“ကံမကောင်း အကြောင်းမလှခဲ့လျှင်”

Share |

စင်္ကာပူနိုင်ငံသား မာတင်ဆီး(Martyn See) ရိုက်ကူးထားတဲ့ ဗီဒီယိုကို ယူကျု ကနေ ကူးယူပြီး တင်လိုက်ပါတယ်။ အရင်ကတော့ မာတင်ရဲ့ ဗီဒီယိုတွေကို စင်္ကာပူအစိုးရက စင်္ကာပူနိုင်ငံတွင်းမှာ ပြသခွင့် မပေးဘဲ ပိတ်ပင်တားမြစ်ထားခဲ့ပါတယ်။ အခုတော့ အချို့ကို Rating တစ်ခုနဲ့ စတင် ခွင့်ပြုလာပါပြီ။ အခု ဗီဒီယိုကို NC16 သတ်မှတ်ထားပါတယ်။ ဗီဒီယိုထဲမှာ အကြမ်းဖက်မှုတွေ၊ သွေးထွက်သံယိုမြင်ကွင်းတွေ၊ ညစ်ညမ်းတဲ့ လိင်ပိုင်းဆိုင်ရာ ပြကွက်တွေ တစ်ခုမှ မပါဝင်ဘဲနဲ့ ဘာကြောင့် ဆင်ဆာဘုတ်က NC16 သတ်မှတ်ထားရသလဲ ဆိုတာကတော့ အတွေးပွားစရာပါ။

စင်္ကာပူနိုင်ငံမှာ ရောက်ရှိနေကြတဲ့ မြန်မာလူမျိုးအများစုကတော့ ဒီဗီဒီယိုမှာပါတဲ့ မြင်ကွင်းတွေကို မြင်ဖူးကြမှာပါ။ ဒါပေမယ့် တခြားနိုင်ငံက မြန်မာတွေအနေနဲ့ စင်္ကာပူမှာ ဒီလို အဖြစ်အပျက်တွေ ရှိတယ်ဆိုတာကို ယုံနိုင်ကြမယ် မထင်ပါဘူး။ တကယ်တော့ ဒီအဖြစ်အပျက်တွေဟာ ဘဝမှာ ကံအကောင်းအကြောင်းမလှတဲ့ စင်္ကာပူနိုင်ငံသားတချို့အနေနဲ့ အသက်အရွယ် ကြီးရင့်လာတဲ့အချိန်မှာ ကြုံတွေ့ရလေ့ရှိတဲ့ အဖြစ်အပျက်တွေပါ။ ကျနော်သတိထားမိတဲ့ နောက်တချက်ကတော့ ဒီနိုင်ငံမှာ အသက်ကြီးမှ ဒုက္ခရောက်သူတွေအများစုဟာ တရုတ်လူမျိုးတွေဖြစ်နေတာကို တွေ့ရပါတယ်။ ကျန်တဲ့ မလေးနဲ့ အင်ဒီယန်းတွေကို တွေ့ရခဲပါတယ်။ ဗီဒီယိုထဲမှာလည်း ဒီအချက်ကို သတိပြုနိုင်ပါတယ်။ ဘာကြောင့်ပါလဲ။



မာတင်ဆီးရဲ့ ဘလော့ဂ်ကို ဒီလင့်ခ်ကတဆင့် သွားနိုင်ပါတယ်။

ဒီဗီဒီယိုကိုပဲ The Online Citizen အင်တာနက် စာမျက်နှာမှာ ခရစ်စမတ်အတွက် တင်ထားတာကို တွေ့ရပါတယ်။

(ဖြည့်စွက်ချက်) ပို့စ်ခေါင်းစဉ်တွေကို ပြန်ကြည့်တဲ့အခါ ပြီးခဲ့တဲ့ စက်တင်ဘာလကလည်း ခပ်ဆင်ဆင် ခေါင်းစဉ်တခုနဲ့ အကြောင်းအရာလည်း ဆင်တူတဲ့ ပို့စ်တခု တင်ခဲ့မိတာကို သွားတွေ့ရတယ်။ အောက်မှာ အဲဒီပို့စ်ရဲ့ လင့်ခ်ကို ထည့်ပေးလိုက်ပါတယ်။

“ကံမကောင်း အကြောင်းမလှခဲ့လျှင်ဖြင့်…”