“၂၀၀၈ ခုနှစ်မှာ ဖြစ်ခဲ့သမျှ”

Share |
ဒီနေ့က သက္ကရာဇ် ၂၀၀၈ ခုနှစ်ရဲ့ နောက်ဆုံးနေ့။

၂၀၀၈ ခုနှစ်မှာ သတိရအောက်မေ့ဖွယ်ရာ အဖြစ်အပျက်တွေနဲ့ ပြည့်နှက်နေတယ်။ အဲသည်အဖြစ်အပျက်တွေထဲကမှ ကျနော့်စိတ်ထဲကို ထိခိုက်စေတဲ့၊ အမှတ်ထင်ထင်လည်း ကျန်ရစ်နေခဲ့တဲ့ အဖြစ်အပျက်အချို့ကို ဒီပို့စ်မှာ အကျဉ်းချုံးပြီး ပြန်ပြောပြချင်ပါတယ်။

၂၀၀၈ ခုနှစ်… ဇန်န၀ါရီလမှာ နာမည်ကျော် သီးလေးသီးအငြိမ့်အဖွဲ့ကို ပထမဦးဆုံးအကြိမ်အဖြစ် ပြည်ပကို ကျွန်တော်တို့ ခေါ်ယူကပြဖို့ စီစဉ်နိုင်ခဲ့တယ်။ စင်္ကာပူမှာ ပထမအကြိမ် ကပြတဲ့ပွဲမှာ လက်မှတ်တွေ အကုန်ရောင်းရတဲ့အပြင် ထိုင်ခုံတွေပါ တိုးချဲ့ စီစဉ်ပေးခဲ့ရတယ်။ ရတဲ့အမြတ်ငွေတွေထဲက ၆၀ ရာခိုင်နှုန်းနဲ့ ပရိသတ်က ဆုချတဲ့ ဆုကြေးတွေကို သီးလေးသီးအငြိမ့်အဖွဲ့သားတွေကို ချီးမြှင့်ဂုဏ်ပြုနိုင်ခဲ့သလို ကျန် ၄၀ ရာခိုင်နှုန်းကို ပြည်တွင်းက ဒီမိုကရေစီ အင်အားစုများထံ ပေးပို့နိုင်ခဲ့ပါတယ်။

ဇန်န၀ါရီလ ၂၉ ရက်နေ့မှာ ဘလော့ဂါ ကိုနေဘုန်းလတ်တယောက် စစ်အစိုးရရဲ့ ဖမ်းဆီးမှုကို ခံခဲ့ရပါတယ်။ နောက်ပိုင်းမှာ မတရားတဲ့ စွဲချက်တွေနဲ့ ရုံးတင်ခံရပြီး ထောင်ဒဏ်အနှစ် ၂၀ အထိ ချမှတ်ခြင်း ခံခဲ့ရပါတယ်။ မြန်မာ ဘလော့ဂါ လောကမှာ ပထမဦးဆုံးအနေနဲ့ ဖမ်းဆီးထောင်ချခြင်း ခံရသူဖြစ်ပါတယ်။

သိပ်မကြာပါဘူး။ ရမ်ဘိုအပိုင်းလေး ဇာတ်ကားထွက်လာပြီး မြန်မာစစ်တပ်ကို နှိပ်ကွပ်ထားတဲ့ အဲဒီရုပ်ရှင်ဇာတ်ကားဟာ မြန်မာပရိသတ်အကြားမှာ အတော်လေး ရေပန်းစားခဲ့ပါတယ်။ စင်္ကာပူမှာလည်း ပြည်ပရောက်မျိုးချစ်မြန်မာများက ဦးစီးလို့ ရုပ်ရှင်ရုံကြီးတရုံလုံးကို ဘွတ်ကင်လုပ်ပြီး မြန်မာတွေ အတူတကွ ကြည့်ရှုခဲ့ကြပါတယ်။

မေလဆန်းပိုင်းကို ရောက်တဲ့အခါမှာတော့ ဧရာဝတီမြစ်ဝကျွန်းပေါ်ဒေသကို နာဂစ်အမည်ရှိတဲ့ အင်အားကြီး ဆိုင်ကလုံးမုန်တိုင်း ၀င်မွှေသွားတဲ့အတွက် လူအများအပြား သေကြေပျက်စီးရပြီး အိုးအိမ်မြို့ရွာပေါင်းမြောက်များစွာနဲ့အတူ လယ်ယာမြေဧကပေါင်းများစွာ ပျက်စီးဆုံးရှုံးခဲ့ရပါတယ်။

ပြည်တွင်းနေရာအနှံ့အပြားနဲ့ ကမ္ဘာအရပ်ရပ်က ပေးပို့လာတဲ့ အကူအညီတွေကို နအဖ စစ်အစိုးရက ပိတ်ပင်ရုံမျှမက အချို့သော ပစ္စည်းရိက္ခာတွေကို ကြားကဖြတ်ပြီး အလွဲသုံးစားလုပ်တဲ့အတွက် ကြားရသူအပေါင်းအတွက် အော့နှလုံးနာစရာ၊ မသတီစရာကိစ္စကြီး ဖြစ်ခဲ့ရပါတယ်။ နာဂစ်မုန်တိုင်းပြီးတာနဲ့ လူမှုအကူအညီများအတွက် တက်ကြွစွာ လှုပ်ရှားသူ ကိုဇာဂနာအပါအ၀င် နိုင်ငံရေးသမား လူငယ်အများအပြားကို ဖမ်းဆီးထောင်ချခဲ့ပါတယ်။

ဆိုင်ကလုန်းမုန်တိုင်းဘေးဒဏ်ခံရသူတွေ ထိထိရောက်ရောက် အကူအညီပေးဖော်မရတဲ့ နအဖစစ်အစိုးရဟာ သူ့စိတ်တိုင်းကျ ရေးဆွဲထားတဲ့ ညောင်နှစ်ပင် အခြေခံဥပဒေကိုတော့ မေလအကုန်မှာ လူထုဆန္ဒခံယူပွဲအတုအယောင်ကျင်းပပေးပြီး ထောက်ခံမဲ ၉၀ ရာခိုင်နှုန်းကျော် (၉၂.၄% လားမသိ) နဲ့ အတည်ပြုကြောင်း ကြေညာခဲ့တယ်။ စင်္ကာပူက မြန်မာသံရုံးရှေ့မှာ မြန်မာပေါင်း ၂၀၀၀ ကျော်ဟာ “နိုး” လို့ ရေးထားတဲ့ အင်္ကျီအနီနဲ့ ဦးထုတ်အနီတွေ ၀တ်ဆင်ပြီး မဲသွားပေးခဲ့တဲ့အဖြစ်အပျက်ကိုကြည့်ရင် ဒီအခြေခံဥပဒေကို ပြည်သူတွေ ဘယ်လောက် ရွံမုန်းသလဲ၊ ဘယ်လောက်အထိ လက်သင့်မခံနိုင်သလဲ ဆိုတဲ့အချက်ကို ဖော်ကျူးကာ မှတ်တမ်းတင်ခဲ့သလိုပါပဲ။

ဂန်ဖလားလို့ ခေါ်တဲ့ ဂန်ဘာရီကတော့ ၂၀၀၇ နဲ့ ၂၀၀၈ အတွင်းမှာ မြန်မာပြည်ကို ပြန်ချည်သွားချည် ကူးသန်းနေတယ်။ ပန်းရည်ဘဏ်တိုက်သီချင်းအတိုင်းပါပဲ။ “အပြန်..အပြန်..အပြန်လားဟေ့….အသွား အသွား အသွား ပါဗျိုး….ခေါက်တုန့်လူးလာ…ကူးကာသယ်ဖို့ကြုံ…..”

နောက်တော့ စင်္ကာပူက မြန်မာ့အရေးလှုပ်ရှားသူတွေ တယောက်ပြီးတယောက် စင်္ကာပူကနေ ထွက်ခွာသွားရတယ်။ သူတို့ရဲ့ အလုပ်လုပ်ကိုင်ခွင့် ပါမစ်တွေ သက်တမ်းကုန်သွားတဲ့အခါမှာ စင်္ကာပူအစိုးရက သက်တမ်းတိုးမပေးတော့တဲ့အတွက်ပါ။ သည်နှစ်ထဲမှာ ကျနော်အင်မတန် ရင်းနှီးပြီး လေးစားတဲ့ လူငယ်တယောက် မြန်မာပြည်တွင်းကို ပြန်သွားတယ်။ သူနဲ့ ထိတွေ့ခဲ့ရတဲ့ နှစ်နှစ်ခွဲလောက် ကာလအတွင်းမှာ သူက ကျွန်တော့် ယုံကြည်မှုတွေကို အရောင်တင်ပေးနိုင်ခဲ့ပြီး မှန်မှန်ကန်ကန်တွေးခေါ်တတ်အောင် လမ်းပြခဲ့သူလည်း ဖြစ်ပါတယ်။

ဒီနှစ်ထဲမှာပဲ အမျိုးသားဒီမိုကရေစီအဖွဲ့ချုပ်က ပြောရေးဆိုခွင့်ရှိသူ ဦးမြင့်သိန်း စင်္ကာပူမှာ ဆေးရုံလာတက်ရင်း စင်္ကာပူမှာပဲ ကွယ်လွန်သွားခဲ့တဲ့အတွက် ကျန်ရစ်သူမိသားစုနဲ့အတူရော မြန်မာပြည်သားတဦးအနေနဲ့ပါ ဆုံးရှုံးမှုအတွက် ၀မ်းနည်းခဲ့ရပါသေးတယ်။

နောက်တော့ ကိုမင်းကိုနိုင်အပါအ၀င် ကျောင်းသားခေါင်းဆောင်တွေကို တခါမှ မကြားဘူးတဲ့ နှစ်ရှည်ထောင်ဒဏ်တွေ (၆၅ နှစ်စီ) ချမှတ်ပြီး နယ်စွန်နယ်ဖျား ထောင်တွေကို ပို့လိုက်တယ်။ နအဖ စစ်အစိုးရအနေနဲ့ ဘယ်လောက်သွေးရူးသွေးတမ်းဖြစ်နေသလဲဆိုတာ သိသာထင်ရှားစေတဲ့ လုပ်ရပ်ပါပဲ။

တဖက်ကကြည့်ရင် အားတက်စရာအနေနဲ့ကတော့ အဖွဲ့ချုပ်က အန်ကယ်လ်ဦးဝင်းတင်၊ ဦးခင်မောင်ဆွေနဲ့ ဒေါက်တာသန်းငြိမ်းတို့ နှစ်ရှည်လများ ထောင်ကျနေရာက ပြန်လွတ်လာကြတယ်။ အပြင်မှာ နိုင်ငံရေးလှုပ်ရှားမှုတွေ ပိုမို အရှိန်မြင့်တက်လာပါတယ်။

ကျနော့်ဘလော့ဂ်နဲ့ ပတ်သက်လို့ ပြောရရင် ကျနော့်ဘလော့ဂ်မှာ ၂၀၀၈ ခုနှစ် တနှစ်အတွင်း (ဒီပို့စ်အပါအ၀င်) ပို့စ်ပေါင်း ၁၄၉ ခု တင်ဖြစ်ခဲ့တယ်။ အများစုက ကျနော်ရေးတာဖြစ်ပေမယ့် တချို့ပို့စ်တွေက အခြားစာရေးသူတွေရဲ့ စာကို တိုက်ရိုက်တင်ပေးတာ၊ ဘာသာပြန်ပေးတာတွေ ပါပါတယ်။

ဘလော့ဂ်ဆိုတာဟာ အတုအယောင်ကမ္ဘာ (Virtual World) ဆိုပေမယ့်လည်း ကျနော့်ဘလော့ဂ်မှာတော့ တတ်နိုင်သမျှ ကျနော့်ခံစားမှု၊ အတွေးအမြင်နဲ့ ပတ်ဝန်းကျင်က အဖြစ်အပျက်တွေကို အမှန်အတိုင်း တင်ပြဖို့ အားထုတ်ခဲ့ပါတယ်။ အားထုတ်တယ်ဆိုတဲ့ စကားထက် အမှန်အတိုင်း ပွင့်အန်ကျခဲ့တယ်လို့ပြောရင် ပိုမှန်မယ်ထင်ပါရဲ့။

တခြားဘလော့ဂ်တွေမှာလည်း ကွန်မင့်တွေ ရှည်ရှည်လျားလျား သွားရေးဖြစ်ခဲ့ပါတယ်။ ကျနော့် ဒဏ်ကို အခံရဆုံး ဘလော့ဂါတွေကတော့ ပန်ဒိုရာ၊ တန်ခူး၊ ကလိုစေးထူး၊ ဂျစ်တူး၊ တီဇက်အေ၊ မေငြိမ်း နဲ့ ခင်မင်းဇော် တို့ ဖြစ်ပါတယ်။ ကျနော် ဘာတွေပဲ ကွန်မင့်ကွန်မင့် လွတ်လပ်စွာ ဝေဖန်ခွင့်ပေးထားကြတဲ့သူတွေမို့ (တားရင် မကောင်းလို့လည်း ဖြစ်နိုင်တယ်) ကျေးဇူးတင်ကြောင်း ဒီနေရာကနေ ပြောလိုက်ပါတယ်။

နောက်တချက်က အွန်လိုင်းပေါ်မှာပဲ တွေ့ဆုံရင်းနှီးခဲ့ရတဲ့ ဘလော့ဂါ ကိုဖိုးဇေတယောက် ကွယ်လွန်သွားခြင်းပါပဲ။ လူချင်းမတွေ့ဘူးလိုက်ပေမယ့် မြန်မာပြည်လွတ်မြောက်ဘို့အရေး ဆန္ဒတူသူတဦးမို့၊ စာရေးသားဖို့ ၀ါသနာထုံကြသူချင်းမို့ စိတ်ထဲမှာ ထိခိုက်ရပါတယ်။

ကျနော်အခု လက်ရှိနေထိုင်ရာ စင်္ကာပူနိုင်ငံအရေးနဲ့ ပတ်သက်လို့လည်း အမှတ်တရ အဖြစ်အပျက်တွေ အများကြီးရှိခဲ့ပါတယ်။ ဟိုးလေးတကျော် အဖြစ်ဆုံးကတော့ မက်စ်ဆီလာမက် ဆိုတဲ့ အကြမ်းဖက်သမားအဖြစ် စွတ်စွဲခံရသူ အကျဉ်းသားတယောက် လုံခြုံရေးအထူးတင်းကြပ်တဲ့ အကျဉ်းစခန်းကနေ (အစိုးရအဆိုအရ) ထွက်ပြေးလွတ်မြောက်သွားခြင်းပါ။ အခုထိ ဖမ်းမမိသေးပါဘူး။ ဒုတိယအနေနဲ့ကတော့ အမြော်အမြင်ကြီးတယ်လို့ နာမည်ကြီးတဲ့ စင်္ကာပူခေါင်းဆောင် လီကွမ်းယူက “ငါတို့ရဲ့ ရွှေရောင်ဝင်းတဲ့ ခေတ်ကို စ ရောက်လာပြီ” လို့ ပြောပြီး တလ နှစ်လလောက်အတွင်းမှာ စီးပွားပျက်ကပ်ဆိုက်တော့တာပါပဲ။ တတိယအနေနဲ့ကတော့ ထင်ရှားပြီး အများလေးစားတဲ့ အတိုက်အခံခေါင်းဆောင် ဂျေဘီဂျေ ကွယ်လွန်သွားတာပါပဲ။ အများစိတ်ဝင်တစားနဲ့ စောင့်ကြည့်ခံရတဲ့ကိစ္စတွေထဲမှာ အနောက်နိုင်ငံတွေမှာရှိတဲ့ ဒုက္ခရောက်နေတဲ့ ဘဏ်လုပ်ငန်းတွေမှာ စင်္ကာပူအစိုးရအနေနဲ့ အများကန့်ကွက်နေတဲ့ကြားက ငွေတွေ ဘီလီယံနဲ့ ချီကာ ရင်းနှီးမြှုတ်နှံခဲ့ပြီး နေ့ချင်းညချင်းအတွင်းမှာ ရှယ်ယာတန်ဘိုးတွေ ထိုးကျကာ ဆုံးရှုံးခဲ့ရတဲ့ အဖြစ်အပျက်တွေပါဝင်ပါတယ်။ (ဥပမာ စီးတီးဂရုပ်၊ မာရေးလင့်ခ်ျ၊ ယူဘီအက်စ်၊ အေဘီစီ လန်းနင်းစင်တာ စသဖြင့်)။ ဒီမတိုင်မီကလည်း တပ်ဆင်ရှီနာဝပ်ပိုင်ခဲ့တဲ့ ထိုင်းက ရှင်ကော့ပ်ကို တင်းမားဆက်က ၀ယ်ခဲ့မိလို့ ဆုံးရှုံးခဲ့ရတာတွေလည်း ရှိခဲ့ပါသေးတယ်။ အခုလောလောဆယ် စင်္ကာပူအစိုးရအနေနဲ့ အသဲအသန် ဖြစ်မြောက်အောင် ကြိုးစားလုပ်ဆောင်နေတာကတော့ ဆောက်လက်စ ကာစီနို (အိုင်အာရ်) နှစ်ခု ပြီးမြောက်ရေးကိုပါ။ အဲဒီပရော့ဂျက်တွေဟာ သူ့နိုင်ငံသားတွေ ဆန့်ကျင်တဲ့ကြားက တဇွတ်ထိုး ရှေ့တိုးဆောက်ခဲ့တာဆိုတော့ ဆောက်လုပ်ပေးနေတဲ့ ဗဲဂတ်စ်လင်းဒ်စ် ဆိုတဲ့ ကုမ္ပဏီအနေနဲ့ အခုစီးပွားပျက်ကပ်အတွင်းမှာ ဒေ၀ါလီခံရပြီး လုပ်ငန်းရပ်ဆိုင်းလုမတတ်ဖြစ်တာတောင် ပီအေပီအစိုးရက အရပ်ဆိုင်းမခံဘဲ ဆက်သွားနေစေတဲ့ ပရော့ဂျက်တွေပါ။ ၂၀၀၉ နဲ့ ၂၀၁၀ မှာ သတ်မှတ်ထားတဲ့အတိုင်း အဲသည်ပရော့ဂျက်တွေ ပြီးအောင်မဆောက်နိုင်ခဲ့ရင် မြို့လည်ခေါင်မှာ ထိုးထိုးထောင်ထောင်နဲ့ ပီအေပီအစိုးရရဲ့ မအောင်မြင်မှု ပြယုဂ်အဖြစ်တည်ရှိနေမှာကို အစိုးရက လိုလားဟန် မရှိပါဘူး။ စိတ်ဝင်တစား စောင့်ကြည့်ရမယ့် ပရော့ဂျက်တွေပါ။

မလေးရှားမှာတော့ ဒါတွတ်အန်န၀ါအီဗရာဟင် ဦးဆောင်တဲ့ ပါတီကယ်ဒီလန်၊ လင်ကစ်ရှန်းဦးဆောင်တဲ့ ဒီအေပီနဲ့ အစ္စလမ္မစ်ပါတီ ပါ့စ် တို့က ရွေးကောက်ပွဲမှာ အမတ်နေရာ အများအပြားကို တိုးချဲ့ အနိုင်ရလိုက်ပြီး အာဏာရပါတီ (UMNO)ရဲ့ နှစ်ပေါင်းများစွာ ပါလီမန်အတွင်းမှာ အပြတ်အသတ် အသာစီးရမှုကို ပထမဦးအကြိမ် ချိုးဖျက်နိုင်ခဲ့ပါတယ်။ အကျိုးဆက်အနေနဲ့ ၀န်ကြီးချုပ် အဗ္ဗဒူလာဘာဒါဝီအနေနဲ့ နောက်နှစ်ထဲမှာ ဒုဝန်ကြီးချုပ်ဖြစ်သူ နာဂျစ်ကို အာဏာလွှဲပြောင်းပေးရင်း နိုင်ငံရေးက အနားယူဘို့ ဖြစ်လာပါတယ်။ မလေးရှားဟာ ဒီမိုကရေစီလမ်းကြောင်းပေါ်ကို ရောက်ဘို့ တစထက်တစ ပိုနီးလာသလိုပါပဲ။ နောက်ပိုင်းမှာ အကျင့်ပျက်လာဘ်စားမှုတွေကို လျှော့ချသွားနိုင်ပြီဆိုရင် မလေးရှားရဲ့ စီးပွားရေးအခြေအနေ မြင့်တက်လာဘို့ အကြောင်းရှိပါတယ်။

မြန်မာပြည်မှာ နာဂစ်မုန်တိုင်းတိုက်ပြီး ၂ ပတ်လောက်အကြာမှာ တရုပ်ပြည်တောင်ပိုင်း စီချွမ်ပြည်နယ်မှာ ငလျင်လှုပ်ပြီး လူအများအပြားသေဆုံးခဲ့ရတဲ့ အဖြစ်အပျက်ကလည်း ကမ္ဘာသတင်းခေါင်းစီးများမှာ နေရာယူခဲ့ပါတယ်။ ငလျင်ကယ်ဆယ်ရေးမှာ တရုပ်အစိုးရရဲ့ လျင်မြန်ပြီး ပွင့်လင်းမှုရှိတဲ့ ကယ်ဆယ်ရေးကို ကမ္ဘာက ချီးမွန်းခဲ့ကြပါတယ်။ ဒါပေမယ့် ဘေဂျင်း အိုလံပစ်ပွဲမတိုင်မီ တိဘက်မှာ ဘုန်းတော်ကြီးတွေနဲ့ ဆန္ဒပြသူတွေကို တရုတ်အစိုးရရဲ့ ကိုင်တွယ်ပုံကြမ်းတမ်းခဲ့တာမို့ အိုလံပစ် မီးရှူးတိုင်သယ်ယူတဲ့ ခရီးစဉ်အတွင်း ကမ္ဘာ့အနှံ့အပြားမှာ လူအများအပြားက ဆန္ဒပြခဲ့ကြပြီး အိုလံပစ်ဖွင့်ပွဲအခမ်းအနားကို နာမည်ကြီး အနုပညာရှင်များနဲ့ ဧည့်သည်တော်များက သပိတ်မှောက်ခဲ့ကြပါတယ်။ နောက်တော့ အိုလံပစ်ဖွင့်ပွဲအခမ်းအနား ထုတ်လွှင့်ချက် ဗီဒီယိုမှာတောင် အထူးပြုလုပ်ချက်တွေနဲ့ အင်ထုမိလို့ တကမ္ဘာလုံး အုတ်အော်သောင်းတင်းဖြစ်ခဲ့ရပါတယ်။ တရုတ်ပြည်နဲ့ ပတ်သက်လို့ ဟိုးလေးတကျော်အဖြစ်ဆုံး ဖြစ်ရပ်ကတော့ တရုပ်ပြည်က ထုတ်လုပ်တဲ့ နို့မှုန့်နဲ့ နို့ထွက်ပစ္စည်းတွေမှာ မယ်လမင်းဓါတ်တွေ မြင့်မားစွာ ပါဝင်ပြီး ကလေးသူငယ်တွေကို ဥပါဒ်ဖြစ်စေခဲ့တဲ့ ကိစ္စပါပဲ။ တရုတ်ပြည်အမှတ်တံဆိပ်အနေနဲ့ နာမည်အပျက်ဆုံးနှစ်လို့ ဆိုရင်လည်း မမှားပါဘူး။

ကမ္ဘာ့အရေးနဲ့ ပတ်သက်လို့ အထူးခြားဆုံး အဖြစ်အပျက်ကတော့….. အမေရိကန်ပြည်ထောင်စုမှာ ပထမဦးဆုံးအနေနဲ့ လူမဲတဦးဖြစ်သူ အိုဘားမား ကို သမ္မတအဖြစ် ရွေးချယ်တင်မြှောက်ခဲ့ကြခြင်းပါ။ သူဟာ လာမယ့် ရက်ပိုင်းအတွင်းမှာ သမ္မတရာထူးကို လွှဲပြောင်းရယူပါတော့မယ်။ သူ့လက်ထက်မှာ ကမ္ဘာ့စီးပွားရေးနဲ့ နိုင်ငံရေး အခင်းအကျင်းတွေကို ပြောင်းလဲစေနိုင်မလားဆိုတာကို စိတ်ဝင်တစား စောင့်ကြည့်သွားရမှာပါ။
နောက်တချက်က မကြာခင်ကမှ ဘုံဘေမြို့မှာ အကြမ်းဖက်တိုက်ခိုက်ခံရတဲ့ အဖြစ်အပျက်နောက်ပိုင်း ကမ္ဘာ့ထိပ်သီးနိုင်ငံများအနေနဲ့ အကြမ်းဖက်ဝါဒ တိုက်ဖျက်ရေးကို အရင်ကထက်ပိုပြီး အရေးစိုက်ဘို့ လိုလာပါပြီ။ ဘာကြောင့် အကြမ်းဖက်သူတွေ ပေါ်ပေါက်လာရသလဲဆိုတဲ့ အကြောင်းရင်းမြစ်ကိုပါ ရှာဖွေပြီး ဖြေရှင်းရတော့မယ့်အချိန်ကို ရောက်လာပါပြီ။ ဒီအကြမ်းဖက်တိုက်ခိုက်မှုအတွက် အိန္ဒိယနဲ့ ပါကစ္စတန် နှစ်နိုင်ငံအကြား တင်းမာမှုတွေ ဖြစ်လာသော်ငြား စစ်မက်ဖြစ်ပွားတဲ့အထိတော့ ရောက်မယ်လို့ ကျနော်မထင်ပါဘူး။

လောလောဆယ် အသည်းအသန်ဖြစ်နေတာကတော့ အစ္စရေးနဲ့ ပါလက်စတိုင်းအကြား ခြောက်လကြာ အပစ်အခပ်ရပ်စဲရေးရပ်ဆိုင်းသွားပြီး ပါလက်စတိုင်းက ဟာမာ့စ်တွေက အစ္စရေးကို ဒုံးပျံအသေးစားလေးတွေနဲ့ ပစ်ခတ်တိုက်ခိုက်တဲ့အတွက် အစ္စရေးက လက်တုန့်ပြန်တဲ့အနေနဲ့ လေကြောင်းက ဗုံးကြံတိုက်ခိုက်ခဲ့တာမှာ ဟာမာ့စ် လုံခြုံရေးအစောင့်တွေ အပါအ၀င် လူသုံးရာကျော် သေဆုံးခဲ့ရပါတယ်။ အရှေ့အလယ်ပိုင်းကတော့ ထုံးစံအတိုင်း ပေါက်ကွဲတော့မယ့် ဗုံးတလုံးလို အနေအထားမှာ အမြဲရှိနေပါတယ်။ ဇင်ဘာဘွေအပါအ၀င် ကမ္ဘာတခြားဒေသတွေမှာလည်း မတည်မငြိမ်မှုတွေ ဖြစ်နေပေမယ့် ကျနော်သိပ်စိတ်မ၀င်စားတဲ့အတွက် ဒီမှာ ထည့်မရေးတော့ပါဘူး။ ထိုင်းနိုင်ငံအကြောင်းကလည်း နောက်ပိုင်းမှ သတ်သတ်ရေးချင်တဲ့အတွက် ဒီပို့စ်မှာ မထည့်ဘဲ ချန်ခဲ့ပါဦးမယ်။

အားလုံးကို ထိခိုက်တဲ့ ပြဿနာကတော့ အားလုံးသိကြတဲ့ ကမ္ဘာစီးပွားပျက်ကပ်ပါဘဲ။ အမေရိကန်ပြည်ထောင်စုက စလာလိုက်တဲ့ စီးပွားကျဆင်းမှု ပြဿနာဟာ ယနေ့ ကမ္ဘာ့အနှံ့အပြားကို ရိုက်ခတ်လာပြီး ရှေ့လာမယ့်နှစ်မှာ အလုပ်အကိုင်ရှားပါးမှုပြဿနာကို လူအတော်များများ ကြုံတွေ့ကြရကိန်း ရှိပါတယ်။ တရုတ်ပြည်မှာဆိုရင် မြို့ပေါ်တက် အလုပ်လုပ်နေကြသူတွေဟာ အလုပ်လက်မဲ့ပြဿနာကြောင့် မိမိဇာတိ တောဖက်ကို ပြန်ဆင်းနေကြပါပြီ။ အခုစီးပွားပျက်ကပ်ကြောင့် တချို့သောနိုင်ငံတွေရဲ့ နိုင်ငံရေးအခြေအနေဟာလည်း တမျိုးတဖုံဖြစ်သွားစရာ အကြောင်းရှိပါတယ်။

ဒါတွေဟာ ၂၀၀၈ ခုနှစ်အတွင်းမှာ ဖြစ်ပျက်ခဲ့တဲ့ ကိစ္စတွေနဲ့ ပတ်သက်လို့ ကျနော်မှတ်မိသလောက် အကျဉ်းချုံးရေးပြတာပါ။ သုံးသပ်ချက်အသေးစိတ် မပါပေမယ့် ကျနော့်အမြင်နဲ့ မှန်းဆချက်ကလေးတွေတော့ တချက်တချက် ပါသွားပါတယ်။

ကျနော့်ဘလော့ဂ်ကို လာရောက်လည်ပတ်တဲ့အတွက် ကျေးဇူးတင်ပါတယ်။
မိတ်ဆွေတို့အားလုံး… လာမယ့် ၂၀၀၉ နှစ်ကစလို့ ကမ္ဘာအရပ်ရပ်မှာရှိတဲ့ လူသားအားလုံးနဲ့အတူ ကျန်းမာခြင်း၊ လွတ်လပ်ခြင်း၊ ငြိမ်းချမ်းခြင်းကို ရကြပါစေလို့ ဆုတောင်းပေးလိုက်ပါတယ်။

15 comments:

pandora said...

၂၀၀၈ ဖြစ်ပျက်သမျှတွေကို အကျဉ်းချုံး မှတ်တမ်းတင်ထားလို့ ဖတ်ရတာ ကျေးဇူးတင်စရာပါ။

၂၀၀၉ မှာ အားလုံး အေးချမ်းကြပါစေ။

ကိုပေါလည်း ဘလော့ဂ်ပို့စ်တွေရော မန့်မန့်ရှည် တွေရော ဆက်ရေးနိုင်ပါစေဗျို့။

မဒမ်ပေါလည်း ချစ်စွာသောကိုပေါနဲ့အတူ ၂၀၀၉ ကို ပျော်ရွှင်စွာ ဖြတ်သန်းနိုင်ပါစေ။

တောရိုင်းနှင်းဆီ said...

ကိုပေါရေ 2008 မှာဖြစ်ခဲ့သမျှ ကိုလာဖတ်သွားပါတယ်
မှတ်တမ်းတခုပါဘဲ ........
ပျော်ရွှင်စရာကောင်းတဲ့ မင်္ဂလာနှစ်သစ်ဖြစ်ပါစေ ......
ဆက်ပြီးတော့လည်း မြန်မာ့ဒီမိုကရေစီအရေးအတွက် ဒီထက်ပိုတိုးပြီး ဆောင်ရွက်နိုင်ပါစေလို့ ....... ပြီးတော့ ပို့စ်တွေများများ ရေးနိုင်ပါစေဗျို့ ..........

M.Y. said...

WOW!!!

ခုလေးတင် ၂၀၀၈ နောက်ဆုံးမိနစ်တွေကို count down လူပ်တာထိုင်ကြည့်နေခဲ့တာ။
မီးပန်းတွေဖောက်တဲ့နေရာမှာ MC နှစ်ယောက်အချီအချ ပြောနေကြတာ ၂၀၀၈ မှာ မှတ်မှတ်ရရ ဖြစ်ပျက်ခဲ့သမျှတွေအကြောင်း။ ကိုပေါ ရေးထားတာဖတ်ရတာအဲဒိအတိုင်းပါပဲ..အိုဘားမားအကြောင်းပြောသွားတာတောင်တိုက်တိုက်ဆိုင်ဆိုင် သွားတူနေပါရောလား။ မြန်မာ့အရေး၊ စလုံးနဲ့ ကမ္ဘာ့အရေးလေးတွေ အနှစ်ချုပ်ထားတာ ၊ ၂၀၀၈ ဘလော့ဂ်ကောင့်ဒေါင်းအစစ်ပါပဲ။
ကိုပေါတော့ဒီမိုကရေစီခေတ်မှာ လှေလှော်စားစရာလိုတော့ဘူး။ တီဗီချယ်နယ်မှာ သူတို့ လိုလုပ်လို့ ရပီ။ ဟိုလင်းလက် ကြယ်စင်မင်္ဂလာဆောင်သွားတဲ့ ပုံထဲကလို လန်ကွတ်တီကြီးနဲ့ တော့မဟုတ်ဘူးပေါ့လေ..

Happy New Year!!
Happy New YEar..
Cheers!!!

sin dan lar said...

Happy New Year to Ko Paw & Family !!

အောင်သာငယ် said...

Happy New Year!!!! ကိုပေါရေ့...

မောင်လူအေး said...

ပျော်ရွှင် ချမ်းမြေ့သော နှစ်သစ် မင်္ဂလာ ၂၀၀၉ ပါဗျာ... :)

Anonymous said...

လူတိုင်း တရားတာ ကြိုက်တယ်။တရားသိ၊ တရားရှိ၊ ဒါပေမဲ့ တရားတာကို လုပ်နိုင်တဲ့လူ အလွန့်အလွန်နည်းလှတယ်။ တရားနာနေတဲ့အချိန်မှာတောင် မတရားလောဘဇောနဲ့ နာနေသူတွေအများကြီးပဲ။ ကိုယ့်အမှားကိုသိပြီး ပြင်ရဲတဲ့လူတောင် တော်တော်ရှားလာတယ်။ တရားနဲ့ ပတ်သက်ပြီး နက်နက်နဲနဲဝေေ၀ဆာဆာပြောနိုင်တဲ့လူ များပြားပြီ။ တရားသိ၊တရားရှိ၊ တရားကိုယုံကြည်ကိုးကွယ်လိုက်စားသူအတော်နည်းပါးတယ်။ ရတနာသုံးပါး၊ ငါးပါးသီလလုံတဲ့လူ လောကမှာမရှိသလောက်ဖြစ်လာပြီ။အပေါ်ယံ တရားစာဖတ်ပြီး မဟုတ်တာလုပ်တဲ့လူတွေများများလာတယ်။ အမှားကိုဝန်မခံပဲ တရားရှိဟန်ဆောင်တတ်တဲ့သူတွေ များများလာတယ်။ လောဘ ကစတာမှန်ပေမဲ့ ရက်စက်မှုတွေကိုသွေးအေးအေးနဲ့ လုပ်တတ်သူတွေများများလာတယ်။ လူတော်တော်များများ မတရားတာခံရမှ တရားဟောကောင်းတဲ့လူတွေကိုစင်ပေါ်တင်ပြီး ကျိုးကြောင်းပြတရားတွေ၊ ဒေါသပြေ တရားတွေ၊ လောဘပြေတရားတွေကို နားထောင်ကောင်းအောင် ဟောတတ်တဲ့လူတွေများများလာတယ်။ မတရားတာတကယ်ခံရတဲ့သူတွေ အတွက်အစစ်အမှန်တရားကဘယ်မှာလဲ။ မတရားလုပ်နေသူတွေကော သူတို့မတရားတာကိုနောင်တရကြပြီး တရားစစ်တရားမှန်နောက်ကို လိုက်စားနေကြပြီလား။ ဘယ်သူမပြုမိမိမှုတဲ့။ ငါမှာကောတရားရှိရဲ့လား။နေ့စဉ်တရားတာတွေကို ကြံစည်ကြိုးစားအားထုတ်နေရဲ့လား။ ကိုယ့်အပြစ်၊ ကိုယ့်အမှားကို သိပြီးပြင်နိုင်တဲ့ အနေအထားကို ရောက်ပြီလား။အစစ်အမှန်ပျော်ရွှင်မှုကိုရပြီလား။ ချမ်းသာမှုကိုတွေ့ပြီလား။ လူဖြစ်ကျိုးနပ်ပြီလား။ ကိုယ်ဟာ တရားတဲ့လူဟုတ်မဟုတ် ထက် တရားတာကိုသိပြီးကိုယ်ချင်းစာစိတ်ရှိတတ်ဖို့ကတာ အဓိကကျတယ်ဆိုတာ သိပြီလား။ တရားဆိုတာဘာလဲ............ လူအများ တရားမျှတဖို့အတွက် ကျင့်သုံးဖို့လား။ မတရားတာလုပ်ဖို့ရန်အတွက် အသုံးချဖို့လား။ သိဖို့ထက် ပြင်ရဲတဲ့စိတ်ကအဓိကပဲ။ တရားစစ်တရားမှန်ရဖို့အတွက် ပြင်ရဲပြီလား။ တရားစစ် တရားမှန်ဆိုတာဘာလဲ။ ရတနာသုံးပါးကို ယုံကြည်ကိုးကွယ်ဆည်းကပ်ပါ။ ကိုယ်ကျိုးအတွက်အသုံးမချပါနဲ့။ ငါးပါးသီလစောင့်ထိန်းပါ။ သမာအာဇီဝ လုပ်ငန်းလုပ်ကိုင်နိုင်ဖို့အတွက် ဇွဲ၊လုံ့လနဲ့ အသိပညာ၊အတတ်ပညာ၊နည်းပညာဖွံ့ဖြိုးတိုးတက်အောင် ကြိုးစားအားထုတ်ပါ။ ကိုယ်ချင်းစာတတ်သူဟာ စစ်မှန်တဲ့ စိတ်ချမ်းသာမှုကိုရနိုင်တယ်။ အချောင်မခို၊ အလွယ်မလိုက်သူဟာ လိမ်ညာခံရခြင်း ကင်းစင်တယ်။ လောဘမဖက်စီးပွားရှာနိုင်မှ ရှာသမျှစည်းစိမ်ဟာ ငါ့စည်းစိမ်ဖြစ်တယ်။သေရင်တောင် ပါသွားနိုင်တယ်။ ပူလောင်မှုသောကကင်းစင်တယ်။ တရားတာလုပ်ချင်တဲ့သူဟာ ဒါတွေကိုစံထားပြီးစသင့်တယ်။ လူဖြစ်ကျိုးနပ်ပြီး လောကတန်ဖိုးနားလည်ဖို့အတွက် မိမိစိတ်ကိုမိမိသတိနဲ့ အမှန်သိပြီးအမှန်ပြင်တတ်မှ တန်ဖိုးရှိမှာ။ လူတိုင်းကိုမေးကြည့်ပါ။ တရားတာကိုလူတိုင်းတောင်းဆိုနေတယ်။ တရားတာဖြစ်ဖို့အတွက် သင်ကောတရားရဲ့လား။ ငါကောတရားရဲ့လား။ လူတွေအားလုံးကော တရားတာတွေကို သိပြီးလုပ်ကြရဲ့လား။ ငါကြိုက်တာ တရားပဲဆိုပြီး တရားထင်တဲ့လူတွေကြောင့် မတရားခံနေရသူတွေရဲ့ ဆင်းရဲခြင်းကို ကိုယ်ချင်းစာနားလည်တတ်ပြီလား။ မတရားခံနေရတယ်ဆိုပြီး တရားတာလုပ်ဖို့အတွက် ကြိုးစားအားထုတ်ဖို့မေ့နေသူတွေအနေနဲ့ကော ဒီအတိုင်းဆက်နေလို့ကောတရားတာတွေဖြစ်လာမလား။ အသိဥာဏ်ရှိပါ။ကြိုးစားပါ။ တရားရှိအောင်လုပ်ပါ။ တစ်ယောက်လုပ်မှ တစ်ယောက်ရမှာ။ မတရားတာတွေများနေတာဟာ မတရားမှုကို လုပ်တဲ့သူများနေတဲ့သဘောပဲ။ တရားတာကိုသိပြီးလုပ်မှသာ တရားတာတွေလောကမှာဖြစ်နေမှာ။ မတရားတာကိုကျော်ဖို့ တရားတာလုပ်တဲ့လူများလာမှဖြစ်မှာ။ မတရားလုပ်တဲ့လူကိုသိပြီးအပြစ်တင်နေဖို့ထက် တရားကြိုက်၊တရားသိ၊တရားရှိ၊တရားလုပ်နိုင်တဲ့လူတွေများ လာမှသာ မတရားမှုတွေအလိုလိုကင်းစင်သွားမှာ။ တရားရှိဖို့အတွက် ကြိုးစားကြပါ။ အသိပညာ၊အတတ်ပညာ၊နည်းပညာ ဘက်စုံဖွံ့ဖြိုးတိုးတက်ဖို့အတွက် လေ့လာဆည်းပူးကြပါ။ ကိုယ်ချင်းစာစိတ်မွေးပါ။ မပျင်းပါနဲ့။ အလုပ်မှာပျော်မွေ့ကြပါ။ ကျွန်စိတ်မမွေးပါနဲ့။ မျှတစိတ်ရှိပါ။ ကောင်းတာလုပ်ဖို့ ၀န်မလေးပါနဲ့။ ဆင်ခြေမများပါနဲ့။ စံအတိုင်းကြိုးစားအားထုတ်ကြပါ။ တရားဆိုတာဘာလဲ။ အလုပ်ပါ။ လက်တွေ့ပါ။ မပျင်းတဲ့ ကိုယ်ချင်းစာတတ်တဲ့လက်တွေ့ပါ။ အပြောမဟုတ်ပါ။ ကိုယ်ကျိူးဖက်တဲ့ လက်တွေ့မဟုတ်ပါ။ စံအတိုင်းလူအများ တရားမျှတမှုဖြစ်လာဖို့အတွက်တာ။ ငါကော တရားရဲ့လား။ တရားတာကိုကော စလုပ်နေပြီလား။ ပျင်းတဲ့စိတ်ကို ဖျောက်နိုင်ပြီလား။ အချောင်ရချင်စိတ်ကို ချိုးနှိမ်နိုင်ပြီလား။ လူသားအားလုံးကို တောင်းပန်ပါတယ်။ ကျွန်တော် တရားတာလုပ်နိုင်အောင် ၀ိုင်းကူညီပေးကြပါ။ တရားသိ၊တရားရှိ၊တရားပေါ်နေတဲ့ လောကလေးဖြစ်လာအောင် ကူညီပေးကြပါ။ သင်ပါဝင်မှသာ တရားရှိတဲ့လောကဖြစ်လာမှာ။ တရားရှိတဲ့လောကဖြစ်ဖို့ ကျွန်တော်တရားတာတွေကို လုပ်၊ သင်ကလည်း တရားတာတွေကို နေ့စဉ်လုပ်မှဖြစ်မှာ. တရားတာကိုဝိုင်းကူလုပ်ကြမလား။ လူသားအားလုံးအတွက် တရားတဲ့လောကလေးဖြစ်အောင် မိမိမိတ်ဆွေ၊သူငယ်ချင်း၊အသိုင်းအ၀န်း ကိုနေ့စဉ်တရားတာလေးတွေလုပ်ဖို့ အကူအညီတောင်းကြပါ။ အသိပေးကြပါ။ ကိုယ်တိုင်လည်းတရားရှိပြီး တရားတာကိုလုပ်ပြီးကူညီကြပါ။ ကိုယ်ကြိုက်တာကိုယ်လုပ်ချင်၊ ကိုယ်ထင်တာကောင်းတဲ့တရားမဟုတ်ပါ။ ကိုယ်ချင်းစာတဲ့တရားပါ။ တရားရအောင် သင်တို့အကူအညီပေးကြပါ။တရားရအောင် ကူညီနိုင်ကြမလား။

Thiha Thit said...

Happy New Year
ထိုင်းနိုင်ငံရေးအကြောင်းပို့စ်အသစ်ကို မျှော်နေပါမည်။

Nay Nay Naing said...

Happy New Year ပါ ကိုပေါ၊ မဒမ်ပေါနဲ့  ဂျူနီယာပေါ ရေ...

Kay said...

ကိုပေါ ရေ-
ကိုမောင်ရင်ပြောသလိုပဲ- စီအန်အန် ရီဗျူး ထိုင်ကြည့်လိုက်သလိုပါပဲ။

နှစ်သစ်မှာ ရွှင်လန်းချမ်းမြေ့ပါစေ။ ဗမာပြည်အတွက် ပိုပြီး..အားထုတ်နိုင်ပါစေ။

ခင်မင်လျက်-

Moe Cho Thinn said...

ဒီပို့စ်လေး ဖတ်ပြီး ဒါတွေကြောင့် ကိုပေါ ဖြစ်နေတာ..လို့ ပြုံးရင်း ဖတ်မိတယ်။ တနှစ်တာ ကောင်းမှုတွေအတွက်လဲ သာဓုခေါ်လိုက်ပါတယ်။

ကိုပေါ၊ မဒမ်ပေါ၊ လီလီပွတ် ပေါ လေးတို့ ပျော်ရွှင် ကျန်းမာ နှစ်သစ် မင်္ဂလာ..ပါနော်..

MyowinZaw said...

ကိုပေါကိုကျေးဇူးတင်တယ်ဗျာ ၂၀၀၉ အနှစ်ချုပ် အတွက်

Ko Paw said...

လာရောက်ဖတ်ရှုကာ ဆုတောင်းပေးသွားသူအပေါင်းကို ကျေးဇူးတင်ပါတယ်။ နှစ်သစ်မှာ ကျန်းမာပျော်ရွှင်ကြပါစေ...

stupidee said...

ဒီပို့စ်ကိုဖတ်ရတာကျေးဇူးတင်ပါတယ်..
မင်္ဂလာနှစ်သစ်ပါ..

ဝတ်မှုန် said...

ကိုပေါ နဲ့ ကိုဟန်သူ သူငယ်ချင်း၂ဦးအတွက်

နှစ်သစ်၊ ဇန္န၀ါရီထဲပဲရှိသေးတော့ HAPPY NEW YEAR ပါလို့ Comment နှုတ်ခွန်းဆက်ပါတယ်။ သီးလေးသီးကတော့ အမေရိကားတခွင် ပြဲပြဲစင်အောင် သွားနေပါပြီ။ မြန်မာ့အရေးကို သီးလေးသီးက မြန်မာပြည်တွင်းကစခဲ့တယ်။ စင်ကာပူကကို ပထမဆုံးရောက်ခဲ့ချိန် သီးလေးသီးအဖွဲ့တွေကို လမ်းပြကြယ် လုပ်အားပေး ၂အိမ်မှာ တည်းခိုရင်း၊ စီစဉ်သူ ကိုဘိုဘိုဝင်းရဲ့ ဗွီဒီယိုအခွေ မှတ်တမ်း .. စသဖြင့် တွေကတော့ မမေ့နိုင်တဲ့ .. လက်တွေ့ဖြစ်ရပ်၊ ၂၀၀၈ တွေပါပဲ။ စင်ကာပူအကြောင်း အများကြီး မှတ်တမ်းတင်လို့ နှုတ်တရာ၊ စာတလုံး ဆိုတဲ့အတိုင်း ဆက်လက် မှတ်တမ်းတင်တဲ့ စာအုပ်လေးတအုပ် ထုတ်နိုင်အောင် Comment ရေးသူမိတ်ဆွေများ ကိုပေါကို အားပေးကြပါအုံး။.... (ကိုပေါ စာအုပ်ထုတ်ပြီး .. Best Seller ဖြစ်သွားရင် .. မိုးပေါ်တက်မသွားနဲ့ဦး .. နော်၊ ကိုဟန်သူက ထိန်းပေးထားမှာပါ .. ရယ်စရာပြောတာနော် .. ) ..

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs