြ” ဆိုပြီးလည်း အော်လိုက်ရော...........

ဟား.....ဗမာတွေဆိုတာ တက်ညီလက်ညီနဲ့ အပြိုင်အဆိုင် အပြေးအလွှား လာယူပြီး ၀တ်လိုက်ကြတာ ရဲတွေခမြာ သိမ်းဘို့ဆည်းဘို့နေနေသာသာ လက်ဖျားနဲ့တောင် ထိခွင့်မကြုံလိုက်ဘူး။

ကဲ....တွေ့ပလား။ အဲဒီနေ့က သံရုံးရှေ့လာတဲ့ မြန်မာတွေရဲ့ ရာမနဲ့ မတူတဲ့အချက်ကို။ အဲဒီနေ့က မြန်မာတွေဟာ သစ္စာမဖောက်ခဲ့ဘူး။ ဖော်ကောင်မလုပ်ခဲ့ဘူး။ ဘယ်သူဟာ ကိုယ့်အကျိုးအတွက် တိုက်ပွဲဝင်ပေးနေသလဲဆိုတာ သူတို့ ကောင်းကောင်းသဘော ပေါက်တယ်။

ဂျပန်ခေတ်က ဖက်ဆစ်တော်လှန်ရေးအတွက် မြေအောက်တပ်သားတွေကို ပြည်သူလူထုက ကူညီသလိုမျိုး၊ အခုခေတ်မှာ ကျောင်းသားတွေကို ထောက်လှမ်းရေးရန်ကလွတ်အောင် ပြည်သူလူထုက ကူညီသလိုမျိုး၊ အဲသည်လို ကူညီမှုမျုိးက အဲဒီတနင်္ဂနွေနေ့က မြန်မာသံရုံးရှေ့က မြန်မာတွေဆီမှာတွေ့လိုက်ရတယ်။

ကဲ....ကိုယ့်သွေးကိုယ့်သား မြန်မာလူမျိုးတွေဟာ ဘယ်လောက်ချစ်ဘို့ကောင်းသလဲဆိုတာ။

အဲဒီမြန်မာတွေပါဘဲ။ ညနေ ၆ နာရီခွဲတော့ လမ်းဘေးဝဲယာမှာ မတ်တတ်ရပ်ရင်း နိုင်ငံတော်သီချင်းကို သံပြိုင်သီဆိုကြတာ။

ကျနော်တော့ အဲသည်အချိန်မှာ မှတ်တမ်းဓါတ်ပုံရိုက်ရင်း ဘာကြောင့်ရယ်မသိ ကြက်သီးတွေ တဖြန်းဖြန်းထ၊ ရင်ထဲမှာလည်း ဆို့တက်လာပြီး မျက်ရည်များတောင် ၀ဲမိတယ်။ အဲသည်နေ့ကလောက် ဗမာဖြစ်ရတာ ဂုဏ်ယူမိတာ မရှိသေးဘူး။
အဲသည်နေ့က ဗမာတွေ စည်းကမ်းရှိတာ၊ ဇွဲရှိတာ၊ သတ္တိရှိတာ၊ ဒီမိုကရေစီနဲ့ ထိုက်တန်တာ၊ နိုင်ငံရေးအမြင်နိုးကြားတာ အားလုံး တနေ့တည်းနဲ့ အကုန်ပြသနိုင်လိုက်တယ်။ စင်္ကာပူလူမျိုးတွေရဲ့ အင်တာနက်စာမျက်နှာတွေမှာ ၀င်ကြည့်လိုက်ရင် မြန်မာတွေရဲ့ ဒီမိုကရေစီကို မြတ်နိုးမှု၊ စည်းကမ်းရှိမှု၊ ကိုယ်ကျိုးစွန့်မှုတွေကို တခမ်းတနား ချီးမွမ်းထားတာကို တွေ့နိုင်တယ်။
အဲဒီနေ့က အဲဒီလို ဖိအားပေးတောင်းဆိုလိုက်လို့လည်း ဘယ်တုန်းကမှ လူတွေအဆင်ပြေမှုအတွက် ဂရုမစိုက်တဲ့ မြန်မာသံရုံးဟာ မဲပေးရက်ကို သုံးရက်တိတိ တိုးမြှင့်ပေးလိုက်ရတာကို တွေ့ရတယ်။
အဲဒီနေ့က သံရုံးရှေ့က ပွဲကို ဖြစ်မြောက်အောင် စီစဉ်ခဲ့သူတွေရော၊ ပူးပေါင်းပါဝင်ခဲ့တဲ့ မြန်မာတွေကိုပါ ကျနော် ဒီပို့စ်နဲ့ ဦးညွတ်ဂါရ၀ ပြုလိုက်ပါတယ်။

Read more

“အောချာ့ဒ်က အနီရောင်လှိုင်းလုံး”



ဧပြီလ ၂ရ ရက်နေ့ (တနင်္ဂနွေနေ့)က စင်္ကာပူနိုင်ငံ မြန်မာသံရုံးတည်ရှိရာ စိန့်မာတင်ဒရိုက် လမ်းနဲ့ တန်လင်း လမ်းမကြီးပေါ်မှာ အနီရောင်တွေ ရဲရဲတောက်နီသွားခဲ့တဲ့မြင်ကွင်းကို ရိုက်ကူးခဲ့တဲ့ ကျနော့် ကင်မရာထဲက ဓါတ်ပုံတွေကို မျှဝေလိုက်ပါတယ်။ အောက်ကလင့်ခ်မှာ ခေါက်ကြည့်ပါ။


မျိုးချစ်မြန်မာအပေါင်းဟာ ပူလှတဲ့ နေရောင်အောက်မှာ ဇွဲနဘဲနဲ့ တန်းစီပြီး စစ်အစိုးရရေးဆွဲတဲ့ အခြေခံဥပဒေကို ဆန့်ကျင်ကန့်ကွက်ပုံကို စနစ်တကျ ထုတ်ဖော် ဆန္ဒပြသခဲ့ကြပါတယ်။ လူအများစုဟာ ဓါတ်ပုံများမှာ တွေ့မြင်ရမယ့်အတိုင်း NO စာလုံးကို ရှေ့ရောနောက်ပါ ရိုက်နှိပ်ထားတဲ့ တီရှပ်အနီများနဲ့ နိုး စာလုံးပါ ဦးထုပ်အနီများကို ဆောင်းထားကြပါတယ်။
လူတန်းကြီးကရှည်လွန်းတော့ စိန့်မာတင်ဒရိုက်လမ်းထဲမှာသာမက တန်လင်းလမ်းမကြီးပေါ်ကို လျှံကျသွားတယ်။
တနေကုန် နေပူကျဲကျဲအောက်မှာ ဇွဲကောင်းကောင်းနဲ့ ဆန္ဒထုတ်ဖော်ပြသနေသူတွေကို စေတနာရှင်များက သောက်ရေသန့်ဘူးများ၊ အအေးဘူး၊ လက်ဘက်ရည်၊ ပန်းသီးများ၊ ပေါင်မုန့်များ၊ သကြားလုံးများ၊ ဘီစကွတ်မုန့်များဖြင့် အလျှံပယ်ကျွေးမွေးတာကို တွေ့ရပါတယ်။
သံရုံးကတော့ သူ့ထုံးစံအတိုင်း အလွန်အမင်း နှေးကွေးစွာ ဆောင်ရွက်နေရုံမက လူအများစောင့်နေကြတဲ့ကြားက နေ့လည်စားချိန် နှစ်နာရီ ပိတ်ထားလိုက်သေးတယ်။ နောက်တော့ ခဏပြန်ဖွင့်ပြီး အနီရောင်တွေမြင်တော့ လန့်ဖျတ်သွားပြီး မဲရုံကို ခဏပိတ်လိုက်သေးတယ်။ နောက်တော့ အပြင်က ကိုယ်စားလှယ်နှစ်ယောက်ကို သံရုံးထဲခေါ်ပြီး ဆွေးနွေးတယ်။
မြန်မာတွေဟာ လုံးဝ ကြောက်ရွံ့စိတ်မရှိတာကို တွေ့ကြရမှာ ဖြစ်ပါတယ်။ စည်းကမ်းလည်း အင်မတန်သေ၀ပ်လို့ စင်္ကာပူရဲတွေကတောင် အသိအမှတ်ပြုရပါတယ်။နောက်ပြီး သောက်ရေသန့်ဘူးအလွတ်များနဲ့ စားပြီးအမှိုက်များကို မြန်မာလူငယ်များက စည်းကမ်းတကျ လိုက်လံသိမ်းဆည်းပေးပုံဟာ အင်မတန် ဂုဏ်ယူစရာကောင်းတဲ့ မြင်ကွင်းတရပ်ပါ။
ရဲတွေကလည်း လမ်းမပိတ်အောင် ထိန်းသိမ်းပေးတာကလွဲလို့ မနေ့က ၀င်ရောက်စွက်ဖက်ခြင်းမရှိပါဘူး။
ညနေဘက်ရောက်တော့ သံရုံးက မဲရုံပိတ်တယ်ဆိုတာ တရားဝင်ကြေညာမပေးတဲ့အတွက် ထိုင်သပိတ်မှောက်လိုက်ကြပါသေးတယ်။ ညနေ ၆ နာရီ ခွဲ မှာ အားလုံး လမ်းဘေးဝဲယာမှာ မတ်တပ်ရပ်ကြပြီး နိုင်ငံတော်သီချင်းကို သံပြိုင် နှစ်ခေါက်တိတိ သီဆိုပါတယ်။
အဲဒီနောက်မှာတော့ အနီရောင်လှိုင်းကြီးဟာ အောချာ့ဒ်လမ်းမတလျှောက် စီတန်းကာ ပင်နင်ဇူးလား ပလာဇာရောက်သည်အထိ ငြိမ်းချမ်းစွာ လမ်းလျှောက်ပြန်ကြတာကို တွေ့ရပါတယ်။
တနင်္ဂနွေနေ့က စိန့်မာတင်ဒရိုက်ကို လာကြတဲ့ မြန်မာအများစုဟာ သံရုံးက ဖိတ်စာကို မရရှိကြပါဘူး။ မဲပေးခွင့်ရလိမ့်မယ်လို့လည်း မျှော်လင့်မထားကြပါဘူး။ ဒါပေမယ့် မိမိတို့ရဲ့ နိုင်ငံသားအခွင့်အရေးနဲ့ ရပိုင်ခွင့်များအတွက် တောင်းဆိုရင်း မိမိတို့ရဲ့ သဘောထားကို ရဲဝံ့စွာ ထုတ်ဖော်ပြသခြင်း ဖြစ်တာကို သိရပါတယ်။တချို့ဆိုရင် မနေ့က မဲပေးပြီးသားလူတွေဖြစ်ပေမယ့် တမင်သက်သက် အင်အားလာပြတာဖြစ်ကြသလို တချို့ကလည်း မနေ့တွေကတည်းက ငြင်းပယ်ခံရလို့ ထပ်လာကြသူတွေလည်း ရှိပါတယ်။ နောက်ပြီး တနင်္ဂနွေနေ့မနက်ကတည်းက မဲပေးပြီးသော်လည်း မပြန်သေးဘဲ အင်္ကျီအနီက အပေါ်ကနေ နှစ်လွှာမြောက်ထပ်ဝပ်ပြီး ချွေးတပြိုက်ပြိုက်နဲ့ တနေကုန် တောင့်ခံနေတဲ့ မြန်မာတွေလည်း အမြောက်အများတွေ့ရပါတယ်။ သူတို့အချင်းချင်းပြောနေကြတဲ့ စကားတွေကို ဘေးက ဖြတ်သွားရင်း ကြားမယ်ဆိုရင် မြန်မာတွေ နိုင်ငံရေးအသိ ဘယ်လောက် နိုးကြားနေသလဲဆိုတာ သိနိုင်ပါတယ်။ ဒါ့အပြင် မြန်မာတွေဟာ အခုဆိုရင် ဓါတ်ပုံထဲ ပါရမှာ ကင်မရာမှာ ပေါ်မှာကိုလည်း လုံးဝနောက်မတွန့်တော့ပါဘူး။ ကင်မရာတလုံးနဲ့ လျှောက်ရိုက်နေတဲ့ ကျနော့်ကို လှမ်းခေါ်ပြီး အုပ်စုပုံတွေ သီးသန့်ပုံတွေ ရိုက်ခိုင်းရတာလည်း သူတို့မှာအမော။ ပြီးတော့ သံရုံးပြူတင်းပေါက်က လှမ်းရိုက်နေတဲ့ ဗီဒီယိုကင်မရာကိုတောင် လက်တွေကြက်ခြေခတ်ပုံမြှောက်ပြီး စိန်ခေါ်လိုက်ပါသေးတယ်။
တနင်္ဂနွေနေ့မှာ အင်္ကျီအနီတွေဝတ်ပြီး ဆန္ဒပြမှာမို့ မဲပေးလိုတဲ့ မြန်မာတွေ မလာရဲလောက်ဘူးလို့ ပြောနေကြသူများ တက်တက်စင်အောင် လွဲမှားတာကို တွေ့ရပါတယ်။ လာတဲ့လူတိုင်းဟာ အဓိကရုဏ်းနှိမ်နင်းရေးကားကြီးများ အချုပ်ကားကြီးများ အဓိကရုဏ်းနှိမ်ရဲများ ထူထပ်စွာချထားပေမယ့် ကြောက်ရွံ့နောက်တွန့်သွားခြင်းမရှိဘဲ အေးချမ်းစွာ တနေကုန်စုဝေးခဲ့ကြပါတယ်။
နောက်တခု သတိပြုရမှာကလည်း သံရုံးရဲ့ လုပ်ကိုင်ပုံဟာ အင်မတန် နှေးကွေးလွန်းခြင်းပါဘဲ။ မဲမပေးမီရက်ကတည်းက တာဝန်သိ ဒီမိုကရေစီအင်အားစုအချို့ဟာ သံရုံးကို သွားရောက်ပြီး သည်အချက်ကို ထောက်ပြတဲ့အခါ...သံရုံးက “အဲဒါ၊ ကျနော်တို့ ကိစ္စပါ။ ကျနော်တို့ ကိုင်တွယ်ဖြေရှင်းနိုင်ပါတယ်” ဆိုပြီး ပြန်ပြောတာကို ကြုံခဲ့ရပါတယ်။ စနေနေ့ကလည်း မြန်မာလူငယ်အချို့က Laptop Computer များနှင့်အတူ မဲပေးခြင်းကို မြန်ဆန်စေရန် ကူညီဘို့ ကမ်းလှမ်းတော့လည်း “လိုအပ်ရင် ဆက်သွယ်ပါမယ်” လို့ အလိမ္မာနဲ့ ငြင်းပယ်လိုက်ပြန်ပါတယ်။
အခုလို ပုံမျိုးနဲ့ဆိုရင် သံရုံးက ဖိတ်ကြားတဲ့ လူအရေအတွက် တစ်သောင်းလေးထောင် တောင်ပြည့်အောင် မဲပေးနိုင်ဖွယ်မရှိပါဘူး။
ကျနော်လည်း စနေနေ့ကတည်းက သွားရောက်ကန့်ကွက်မဲပေးခဲ့ပါတယ်။
ဘာဘဲဖြစ်ဖြစ်...ဒီ Referendum ဟာ အဆုံးသတ် တိုက်ပွဲဖြစ်ချင်မှ ဖြစ်ပါလိမ့်မယ်။ သို့သော် ကျနော် တခါက ပြောဘူးသလိုဘဲ လူထုရဲ့ နိုင်ငံရေးရေချိန်နဲ့ နိုးကြားမှုကို မြှင့်တင်နိုင်မယ့် အခွင့်အလမ်းတခုတော့ မုချမသွေ ဖြစ်လာပါလိမ့်မယ်။
(နောက်ပိုင်းမှာမှ စနေတနင်္ဂနွေ မဲပေးကြတဲ့အချိန်က အဖြစ်အပျက်တွေကို ဒီထက်ပိုပြီး အသေးစိတ်အောင် ရေးပြပါဦးမယ်။ အခုတော့ ဓါတ်ပုံတွေနဲ့ဘဲ ကျေနပ်ကြပါဦး)
Read more

“တွမ်ခရုဇ် နဲ့ ကျနော်”

“မပြောချင်ဘူး….မပြောချင်ဘူး…….ပြောကို မပြောချင်တော့ဘူး။ ”

ကိုပေါတယောက် အဲသလို စကားခံလိုက်ပြီ ဆိုရင် အများကြီးပြောတော့မယ်ဆိုတာ သဘောပေါက်။

ကြုံတုန်းမို့ (သူ့နှယ်...ကြုံဘဲ ကြုံနိုင်လွန်းတယ်လို့ ထင်တော်မမူကြပါနဲ့ဂျာ) နည်းနည်းလောက် ထပ်ပြီး လျှာရှည်လိုက်ဦးမယ်။ …..ဗမာစကားမှာ…

“ရိုင်းတယ်လို့လဲ မထင်ပါနဲ့” ….ဆိုတဲ့ စကားချီလာရင်….ကြပ်ကြပ် သတိသာ ထားကြပေတော့။ ဘာကြောင့်လဲဆိုရင် နောက်ဆက်တွဲအနေနဲ့ ပိဿလေးနဲ့ ဘေးပစ်သလို တစ်တစ်ခွခွ မေးတာ၊ ပြောတာ ခံရတော့မှာမို့လို့ပါဘဲ။

အလားတူ… “ဟောဒီက ငါ့နှမကြီးကို ကန်တော့ပါသေးရဲ့”…တို့၊ “နားနဲ့မနာ ဖ၀ါးနဲ့နာပါ…” တို့ နဲ့ အစချီလာရင် နောက်က မကြားဝံ့မနာသာတွေ ကပ်ပါလာဘို့ ၉၉ ဒဿမ ၉၉၉၉ ရာခိုင်နှုန်းလောက် ကျိန်းသေပြီသာမှတ်။ ခင်ဗျားတို့ ဗမာစကား တယ်လည်း ရှုပ်သကိုး။ ဒါကြောင့် အိုင်က ဘားမီးစ်လို သိပ် မစပိခ် ချင်တာ။

ဘာဘဲဖြစ်ဖြစ်.....အခုတော့ မပြောမပြီး မတီးမမြည်ဆိုတော့ ပုစွန့်လက်မ သက္ကဋ ရွှေစည်ကြီးကို ထီကနဲ တီးတဲ့ပြီး ကြေညာမောင်းခတ်လိုက်ရဦးမယ်။

ကျွန်ုပ်တို့၏ အကောင်းစားလေး လီယိုနာဒို ဒါကိုပေါ တယောက် လောလောလတ်လတ် ကြုံတွေ့နေရတဲ့ အဖြစ်ကတော့ မိုင်နော်ရတီ ရီပို့တ် (Minority Report) ဆိုတဲ့ ဟောလီးဝုဒ် ရုပ်ရှင် ဇာတ်ကားကြီးထဲက ဇာတ်လိုက် လိုတော့ ဖြစ်နေပါပြီဗျာ။ (ဘလော့ဂါ တီဇက်အေ၏ လေကို ခပ်တည်တည်နှင့် ခိုးသုံးလိုက်သည်။ ဘာတတ်နိုင်သေးလဲ ကိုယ့်လူ)

အများသိကြတဲ့အတိုင်း အဲသည်ဇာတ်ကားထဲမှာ သရုပ်ဆောင်တဲ့သူက ဟောလီးဝုဒ် မင်းသားချော တွမ်ခရုဇ်တဲ့။ အံမယ်လေး..နံမယ်ပြောရတာနဲ့တင် တရုတ်ဆိုင်မှာ ပြေးပြီး ခရုကြော်တပွဲလောက် မှာစား ချင်လာပြီနော်…ရှလွတ်။ အဲ…ရာရာစစ ကိုယ့်ကိုယ်ကို တွမ်ခရုဇ်နဲ့ နှိုင်းလို့ ရုပ်ချင်းတူသလားဆိုတော့…..ဟုတ်ရပေါင်။ တွမ်ခရုထက် အရပ်ပိုမြင့်လေတော့ ထောင်ထောင်မောင်းမောင်းနဲ့မို့ ပိုကြည့်ကောင်းသတဲ့။ ဟင့်အင်း... ဘယ်သူကမှ ပြောတာဟုတ်ပါဘူး။ ကိုယ့်ဟာကိုယ် မှန်ထဲမှာ ကြည့်ပြီး ပြောနေတာလေ…။

ကဲကဲ…ထုံးစံအတိုင်း ဗွေဖောက်ဖောက်လာရတာနဲ့ လိုရင်းမရောက်နိုင်ဘူးဖြစ်နေတယ်။
ခုနင်က ရုပ်ရှင်ဇာတ်ကားက အီးတီ၊ ရှင်းဒလားစ်လစ်၊ ဂျူရက်ဇစ်ပါ့ခ်၊ ဆေ့ဗင်း ပရိုက်ဗိတ်ရိုင်ယန်း၊ အာ့တီဖစ်ရှယ် အင်တဲလိဂျင့် (အေအိုင်) စတဲ့ နာမည်ကျော် ဇာတ်ကားကြီးတွေမှာ ဒါရိုက်တာ လုပ်တဲ့ စတီဗင် ငပိဘတ် ရိုက်ကူးတဲ့ ခေတ်လွန်သိပ္ပံကားလေ။

ခေတ်လွန်သိပ္ပံကားဆိုတဲ့အတိုင်း ဇာတ်ကားထဲမှာ အဆန်းတကြယ် အထက်အောက် ပြေးလွှားနိုင်တဲ့ သံလိုက် မော်တော်ကားတွေနဲ့အတူ အခြား ထူးဆန်းထွေလာ ကိရိယာတန်ဆာပလာ အသုံးအဆောင်တွေကို ရင်သပ်ရှုမော တွေ့နိုင်ပါတယ်။

အဲဒီဇာတ်လမ်းရဲ့ ကျောရိုးက အနာဂတ်ရဲတပ်ဖွဲ့ဟာ ရာဇ၀တ်မှုကို ကြိုတင်ကာကွယ်တဲ့နေရာမှာ သုံးတဲ့နည်းလမ်းအကြောင်းဘဲ။ ဇာတ်လမ်းထဲက ရဲစုံထောက်တွေဟာ အနာဂတ်မှာ ဖြစ်ပွားမယ့် ရာဇ၀တ်မှုတွေကို ကြိုတင်ဟောကိန်းထုတ်နိုင်တဲ့ အကြားအမြင်ရတဲ့သူ သုံးဦးရဲ့ အကြားအမြင်တွေအပေါ်မှာ အခြေခံပြီး ရာဇ၀တ်သား အလောင်းလျာတွေကို အမှုမဖြစ်ခင်ကတည်းက ကြိုတင်ဖမ်းဆီးတယ်။ ပြီးတော့ လူကောင်းသူကောင်းဖြစ်လာအောင် ပြန်လည် ပြုပြင်ပေးရေးစခန်းတွေကို ပို့ပြီး လေ့ကျင့် ပြုပြင်ပေးတယ်။

တနေ့မှာ ရဲစုံထောက် ဂျွန်အင်တာဒမ် (တွမ်ခရုဇ်)ဟာ အနာဂတ်မှာ သူမမြင်ဘူးတဲ့ လူတယောက်ကို သူသတ်မိတော့မယ်လို့ ဟောကိန်းထုတ်ထားတဲ့ အကြားအမြင်ရသူ သုံးဦးရဲ့ ရီပို့တ်ကို သွားတွေ့တယ်။ အဲသည်မှာ သူအဖမ်းမခံရအောင် ထွက်ပြေးတာက စလို့ အသည်းတထိတ်ထိတ် ရင်တဖိုဖိုနဲ့ ကြည့်ရတဲ့ စိတ်ဝင်စားဘွယ် ရုပ်ရှင်ကားတကားပေါ့။

ပြောသာပြောရတယ်။ ခေတ်လွန်သိပ္ပံကားလို့ နာမည်ပေးတာ မှားနေပြီနဲ့တောင် တူတယ်။ ဘာကြောင့်လဲဆိုတော့ ဟောဒီ စင်္ကာပူဆိုတဲ့ ကျွန်းပိစိ နိုင်ငံလေးမှာ အဲသည်နည်းကို အခုကတည်းက စတင်အသုံးပြုနေတာ တွေ့ရလို့ဘဲ။

ဘာကြောင့် အဲသလို ပြောနိုင်ရသလဲဆိုတော့….

စင်္ကာပူသမ္မတနိုင်ငံတော်ကြီးမှာ အနော်တို့ အမိမြန်မာနိုင်ငံတော်ကြီးလိုဘဲ နိုင်ငံတော် လုံခြုံရေးကို ထိပါးလိုသူများ၏ အန္တရာယ်မှ ကာကွယ်သော အက်ဥပဒေဆိုတာ ရှိသတဲ့ကွယ်။ ဘိုလိုတော့ အင်တာနယ် ဆီကျူရတီအက် (၀ါ) အတိုခေါက် အိုင်အက်စ်အေ လို့ ခေါ်လေရဲ့။ မြန်မာလိုတော့ ၅(ည) ပေါ့။ မြန်မာပြည်မှာလည်း အဲသည်ဥပဒေနဲ့ ကျောင်းသားတွေ နိုင်ငံရေးသမားတွေကို ထောင်ထဲ ဆွဲဆွဲထည့်နေတာကြာပါပေါ့လား။ ဒီတော့ စင်္ကာပူကလည်း ကျနော်တုိ့မြန်မာနိုင်ငံနဲ့ ဒီနေရာတခုမှာတော့ ရင်ဘောင်တန်းနိုင်ရှာလေတယ်လို့ ဆိုရမယ်။ မြန်မာ့ မဟားတရား၊ ကမ္ဘာကို လွှမ်းစေရမည် ဆိုတာ ဒါမျိုးပေါ့။

အဲအဲ….ခုနင်က အိုင်အက်စ်အေ လို့ခေါ်တဲ့ အက်ဥပဒေကြီးကို ကိုင်ပြီး မသင်္ကာတဲ့လူတွေကို ကြိုက်သလောက် အချိန် အကန့်အသတ်မရှိ ဖမ်းဆီးထားလို့ ရသဗျ။ တရားမျှတစွာ ရုံးတင်စစ်ဆေးခြင်းလည်း အလျဉ်းမရှိချေဘူး။

ဥပမာ…ဟိုတလောက ထွက်ပြေးလွတ်မြောက်သွားတယ်ဆိုတဲ့ အကြမ်းဖက်သမားလို့ သံသယအဖြစ်ခံရသူ မာ့စ် ဆီလာမက်ဆိုရင် အိုင်အက်စ်အေနဲ့ဘဲ အထိန်းသိမ်းခံ ထားရတာဘဲ။ အကြမ်းဖက်သမားလို့ သံသယ အဖြစ်ခံရတာဘဲ ရှိသေးတာနော်။ တကယ့်တကယ် တရားရုံးတော်ကနေ ပြစ်မှုထင်ရှားတယ်လို့ ဆုံးဖြတ်တာမျိုးမဟုတ်ဘူး။ တရားမျှတတဲ့ ဥပဒေ အရ ဖြစ်သင့်တာကတော့ လူတယောက်ဟာ ပြစ်မှုကျူးလွန်တာ ထင်ရှားတယ်လို့ တရားရုံးတော်က မဆုံးဖြတ်မချင်း အဲသည်လူမှာ အပြစ်မရှိဘူးလို့ သဘောထားရမယ်တဲ့။ ဘိုလိုပြောရရင် Innocent until proven guilty ပေါ့ဗျာ။ ဆိုလိုတာက ရဲတွေ ထင်တာမှားတာလည်း ဖြစ်နိုင်တာဘဲ။

အဲဒီအတွက် လူတယောက်ကို ရာဇ၀တ်မှုကျူးလွန်သူလို့ သံသယဖြစ်လို့ ရဲက ထိုသူ ထွက်ပြေးလွတ်မြောက်မသွားအောင်ဖြစ်စေ၊ အခြားသူများကို ရန်မမူနိုင်အောင်ဟန့်တားလို၍ ဖြစ်စေ ရဲက ဖမ်းချုပ်ထားချင်ရင် တရားရုံးတော်မှာ ခိုင်လုံတဲ့ အကြောင်းပြချက်၊ သက်သေအထောက်အထား တင်ပြထားနိုင်မှသာ တရားရုံးတော်ရဲ့ ခွင့်ပြုချက်နဲ့ ခေတ္တဆက်လက်ထိန်းသိမ်းထားနိုင်တယ်။

ဒါပေမယ့် အဲဒီလို ရုံးတော်ရဲ့ ခွင့်ပြုချက်နဲ့ ထိန်းသိမ်းထားစဉ်တောင်မှ တရားခံအဖြစ် သံသယ အဖြစ်ခံရသူဟာ သူ့ကို တရားဥပဒေကြောင်းအရ ကာကွယ်ပေးနိုင်မယ့် ရှေ့နေရှေ့ရပ်နဲ့ ပုံမှန် တွေ့ဆုံခွင့်ရှိရမယ်။ သူ့ကိုသူ တရားဥပဒေကြောင်းအရ ခုခံကာကွယ်ပိုင်ခွင့်ရှိတယ်။

သူ့မှာ အပြစ်ရှိတယ်ဆိုတာကို သက်သေပြဖို့ တာဝန်ဝတ္တရားဟာ အစိုးရ ရှေ့နေ (တရားလို) ဘက်မှာဘဲ လုံးလုံးရှိတယ်။ အဲဒီလို အပြစ်ရှိပါတယ်ဆိုတာကို ရုံးတော်မှာ သက်သေအထောက်အထား ခိုင်လုံစွာနဲ့ ရှင်းလင်းစွာ၊ ယုံကြည်လက်ခံနိုင်လောက်ဖွယ်ရာ (Beyond doubt) မပြဆိုနိုင်ဘူးဆိုရင် တရားခံမှာ တကယ်အပြစ်ရှိတယ်ဆိုဦးတော့ ဥပဒေကြောင်းအရ သံသယ အကျိုးကို ခံစားခွင့်ရှိပြီး အပြစ်ဒဏ်ကနေ ကင်းလွတ်ခွင့်ရှိရမယ်။

အဲဒီတော့ လူတယောက်ကို စွဲချက်မတင်ဘဲ ရဲဘက်က သံသယ ရှိရုံသက်သက်နဲ့ နှစ်ရှည်လများ အကြာကြီး ထိန်းသိမ်းထားပိုင်ခွင့်မရှိဘူး။

နောက်ပြီး စိုးရိမ်စရာကောင်းတာက အဲဒီ အိုင်အက်စ်အေ ဆိုတဲ့ ဥပဒေကြီးကို အာဏာရ အစိုးရက အလွဲသုံးစားလုပ်ပြီး သူတို့နဲ့ အမြင်မတူတဲ့ အတိုက်အခံ နိုင်ငံရေးခေါင်းဆောင်တွေ ကို ဖမ်းချင်တိုင်း ဖမ်းတဲ့နေရာမှာ အသုံးပြုနိုင်တယ်။ ကျနော်သိတဲ့ နိုင်ငံတနိုင်ငံဆိုရင် အဲဒီဥပဒေကို အလွဲသုံးစားလုပ်ပြီး အတိုက်အခံခေါင်းဆောင်တွေကို မတရားဖမ်းတယ်။ အတိုက်အခံခေါင်းဆောင်တယောက်ကိုဆိုရင် နှစ်ပေါင်း ၂၀ ကျော် မတရားသဖြင့် ထိန်းသိမ်းထားခဲ့တာမျုိးရှိတယ်။ ဘယ်နိုင်ငံလဲဆိုတာ နာမည်တပ်တော့ ကျနော်မပြောရဲဘူး။ အသရေဖျက်မှုနဲ့ တရားစွဲပြီး ကျနော့်ကို ဒေ၀ါလီခံရအောင် လုပ်မှာစိုးလို့။ အသရေဖျက်မှုနဲ့ တရားစွဲတိုင်း အစိုးရဘက်က အမြဲနိုင်တဲ့ နိုင်ငံပိစိကွေးလေး တနိုင်ငံလို့ဘဲ မှတ်ထားလိုက်ရအောင်။

လောလောဆယ် စင်္ကာပူမှာ မိုင်နော်ရတီ ရီပို့တ် ထဲကလို အမှုအခင်းကို မဖြစ်အောင် ဘယ်လိုတားဆီးသလဲ ဆိုတာပြောပြရဦးမယ်။

အရင်ပို့စ်တွေထဲမှာ ကျနော်ရေးခဲ့ဘူးတဲ့အတိုင်း စင်္ကာပူမှာ နေ့ကြီးရက်ကြီး ရောက်ကာနီးလာပြီဆိုရင် စင်္ကာပူရဲက ကျနော်တို့ကို ဖုန်းခေါ်လေ့ရှိတယ်။ (ကျနော်တို့မှာ ရဲတွေ တိတ်တခိုးစွဲလမ်းစေတဲ့ ချစ်မွှေးပါပုံရတယ်။ မနာလိုမဖြစ်ကြနဲ့။) ဥပမာ...ဒီတနင်္ဂနွေမှာ မြန်မာတွေ အလုံးအရင်းနဲ့ မြန်မာသံရုံးသွားပြီး မဲပေးတော့မယ်ဆိုရင် မနေ့ကတည်း ကျနော်တို့ ဒီမိုကရေစီအင်အားစုတွေကို တန်လင်း ရဲဌာနချုပ်က ဖုန်းခေါ်တယ်။ ဘာပြောတာလဲဆိုတော့ စင်္ကာပူရဲ့ ဥပဒေကို မချုိးဖောက်ဘို့ ပြောတယ်။

ကဲ....မိုင်နော်ရတီ ရီပို့တ် ဇာတ်ကားထဲက အဖြစ်နဲ့ တူမနေပေဘူးလား။ အမှုတောင် မကျူးလွန်ရသေးဘူး။ လူကို ကြိုတင်ပြီး ဥပဒေချိုးဖောက်သူအလောင်းလျာတွေအဖြစ် သတ်မှတ်နေပြီ။ အင်း....စင်္ကာပူမှာ ဒီမိုကရေစီအရေး လှုပ်ရှားသူလုပ်ရတာ မချောင်ဘူး။ အလကားနေရင်း တွမ်ခရုဇ်နဲ့ အနှိုင်းခံနေရတယ်။

မဒမ်ပေါက ခပ်စွာစွာ အစားထဲကဆိုတော့ “နင်တို့ ငါတို့ကို ဘာကြောင့် ဒီလိုလာပြောရတာလည်း။ ငါတို့ကို ပြဿနာရှာတဲ့လူတွေ ( Trouble Maker ) တွေလို့ စွတ်စွဲချင်တာလား ” လို့ မေးတော့လည်း ....“မဟုတ်ပါဘူး။ အကြံပေးရုံသက်သက်ပါ။ စိတ်မရှိပါနဲ့” ဆိုပြီး ပြန်ပြောတယ်။

သြော်....တော်တော်ဘဲ...အားအားယားယား၊ အလကားနေရင်း အကြံဉာဏ်အလကား လိုက်ပေးရတယ်လို့။
ကဲ...ကဲ....ရေးကောင်းကောင်းနဲ့ ရေးလိုက်တာ လေကြောက တော်တော်ရှည်သွားပြီ။ နေ့လည်စာ စားချိန်လည်း နီးပြီ။

အခု နေ့လည်စာ စားထွက်ရင်း မြန်မာသံရုံးကို သွားပြီး မဲရုံမှူးကို လိုအပ်သည်များကို သွားရောက် ညွှန်ကြားလိုက်ဦးမကွယ်။

ကဲ..... ညိုချောအမျိုးခေါ်တွင်တဲ့.... ကိုပေါသူခိုးဖော်ပင်....အဲလေ... ကိုပေါသတိုးတော်ဝင်ကလေးခမြာ....နဂိုသဘော “နိုး” ပေါ်တင်လေး ပေးနိုင်ရအောင်.....မြန်မာသံရုံးအပေါက်ဝကို.. မကြာအမြန်ဆုံးရောက်ရစေတော့လို့.... ဗေလုဝနတ်စောင်း ငါးကွင်းဥသျှောင် နတ်မင်းဆောင်တဲ့ သန်းခေါင်မောင်းမှာ ခုနစ်ချောင်းညှို့ ဆိုင်ရာကို တို့ပြီးလျှင် ချောပို့တော်မူစမ်း ကိုးရွာစား။ (ဒီတခါ ခိုးချလိုက်တာက ဦးပုညဆီကကွဲ့။ မောင်ပုည...မင်းဘာတတ်နိုင်သေးလဲကွယ်...ငှဲငှဲ)
Read more

“ငုတ်တုတ် ကိုပေါ”

ကျနော်ငယ်ငယ်က ကျောင်းက အခမ်းအနားတခုမှာ အခမ်းအနားမှူးလုပ်စဉ် စကားပြော မှားတဲ့ အဖြစ်အပျက်ကလေးတခုကို သတိရမိတယ်။

“ပထမဆုံး အစီအစဉ်အရ ကျောင်းအုပ်ဆရာကြီးမှ ဆုံးမသြ၀ါဒ ပြောကြားပေးပါရန် ဖြစ်ပါတယ်။ ဆရာကြီးခင်ဗျား..... ဆုံးမသြ၀ါဒ ပြောကြားပေးပါရန် ပန်ကြားအပ်ပါတယ်” ဆိုတဲ့ အစီအစဉ်ကို ကြေညာစဉ်ကပေါ့ဗျာ။ အဲသည်မှာ “ဆုံးမသြ၀ါဒ” လို့ပြောရမယ့်အစား ကျနော့်မှာ လျှာခလုပ်တိုက်ပြီးတော့ “အုံးမ ဆောဝါဒ” ချည်းဘဲ မှားပြောနေတယ်။ ကျနော့်ဟာ ကျနော် မှားမှန်းသိလို့ ပြင်ပြောဘို့ ကြိုးစားလေလေ “အုံးမ…အုံးမ…” နဲ့ ထစ်ပြီး ပိုမှားလေလေဘဲ။ ကျနော်မှားလိုက်တိုင်း စင်အောက်က ကျောင်းသားတွေဆိုတာ…. ဘာပြောကောင်းမလဲ…. ရယ်လိုက်ကြတာ တအုံးအုံးပေါ့။ ပိုဆိုးတာက ဆရာကြီးက စင်မြင့်ပေါ်လည်းရောက်လာရော ဘာပြောသလဲဆိုတော့... “ ဧကန္တတော့…. အခမ်းအနားမှူးစာရွက်ထဲမှာ အုံးမ လို့ မှားရေးထားပြီ ထင်တယ်” တဲ့။ အဲသလိုလည်း မှတ်ချက်ချလိုက်ရော… ဟာ၊ အောက်က ပရိတ်သတ်ဆိုတာ ပတ်တုပ်လို့ မနိုင်တော့ဘူး။ တဝေါဝေါ ပွဲကျ ကုန်ကြတာပေါ့။ အဲသည်တလောက ကျနော်ကိုပေါ အကောင်းစားလေးခမြာမယ် သူငယ်ချင်းတွေက “အုံးမ” “အုံးမ” နဲ့ လိုက်နောက်တာ အတော်လေး ခံလိုက်ရသဗျ။

အခုလည်း ကျနော်တို့ ဒီမိုကရေစီ အင်အားစုတွေ အကြားမှာ Vote No နဲ့ No Vote ကို ပြောကြရလွန်းလို့ ထင်တယ်။ လျှာခလုပ်တိုက်ပြီး “ဗိုးနုတ်”တွေ “နုတ်ဗိုး”တွေနဲ့ မှား မှားပြောသူတွေ စင်္ကာပူက အစည်းအဝေးတွေမှာ မကြာခဏကြုံရတယ်။ ဒါပေမယ့် ကိုယ့်တုန်းက သူများတွေ ရယ်သလိုတော့ အသံထွက် ရယ်လို့ ဘယ်ဖြစ်မတုန်း။ အစည်းအဝေးမှာ အားလုံးက မျက်နှာထိ မျက်နှာထားကြီးတွေနဲ့ အသည်းအသန် ဆွေးနွေးနေတာမို့လား။ ဒီတော့ သတိမထားလိုက်မိသလို ခပ်တည်တည် မျက်နှာသေလေးဖမ်း၊ စူးစိုက်နားထောင်နေသလိုလိုနဲ့ ၀မ်းထဲက ကျလိကျလိဆိုပြီး အလိပ်လိုက် အလိပ်လိုက် တက်လာတဲ့ ရယ်ချင်စိတ် လှိုင်းလုံးကြီးကို မနည်းကျိတ်မှိတ်ပြီး ချွန်းအုပ်ဘို့ ကြိုးစားရတာပေါ့။

ဘာဘဲဖြစ်ဖြစ်….အခုတော့ လူထုဆန္ဒခံယူပွဲကြီးက တရှူးရှူးတရှဲရှဲနဲ့ အရှိန်ရလာတဲ့ ရေနွေးငွေ့စက်ခေါင်းကြီးလိုဘဲ။ ရပ်တန့်ဘို့ လမ်းလွှဲဘို့ မဖြစ်နိုင်တော့ဘူး။ အမျိုးသား ဒီမိုကရေစီအဖွဲ့ချုပ်က တိုက်တွန်းသလိုဘဲ ကန့်ကွက်မဲ သွားထည့်ရတော့ပေမပေါ့။ စင်္ကာပူမှာလည်း ဒီလိုဘဲ လုပ်ကြဘို့ အားလုံး တိုင်ပင်ကြ သဘောတူကြပြီးပြီမဟုတ်လား။ အများညီတော့ “ဤ” ကို “ကျွဲ” ဖတ်ရတော့ပေမပေါ့။

အင်း……..ဦးသုခရဲ့ ဘ၀သံသရာ သီချင်းကြီးကိုသာ ညည်းပစ်လိုက်ချင်တော့တယ်။

“ဖြစ်ချင်တာလည်း မဖြစ်ရပါ…..မဖြစ်ချင်တာလည်း ဖြစ်ရတာ” ဆိုတာလေ။

သို့ပေမယ့်လည်း….အဲ…တဲ့ပေါ့လေ။ ကိုမွှေးရဲ့ ကဗျာလေးကို တနေရာမှာ သွားဖတ်မိသဗျ။ ကျနော်ကိုယ်တိုင်လည်း လာမယ့် တနင်္ဂနွေနေ့မှာ မျက်လှည့်ဝိုင်းဘေး ငုတ်တုတ်ထိုင်သူတွေထဲက တယောက်…အမယ်မင်း… ဖြစ်ရတော့မယ်….ဟယ့်…အယ်။
အောက်မှာ ကိုမွှေးကဗျာလေး ကြိုက်လို့ ထည့်ပေးလိုက်ပါတယ်။ (ပိုင်ရှင်ကိုမွှေးရေ…ခွင့်မတောင်းဘဲ ထည့်လိုက်မိတာ ခွင့်လွှတ်ပါဗျာ။)

“ဆန္ဒခံယူပွဲ”

လူသတ်သမားဟာ ၀ိုင်းထဲဝင်လာတယ်
မောင်းကွဲတလုံးကို ကောက်ကာငင်ကာ တီးတယ်
မျက်လှည့်ပြတော့မယ် …။

ဖမ်းဟယ် … ဆီးဟယ် … နှက်ဟယ် … သတ်ဟယ်
ကြီးကြီးငယ်ငယ် ရွယ်ရွယ်ပျိုပျို
ဗြုန်း … ဆို တုန့်ဆိုင်း
မျက်လှည့်ဝိုင်းဘေး
ငုတ်တုတ်လေးတွေ …။

တချို့က
ဟဲ့ … ရှူး တိုးတိုး
သူစိတ်ဆိုးမယ်
ငြိမ်ကြည့်ကွယ် … တဲ့။

တချို့က
ရုတ်တရက်ထ
ပီယဆေးဝယ် …။

အလောင်းကတော့
ဘေးမှာ စင်းစင်း
သွေးချင်းနီတုန်း …။ ။

ကိုမွှေး
Read more

“စန္ဒကိန္နရီ”

ဂန္ဓမာ စန္ဒာတောင်
စုံမြိုင်နန်းမှာ
ဖူးပွင့်ကြတဲ့ ပန်းမာလာ…
ဆင်းရနံ့ကဖြာ…
ငှက်ပေါင်းရယ် သာရကာ
သံစာစာနဲ့
မြူးတူး…ပျော်ကြ….ရှာ။

မြောင်သီလာ
သီတာဗွေစွန်
ရေတံခွန်ဖြာ
မြသွေးရယ်ကြည်လင်စွာ
ခွေကာရစ်လည်
မြစ်နဒီ စန္ဒပါ။

သဲငွေသောင်
သောင်ယံဦး…မှာ
စန္ဒာစန္ဒီ ကိန္နရီတို့မှာ
ပန်းပေါင်းထွေထွေ
ပြာရွှေနီဝါ
ဆင်မြန်းကာဘဲ
ကခုန်မြူးရှာ
နန်းမူ..နန်းရာ
ဆန်လှတာ
ရွှေလည်တွဲ အောင်ပွဲခံကာ
ပျော်ကြရှာ။

လှမ်းမယ်…ပ
မြန်းစို့ ကိန္နရီ
ကိန္နရာ..တူမကွာ
တွဲကာ နွှဲကာ ၀ဲကာပျံကြ
တွဲကာ.. နွှဲကာ.. ၀ဲကာပျံကြ..
ပန်းစုံစွာ
ဂနိုင်တွင်း ကြိုင်သင်းလို့သာ
ပန်းစုံစွာ….
သြော်…ဂနိုင်တွင်း ကြိုင်သင်းလို့သာ
ဖို…မ သံချိုထူးလို့သာ
ငွေသောင်ယံ
ရွှေတောင်ပံ
မခွဲရက်အောင်
နွှဲ….ယှက်ပျော်တာ။

ထိုစဉ်အခါ
ဗာရာသနင်း
မင်းဗြဟ္မဒတ် ဘုရင်ရာဇာ
အဖော်မပါ တကိုယ်တည်းသာ
လေးတော်ထမ်းကာ
မြိုင်နန်းဟေမ၀ါ
ရောက်လို့လာတာ။
ကိန္နရီ ကိန္နရာ
နှစ်ဖော်ကြင်ရာ
ပျော်ရွှင်နေတာ
မြင်လိုက်တော့ကာ….။

မင်းဘုရင် အတင်းပင်
မြိုင်နန်းသူ ကိန္နရီ
ဒေ၀ီခင်ရဲ့အပေါ်
မေတ္တာတော် ထားဘို့ကြံရာ…
သူ့လင်သက်ဝေ..
ချစ်သူဆွေကို..
ဇီဝိန်ကြွေအောင်
စိန်စက်မြားနဲ့
တအားလွှဲပစ်ကာ
သနား….မညှာ
မင်းဗြဟ္မဒတ်ရာဇာ။

အို……ငွေမှုန်ကြဲ
သဲသောင်ယံမှာ
လောင်းမြတ်ကိန္နရာ…
အို…မြားနဲ့ခွင်း…ပါလို့
ချစ်မယားမှာ
သောကဖြာ
စီးကျ…မျက်ရည်တွေတွေ
လင်ရွှေတုံ
ဂမုန်း….မယ့်သက်လျာ
အို…ဆုံး…ဆုံးပေါ့တခါ
အသဲအူ ပူအောင်ဖန်လို့သာ
ပွေ့ယူ…ရင်ခွင်ထဲမှာ
ငိုမစဲ ရှိုက်ငင်သည်းထန်စွာ။

သည်စဉ်အခါ ဗြဟ္မဒတ်ဘုရင်မင်းမှာ
မျက်နှာချိုသွင်းကာ
ချစ်စကားပြောဘို့ အနားကိုကပ်ခါ
“ပျိုကိန္နရီ…မောင်ဘုရားကိုသနား..
မေတ္တာတော်ထားရင်
မိဘုရားမြှောက်ကာ လက်ယာထားမှာ…”

ရက်စက်စွာပြောသော်လည်း
ချစ်လင်ကလွဲ ဖွဲစကွဲ ထင်ကာ
ရက်စက်စွာ…ပြောသော်လည်း…
ချစ်လင်ကလွဲ ဖွဲစကွဲ ထင်ကာ
အတင်း..ငြင်း…
မချစ်နိုင်ပါ။
သေပေမယ့်လည်း
မခွဲခွာဘူး
ပျို့ချစ်ဦးသာ…။

သစ္စာဆို တိုင်တည်ထား၊
သိကြားမ ကာ အသက်ရှင်လာ
ပျော်မြူးစွာ ကိန္နရီ ကိန္နရာ
မောင်မယ်ချစ်ကြောင်း
နှစ်ပေါင်း…. နှစ်ထောင်ပင်ကြာ။

ဘာကြောင့်မှန်းမသိ စန္ဒကိန္နရီ သီချင်း ရင်ထဲရောက်လာသဖြင့် မှတ်မိသလောက် ပြန်ရေးချလိုက်ပါသည်။ သီချင်းရေးသူကို မမှတ်မိတော့ပါ။ စတင်သီဆိုသူမှာ ခေတ်ဟောင်းအဆိုတော် မလှရွှေထင်ပါရဲ့။ နည်းနည်းပါးပါး စာသားအမှားအယွင်းပါသွားလျှင် ကျွန်တော်ကိုပေါ၏ မေ့လျော့မှုကြောင့်သာ ဖြစ်ပါကြောင်း။

စာကြွင်း။ ။ဤသီချင်းလက်ဝယ်ရှိသူများ MP3 format ဖြင့် ကျနော့်ထံ ပေးပို့ပေးနိုင်ပါက အင်မတန်ကျေးဇူးတင်မည်ဖြစ်ပါသည်။



Read more

“ဗိုလ်အောင်ဒင်ဟေ့.. ဗိုလ်အောင်ဒင်”

သူမ၏မျက်စိပေါ်တွင် စည်းနှောင်ပိတ်ဖုံးထားသည့် အ၀တ်ကို ဖယ်ရှားလိုက်ပြီးနောက် လက်ထဲ၌ သူမဆုပ်ကိုင်ထားမိသော လက်ကိုင်ပုဝါစကို မြင်လိုက်ချိန်တွင် မမြ၀င်း၏ နှုတ်မှ အာမေဋိတ်စကားတခွန်း လွှတ်ကနဲ ထွက်သွားသည်။

“ဟင်….ကိုကိုချစ် လက်ကိုင်ပုဝါပါလား”
*******************************************************
ဒါရိုက်တာ ရွှေဒုံးဘီအောင် ရိုက်ကူးတဲ့ နာမည်ကျော် “ဗိုလ်အောင်ဒင်” ရုပ်ရှင်ဇာတ်ကားကို ကြည့်ဘူးသူတိုင်း အထက်ပါ ဇာတ်ဝင်ခန်းကလေးကို သတိရကြမယ်ထင်ပါတယ်။ အဲဒီ ဇာတ်ဝင်ခန်းဟာ ဇာတ်လမ်းရဲ့ အထွတ်အထိပ်လို့လည်း ပြောလို့ရနိုင်ပါတယ်။

ဇာတ်လမ်းကျောရိုးက သုံးပွင့်ဆိုင် အချစ်ဇာတ်လမ်းလေးတခု။ အဓိက ဇာတ်ကောင်များ အနက် တဦးမှာ နာမည်ကျော် စီအိုင်ဒီ ရဲအရာရှိ ဦးဘချစ်။ နောက်တဦးက ဦးဘချစ်နှင့် လက်ထပ်တော့မည့် ချစ်ဇနီးလောင်း မိန်းမချောကလေး မမြ၀င်း။ ပြီးတော့ ဓားပြခေါင်းဆောင် လူဆိုးဗိုလ် ဗိုလ်အောင်ဒင်။

ရှစ်လေးလုံးအရေးအခင်း (၁၉၈၈) နောက်ပိုင်းမှ လူ့လောကသို့ ရောက်လာကြကုန်သော၊ ကျွန်ုပ်တို့ကဲ့သို့ “မဆလ ခေတ်ကောင်းကြီး” ကို (ဤအသုံးအနှုန်းအား သဘောမတူသူအပေါင်းတို့ ကျနော့်အား မဆဲရေးဘဲ လက်ရှိခေတ်ဆွေးခေတ်ပျက် ကြီးကိုသာ ဆဲရေးကြပါကုန်။ လူကြီးတွေ ပြောပြောနေတဲ့ ကာလနာတိုက်တယ်ဆိုတာ အခု နအဖခေတ်မျိုးကို ဆိုလိုတာထင်ပ။) …အဲအဲ ပြောရင်းနဲ့ စကားတွေ ချော်ကုန်ပြီ။ အဲသည် မြန်မာ့ဆိုရှယ်လမ်းစဉ်ပါတီအုပ်ချုပ်သော ခေတ်ကြီးကို ကံဆိုးမိုးမှောင်ကျစွာ မသိမီလိုက်ကြ ကုန်သော လူငယ်လူရွယ်၊ လူမမယ်တို့ နားလည်စိမ့်သောငှာ အကျွန်ုပ် လူလတ်ပိုင်းအရွယ် ရှုစဖွယ်အဆင်းနှင့် ပြည့်စုံသော ကိုပေါမှ ဇာတ်လမ်းကျောရိုးကို အနှစ်ချုပ်ပြောပြပါအံ့။ ကျွန်ုပ်ထက် ကြီးရင့်ကုန်ကြသော (အသက်အရွယ်ကိုသာ ဆိုလိုပါကြောင်း) အန်တီတို့၊ မမတို့၊ ဒေါ်ဒေါ်တို့၊ ဦးဦးတို့၊ ကိုကိုတို့ အနေဖြင့် အဆိုပါ အနှစ်ချုပ်အပိုင်းအား ကျော်လှန်ဒေထ လုပ်လိုက လုပ်ကြပါကုန်။ ဇာတ်လမ်းမှာ ခင်မောင်ရင်တို့ မေမေ၀င်းတို့ (မဆလ မတိုင်ခင်)ခေတ်များဆီက ခေတ်ဟောင်းကားဖြစ်ပြီး မဆလ ခေတ် လူဖြစ်ကြသော ကျနော်တို့တတွေ ကြည့်ခွင့်ရခဲ့သေးကြောင်းဆိုလိုခြင်းမျှသာ ဖြစ်ပါကြောင်း။

ဗိုလ်အောင်ဒင်ဆိုသော အနှီဇာတ်ကောင်သည် နဂိုက ဓားပြမဟုတ်။ မွေးရာပါ ဓားပြမဟုတ်ဟု ပြောချင်သည်မဟုတ်။ မူလက လူရိုးလူကောင်းဟု ဆိုလိုခြင်း။ သူ့အဆိုအရ ပြည်မြို့က စက်သူဌေးဦးသင်းက သူ့လယ်တွေ၊ မြေတွေ၊ စာချုပ်တွေကို မတရားသိမ်းသွားဖြင့် စီးပွားပျက်သွားကာ တနေ့တွင် ရန်ကုန်သို့ အဆင်း လမ်းခရီးတွင် ပင်ပင်းတိုးသော ဦးသင်းကို မတော်တဆ သတ်မိသွားသည်။ အဲသည်ကစလို့ တပည့်ဖြစ်သူ သုခ၏ မြှောက်ထိုးပင့်ကော်လုပ်မှုကို နားယောင်ခြင်းဖြင့် ဓားပြအဖြစ်ကို ရောက်ရှိသွားသူ။ တကတဲ…သူ့အပြစ်ကို တပြားသားမှ မပါဘူး။ အသတ်ခံရသူ ဦးသင်းရဲ့ ခြောက်လုံးပြူးကို ရသွားတဲ့ အချက်ကလည်း ဓားပြဖြစ်ဘို့ အထောက်အကူပြုလိုက်သွားတဲ့ အချက်တချက်ပါဘဲ။ အဲအဲ…ဓားပြဖြစ်သွားပေမယ့် သူ့ပင်ကိုယ်က သနားကြင်နာတတ်တယ်။ ကတိတည်တယ် ဆိုကိုးဗျ။

သူ့ဘ၀မှာ ပထဦးဆုံးအကြိမ် ဓားပြတိုက်တာကလည်း ပြည်မြို့က မမြ၀င်းတို့ သားအမိ (မမြ၀င်းနဲ့ မမြ၀င်းအမေ) အားကိုးရာမဲ့ မိန်းမသားနှစ်ဦးတည်းနေတဲ့အိမ်ကို ၀င်ပြီး ဓားပြတိုက်တာ။ အဘွားကြီးက အမျိုးမျိုးတောင်းပန်၊ သမီးဖြစ်သူ မမြ၀င်းကလည်း ရုပ်ကလေးကလှပြန်ဆိုတော့ အဲဒီ သနားကြင်နာတတ်ရုံမက နှာဘူးလည်းကျတတ်ဟန်တူတဲ့ ဗိုလ်အောင်ဒင်ဟာ တန်ဘိုးကြီးတဲ့ ရွှေငွေလက်ဝတ်ရတနာမှန်သမျှ ဘာမှမယူတော့ဘဲ နောက်ဆုံးမှာ ရန်ကုန်သွားဘို့ လမ်းစရိတ်ငွေတဆယ်ကိုသာ တောင်းယူသွားတော့သတဲ့။ မိုက်လိုက်တဲ့ ကိုယ့်လူနှယ်။ မ..ဘက်လိုက်တော့ မိုက်ဘက်ပါ ဆိုတာ ဒါမျိုးဘဲ ဖြစ်မယ်။

ဒါပေမယ့် ရုပ်ရှင်ဇာတ်ကားထဲမှာ ဗိုလ်အောင်ဒင်နေရာက သရုပ်ဆောင်တာ အဲသည်ခေတ်က ပျိုတိုင်းကြိုက်တဲ့ မင်းသားချော ခင်မောင်ရင်။ ဘာပြောကောင်းမလဲ။ ဓားပြကနေပြီး ဟီးရိုးဇာတ်ကောင်ကြီး ဖြစ်သွားလိုက်တာများဗျာ။ “မဲ့ပြုံးလေး ပြုံးလိုက်တာ စွဲလောက်တဲ့ ဗိုလ်အောင်ဒင်”၊ “ရွှေမျက်မှန် ကိုလူချော ဗိုလ်အောင်ဒင်”၊ “ဥပဒေနဲ့ လောင်းကစားတဲ့ ဗိုလ်အောင်ဒင်” စသဖြင့် ၀ိသေသထူးတွေနဲ့ ပရိသတ် အစွဲကြီး စွဲကြတာပေါ့။ အို….မဆီမဆိုင်….လူပုံ ဖြူသွဲ့သွဲ့ နဲ့ ကနွဲ့ကလျ လမ်းလျှောက်တတ်တဲ့ ဗိုလ်ချုပ်ခင်ညွန့် အချောစားကလေးကိုတောင် ပြေးသတိရမိလိုက်သေးတော့။

အဲဂလိုနဲ့ ရန်ကုန်ရောက်တော့ ဗိုလ်အောင်ဒင်ဂိုဏ်းက တစတစ ကြီးထွားလာပြီး ရန်ကုန်မြို့လယ်ခေါင် မဂိုလမ်းတို့ ဘာတို့မှာတောင် နေ့ခင်းကြောင်တောင် ဓားပြတိုက်တဲ့ အထိ အတင့်ရဲလာတယ်။ သတင်းစာတွေကလည်း ပုလိပ်တွေ အစွမ်းအစ မရှိပုံကို ဝေဖန်ကြတာပေါ့။ သြော်..ဒါလား။ အဲဒီခေတ်က သတင်းစာလွတ်လပ်ခွင့်ရှိတယ်ကွဲ့။ မောင်မင်းတို့ ခေတ်နဲ့ မတူဘူး။ ကြားလား…ကလေးတွေ၊ အတွန့်တက်မယ် မကြံနဲ့။

သတင်းစာတွေက အမျိုးမျိုး အော်လာတော့ နောက်ဆုံးမှာ ပုလိပ်မင်းကြီးခမြာ မနေသာတော့ဘဲ အရည်အချင်းရှိတဲ့ ပုလိပ်စုံထောက် မောင်ဘချစ်ကို ခွင့်နဲ့အနားယူနေရာက ရန်ကုန်ကို အမြန်ဆုံးပြန်ခေါ်ပြီး တာဝန်ပေးရတယ်။ (မှတ်ချက်။ ။စုံထောက်ဆိုတာက အမည်လှသော်လည်း ပြောင်းပြန်လှန်ရင် အဓိပ္ပါယ်ကောင်းတဲ့ စကားလုံးမဟုတ်။) အဲဒီအချိန်က စုံထောက်အရာရှိ မောင်ဘချစ်က ပြည်မြို့က ရွှေဆံတော်ဘုရားကြီးမှာ သူ့ချစ်သူ မမြ၀င်းကလေးနဲ့ နှစ်ကိုယ်သစ္စာထားနေတဲ့အချိန်ပေါ့။

ဦးဘချစ်ခမြာလည်း ရန်ကုန်ကို အရေးပေါ် ပြန်လာပြီး လိုက်လံစုံစမ်းတော့ ဗိုလ်အောင်ဒင် ဆိုတဲ့ ငနဲဟာ အဲသည်ခေတ်က လူကုံတန်အသိုင်းအ၀ိုင်းမှာ အရမ်းဝင်ဆန့်တယ်။ ပါတီကြီးတွေ အကြီးအကျယ်ပေး။ ကလပ်တွေဘာတွေမှာ လောင်းကစားကြပြန်ပြီဆိုရင်လည်း အကြီးအကျယ် ငွေအရှုံးခံနိုင်တယ်။ လုံးဝ မမှုဘူး။ အလုပ်ကလည်း မယ်မယ်ရရမရှိ၊ မိဘမျိုးရိုးက ချမ်းသာလှတာမဟုတ်ကြောင်းသိလာရတဲ့အခါမှာ ပုလိပ်မျက်စိနဲ့ မသင်္ကာစရာ ဖြစ်လာတော့တာပေါ့ခင်ဗျာ။ တကယ်ဆိုရင် ဒီဘက်ခေတ်မှာ ဦးတေဇတို့လို ကိုယ့်ဒူးကိုယ်ချွန်နဲ့ ကြီးပွားလာမျိုးဆိုရင်တော့ ဘာ မသင်္ကာစရာရှိသလဲပေါ့။ ဟုတ်ဘူးလား။

ဒီတော့ ဦးဘချစ်တို့က နောက်ယောင်ခံ စောင့်ကြည့်နေတုန်းမှာ ဗိုလ်အောင်ဒင်ရဲ့ တပည့် တယောက် အမှားလုပ်တယ်။ နာမည်က ရာမ တဲ့။ သူက ဗိုလ်အောင်ဒင်ကို သိပ်ကြည်တဲ့ ပုဂ္ဂိုလ်မဟုတ်ဘူး။ သူ့ဘာသာသူ သပ်သပ် တစင်ထောင်ချင်နေတဲ့သူ။ အဲဒီ ရာမက ဓားပြတိုက်ရင်း ဗိုလ်အောင်ဒင်အတန်တန်မှာထားတဲ့ ကြားက သေနတ်ကို ထုတ်သုံးမိလို့ လူသတ်မှုဖြစ်တယ်။ သတင်းကြားတော့ ဗိုလ်အောင်ဒင်က ရာမ ပုန်းနေတဲ့နေရာကို လိုက်သွားတယ်။ အဲသည်မှာ နောက်တကြိမ် သေနတ်ပစ်မှုထပ်ဖြစ်ပြီး ရာမလက်ချက်နဲ့ ရာမရဲ့ဇနီး သိန်းရင် သေသွားပြန်တယ်။ သေမှာပေါ့။ ပစ်မယ်မှန်းသိသိနဲ့ ဗိုလ်အောင်ဒင်က သိန်းရင်ကို ရှေ့ကထားပြီး ရာမပုန်းနေတဲ့ အခန်းထဲကို ၀င်လိုက်တာကိုး။ အဲသည်အချိန်မှာဘဲ နောက်ယောင်ခံလိုက်လာတဲ့ ဦးဘချစ်တို့ ရဲတွေ ရောက်လာပြီး အားလုံးကို လက်ရဖမ်းတယ်။ ရာမက ဗိုလ်အောင်ဒင်ကို အစကတည်းက မုန်းနေသူပီပီ အကုန်ဖော်တယ်။ ဖော်တယ်ဆိုလို့ တလွဲမတွေးကြနဲ့။ ပုလိပ်ကို ဗိုလ်အောင်ဒင်ဟာ သူတို့ ခေါင်းဆောင် ဓားပြခေါင်းဆောင် ဗိုလ်အောင်ဒင်ဘဲလို့ ထုတ်ပြောတာကို ပြောတာ။

ဦးဘချစ်က ဗိုလ်အောင်ဒင်ကို ဒီမတိုင်မီကတည်းက ရင်းနှီးကြသူတွေ ဖြစ်တာလည်း ပါမယ်။ နောက် ဗိုလ်အောင်ဒင်က လူကုံထံအသိုင်းအ၀ိုင်းမှာ ၀င်ဆန့်သူဆိုတော့ သူ့အနေနဲ့ သက်သေမခိုင်မာသေးတဲ့ အမှုတခုမှာ ဗိုလ်အောင်ဒင်ကို ရဲစခန်းမှာ ချက်ချင်းဖမ်းမချုပ်နိုင် သေးတာကြောင့်လည်း ဖြစ်နိုင်တယ်။ မျက်နှာကြီးတရားခံဆိုတော့ သူ့အိမ်မှာဘဲ ရာဇ၀တ်အုပ်ကလေးအစောင့် အရှောက်နဲ့ ခဏခေါ်ပြီး ရဲစစ်ချက်ယူဘို့ ကြိုးစားတယ်။ ဒါပေမယ့် ရဲစခန်းမှာ မထားဘဲ သူ့အိမ်မှာ ခေါ်ထားလိုက်တဲ့အချက်ကတော့ ဦးဘချစ် တော်တော်ရှော်တယ် ဆိုရမယ်။

ဗိုလ်အောင်ဒင်က ပြောတာကတော့ “ကျုပ်တပည့် ရာမက ကျုပ်ကိုမုန်းလို့ပြောတာနဲ့ ကျုပ်က ဓားပြဗိုလ်ဖြစ်ရရောတဲ့လား။ ခင်ဗျားတို့ ပုလိပ်မှာ ဘာသက်သေမှ မယ်မယ်ရရမရှိဘူး။ ဒီတော့ ကျုပ်အနေနဲ့ကတော့ ၀တ်လုံငှားပြီး ထွက်ပေါက်ရှာမယ်လေ။ ဒါဘဲ” တဲ့။ ဒါပေမယ့် သူ့ဆီက သိမ်းဆည်းရမိထားတဲ့ ပြည်မြို့က စက်သူဌေးဦးသင်းရဲ့ ခြောက်လုံးပြူးကိစ္စနဲ့ ပတ်သက်လို့ တော့ ဦးဘချစ်က ဆက်လက်မေးမြန်းစရာတွေ ရှိနေသေးသပေါ့။

တိုက်တိုက်ဆိုင်ဆိုင် အဲဒီအချိန်က မမြ၀င်းတို့ သားအမိကလည်း ရန်ကုန်ကို ဘုရားဖူးလာရင်း ဦးဘချစ်အိမ်မှာ တည်းနေတဲ့အချိန်။ ဦးဘချစ်က ဗိုလ်အောင်ဒင်ဆီက စစ်ချက်ယူစကား ပြောတုန်း ဦးဘချစ်ကို သူ့အထက်လူကြီး (ရဲမင်းကြီး)ကလှမ်းခေါ်လို့ ဦးဘချစ် ချက်ချင်း သွားရတယ်။ သွားကာနီးမှာ “ဦးအောင်ဒင်၊ လူကြီးလူကောင်းတယောက်လို နေရစ်မယ်လို့ ကျနော်ယူဆပါတယ်” လို့ ပြောပြီး ရာဇ၀တ်အုပ်ကလေးတယေက်ရဲ့ စောင့်ရှောက်မှုနဲ့ ဗိုလ်အောင်ဒင်ကို သူ့အိမ်မှာ ခဏထားရစ်ခဲ့ရတယ်။

အဲသည်တချိန်လုံးမှာ မမြ၀င်းက ဧည့်ခန်းထဲမှာ စန္ဒရားတီးဘို့လုပ်နေတုန်း စန္ဒရားက ကီးကြောင်နေလို့ အခက်တွေ့နေတယ်။ ဦးဘချစ် ထွက်မသွားခင်က ပြင်ပေးဘို့ နားပူတော့လည်း သူပြန်လာမှ ပြင်ပေးမယ် ပြောသွားတယ်။ အဲဒီမှာ ဗိုလ်အောင်ဒင်က နည်းနည်းပါးပါး နားလည်တော့ ၀င်ပြင်ပေးလိုက်တယ်။ မမြ၀င်းကလည်း ဗိုလ်အောင်ဒင်ကို တီးတတ်ရင် တလက်စတည်း သီချင်း တပုဒ်လောက်တီးပြပါဆိုတော့ နံဘေးက ရာဇ၀တ်အုပ်ကလေးရဲ့ ခွင့်ပြုချက်နဲ့ ဂန္ဓမာတောင် ဘွဲ့ကို ဆိုတီး တီးပြရတယ်။ သီချင်းတ၀က်လောက်ရောက်တော့ မမြ၀င်းနဲ့ ရာဇ၀တ်အုပ်ကလေး ဂီတရေယဉ်ကြောမှာ နစ်မျောနေတုန်း ရုတ်တရက် ၀ုန်းကနဲ ထတည့်ပြီး ရာဇ၀တ်အုပ်ငနဲကို လက်သီးစာကျွေး၊ ကြိုးနဲ့တုပ်၊ သူ့တပည့်သုခကို လှမ်းခေါ်၊ ကားနဲ့ စောင့်ခိုင်း။ မမြ၀င်းကိုပါ ဓားစာခံခေါ်ပြီး ကရင်တွေနေတဲ့ တောင်ပေါ်ဒေသကို ကားတတန်၊ ဆင်တတန် ထွက်ပြေးတော့တာဘဲ။ အမှန်ကတော့ ကားနှစ်တန်ခွဲ၊ ဆင်သုံးတန်လောက်ဆိုရင် ပိုမှန်မယ်။ စကားစပ်မိလို့ ပြောရရင် ဘဘလီတို့ ကျွန်းနိုင်ငံမှာ ဟိုတလောက အချုပ်စခန်းကနေ လွတ်ပြေးတဲ့ မက်စ် ဆီလာမက် ကတော့ စန္ဒယားတီးရင်းက ထွက်ပြေးတာတော့ ဟုတ်ဟန်မတူဘူး။ အိမ်သာတက်ရင်း ထွက်ပြေးရတာဆိုတော့။

တောင်ပေါ်စခန်းကို ရောက်တော့ ဗိုလ်အောင်ဒင်တယောက် မမြ၀င်းရဲ့ အမုန်းဒဏ်ကို ခံရ။ ဒါပေမယ့် သိတယ်မို့လား။ ဗိုလ်အောင်ဒင်အဖို့ကျတော့ ပထမဦးဆုံးအကြိမ် ဓားမြတိုက်က တည်းက မမြ၀င်းကို တဖက်သတ် စွဲလမ်းခဲ့တာလေ။ ဒီတော့ အခုလို ပြန်တွေ့ရတဲ့အချိန်မှာ… ရင်မှ အကြင်နာ ညင်သာစွာဘဲ နိုးထလာပြန်ပြီ… ဖြစ်ကုန်တော့တာပေါ့။ မမြ၀င်းကတော့ ခါးခါးသီးသီးပေါ့။ သူ့မှာ လက်ထပ်တော့မယ့် ရည်းစားကြီး ငုတ်တုတ် ရှိတာမဟုတ်လား။

တနေ့မှာ ထုံးစံအတိုင်း သုခရဲ့ မြှောက်ထိုးပင့်ကော်လုပ်မှုနဲ့ မမြ၀င်းကို အကဲစမ်းဘို့ ဗိုလ်အောင်ဒင်က ကြိုးစားတယ်။ အဲသည်မှာ မမြ၀င်းက ဗိုလ်အောင်ဒင်ကို အသင့်ဝှက်ထားတဲ့ ဓားနဲ့ တွက်လိုက်တာ ဗိုလ်အောင်ဒင် အီတွန့်ပွမ်သွားတယ်။ ဒါပေမယ့် ဗိုလ်အောင်ဒင်က လူဆိုးပေမယ့် ကြင်နာသနားတတ်တယ်လေ။ အပြစ်မယူပါဘူး၊ ဗွေမယူပါဘူးပေါ့ကွယ်။ မမြ၀င်းကိုတော့ တော်တော်လန့်သွားပုံရတယ်။ အဲဒါနဲ့ သူတော်ကောင်းကြီး ဗိုလ်အောင်ဒင်က သူ့တပည့် သုခကို မှာတယ်။ မမြ၀င်းကို ကောင်းကောင်းမွန်မွန် ပြန်ပို့ပေးလိုက်ပါပေါ့။

ဒါပေမယ့် မမြ၀င်းက အဲသည်မှာ ဗိုလ်အောင်ဒင်ကို စပြီး ဂရုဏာသက်တယ်။ သူထိုးလိုက်တဲ့ ဓါးဒဏ်ရာ ပျောက်တော့မှ ပြန်တော့မယ်ပေါ့။ မြ..အဲသည်လောက်အထိ မရည်ရွယ်ပါဘူး။ ဒါကြောင့် ဖွဖွလေး ထိုးလိုက်တာပါ..ဘာညာပေါ့။ အဲသလိုနဲ့ အိုးချင်းထား၊ အိုးချင်းထိပြီး သံယောဉ်ဇဉ်တွေဖြစ်ကြ။ ကလေးတို့ရေ…ဒီနေရာမှာ စကားဖြတ်ပြီး ပြောရရင်… သင်ခန်းစာက ကိုယ့်ကို မုန်းနေတဲ့ မိန်းမတယောက်ရဲ့ အချစ်ကို ရချင်ရင် အဲဒီမိန်းမရဲ့ ဓားနဲ့ အထိုးခံဘို့ အရင်ကြိုးစားရမကွဲ့။ ပြီးမှ ကိုယ်ကခွင့်လွှတ်ပြလိုက်။ ဘယ်မိန်းမမှ မခံနိုင်ဘူး။ ကြွေဆင်းသွားမယ်။ အဲ…အဲ…ဓားဒဏ်ရာနဲ့ ကိုယ်က အရင် ကြွေမသွားဘို့တော့ လိုသပေါ့ ကွယ်။ (ဒေါက်တာနေ၀င်းမောင်တို့ ပြောပြောနေတဲ့ ကိုယ့်ဘက်က သဘောထားကြီးပြရေး ဖီလော်ဆော်ဖီဆိုတာ ဒါမျိုးပေါ့ကွယ်။)

မမြ၀င်းလေးခမြာမှာ သူ့အမေကိုလည်း ပူပန်၊ ကိုကိုချစ်ကိုလည်း သတိရ၊ ဟော အခု ဗိုလ်အောင်ဒင်နဲ့ကလည်း သံယောဇဉ်တွေ ဖြစ်ဆိုတော့ သူခံစားနိုင်တာထက် အများကြီးပိုပြီး ခံစားမှုတွေပေါင်းစုံအမျိုးသားညီလာခံကြီးကျင်းပလိုက်တော့ နောက်ဆုံး ဗုန်းဗုန်းလဲကျ နာမကျန်းဖြစ်တော့တာပေါ့။ အဲဒါနဲ့ဘဲ ပြည်မြို့က ဒေါက်တာစံသိန်းကို တဖက်လှည့်နဲ့ ညကြီးမင်းကြီး လူနာပင့်ခေါ်။ ပေါင်းတည်မှာ လူနာကြည့်ဘို့လို့ ညာပြောပြီး မြို့နဲ့ဝေးလာတော့မှ မျက်စိကို အ၀တ်စည်း။ တောင်ပေါ်ကို ဆင်နဲ့ ပင့်ခေါ်။ မမြ၀င်းကိုနာမကျန်းဖြစ်တာကို ဆေးကုသခိုင်း။ လူနာရောဂါပျောက်မှ ခြေကြွခ ရက်ရက်ရောရော ပေးပြီး ပြန်လွှတ်။ အပြန်မှာလည်း မျက်စိအ၀တ်စည်းသေးတယ်တဲ့။ အခုခေတ် စစ်ထောက်လှမ်းရေးတွေ ကျောင်းသားတွေကို ဖမ်းရင် မျက်စိကို အ၀တ်စည်းတာ ရွှေဒုံးဘီအောင်ရဲ့ ပယောဂ မကင်းဘူး။

ဦးဘချစ်တို့ပုလိပ်အဖွဲ့က ဒေါက်တာစံသိန်းရဲ့ မှန်းဆထွက်ဆိုချက်အရ ဖြစ်နိုင်ချေ ရှိတဲ့ နေရာတွေကို တောနင်းရှာ။ နောက်ဆုံးမတော့ ဗိုလ်အောင်ဒင်တို့ စခန်းနားလည်း ရောက်ရော ဗိုလ်အောင်ဒင့်တပည့်တွေ ခြုံခိုတိုက် ဖမ်းဆီးတာကို ခံရပြီး ကျားရှေ့မှောက်လျက်လဲဆိုသလို ဗိုလ်အောင်ဒင်ရဲ့ ရှေ့တော်မှောက်ကို ရောက်လာခဲ့ရတယ်။

သူ့လက်ခုပ်ထဲက ရေဘ၀ရောက်လာပေမယ့် ဗိုလ်အောင်ဒင်က သူတော်ကောင်းပီပီ ဦးဘချစ်တို့ကို အဆုံးမစီရင်ပါဘူး။ ဦးဘချစ်က လူသတ်မှုသက်သေခံအဖြစ် သိမ်းထားတဲ့ ပြည်မြို့က စက်သူဌေး ဦးသင်းရဲ့ ခြောက်လုံးပြူးကိုဘဲ ပြန်တောင်းပါတယ်။ ခြောက်လုံးပြူးရရင် ပြန်လွှတ်မယ်ပေါ့။

ဦးဘချစ်အနေနဲ့ကတော့ Duty is duty ပေါ့လေ။ အလုပ်ဝတ္တရားကို ဖောက်ဖျက်ဘို့ မဖြစ်နိုင်ဘူးပေါ့။ နောက်ပြီး သူ့ကို ဗိုလ်အောင်ဒင်က သတ်လို့သေလိုက်ရတာကမှ ဖြေသာပါဦးမယ်။ အခုလို သူ့ချစ်သူ ဇနီးလောင်း မမြ၀င်းနဲ့ ဗိုလ်အောင်ဒင်တို့ တဦးနဲ့ တဦး မေတ္တာမျှနေတာ မြင်ရတာကကိုဘဲ ရည်စားလူလု ရွှေဥ..အဲလေ..အူနုကျွဲခတ် ဆိုသလို ဦးဘချစ်ခမြာ ပိုပြီး အသည်းနာတာပေါ့။ တကယ်ဆိုရင် မမြ၀င်းနဲ့ သူနဲ့က ပြည်မြို့ ရွှေဆံတော်ဘုရားကြီးမှာ သွေမပျက်ဘို့ သစ္စာထားခဲ့ကြတာမို့လား။

ဗိုလ်အောင်ဒင်ဘက်က ကြည့်ပြန်ရင်လည်း သူက တကယ်တော့ မမြ၀င်းကို အရင်ဆုံး စတွေ့ခဲ့သူ။ ချစ်ခဲ့သူ။ ပထမဦးဆုံးအကြိမ် ဓါးပြတိုက်တုန်းက အားကိုးရာမဲ့တဲ့ မိန်းမသားတွေ ဆိုပြီးတော့ ကျုပ်အနေနဲ့ လမ်းစားရိတ်ငွေတဆယ်ဘဲ ယူခဲ့တယ်မို့လား… ဘာညာ သာရကာနဲ့ ချေးခြောက်ရေနှူးပြီး မမြ၀င်းကို သူ့ဘက်ပါအောင် ငိုပြ။ အခုလောလောဆယ် မမြ၀င်းကလည်း သူ့ကို ပြန်ချစ်နေပြီဆိုတော့ ဦးဘချစ်လက်ထဲ ပြန်ထည့်လိုက်ဘို့ဆိုတာက သဘောထားကြီးတဲ့လူပေမယ့်လည်း ထင်သလောက်မလွယ်။ ဒါကြောင့်ပြောတာ။ လောကကြီးမှာ ကိုယ်မပိုင်တဲ့ သူများပစ္စည်းကို ကူညီချင်လို့ဘဲဖြစ်ဖြစ်၊ ကယ်တင်ချင်လို့ဘဲ ဖြစ်ဖြစ် အတင်းအဓမ္မ ကြာရှည်သဖြင့် လက်ဝယ်ထားရှိတာဟာ မကောင်းဘူးကွဲ့။ အချိန်တန်လို့ ပိုင်ရှင်က ပြန်တောင်းတဲ့အခါကျမှ ဒါကြီးကို ကိုယ်က သံယောဇဉ်တွယ်နေပါပြီ။ ပြန်မပေးနိုင်တော့ပါဘူးဆို…အရပ်ရပ် နေပြည်တော် ကြားလို့ဘယ်တော်ပါတော့မလဲ။ ဟုတ်ဘူးလား။ နေပြည်တော်ဆိုလို့ ကြပ်ပြေးကို ပြေးမမြင်နဲ့ဦး။ ဗမာဆိုရိုးစကားကို ဆိုရိုး စကားလိုဘဲ ရိုးရိုးသားသားဖတ်ကြပါ။ ခင်ဗျားတို့ ခက်တယ်ဗျာ။ ပြောပြောနေရတယ်။

အဲသည်လို ဦးဘချစ်နဲ့ ဗိုလ်အောင်ဒင်တို့ အသီးသီး အသက အသက မမြ၀င်းကို ကိုယ့်ဘက်ယိုင်အောင် အိုဘားမားနဲ့ ကလင်တန်တို့ မဲဆွယ်သလို အပြိုင်အဆိုင် သွေးဆောင်နေတဲ့အချိန်မှာ တကယ်အကြပ်ရိုက်နေရရှာသူကလေးကတော့ မမြ၀င်း။

မမြ၀င်းဘက်က ကြည့်ရင် ဦးဘချစ်က သူ့ချစ်ဦးသူ။ ဘုရားမှာ နှစ်ကိုယ်တူသွေမပျက်ဘို့ သစ္စာထားခဲ့သူ။ လက်ထပ်တော့မယ့်သူ။ ဒီဇာတ်လမ်းမှာ ဗိုလ်အောင်ဒင် ၀င်ဖျက်လို့ သူ့မှာ လှေနံနှစ်ဖက်နင်းတဲ့ မိန်းမဘ၀ကို ရောက်ရတဲ့သူ။ ဒါပေမယ့်လည်း တဖက်ကကြည့်ပြန်တော့ ဗိုလ်အောင်ဒင်ကိုလည်း လုံးလုံးကြီး ပစ်ပစ်ခါခါပြုလို့မရ။ တောင်ပေါ်စခန်းမှာ နေခဲ့စဉ်ခဏ သံယောဇဉ်တွေက ချည်နှောင်ခဲ့ရပြီလေ။ ….အကိုကြီးက မြအပေါ်မှာ ထားခဲ့တဲ့ စေတနာတွေ၊ အကြင်နာတွေ၊ အယုယတွေကို ဟောဒီ မိမြက ဘယ်လိုလုပ် လွယ်လွယ်ကူကူ မေ့ပျောက်လို့ ရနိုင်တော့မလဲ…..။

အဲသလိုနဲ့ မဝေခွဲနိုင်မှုတွေအကြားမှာ မမြ၀င်းခမြာ မျက်ရည်လည်ရွဲနဲ့ ငါးရံ့ပြာလူးသလို ထွန့်ထွန့်လူးအောင် ခံစားနေရရှာသပေါ့။ အဲသည်မှာတင် အကြံကောင်းပေးမယ့် (တတိယအုပ်စုလို) လူတယောက် ပေါ်လာတယ်။ (ဆရာတင်မောင်သန်းကို စောင်းမြောင်း ရေးခြင်းမဟုတ်ပါ။) ဦးဘချစ်နဲ့အတူပါလာတဲ့ ပုလိပ်အရာရှိတယောက်ဘဲ။ သူ့အလိုအရ ဗိုလ်အောင်ဒင်ရော၊ မမြ၀င်းရော၊ ဦးဘချစ်ရော ဘယ်သူမှ မမှားဘူး။ ကံကြမ္မာကကို သည်လိုဖန်တီးလာလို့ သည်စခန်းဆိုက်တာ။ သည်တော့ သည်ကိစ္စမှာလည်း ကံစီမံရာဘဲ။ ကံကြမ္မာကိုဘဲ ဆုံးဖြတ်ခိုင်းမယ်။

“ဦးအောင်ဒင်ကလည်း လက်ကိုင်ပုဝါ တထည်ပေးပါ။ ဆရာဦးဘချစ်ကလည်း လက်ကိုင်ပုဝါ တထည်ပေးပါ။ ဒီလက်ကိုင်ပုဝါနှစ်ထည်ကို သည်ကွပ်ပျစ်ပေါ်မှာ ချထားမယ်။ ဟောဒီက ငါ့တူမကြီးကိုတော့ မျက်စိကို အ၀တ်စည်းရမကွဲ့။ ဦးက ဆွဲဆိုတဲ့အချိန်မှာ ငါ့တူမက ကွပ်ပျစ်ပေါ်မှာ ချထားတဲ့ လက်ကိုင်ပုဝါနှစ်ထည်ကို ဆွဲရမယ်။ စပြီး လက်ထဲကို ဆွဲမိတဲ့ လက်ကိုင်ပုဝါ ပိုင်ရှင်ဟာ ငါ့တူမကြီးရဲ့ ဖူးစာရှင်ပေါ့ကွယ်။” ……လို့ အခါတော်ပေး ဆရာကြီးက အကြံကောင်းပေးတယ်။ မပိုင်လား။ တတိယအုပ်စုမှန်ရင် ဥာဏ်ပညာနဲ့ ပြည့်စုံတယ်မှတ်။

ဦးဘချစ်ရော၊ ဗိုလ်အောင်ဒင်ရော၊ ကျန်တဲ့လူတွေအားလုံးက ဒီအစီအစဉ်ကို သဘောတူကြတယ်။

ဒါပေမယ့် မမြ၀င်းမှာ ပူပန်နေတာ တချက်ရှိတယ်။ “ကိုကိုချစ် သဘောတူနိုင်မှ တူတယ်ပြောနော်။ နောက်တော့မှ မြ ကိုလေ သစ္စာမရှိတဲ့ မိန်းမရယ်လို့ စိတ်နဲ့တောင် မပြစ်မှားရဘူးနော်”

“ကိုကိုချစ် သဘောတူပါတယ် မြ ရယ်”

ဒိုင်လူကြီး တတိယအုပ်စုသမားမှာလည်း ပြောစရာ နည်းနည်းကျန်သေးတယ်။ “….ဒီကိစ္စမှာ တယောက်ယောက်က ရှုံးနိမ့်သွားခဲ့ရင် မင်းမှာသစ္စာ လူမှာကတိ ဆိုတဲ့အတိုင်း….. ”

ဟာ….ဒီလူ ဒီလောက်ပြောနေတာကို ဗိုလ်အောင်ဒင် အားကြီး စိတ်ဆိုးတယ်။ သူ့ကို စော်ကားတယ်လို့ ယူဆတယ်။

“ဘာလဲ….ခင်ဗျားက ကျုပ်ကို ရည်စူးပြီး ပြောနေတာလား။ ဗိုလ်အောင်ဒင်ဟာ ဓားပြဗိုလ် လူဆိုးဗိုလ် ဆိုပေမယ့် ခင်ဗျားတို့ထက် အများကြီး သစ္စာရှိတယ်။ ဒီမှာ….ကျုပ်ရှုံးရင် ပြုံးနေလိုက်မယ်။ ကျုပ်နိုင်ရင်သာ ခင်ဗျားတို့ မျက်နှာတချက်မပျက်ကြနဲ့။ အားလုံး ဒုက္ခရောက်သွားမယ်” တဲ့။

အဲသည်လိုနဲ့ မမြ၀င်းတယောက် မျက်နှာကို အ၀တ်စည်း။ အခါပေးဆရာကြီးက လက်ကိုင်ပုဝါ နှစ်ထည်ကို ကွပ်ပျစ်ပေါ်မှာ အသာချ။ မမြ၀င်းဟာ ရင်တမမနဲ့ အသက်ကို အောင့်ပြီး ပုဝါစကို ဆွဲလိုက်တယ်။

“ဟင်…..ကိုကိုချစ် လက်ကိုင်ပုဝါပါလား….”
********************************************************

ရုပ်ရှင်ထဲမှာတော့ ဗိုလ်အောင်ဒင်ဟာ ကတိအတိုင်း သူရှုံးတဲ့အခါမှာ ပြုံးနေလိုက်တယ်။ သူတပည့်တွေကို ညွှန်ကြားတယ်။ ဦးဘချစ်တို့ မမြ၀င်းတို့ကို နေမ၀င်ခင် ဆင်နဲ့ ပြန်ပို့ပေးဘို့ကိုပေါ့။ သူကိုယ်တိုင်ကတော့ အသည်းကွဲပြီး ကျန်ရစ်ခဲ့တာပေါ့။

ဒီဇာတ်ကားကို ကြည့်တော့ ဗိုလ်အောင်ဒင်ဟာ လူဆိုးဗိုလ်၊ ခိုးဆိုး၊ လုယက်၊ ဓါးပြတိုက် မကောင်းမှုတွေ ကျူးလွန်ခဲ့ပေမယ့် ပေးထားတဲ့ ကတိကိုတော့ တည်တာတွေ့ရတယ်။ နောက်ဆုံးမှာ သူ့ကတိအတိုင်း ဦးဘချစ်တို့ မမြ၀င်းတို့ကို ပြန်လွှတ်လိုက်တာတွေ့ရတော့ စောစောပိုင်းက မဟုတ်တရုတ် လျှောက်လုပ်ခဲ့တဲ့ သူ့အပြစ်တွေကိုတောင် ခွင့်လွှတ်ချင်သလို လို ဖြစ်လာတယ်။ ပရိတ်သတ်ကြီးမှာ သူ့ကို သနားစိတ်တောင် ၀င်လိုက်မိသေးရဲ့။ ဗမာတွေ ခွင့်လွှတ်တတ်ပုံများ ပြောပြပါတယ်။

ကျနော်တွေးမိတယ်လေ။

လူဆိုးတိုင်းသာ ဗိုလ်အောင်ဒင်လို ကတိတည်တတ်မယ်ဆိုရင် လောကကြီးက တော်တော်သာယာမယ်လို့။
Read more

“သစ္စာသည်သာ အလှတရား”

ကဗျာဆရာ ဒေါင်းနွယ်ဆွေ မကွယ်လွန်ခင် ဆေးရုံပေါ်မှာနောက်ဆုံးရေးစပ်သွားတဲ့ ကဗျာလေးတပုဒ်ကို အဲဒီခေတ်အခါက လစဉ်ထုတ် မြန်မာမဂ္ဂဇင်းတိုင်းလိုလိုမှာ ဖော်ပြကြတယ်။ ကဗျာက….

ငါသေတဲ့အခါ
ဘာအမွေများ ထားခဲ့ရပ
အို…လောကတ၀ှမ်းလုံး
အချောအလှအဆန်းဆုံး
သဘောဓမ္မလွှမ်းဖုံး
မနောမယပန်းကုံးတွေကို
တေးဖွဲ့ကာ ကဗျာတွေသီလို့
အသည်းလွှာမြေမဟီဝယ်
အုတ်ဂူလုပ်ကာ မြှုတ်ခဲ့မည်ပ…..တဲ့။

(နှစ်တွေလည်းကြာခဲ့ပြီမို့ ကျနော်အမှတ်လွဲပြီး မူရင်းနဲ့ ကွဲပြားနိုင်ပါတယ်။)

အဲဒီခေတ်က ရှုမ၀မဂ္ဂဇင်းမှာ... ဒေါင်းနွယ်ဆွေ အပါအ၀င် ကဗျာဆရာတော်တော်များများရဲ့ ကဗျာတွေကို သရုပ်ဖော်ပေးတာက ဗဂျီအောင်စိုး။ သူ့ပန်းချီတွေက မော်ဒန်အတ် ခေါ်မယ်ထင်ပါရဲ့။ အဲသည်တုန်းက ကျနော်ဟာ ကလေးသာသာအရွယ်ဆိုတော့ သူ့ပန်းချီတွေကို ကောင်းကောင်းနားမလည်။ (အဲ…အခုလည်း သိပ်နားမလည်လှပါ)။ သူ့ပန်းချီပုံမှာ လက်မှတ်ထိုးရင် အ၀ိုင်းလေးတခုမှာ ဘေးက အ၀ိုင်းသေးသေးလေးတွေ ၀န်းရံပြီး “သစ္စာသည်သာ အလှတရား” ဆိုတဲ့ သူ့လက်ရေး စာကြောင်းလေးကလည်း အမြဲပါတယ်။ ကျနော်က သူ့ပန်းချီတွေကိုသာ နားမလည်တာ။ အဲသည် စာကြောင်းလေးက မြင်ပါများတော့ ခေါင်းထဲစွဲနေတယ်။ အဲဒီတုန်းကတော့ ဒါဟာ ဗဂျီအောင်စိုးရဲ့ ထွင်လုံးသက်သက်၊ သူ့ဖီလော်ဆော်ဖီဘဲလို့ ယူဆခဲ့တာက လွဲလို့ သိပ်ပြီး လေးလေးနက်နက် မတွေးခဲ့ပါဘူး။

ဒါပေမယ့်…အခုအချိန်မှာတော့ သစ္စာသည်သာ အလှတရားဆိုတာကို လက်ခံလာတယ်။ သစ္စာတရားဆိုလို့ သစ္စာလေးပါး မြတ်တရားလောက်အထိကို တွေးမနေပါနဲ့ဦး။ နေ့စဉ်ဘ၀မှာ ကြုံတွေ့နေရတဲ့ သစ္စာတရား၊ အမှန်တရားတွေကို ကျနော်တို့အားလုံး ဘယ်လောက်အထိ လက်ခံနိုင်သလဲ။ တကယ်တော့ လူ့ဘ၀မှာ လူတွေက အမှန်တရားကို မျက်ကွယ်ပြုဘို့ ကြိုးစားနေကြလို့သာ။ တကယ့်တကယ် အမှန်တရားကို ရှင်းရှင်းလင်းလင်း လက်ခံနိုင်ကြမယ် ဆိုရင် ရှုပ်နေတာတွေ ရှင်းသွားမယ်။ ကောက်ကွေ့နေတာတွေ ဖြောင့်ဖြူးသွားမယ်။

အမဲကို မြင်ပါလျက် အဖြူပါလို့ ပြောနေရတာဟာ စိတ်ပင်ပန်းစရာကောင်းလှပါတယ်။ မဲရင် မဲတယ်။ ဖြူရင်ဖြူတယ်ပေါ့။ တခါတလေကျတော့လည်း သတ္တိကြောင်တဲ့အခါမျိုးမှာဖြစ်ဖြစ်၊ လောဘဇောတိုက်လို့ အတ္တထူပိန်းလွန်းသွားတဲ့အခါမှာဖြစ်ဖြစ် အဖြူအမဲ သဲကွဲနေပါလျက်နဲ့ အဖြူအမဲမသဲကွဲတဲ့ (Grey Area)တွေ လို့ ရောချနေကြတဲ့ အဖြစ်တွေလည်းရှိတယ်။ မာယာတွေ တပုံတပင်နဲ့ ချီတက်ကြရင်း တခါတလေမှာ ကိုယ့်မာယာတောမှာ ကိုယ် မျက်စိလည်နေကြရတာတွေလည်း ရှိတယ်။

တကယ်ကျတော့ မသိနားမလည်မှု (Ignorance) ကြောင့် အမှားအမှန်မခွဲခြားတတ်တာက ပြုပြင်ဘို့ သိပ်မခက်ဘူးလို့ ကျနော် ယူဆပါတယ်။ မသိတဲ့လူက သူသိသွားတဲ့တချိန်မှာ ပြုပြင်ရအရမ်းလွယ်တယ်။

ဟော… အမှားအမှန်ကို သိသိကြီးနဲ့ တမင်သက်သက် ရူးချင်ယောင်ဆောင်တာမျိုးကတော့ ပြောရဆိုရ အရမ်းကို ခက်တယ်။ အဲဒါကြောင့်လည်း ဗမာဆိုရိုးစကားမှာ “အိပ်ချင်ယောင် ဆောင်တဲ့သူကို အနှိုးရခက်တတ်တယ်”လို့ ဆိုကြတာပေါ့။ ကနေ့ခေတ် မြန်မာ့နိုင်ငံရေး ပြဿနာမှာလည်း အိပ်ချင်ယောင်ဆောင်တဲ့သူတွေ၊ ရူးချင်ယောင်ဆောင်တဲ့သူတွေ၊ နှာစေးနေတဲ့သူတွေ၊ အတင်းအဓမ္မ ဒိုင်လူကြီးလုပ်ချင်သူတွေ ဒုနဲ့ဒေး။ အဲဒီသူတွေကို သွားပြီးတော့များ တရားပြမယ်မကြံနဲ့။ ဘုန်းကြီးတစ္ဆေလိုဘဲ။ ကျမ်းကိုးကျမ်းကား တသီကြီးဆွဲထုတ်ပြီး ကိုယ့်ကိုတောင် တရားပြန်ဟောလိုက်ဦးမယ်။

နာမည်ကြီး အယ်ဒီတာ စာရေးဆရာတယောက် ကျနော်တို့ စက်မှုတက္ကသိုလ် စာပေဟောပြောပွဲမှာ လာပြီး ဟောပြောစဉ်က မာန်ပါပါနဲ့ စင်မြင့်ပေါ်က ရွတ်သွားတဲ့ ကဗျာထဲက စာသားတချို့ကို ယခုတိုင် ကျနော့်နားမှာ ကြားယောင်လျက်ရှိဆဲ။

“အမှန်တရားဆိုတာ
လှံနဲ့ထိုး လှံကျိုး
ဓါးနဲ့ထိုး ဓါးကျိုး
မသေတဲ့ အမျိုး”….တဲ့။

အင်း….အခုတော့ မည်သို့သော စွမ်းအားတရပ်က မည်သို့မည်ပုံ ပြုပြင်ပြောင်းလဲ လိုက်လေသည်မသိ။ အဲသည်ဆရာကိုယ်တိုင်ပင်လျှင် ဖြောင့်တန်းနေသော အမှန်တရားကို ကွေးကောက်အောင် ပုံသွင်းဘို့ မချိမဆန့် ကြိုးစားနေပုံကို မြင်ရတာတော့ မြင်ရသူအဖို့ပါ စိတ်မသက်သာစရာ။

ဒါပေမယ့်လည်း သူဆိုခဲ့သလိုပင် အမှန်တရားဆိုတာ ထိုးနှက်ထုရိုက်လို့ ကောက်ကွေးသွား တတ်တာမျိုး မဟုတ်လေတော့ ထိုးနှက်ဘို့ ကြိုးစားသူများသာလျှင် ကြေမွပျက်သုဉ်းသွားရတဲ့ သာဓကတွေကို ကျနော်တို့မျက်မှောက်မှာပင် တပုံတပင်ကြီး တွေ့ခဲ့ကြရပြီ မဟုတ်ပါလား။

နောက်တခုက အမှန်တရားနဲ့အတူ အမြဲလိုလို ယှဉ်တွဲတွေ့ရလေ့ရှိတာက ရိုးဖြောင့်ခြင်း။

ရိုးသားတယ်၊ ဖြောင့်မတ်တယ်ဆိုတာ ဟန်ဆောင်မှုကင်းပြီး အရှိကိုအရှိအတိုင်း၊ ပကတိအတိုင်း မဖုံးကွယ်ဘဲ နေတာထိုင်တာ ပြုမူပြောဆိုတာလို့ ကျနော်နားလည်ပါတယ်။ ဘယ်လူ့အသိုင်းအ၀ိုင်းမှာမဆို ရိုးသားတာကို တန်ဘိုးထားကြပါတယ်။

အရှိကို အရှိအတိုင်း၊ ပကတိအတိုင်း မဖုံးမကွယ် နေထိုင်ပြုမူ ပြောဆိုတာဟာ မာယာကင်းတဲ့ သဘော။ လှည့်ဖြားခြင်း ကင်းတဲ့ သဘော…..လို့ ကျနော်ထင်တယ်။ အဲသည်လို သဘောသဘာဝရှိသူမှာ ရှိတဲ့ဂုဏ်ဟာ ရိုးဂုဏ်ပေါ့။

ကလေးတွေ ချစ်စရာကောင်းတဲ့အချက်တွေထဲမှာ မာယာပရိယာယ်ကင်းခြင်းလည်း တချက် ပါလိမ့်မယ်လို့ ကျနော်ထင်ပါတယ်။

ရွှေဥဒေါင်းရဲ့ “တသက်တာမှတ်တမ်းနဲ့ အတွေးအခေါ်များ” စာအုပ်ထဲမှာ လူကြီးလူကောင်းတွေနဲ့ ပတ်သက်လို့ “အမျိုးမြတ်ခြင်းအတွက် မာန်မတက်သော်လည်း ရိုးဖြောင့်ခြင်းအတွက် ဂုဏ်ယူတတ်တယ်” ဆိုတဲ့ စကားလေးကို ကျနော် အင်မတန် နှစ်သက်ပါတယ်။

လက်တွေ့မှာတော့ လူတွေဟာ အသက်ကြီးလာ၊ ပညာတတ်လာတာနဲ့အမျှ မာယာလည်း များလာတတ်ကြတယ်။ ကိုယ့်အကြံအစည် ကိုယ့်အတွေးအခေါ်တွေကို တင်ပြတဲ့နေရာမှာ မာယာတွေ သုံးလာတတ် ကြတယ်။ အမှန်တရားကနေ သွေဖီချင်တဲ့အခါ ကိုယ့်လုပ်ရပ်ကို လူမသိအောင် မာယာတွေ သုံးလာကြတယ်။ အဲသည်အခါမှာ စောစောက ပြောခဲ့တဲ့ “လောကတ၀ှမ်းလုံး၊ သဘောဓမ္မလွှမ်းဖုံး၊ မနောမယ ပန်းကုံးလေးတွေ”ကို ချောင်ထိုးလိုက်ပြီး မာယာမျက်နှာ ဖုံးစွပ်လို့ အမှန်တရားကို ထိုးနှက်တိုက်ခိုက်ဘို့ ကြိုးစားလာတော့တာပါဘဲ။

အမှန်တရားအတွက် တော်လှန်နေကြတဲ့ စစ်မြေပြင်မှာ အဲဒီမာယာစစ်သည်တွေရဲ့ စစ်ချီတေးသံတွေကြောင့် ရံဖန်ရံခါဆိုသလို အခိုက်အတန့် အခြေအနေ ရှုပ်ထွေးသွား တတ်တာတော့ ရှိပါတယ်။ နောက်ဆက်တွဲ အကျည်းတန်တဲ့ မြင်ကွင်းတွေလည်း အခိုက်အတန့် ဖြစ်ပေါ်လာကြတတ်ပါတယ်။ ဒါပေမယ့် အချိန်တန်တော့လည်း သမိုင်း စာမျက်နှာတွေမှာ အောင်ဆန်းလို ရိုးဖြောင့်တဲ့ သူတွေက ဘယ်လိုနေရာမှာ မှတ်တမ်းတင်ခံရ သလဲ။ မရိုးဖြောင့်တဲ့ မာယာစစ်သည်တွေက ဘယ်နေရာမှာ နေကြရသလဲ။ သူ့နေရာနဲ့သူ ထိုက်တန်သလို ကွဲပြားသွားကြပေမပေါ့။

လောလောဆယ်တော့ ကျနော်တို့တတွေဟာ ဒီမိုကရေစီနဲ့ လွတ်လပ်ရေးကို စုံနံ့သာမြိုင်ရှာပုံတော်ဖွင့်နေကြစဉ် တော်လှန်ရေးဆိုတဲ့ တောလမ်းခရီးစဉ်တလျှောက်မှာ သစ္စာတရားကို လက်ကိုင်ထားလို့ မာယာစစ်သည်တွေရဲ့ တောခြောက်သံကို နားမယောင်မိဘို့ သတိထားကြရပေဦးမယ်။
Read more

“နေ၀န်းနှင့်အတူ”




ပူလာအူဘင်ကျွန်းကအပြန် ချန်ဂီကမ်းခြေကို ရောက်တော့ တိမ်တိုက်တွေနောက်က ဖြတ်သန်းပြီး ၀င်လုဆဲဆဲ နေလုံးကြီးကို အခုလို မြင်တွေ့ရတယ်။

နေမင်းကြီးကတော့ ညရောက်လို့ ကမ္ဘာ့ဟိုဘက်ခြမ်းကို ပုန်းရှောင်သွားလည်း နောက်တနေ့ အရုဏ်တက်ပြီဆိုတာနဲ့ အရှေ့ဆီကနေ ကမ္ဘာမြေသည်ဘက်ခြမ်းကို ရွှေရည်တွေလွှမ်းလို့ အလင်းတန်းတွေ ပြန်လည် ဖြန့်ကျက်ပေးဦးတော့မှာပေါ့။

ဟောဒီကမ္ဘာကြီးမှာ သစ်ပင်တွေ၊ သက်ရှိတွေ ရှင်သန်နေနိုင်တာ နေမင်းကြီးရဲ့ ကျေးဇူးလည်း မကင်းဘူးတဲ့။ နေရဲ့ အလင်းရောင်ကနေတဆင့် ရှင်သန်ခြင်းတွေကို ရတယ်ဆိုရင် မမှားဘူးပေါ့။ နောင်လာမယ့် ကျနော်တို့ရဲ့ လူသားမျိုးဆက် ပေါင်းများစွာအထိတော့ ဒီအတိုင်းဘဲ မပြောင်းမလဲ ဆက်လက် ဖြစ်တည်သွားမယ်ထင်ရဲ့။

ဒါပေမယ့် ဒီနေမင်းကြီးဟာ ဘယ်တော့မှ မပျောက်ကွယ်ဘဲ ထာဝရ တည်ရှိသွားမှာတော့ မဟုတ်ဘူးလို့ သိပ္ပံပညာရှင်တွေက ဆိုကြတယ်။ နောင် နှစ်သန်းပေါင်း ထောင်ပေါင်းများစွာ ကြာလို့ သူ့ဆီက လောင်ကျွမ်းစရာ လောင်စာတွေ ကုန်ခန်းသွားတဲ့တနေ့မှာ သူ့ရဲ့ ဆွဲငင်အား တစတစ လျော့ပါးသွားတဲ့အချိန် သူ့အလုံးအ၀န်းက တဖြည်းဖြည်းနဲ့ ကျယ်ပြန့်လာပြီး ဟောဒီကမ္ဘာအပါအ၀င် သူ့ကိုလှည့်ပတ်နေတဲ့ ဂြိုဟ်တွေကို လောင်ကျွမ်းရစ်ခြုံသွားလိမ့်မတဲ့။ အဲဒီအချိန်ကျရင်တော့ သက်ရှိတွေ၊ သစ်ပင်တွေဆိုတာ လည်း မရှင်သန်နိုင်ကြတော့ဘူးပေါ့။

အခုတော့.... မကြာခင် နေ၀င်တော့မယ်။

ညရောက်တဲ့အခါ မဟူရာကောင်းကင်မှာ နေမင်းရဲ့ အလင်းရောင်ကို ရောင်ပြန်ဟပ်ပေး မယ့် လမင်းကြီးရယ်၊ အရောင်တောက်ပတဲ့ ဂြိုလ်တွေရယ်၊ ဟိုးအဝေးမှာ ပေါက်ကွဲနေတဲ့ ကြယ်တွေရယ်ကို တိမ်တိုက်တွေကြားက မြင်တွေ့ရဦးမယ်။

အသက်ရှင်သန်နေသရွေ့တော့ ဆည်းဆာကိုလည်း ငေးမောနိုင်မယ်။ လရောင်ကိုလည်း တိမ်းမူးနိုင်မယ်။ အရုဏ်ကိုလည်း မျှော်လင့်နိုင်ဦးမယ်။

နေမင်းကြီးနဲ့အတူ နေ့နဲ့ ညဟာ လိုက်တမ်းပြေးတမ်း ကစားရင်း ကမ္ဘာပေါ်က ရှင်သန်နေတဲ့ ဘ၀တွေကို နရီစည်းကျ ပိုင်းခြား ပေးနေတော့တယ်။
Read more
မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs