“တကယ့်ထောင်”

Share |
စွတ်စိုထိုင်းမှိုင်းတဲ့
စိတ်ညစ်ညူးဖွယ်အကျဉ်းခန်းငယ်ထဲက
ရေယိုကျနေတဲ့ ခေါင်မိုးကို
ဆိုလိုတာမဟုတ်။
တ၀ီဝီ အနားကပ် ပျံသန်းရင်း
သီချင်းဆိုနေကြတဲ့ ခြင်တွေကို
ဆိုလိုတာလည်း မဟုတ်။

ထောင်စောင့်က သင့်ကို
အခန်းတံခါးပိတ်
သော့နှိပ်လိုက်စဉ်
တချွင်ချွင်မြည်သွားတဲ့
သော့တွဲဆီက အသံတွေကို
ဆိုလိုတာမဟုတ်။

လူအတွက်ဖြစ်ဖြစ်
တိရိစ္ဆာန်အတွက်ပဲဖြစ်ဖြစ်
ဘယ်နည်းနဲ့မှ
မမျှတ မလုံလောက်တဲ့
ဝေပုံကျ အစားအသောက်ကို
ဆိုလိုတာမဟုတ်။

ဟာလာဟင်းလင်း
ညမှောင်တွင်းကို
နစ်ဆင်းသွားရှာတဲ့
နေ့တာတွေရဲ့
အနှစ်မဲ့တဲ့ အဖြစ်ကို
ဆိုလိုတာလည်း မဟုတ်။
မဟုတ်…
မဟုတ်…
မဟုတ်ရေးချ မဟုတ်။

မျိုးဆက်တခုစာ
သင့်နားအတွင်းကို
ရိုက်သွင်းခံခဲ့ရတဲ့
မုသားတွေကသာ…

သွေးအေးအေးနဲ့ ပေးလာတဲ့
သွေးပျက်ဖွယ်အမိန့်တွေကို
ရက်စက်ကြမ်းကြုပ်စွာ
လိုက်နာအကောင်အထည်ဖော်ကြတဲ့
လုံထိန်းတွေကသာ…

တနပ်စာနဲ့ လှဲလှယ်ဖို့အတွက်
မထိုက်မတန် အပြစ်ဒဏ်မှန်း
သိလျက်နဲ့
အမိန့်စာထက်တွင်
ရေးကာတင်သွားတဲ့
တရားသူကြီးတွေကသာ…

ကိုယ်ကျင့်သိက္ခာပိုင်းဆိုင်ရာ ချို့တဲ့မှု….
စိတ်ဓါတ်ရေးရာ ဟောင်းနွမ်းပြိုပျက်မှု….
အာဏာရှင်တွေကို
တရားဝင်ပါတယ်လို့
အငှားထောက်ခံပေးနိုင်ဖို့
ကျိုးနွံနာခံခြင်းကို တောင်းဆိုခဲ့တဲ့
သူရဲဘောကြောင်မှုတွေကသာ….

ငါတို့ရဲ့ ညစ်ထေးနေတဲ့ နှလုံးသားအတွင်း
ချဉ်းနင်းနားခိုနေတဲ့….။
ငါတို့ရဲ့ ဘောင်းဘီတထည်လုံးကို ရွှဲသွားစေပြီးတဲ့နောက်
ငါတို့သေးကိုတောင် ငါတို့မလျှော်ဖွပ်ဝံ့တဲ့….။
ငါတို့ရဲ့ စိတ်ထဲက
အကြောက်တရားတွေကသာ…..

အဲဒါတွေကမှ....
အဲဒါတွေကမှ….
အဲဒါတွေကမှ…. သူငယ်ချင်း
မင်းတို့ ငါတို့ရဲ့
လွတ်လပ်တဲ့ ကမ္ဘာကြီးကို
ပျင်းရိငြီးငွေ့ဖွယ် အကျဉ်းထောင်ကြီးအဖြစ်
ပြောင်းလဲပစ်တဲ့ အရာတွေဖြစ်တယ်။

(ကဗျာဆရာ Ken Saro-Wiwa ရေးဖွဲ့သော The True Prison ကဗျာကို ယနေ့ကျရောက်သော ကုလသမဂ္ဂ လူ့အခွင့်အရေးကြေညာစာတမ်း အနှစ် ၆၀ ပြည့် အထိမ်းအမှတ်အဖြစ် ဘာသာပြန်ပါသည်။ အမှားအယွင်းပါသွားက ဘာသာပြန်သူ ကျနော်၏ ညံ့ဖျင်းချက်သာ ဖြစ်ပါကြောင်း။)

6 comments:

:P said...

မူရင်းကဗျာနဲ့ တွဲဖတ်နေပါ၏

ကိုပေါ said...

ဆင်ဒဏ်လား…. တွဲဖတ်နေတယ်ဆိုလို့ ပထမ အပိုဒ်ကို နည်းနည်းပြင်လိုက်တယ်ဗျိုး။း-)

Moe Cho Thinn said...

ထောင်ရဲ့ အပြင်ဖက်မှာနေပြီး တကယ့်ထောင်ထဲ ရောက်မနေဖို့ လိုပါတယ်။ ကဗျာလေး ဘာသာပြန်ပေးတာ ကျေးဇူးပါ ကိုပေါ။

testarrman said...

ကိုပေါရေ
အခြားသူတွေရဲ့ blog တွေမှာ ကိုပေါရေးထားခဲ့တဲ့ comment တွေကို စုပြီး post အဖြစ်ပြန်တင်ပေးပါအုံး။ ဖတ်ရတာ စိတ်ဝင်စားစရာကောင်းလို့ပါ။

စကားမစပ် ဟိုတစ်ခါ မဒမ်ပေါရဲ့ poem တင်တုန်းက ကိုပေါကို တာရာမင်းဝေ စတိုင်လ် ဖမ်းတာလားလို့ စမိတာ ခွင့်လွှတ်ပါ။ မဒမ်ပေါ ရဲ့ post တွေ poem တွေ ထပ်တင်ပေးပါအုံး။

:-)

ကိုပေါ said...

မချိုသင်း......အင်း...အတွေးအခေါ်လွတ်လပ်ဖို့က ပထမပေါ့။

သီဟသစ်.... ဘယ်ဘလော့ဂ်တွေက ကွန်မင့်တွေကို ပြောတာပါလိမ့်ဗျာ။ စိတ်ဝင်စားတယ်ဆိုတဲ့အတွက် ကျေးဇူးပါ။ ကျနော့်ကွန်မင့်တွေက ရှည်တော့ ပို့စ်အနေနဲ့ ပြန်တင်ရင် အရှည်ကြီးတင်ရကိန်းရှိတယ်။ မဒမ်ပေါ ပို့စ်တွေကို အလျဉ်းသင့်သလို တင်ပေးပါမယ်။

Thet Oo said...

ကဗျာလေးကိုရော.. ဘာသာပြန်ကိုပါ ကြိုက်ပါတယ်။

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs