“ဘောလုံးဆိုတာ လုံးနေတော့လည်း”

Share |


ပြဿနာကို မီးထွန်းရှာတယ်လို့ ထင်တော်မမူကြပါနဲ့။ အရေးကြီးလှတဲ့ ပြဿနာတရပ်တော့မဟုတ်လှပါဘူး။

ပြဿနာဆိုတာထက် ပဟေဠိဆိုရင် ပိုမှန်မယ်ထင်ပါရဲ့။ ဒါပေမယ့် နောက်ကျောကုန်းရဲ့ လက်လှမ်းမမှီတဲ့နေရာမှာ ယားဖုပေါက်နေသလို အဲဒီပဟေဠိလေးကြောင့် စိတ်ထဲမှာ သရိုးသရီနဲ့တော့ ခံစားရတယ်ပေါ့။ အဲသည် ပဟေဠိကို အဖြေညှိလို့မရမချင်း သည်လိုဘဲ ဆက်လက်ခံစားနေရဦးမယ်ထင်တယ်။

ဒီလိုပါ.....ဘောလုံးပွဲတွေမှာ လူတွေ ပြောလေ့ပြောထ ရှိတဲ့ စကားတခု ရှိပါတယ်။ ဘယ်ဘက်က “နိုင်မလဲ၊ ရှုံးမလဲ” ဆိုတာကို ကြိုတင်ထင်ကြေးပေးရမယ့်အခါမျိုးမှာ သုံးစွဲကြတဲ့ လက်သုံးစကားပေါ့။

“ဘောလုံးဆိုတာက အလုံးကြီးဆိုတော့လည်း အနိုင်အရှုံးက ပြောရခက်သားဗျ”.........တဲ့။

ဒါမှမဟုတ်.......

“ဘောလုံးဆိုတာ လုံးနေတော့လည်း ဘယ်သူနိုင်မလဲဆိုတာ ကံသေကံမ မပြောနိုင်ဘူးလေ” ........တဲ့။

အဲသည်စကားကို ဘောလုံးဝါသနာရှင်တော်တော်များများပြောကြတယ်။ မထင်မရှားဆိုက်ကားဆရာကစလို့ နာမည်ကျော် လူသိများတဲ့ ပုဂ္ဂိုလ်ကြီးတွေအဆုံး သုံးစွဲကြလေ့ရှိတယ်။

ကျနော့်မှာတော့ အဲသည်စကားကြားတိုင်း ဘောလုံးပွဲ အနိုင်အရှုံး နဲ့ ဘောလုံးရဲ့ လုံးဝန်းတဲ့ပုံသဏ္ဍာန်အကြားက ကျိုးကြောင်းဆက်နွယ်ချက်ကို ရှာမတွေ့နိုင်ဘူးဖြစ်နေတယ်။

ဒီလိုဗျာ။ ဘောလုံးပွဲတပွဲမှာ နိုင်ဘို့ဆိုတာ အသင်းလိုက် အပေးအယူမျှတမှု၊ တဦးချင်း ကောင်းမွန်မှု၊ တဖက်အသင်းရဲ့ အားနည်းချက်ကို အသုံးချ ထိုးဖောက်နိုင်မှု၊ ဂိုးသွင်းတဲ့အချိန်မှာ တိကျမှု၊ ကံကောင်းမှု၊ အခြေအနေ၊ အချိန်အခါ၊ ကွင်း၊ ဒိုင်လူကြီး၊ ရာသီဥတု စတဲ့ များပြားလှစွာသော အချက်တွေအပြင် မထင်မှတ်ဘဲ ဖြစ်ပေါ်လာတဲ့ အခြေအနေတွေအပေါ်မှာလည်း မူတည်နေပါတယ်မဟုတ်ပါလား။

တဖက်နဲ့တဖက် ခြေသိပ်မကွာတဲ့အသင်းတွေဆိုရင် အဲသည်လို အနိုင်အရှုံးကို အဆုံးအဖြတ်ပေးနိုင်တဲ့အချက်တွေဟာ များပြားလွန်းလို့၊ ခွဲခြမ်းစိတ်ဖြာဘို့လည်း ခက်ခဲလွန်းလို့ ဘယ်ဘက်ကနိုင်မလဲဆိုတာ ကံသေကံမ ပြောမပြနိုင်တဲ့အထိ ဖြစ်တတ်ကြတယ်။ တခါတလေ ခြေအပြတ်အသတ်ကွာနေတဲ့အသင်း ၂ သင်း ကန်ရင်တောင် မထင်မှတ်ဘဲ ကောင်းတဲ့အသင်းက ရှုံးတတ်ပါသေးတယ်။ ဒါကြောင့် ဘောလုံးပွဲမှာ အနိုင်အရှုံးကို ကြိုပြောဘို့ ခက်တယ်ဆိုတာကို အလွယ်တကူ နားလည်သဘောပေါက်နိုင်ပါတယ်။

ဒါပေမယ့် “ဘောလုံးပွဲထုံးစံမို့ အနိုင်အရှုံးကို ကြိုတင်ဆုံးဖြတ်ဘို့ဆိုတာ မလွယ်ပါဘူး” လို့ ပြောရမယ့်အစား “ဘောလုံးဆိုတာ လုံးနေတော့လည်း ပြောရခက်သား” လို့ တင်စားပြောလိုက်တဲ့အခါမယ် ကျနော့်လို အတွေးကြောင်လေ့ရှိတဲ့လူတဦးအဖို့ အောက်မှာဖော်ပြထားတဲ့အတိုင်း ကပ်သီးကပ်သပ် လျှောက်တွေးစရာဖြစ်လာပါတယ်။

ဘောလုံးဟာ လုံးနေလို့ အနှိုင်အရှုံးပြောရခက်တယ်ဆိုရင် လုံးဝန်းမနေတဲ့ အရာကို အသုံးပြုရတဲ့ တခြားကစားနည်းတွေမှာ အနှိုင်အရှုံးကို တပ်အပ် ပြောနိုင်မလား။ ဥပမာ...ကြက်တောင်၊ ရေကူး၊ မြင်းစီး၊ အမေရိကန်ဘောလုံး (လုံးပေမယ့် ရှည်လမျော ပုံသဏ္ဍာန်ရှိတော့ လုံးဝန်းတယ်ပြောလို့မရဘူးလေ)..........စသဖြင့်ပေါ့လေ။ နည်းနည်း ဂွတိုက်ပြီး မေးရမယ်ဆိုရင် “ဘောလုံးဆိုတာ ရှည်လမျောကြီးဖြစ်နေရင် အရှုံးအနိုင်ကို ကံသေကံမ ပြောနိုင်မလား” လို့ ပြန်မေးစရာရှိတယ်။ ဒါက အားကစားမှာ ပြောတာပါ။

မြင်းပွဲတို့၊ လေးကောင်ဂျင်တို့၊ ဆယ်ပြားစိ ခေါင်းပန်းလှန်တာတို့ပါ ထည့်စဉ်းစားလိုက်ရင် လုံးမနေပေမယ့် အနိုင်အရှုံးပြောရခက်တဲ့ ကိစ္စတွေ တလှေကြီးပေါ်လာပြန်ရော။ ဒါပေမယ့်...မျောက်ပန်းလှန်တဲ့နေရာမှာ “ဆယ်ပြားစိ ဆိုတာ အပြားကြီးဆိုတော့လည်း အနိုင်အရှုံးကို ကံသေကံမ မပြောနိုင်ဘူးလေ” လို့ ပြောတာမျိုး မရှိဘူးလေ။

အဲသည်တော့ “ဘောလုံးဆိုတာ အလုံးကြီးဆိုတော့ အနှိုင်အရှုံးပြောရခက်တယ်” ဆိုတဲ့ စကားကို ကျိုးကြောင်းခွဲခြမ်းစိတ်ဖြာတဲ့နည်းကိုသုံးပြီး နားလည်ရခက်ခဲနေပါတယ်။ ဒါပေမယ့် သိတယ်မို့လား။ ဆိုက်ကားသမားတောင်နားလည်တဲ့ကိစ္စမှာ ကျနော့်လို ကိုယ့်ကိုယ်ကို လူတတ်ကြီးလို့ အခြောက်တိုက်ထင်နေတဲ့လူက နားမလည်နိုင်ဘူးဆိုတော့ စိတ်ထဲမှာ ကသိကအောက်ပေါ့။

ဒီအကြောင်းကို ရေးမယ် စဉ်းစားနေတာကြာပါပြီ။ မနေ့ကတော့ ကျနော်ကြိုက်တဲ့ ကဗျာဆရာ နှင်းခါးမိုး ဘလော့ဂ်မှာ ကဗျာအသစ်ကလေးတပုဒ်တင်ထားတာတွေ့လို့ သွားဖတ်ရတယ်။ တကယ်ကောင်းတဲ့ ကဗျာတပုဒ်ပါဘဲ။ သွားဖတ်ကြဘို့ ညွှန်းချင်ပါတယ်။ ခေါင်းစဉ်က “လိုက်လိုက်ကောက်ရတဲ့ ညနေခင်းများ” တဲ့။
ကဗျာထဲမှာ “ဘောလုံးဆိုကတည်းက အလုံးကြီးလေ ဘာမှအသေအချာမပြောနိုင်ဘူး” ဆိုတဲ့စာသားလေးကိုတွေ့တော့ ကျနော့် နှလုံးသားက ယားဖုဟောင်းဖြစ်တဲ့ အဖြေမညှိနိုင်ခဲ့တဲ့ ပဟေဠိကလေး ရင်ထဲမှာ ပြန်ပေါ်လာတယ်။

စာဖတ်သူရော.......“ဘောလုံးဆိုတာ လုံးနေတော့လည်း” ဆိုတဲ့ စကားမျိုးကို တကြိမ်တခါက သုံးခဲ့ဘူးပါသလား။

ကျနော့်ပဟေဠိလေးအပေါ် မိတ်ဆွေရော ဘယ်လိုသဘောရပါသလဲ။

9 comments:

Anonymous said...

Hi! ကိုပေါ
ရိုးရိုးလေး စဉ်းစား ကြည့်ရင် တော့ အားကစားမှာ
မယှဉ်ပြိုင်ခင် ဘယ်သူနိုင်မလဲဆိုတာ အတိ အကျ
ပြောရ မှာ ခက်သားဗျာ။ အဲ ခန့်မှန်းလို့ တော့ရတာ
ပေါ့။ ဒါတောင် မှားသွား နိုင်တယ် လေ။
လွဲများနေ လားမသိဘူး နော်။

Anonymous said...

ဘောလုံးဆိုတာလုံးနေတော့လည်း ပြောရခက်သား....အစ်ကိုကောင်းတယ်ဗျာ

သစ်နက်ဆူး said...

ကိုပေါ...
စာလာဖတ်သွားပါတယ်...
ဒီတစ်ခါတော့ ဘာပြောရမှန်းတောင်မသိတော့ဘူး
“ ကိုပေါရေးတဲ့  ပို့ စ် ကြီးက လုံးနေတာကိုး”

Anonymous said...

Being round (Burmese Slang) has a bit of negative sense when we refer to a person , who says or does things at a wrong time in a wrong place. We say like this person is so round, meaning, you can not predict what kind of awkward things this person would do. So, when it comes to soccer, we use this expression " the ball is round " when the better team is defeated or we just can't predict which team will win. Even though you aim well , the ball can be out of bound or the goal- keeper could catch it,instead of hitting the net.
Your puzzle provokes my thought, and this is my sheer assumption. One thing , I have to say is , I am not sure whether the above mentioned slang is widely used in Burma.

လင်းလက်ကြယ်စင် said...

မသုံးဖူးဘူး ။ ဘောလုံးပွဲတွေလည်း စိတ်မ၀င်စားတတ်တာမို့ အခုမှ ကြားဖူးတာပါ :D

s0wha1 said...

ကိုပေါ... ဒီပို့စ်နဲ့တော့ မဆိုင်ဘူး။ ညီမပို့စ်မှာ ကိုပေါရေးသွားတဲ့ ကွန်မန့်ကို ပို့စ်တခုအနေနဲ့ တင်ပေးလို့ ပြောလို့ တင်လိုက်မယ်နော်။

တန်ခူး said...

ဘောလုံးက လုံးနေတော့ တခါတခါ ဦးတည်ရာရောက်ဖို့  ခက်ပြီး သူလိမ့်ချင်ရာလိမ့်သွားတတ်တာကို ဆိုလိုချင်တာလို့  ထင်တာပဲ…
လုံးနေတော့ မတည်ငြိမ်ဘူးလေ… ဒါကိုပဲ အားကစားနည်းပညာတွေနဲ့  ဦးတည်ရာရောက်အောင် ကစားကြတော့ စိတ်ဝင်စားစရာ… နောက် ဒီနေ့ ကမ္ဘာမှာ ပေါ်ပြူလာ အဖြစ်ဆုံး ဘောလုံးကစားနည်းဖြစ်လာတာပေ့ါ...( လျှောက်ရွှီးကြည့်တာ)… ဒါကြောင့်လဲ ဘောလုံးဆိုတာ လုံးနေတော့လဲ ဆိုတဲ့စကားက ခေတ်စားတာဖြစ်မယ်… သူက တခြားအားကစားထက် လူစိတ်ဝင်စားမှုအများဆုံးမိုလား… ဆိုလိုချင်တာက လောကကြီးမှာ မမြင်ရတဲ့ အကွေ့ အကောက် အခက်အခဲတွေကို ထင်ပါရဲ့… ဒါကလဲ ပြောရခက်သား… ဘောလုံးပွဲကောင်းနေတုန်း မီးပျက် မီးစက်ဖွင့်မလို့ လုပ်တော့ ဓာတ်ဆီက ကုန်… ကိုပေါရေ…့ ကမ္ဘာကြီးကိုက လုံးနေတော့လဲ… (ကြောက ယားဖုကုပ်ဖို့  ကုပ်တံလေးပေးကြည့်တာပါ… ကုပ်တံက တိုနေလားတော့ မသိဘူး)

Anonymous said...

အဟား အဲလို ခဏခဏကြားဖူးပါတယ်။ ကျနော်လည်း အခု ကိုပေါလို စဉ်းစားမိပြီး သူငယ်ချင်းတွေကို ပြောဖူးတယ်။ “ဘောလုံးသာလေးတောင့်ကြီးဆိုရင် အနိုင်အရှုံးမင်း ကြိုပြောနိုင်မှာကျနေတာပဲ ” ဆိုပြီး။ ကျနော်တို့စကားပြောကြတိုင်း ကိုယ့်စကားကို ပိုပြီးလေးနက်အောင် စကားအလင်္ကာဆင်ပြီး ပြောတတ်ကြတယ်မလား။ အဲလိုထင်တာပဲ။ ကိုတန်ခူးပြောတာ ဘ၀င်ကျစရာရှိပါတယ်။ စကားမစပ် “ မျောက်ပန်းလှန်တယ်” လို့မသုံးရဘူးလို့ အဘိုးအဘွားတွေပြောဖူးတယ်။ အင်္ဂလိပ်ခေတ်က (အကြွေလား၊ ငွေဒင်္ဂါးလား) အဲဒီမှာ ဂျော့ဘုရင်ရှိတဲ့အခြမ်းကို မျောက် လို့ နံနှိမ်ပြီးခေါ်တာတဲ့။ အဲလိုပဲ လှေကားခြေနင်းတွေမှာ ပိုက်ဆံအကြွေစေ့လေးတွေ သံနဲ့ရိုက်ကပ်ထားတာလည်း အဲလိုသဘောမျိုးပဲတဲ့။ (အညာဘက်က တောရွာတွေမှာ အခုတိုင်တွေ့နိုင်သေးတယ်) နောက်လူတွေက ဘာမသိ၊ ညာမသိ လက်ရှိ (ဗိုလ်ချုပ်ပုံ) အကြွေစေ့တွေပါ လှေကားမှာလျှောက်ကပ်ကြပါလေရောတဲ့။ (ကိုပေါ က ခေါင်းပန်းလှန်တယ်လို့ ရေးထားပါတယ်။ quote ထဲမှာ မျောက်ပန်းလို့တွေ့မိလို့ပါ) မှားသွားရင် ဆောရီးဗျို့။ ခဏခဏ လာဖတ်တယ်။

Anonymous said...

ဆောရီး ကိုတန်ခူးဟုတ်ဘူး။ မတန်ခူးနော်။ သေချာမကြည့်ဘဲ ရေးလိုက်မိလို့ပါ။

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs