“ဒီမို ခရေဇီ”

Share |
“ထိုင်းလူမျိုးတွေဟာ ဒီမိုကရေစီနဲ့ ဒီမို ခရေဇီ (demo crazy) အကြား ခြားနားချက်ကို သိသင့်ပြီ၊ မနေ့က ဖြစ်ပျက်သွားတာဟာ ဒီမိုကရေစီမဟုတ်ဘူး၊ ဒီမို ခရေဇီ”

အထက်ပါစကားကို အာရှက အမည်မဖော်လိုသူ အစိုးရပိုင်းဆိုင်ရာအရာရှိတဦး ပြောကြားခဲ့တာပါ။ အကြောင်းရင်းကတော့ ဒေသတွင်းခေါင်းဆောင်များအစည်းအဝေးကျင်းပမယ့်နေရာအဆောက်အဦးအတွင်းကို အနီရောင်ဝတ် ထိုင်းဆန္ဒပြသူတွေက ကျူးကျော်ဝင်ရောက်ခဲ့တဲ့အတွက်ဖြစ်ပါတယ်။ အဲဒီအနီရောင်ဝတ် ဆန္ဒပြသူတွေဟာ ပြည်ပရောက် ၀န်ကြီးချုပ်ဟောင်း တပ်ဆင်ရှီနာဝပ်ကို ထောက်ခံသူတွေ ဖြစ်ကြပါတယ်။

အထက်က ပုဂ္ဂိုလ်ပြောခဲ့တဲ့စကားကို ကျနော် အကြွင်းမဲ့ ထောက်ခံပါတယ်။ ကျနော်တို့ဟာ လွတ်လပ်စွာ ထုတ်ဖော်ပိုင်ခွင့်၊ လွတ်လပ်စွာ စုဝေးခွင့်တွေကို ထောက်ခံတယ်ဆိုတဲ့နေရာမှာ ငြိမ်းချမ်းစွာ ဆန္ဒပြခြင်းသက်သက်ကိုသာ ထောက်ခံခြင်းဖြစ်ပါတယ်။ လူစုလူဝေးနဲ့ ထင်ရာစိုင်းပြီး ဥပဒေကို ကိုယ့်လက်ထဲထည့်ပြီး ရမ်းကားတာမျိုးကို အားမပေးပါဘူး။

အထူးသဖြင့် မနေ့က ထိုင်းပြည်ထဲရေးဝန်ကြီးဌာနထဲအထိ အနီရောင်ဝတ် လူအုပ်ကြီးက ကျူးကျော်ဝင်ရောက်ပြီး ၀န်ကြီးချုပ်ရဲ့ ကားကို ၀ိုင်းဝန်းတိုက်ခိုက်တာမျိုးဟာ အင်မတန် အရုပ်ဆိုးတဲ့ မြင်ကွင်းပါ။

ထိုင်းနိုင်ငံရေးကို ကျနော့်စိတ်ထဲမှာ ပထမဦးဆုံးအကြိမ် ပြက်ပြက်ထင်ထင် စပြီး သတိထား စိတ်ဝင်စားမိတာကတော့ ၀န်ကြီးချုပ်ဟောင်းတပ်ဆင်(Thaksin) ပထမဦးဆုံး အာဏာရလာစဉ်အချိန်ကတည်းက ဖြစ်ပါတယ်။ အဲဒီအချိန်က ကျနော်က မလေးရှားနိုင်ငံမှာ အလုပ်လုပ်နေစဉ်ကာလ။

တပ်ဆင်ဟာ တက်တက်ချင်း ဆောက်နဲ့ထွင်းဆိုသလိုပဲ တက်လာတာနဲ့ မရိုးမသား စလုပ်တော့တာပဲ။ ပထမဦးဆုံး ဥပဒေနဲ့အညီ သူ့ရဲ့ ပိုင်ဆိုင်မှုမှန်သမျှကို ထုတ်ဖော်ကြေညာရမယ့်အစား ထိန်ချန်ပြီးကြေညာပါတယ်။ အဲဒီကိစ္စဟိုးလေးတကျော် ဖြစ်ပြီး ဟိုက်ကုတ်(High Court)ကို ရောက်ပါတယ်။ ပြစ်မှုထင်ရှားရင် သူ့အနေနဲ့ ၀န်ကြီးချုပ်ဖြစ်မလာနိုင်တော့ပါဘူး။ အဲသည်မှာ ဟိုက်ကုတ်က တရားသူကြီးတွေကို ငွေနဲ့ပေါက်၊ အရှိန်အ၀ါနဲ့ဖိပြီး အမှုကလွတ်အောင် ကြံဆောင်ပါတယ်။ (မဲတမဲနဲ့ ကပ်နိုင်ပေမယ့် နောက်ပိုင်းမှာ အဲသည်တရားသူကြီးကိုယ်၌က အင်တာဗျူးတခုမှာ တပ်ဆင်ဟာ ပြစ်မှုထင်ရှားတာမှန်ပေမယ့် လူထုဆန္ဒကို သူ့အနေနဲ့ မလွန်ဆန်နိုင်လို့ တပ်ဆင်ကို လွှတ်လိုက်တာပါလို့ ၀န်ခံပြောကြားခဲ့ပါသေးတယ်။) အခုနောက်ပိုင်း သူ့ရဲ့ အကျင့်ပျက်လာဘ်စားတဲ့အမှုတွေမှာလည်း သူ့ရှေ့နေကတဆင့် တရားရုံးကို လာဘ်ထိုးဖို့ကြိုးစားခဲ့တာ အားလုံးအသိပါပဲ။

တပ်ဆင်ဟာ သူတက်လာတာနဲ့ သူ့ရဲ့ အာဏာခိုင်မာအောင် တည်ဆောက်တော့တာပါပဲ။ အတိုက်အခံတွေနဲ့ လွတ်လပ်တဲ့ မီဒီယာကို နှိပ်ကွပ်ဖို့ကြိုးစားတယ်။ သူ့ကိုဝေဖန်တဲ့ မီဒီယာတွေကို ငွေနဲ့ပေါက်ဝယ်ပြီး သက်ဆိုင်ရာ အယ်ဒီတာတွေ သတင်းထောက်တွေကို ချုပ်ကိုင်ဖို့ကြိုးစားတယ်။ လူ့အခွင့်အရေးနဲ့ ပတ်သက်လို့လည်း လုံးဝ လေးစားလိုက်နာခြင်းမရှိဘူး။ တပ်ဆင်လက်ထက်က မူးယစ်ဆေးဝါးတိုက်ဖျက်ရေးစီမံကိန်းတခုမှာ လူအတော်များများကို သတ်ဖြတ်တဲ့အတွက် အဝေဖန်ခံရပါတယ်။ “ကုလသမဂ္ဂဟာ ငါ့အဖေမဟုတ်ဘူး။ ကုလသမဂ္ဂက ထိုင်းတွေကို ထမင်းကျွေးထားတာမဟုတ်ဘူး” စတဲ့ နာမည်ကျော်စကားတွေကို တပ်ဆင်ပဲ ပြောခဲ့တာပါ။

တပ်ဆင်ဟာ သူ့ကိုယ်ပိုင်စီးပွားရေးလုပ်ငန်းတွေနဲ့ သူ့အာဏာတည်မြဲရေးအတွက် ဥပဒေကို အမျိုးမျိုးပြင်ဆင်ပြီး အုပ်ချုပ်တဲ့အတွက် နောက်ပိုင်းမှာ မြို့ပေါ်နေ ပညာတတ်လူတန်းစားရဲ့ ဆန့်ကျင် ဆန္ဒပြခြင်းကို ခံရပါတော့တယ်။ နိုင်ငံရဲ့ ဆက်သွယ်ရေးလုပ်ငန်းဖြစ်တဲ့ (သူပိုင်ဆိုင်တဲ့) ရှင်ကော်ပိုရေးရှင်းကို စင်္ကာပူက တင်းမားဆက်ကို ရောင်းလိုက်ပြီး တဖက်မှာလည်း အမြတ်တော်ခွန်ရှောင်ဖို့ ကြိုးစားတဲ့အခါ ကြီးမားတဲ့ ဆန္ဒပြပွဲတွေနဲ့ ရင်ဆိုင်ရပါတော့တယ်။

နောက်ဆုံးတပ်ဆင် ပြည်ပမှာရောက်နေတုန်း ထိုင်းစစ်တပ်က အာဏာသိမ်းပါတယ်။ အဲဒီလိုအာဏာသိမ်းရာမှာ ဘုရင့်ရဲ့ အကြံပေးတွေရဲ့ စွက်ဖက်မှုပါတယ်လို့ တပ်ဆင်က စွတ်စွဲပါတယ်။ ဘာပဲပြောပြော တပ်ဆင်ကို မကြိုက်တာမှန်ပေမယ့် စစ်အာဏာသိမ်းတာကို ကျနော်က မထောက်ခံပါဘူး။ ဒီမိုကရေစီနည်းအရ ရွေးချယ်ထားတဲ့ အစိုးရတရပ်ကို ဒီမိုကရေစီနည်းအရ ဖြုတ်ချဖို့ကြိုးစားခြင်းသာလျှင် အကောင်းဆုံးနဲ့ အငြိမ်းချမ်းဆုံးနည်းလမ်းပါ။

စစ်အစိုးရအာဏာစွန့်ပြီး တပ်ဆင်ရဲ့ ရုပ်သေးရုပ် ဆာမက် အစိုးရတက်လာပါတယ်။ ဆာမက်ကလည်း တပ်ဆင်ရဲ့အလိုကျ အခြေခံဥပဒေကို ပြင်ဖို့ ကြိုးစားပါတယ်။ အဲဒီအချိန်မှာ ပီအေဒီခေါ် အ၀ါရောင်ဝတ် ဆန္ဒပြသူတွေ ဆန္ဒပြတာနဲ့ ကြုံကြိုက်ရပြန်ပါတယ်။ အ၀ါရောင်ဝတ်ဆန္ဒပြသူတွေရဲ့ တောင်းဆိုချက်တွေဟာ မှန်ကန်ပေမယ့်လည်း ပါလီမန်တွေ၊ ရုံးတွေ၊ လေဆိပ်တွေကို ကျူးကျော်စီးနင်းဝင်ရောက်ပြီး ဥပဒေကို ကိုယ့်လက်ထဲထည့်ဖို့ကြိုးစားတဲ့ အ၀ါရောင်ဆန္ဒပြသူတွေရဲ့ လုပ်ရပ်ဟာ မှားယွင်းတယ်လို့ ကျနော်မြင်ပါတယ်။

အဲဒီနောက်ပိုင်းမှာ ရွေးကောက်ပွဲအတွင်း မရိုးမသားလုပ်မှုတွေအတွက် ဆာမက်ရဲ့ အာဏာရပါတီ ဖျက်သိမ်းရပြန်ပါတယ်။ ဖျက်သိမ်းအပြီးမှာ တပ်ဆင်ရဲ့ ဆွေရိပ်မျိုးရိပ်မကင်းသူတဦး ၀န်ကြီးချုပ်အဖြစ် ခဏတာဝန်ယူရပြီး မကြာခင်မှာပဲ အတိုက်အခံ ဒီမိုကရက်တွေအနေနဲ့ ပါလီမန်အတွင်းမှာ အသာစီးရလာတာမို့ ယခုလက်ရှိ ၀န်ကြီးချုပ် အာဘစ်ဆစ် အာဏာရလာတော့တာပါ။

အာဘစ်ဆစ်ဟာ ဒီမိုကရက်တစ်ပါတီကဖြစ်ပြီး သူ့ရဲ့ အယူအဆနဲ့ သဘောတရားပိုင်းဆိုင်ရာကတော့ ကမ္ဘာတလွှားက ဒီမိုကရက်တွေနဲ့ ထပ်တူနီးပါး တူညီပြီး ကျနော့်အနေနဲ့လည်း လက်ခံနိုင်ဖွယ် ၀န်ကြီးချုပ်တယောက်ဖြစ်ပါတယ်။ သူတက်လာပြီး နိုင်ငံရေးအရ မငြိမ်မသက်မှုတွေကို ဖြေရှင်းဖို့ အစွမ်းကုန် ကြိုးစားပါတယ်။ ထိုင်းနိုင်ငံတောင်ပိုင်းက မငြိမ်မသက်မှုတွေ လျော့ကျသွားပေမယ့် ၀န်ကြီးချုပ်ဟောင်းတပ်ဆင်ကို ထောက်ခံဆန္ဒပြသူတွေ တစခန်းထလာတာမို့ နိုင်ငံရေးအခြေအနေဟာ ယခုအချိန်မှာ ပြန်လည်ပြီး မတည်မငြိမ်ဖြစ်နေပါတယ်။ သူတက်မလာခင် လေဆိပ်ကို စီးနင်းဆန္ဒပြခဲ့တဲ့ ပီအေဒီခေါင်းဆောင်ပိုင်းကို သူအာဏာရလာပြီးနောက်ပိုင်းမှာ တရားဥပဒေကြောင်းအရ အရေးယူသင့်ခဲ့တယ်လို့ ကျနော်မြင်ပါတယ်။ အဲဒီအချိန်မှာ သူ့အနေနဲ့ အရေးမယူခဲ့တာဟာ အနီဝတ်တွေဖက်က ထောက်ပြစရာ ကိစ္စကြီးတခုဖြစ်လာပါတယ်။ အခု အကျိုးဆက်အနေနဲ့ အနီဝတ်တွေရောင့်တက်လာပြီး တချိန်က အ၀ါဝတ်တွေ လုပ်ခဲ့သလို ဥပဒေကို မိမိလက်ထဲ ထည့်တာတွေကို ကြုံတွေ့လာရတာဖြစ်ပါတယ်။ ပွဲလန့်တုန်း ကော်ဇော်ခင်းဖို့ကြံနေတဲ့ ဦးဦးတပ်ဆင်ကလည်း ပြည်ပကနေ မီးမှုတ်ပေးနေတာကို တွေ့ရပါတယ်။

အခုလောလောဆယ်တော့ အရေးပေါ်အခြေအနေထုတ်ပြန်ပြီး ငြိမ်သက်မှုရအောင် ကြိုးပမ်းနေပါတယ်။ ဒါပေမယ့်လည်း ထိုင်းနိုင်ငံသားတွေကိုယ်၌က ဒီမိုကရေစီကို မြတ်နိုးပြီး ဥပဒေကြောင်းလမ်းအရ နည်းမှန်လမ်းမှန် ဆန္ဒပြကြမှသာလျှင် ထိုင်းနိုင်ငံရဲ့ အနာဂတ်ဟာ အေးချမ်းမှုရှိမှာဖြစ်ပါတယ်။ မတရားတဲ့ ဥပဒေကို ဖီဆန်တာနဲ့ ဥပဒေကို ကိုယ့်လက်ထဲကို ထည့်ပြီး ထင်သလိုပြုမူရမ်းကားတာဟာ မတူညီတဲ့ လုပ်ရပ်နှစ်ခုဆိုတာ သိမြင်ဖို့လိုပါတယ်။ ဒီလိုမှမဟုတ်ရင်တော့ ထိုင်းနိုင်ငံရဲ့ နိုင်ငံရေးစနစ်ဟာ ဒီမိုကရေစီမဟုတ်ဘဲ ဒီမို ခရေဇီစနစ် ဖြစ်မြဲဖြစ်နေဦးမှာ ဖြစ်ပါကြောင်း……။

16 comments:

EE said...

It's a fair view. I agree with you, Ko Paw.

မောင်လမ်းသစ် said...

ထိုင်းမှာလဲ နိုင်ငံရေး သမားတွေ ကွဲတော့ တိုင်းပြည် နစ်နာနေတာပါ။

မောင်လမ်းသစ် said...

ထိုင်းက တပ်ဆင်ကို ထောက်ခဲ့တဲ့ လူတွေ ဆူပူ ဆန်ါပြတာက ၈၈ တုန်းက ဒေါ်စုကြည်ကို ထောက်ခဲ့တဲ့ လူတွေ နေ့လည်ကြောင်တောင် ရန်ကုန်မြီုကလယ်မှာ ခေါင်းဖြတ်သတ်တာလောက် မဆိုးသေးပါဘူး။

Zephyr said...
This comment has been removed by the author.
Zephyr said...

ကိုပေါရေ ....

ဒီမိုခရေဇီကို ရေးထားတဲ့ ရှူထောင့်ကို သဘောကျပါတယ် ....။
.............................
>>>>>>>>>>>>>>>>>>>>>>>>>>>>>>

ကိုလမ်းသစ်ရေ ...

မတူညီတဲ့ အမြင်ရှိတာကိုတော့ အသိအမှတ်ပြုပါတယ် ...။
ကိုလမ်းသစ်တွေးသလိုတွေးကြစတမ်းဆိုရင် ....
လမ်းလယ်ခေါင်မှာ လူတွေကို ခေါင်းဖြတ်တာဟာ ...
ဘုန်းကြီးတွေကိုသတ်တာလောက် မဆိုးသေးပြန်ဘူးနော် ...။

တွေးမယ်ဆိုရင် အဲဒီလို အဆုံးအထိတွေးစေချင်ပါတယ် ...။ half-way မှာမရပ်ထားပါနဲ့ ....။ တစ်ဖက်သတ် အမြင်က ကျန်းမာရေးကို ထိခိုက်စေနိုင်လို့ပါ ..။

ကျေးဇူးတင်ပါတယ် ...။

Anonymous said...

မောင်လမ်းသစ်..
ခေါင်းဖြတ်တာ ဒေါ်အောင်ဆန်းစုကြည်ကို ထောက်ခံတဲ့လူတွေ လို့ ဘာအကြောင်းပြချက်နဲ့ ပြောတာပါလိမ့်။
ကြုံတုန်း ၀င်ပြောဦးမယ် ဆိုတဲ့ လေသံကိုတော့ လျှော့ဖို့သင့်ပြီ။ စစ်တပ်ကို ဖားတာလဲ အချက်အလက် တိတိကျကျနဲ့ပြောပေါ့ မောင်လမ်းဆိုးရယ် ။

ခင်မင်းဇော် said...

ကိုပေါ အမြင်ကို ထောက်ခံတယ်။ ထိုင်းအောက်ခြေပြည်သူတွေက နိုင်ငံရေးကို မသိဘူး။ သူတို့ ရနေတဲ့ အခွင့်အရေးတွေကို ဘာ့ကြောင့်ရလဲ ဆိုတာတောင် မသိဘူး။ ဒါတွေသိဖို့ ပါတီတွေက လုပ်ရလိမ့်ဦးမယ် ကျမတော့ အဲလိုမြင်တယ်။ ဒါ့ကြောင့်လဲ သူတို့ တိုင်းပြည် ခုလိုဖြစ်နေတာ။ နိုင်ငံရေးသမားကွဲလို့ ဆိုတဲ့ မောင်လမ်းသစ် ရွှီးချက်ကိုတော့ ဆန့်ကျင်တယ်။ နိုင်ငံရေးသမားတွေအကုန်ညီနေရင်တော့ မဟုတ်တဲ့နေရာ ညီနေရင်တော့ မဆလ လို တပါတီအာဏာရှင် ပြန်ဖြစ်သွားဦးတော့မှာပေါ့။ အတိုက်အခံဆိုတာလဲ ရှိကိုရှိရမယ့် တရား။ ဒါမှအာဏာရ ပါတီက မဟုတ်တာ မလုပ်ရဲတဲ့ ဘောင်နဲ့ ကွတ်ခြင်းတည်ရှိမှာ။ ဒီလိုပဲ မြင်တယ်။

သတိ said...

အားလုံးသတိ

ပရမ်းပတာဆန္ဒပြမှုတွေနဲ့ နိုင်ငံရေးတိုက်ကွက် ဆင်ခဲ့တဲ့ ထိုင်းနိုင်ငံရေးဟာ အလားတူ တုန့်ပြန်မှုတွေနဲ့ ရင်ဆိုင်ရတယ်လို့ မြင်ပါတယ်ခင်ဗျာ.. နိုင်ငံရဲ့ တည်ငြိမ်မှု၊ အကျိုးစီးပွား ပျက်ပြားထိခိုက်လာအောင် စနစ်တကျမဟုတ်တဲ့ ထင်ရာစိုင်းရမ်းကားမှုမျိုးကို ထိန်းသိမ်းဖို့ဟာ နိုင်ငံအစိုးရတိုင်းမှာ တာဝန်ရှိတာမို့ ကျွန်တော်ကတော့ ထိုင်းအစိုးရရဲ့ လိုအပ်တဲ့ အေ၇းယူမှုတွေကို လက်ခံပါတယ်..

ဒါပေမဲ့ဗျာ.. အရင် အများပြည်သူရွေးကောက်လိုက်တဲ့ ပါတီကို ဆန္ဒပြတော့ အရေးပေါ်ကြေငြာလို့ နှိမ်နင်းစေတာတောင် ရူးသလို ပေါသလိုနဲ့ အိုက်တင်လုပ်ခဲ့တဲ့ ထိုင်းစစ်တပ်ဟာ ခု ဘာလိုလိုညာလိုလို တက်လာတဲ့ လူက နှုတ်ထွက်ဖို့ ပယ်ချပါတယ်.. ဆန္ဒပြမှုတွေကို နှိမ်နင်းပါဆိုတဲ့ အကွက်ကို အားတက်သရော ၀င်ပါနေပုံကတော့ အင်း.. နိုင်ငံရေး နိုင်ငံရေးလို့ပဲ ငြီးမိပါတော့တယ်ဗျို့..

အားလုံးသက်သာ
မောင်သတိ

testing for blog said...

သတိပြောတာမှန်တယ်

Anonymous said...

သက်ဆင်လား သက်ဆင်လားဗျ.... ဘာရယ်မဟုတ်ပါဘူး... တပ်ဆင်လို့ခေါ်တာ တရုတ်စကားမပီသလိုများဖြစ်နေလားလို့...

သင်းလဲ့လဲ့မင်း said...

မောင်လမ်းသစ်သို့

၈၈မှာခေါင်းဖြတ်ကြတာထောက်လှမ်းရေးရဲ့ပြည်သူ
တွေအပေါ်အာရုံမှောက်မှားအောင်အင်မတန်ယုတ်မာစွာ
ကြံစည်ခဲ့တဲ့အယုတ်တမာအစီအစဉ်သာဖြစ်ပါတယ်။
အန်တီစုကိုထောက်ခံသူတွေကျောင်းသားတွေနဲ့
ဘာဆိုဘာမှမဆိုင်ပါ။အခြေအနေမဲများကိုငွေပေး၊ဆေးကျွေး
ပြီးတိုင်းပြည်မတည်ငြိမ်ဟန်ပြဖန်တီးခဲ့ခြင်းသာဖြစ်ပါတယ်။
သူများဘလော့မှာလာခိုကပ်ရပ်ပြီး
မဆလ၊န၀တ၊နအဖရဲ့စိတ်ဓာတ်စစ်ဆင်ရေးတွေလာမဖြန့်
စေလိုပါ။

CMA said...

မောင်လမ်းသစ်
ပြည်တွင်းသတင်းစာက (လူမဖတ်တဲ့)ဆောင်းပါးတွေလို အတုံးလိုက် အတစ်လိုက် ပေါ်တင်ကြီး မလုပ်နဲ့လေဗျာ၊ သတိထားပါဦး။ ပြောကုန်ကြပြီဗျာ၊ ဘာတဲ့... "သူများဘလော့မှာ လာခိုကပ်ရပ်ပြီးမဆလ၊ န၀တ၊ နအဖရဲ့ စိတ်ဓာတ်စစ်ဆင်ရေးတွေ လာမဖြန့်
စေလိုပါ".. တဲ့။ ရှက်စရာကြီးဗျာ။ အဲ.. လှဲတော့ မသေလိုက်ပါနဲ့ဦး ကိုယ့်လူ..။ ခင်ဗျားလိုလူ သေလို့မဖြစ်သေးဘူး။ နအဖ အသက်ဆက်ဖို့၊ ခင်ဗျားလိုလူကို အုတ်တချပ် သဲတပွင့်လို လိုအပ်နေတာ..။ အဲ့ဒီတော့ ကိုယ့်ဖာသာ ကိုယ် ဘလော့ တခုထောင်ပြီး ရေးပြလိုက် စမ်း ဘာ.. နအဖကောင်းကြောင်း ဘလော့တခုလုံး မိုးလုံးပြည့် ရေးလိုက်စမ်းဘာ.....။ ခုလို ဘာမဟုတ်တဲ့ သူများဘလော့မှာ လာခိုကပ်ရပ်ပြီး၊ မစို့မပို့လေးရေးတာကိုပဲ ဒီလောက်ကြီး ပယ်ပယ်နယ်နယ် ပြောခံရတာတော့ မတန်ပါဘူးဗျာ..။ လုပ်ဗျာ ပြန်ချဗျာ ခင်ဗျားဘလော့ကနေ..။ လက်သာ အသာတို့လိုက်.. ကျုပ်တို့ လာအားပေးမယ်..။

win latt said...

ကျွန်တော်က နိုင်ငံရေးသိပ်နားမလည်ပါဘူး
ဒါပေမဲ့ ဖြစ်သင့်တာက တိုင်းပြည်တိုးတက်ဖို့၊လွတ်လပ်ပြီးတရားမျှတဖို့ပဲ တိုင်းသူပြည်သားတွေတောင်းဆိုသင့်တယ်။
သက်ဆင်ကို ထောက်ခံပြီး သက်ဆင်အာဏာပြန်ရရေးအတွက် ပုဂ္ဂိုလ်ရေး ရှုဒေါင့် သက်သက်နဲ့ လုပ်နေကြရင်တော့ သူပြီးငါ..ငါပြီးသူ နဲ့ပဲ ဆန္ဒပြတဲ့ အလုပ်တွေက အဆုံးသတ်သွားမှာမဟုတ်ဘူး လို့ထင်မြင်မိပါတယ်။

ရှင်မင်း said...

မောင်လမ်းသစ်..ရေ
ခင်ဗျားအမြင်တွေက လမ်းဟောင်းက အမြင်တွေပါ။
တနည်းပြောရရင် နအဖ လက်ကိုင်တုတ်များ။ဆိတ်လစိ(ရိုင်းရင်ခွင့်လွတ်) သတင်းသမားများ။ဟိုခုန်ဒီခုန် နိုင်ငံရေးသမားများ ပြေနေကျ စကားတွေပါပဲ။
ခင်ဗျားစကားတွေ မဲပြာပုဆိုးထဲက ထုတ်ပစ်လိုက်ပါဦး။
သနားတယ်...။

Unknown said...

Ko Paw Yay,
I will translate this post into english and show to Thai friends. :-) It is a nice view.
Thai people are boring with such protests. I joke them to do like cowboy movie. Give two guns to Mr.Thaksin and current PM and let them shoot each other. The winner will become PM. Just kidding.
They also joke me to hire our army government only one day becoz they know how much our govn. is cruel.

Anonymous said...

I did not say this ok, but a friend speculated that.

"Yellow devils are sponsored by the queen so that current meat head crown prince can inherit the throne."

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs