“အလောင်းစည်သူ ပြန်လာပြီ”

Share |
(ငယ်ငယ်က ဖတ်ခဲ့ဖူးသော ကာတွန်းမောင်ဝဏ္ဏ၏ “လူကြီးလူကောင်း” ကာတွန်းဇာတ်လမ်းအား ဇာတ်ကောင်များအစားထိုး၍ မှတ်မိသလောက် ဘလော့ပိုစ့်အနေနှင့် ပြန်လည် ဆန်းသစ်ထားပါသည်။ ဤဇာတ်လမ်းတွင် ပါသော လူများ၊ နေရာများမှာ အစစ်အမှန်မဟုတ်ဘဲ စာရေးသူ၏ စိတ်ကူးထဲတွင် ဖန်တီးထားသော ဇာတ်ကောင်များ၊ နေရာများသာဖြစ်ပါသည်။ တိုက်ဆိုင်မှုရှိက ခွင့်လွှတ်ကြပါကုန်။)

တနေ့သ၌ တပ်ချုပ်ကြီးသည် ဂြိုဟ်တုမှ ထုတ်လွှင့်သော ဘောလုံးပွဲကြည့်နေရင်း သူအားပေးသောအသင်းက ဂိုးသွင်းလိုက်သဖြင့် ထိုင်ရာမှ ထ၍ လက်ပမ်းပေါက်ခတ်ရာ သက်တော်ကြီးရင့်ပြီ ဖြစ်သဖြင့် ဘွတ်ကနဲ လေလည်မိသွားလေသည်။

“အဟိဟိ” “ခစ်ခစ်ခစ်”

ဘေးတွင် ဘောလုံးပွဲအတူ ထိုင်ကြည့်နေသော သူရရွှေပန်း၊ သာအေး၊ သာဂိ စသည့် ဗိုလ်ချုပ်ကြီးများထံမှ ရယ်သံများ ထွက်လာလေသည်။

တပ်ချုပ်ကြီးက စိတ်ဆိုးမာန်ဆိုးဖြင့် လှည့်ကြည့်လိုက်ပြီး…. “မင်းတို့က ဘာရီတာလဲကွ” ဟု မေးလိုက်၏။(မှတ်ချက်။……..။ဤနေရာတွင် ဘာရယ်တာလဲ ဟု ဖတ်ပါရန်။ တော်ကြာ ဘလော့ဂါ ရီတာကို မေးသည်ဟု ထင်မှတ်မှားမည် စိုးသဖြင့်)

သူရရွှေပန်း (ကပျာကယာဖြင့်)။.........။ ဟို..ဟို... ရယ်တာမဟုတ်ပါဘူး... အဘ။ ဝမ်းထဲက ကျလိကျလိ ဖြစ်လာလို့ ပါးစပ်ကနေ အဟိအဟိ မြည်သွားတာပါ။

တပ်ချုပ်ကြီး။……..။ အေး…. မင်းတို့ ရူးကြောင်မူးကြောင် လုပ်မနေကြနဲ့။ ကြပ်ပြေးတောင်ခြေမှာ စပိုက်ဒါမင်း အဝတ်အစားနဲ့ လူဆိုးတယောက် သောင်းကျန်းနေတယ်ကြားတယ်။ အဲဒါ မင်းတို့ နောက်တနေ့ညနေ သွားပြီး လက်ရဖမ်းချေကြ။

ဘောလုံးပွဲပြီး၍ ဗိုလ်ချုပ်ကြီးများ အပြင်သို့ ထွက်လာကြသောအခါ အချင်းချင်း ဤသို့ တီးတိုးတိုင်ပင်ကြလေသည်။

“အဘတော့ ငါတို့ရယ်လိုက်တာနဲ့ ရှက်ရမ်းရမ်းပြီး အလောင်းစည်သူမင်းကြီး အထာချိုးနေပြီ။ မနက်ဖြန်ကျရင် သူကိုယ်တိုင် စပိုက်ဒါမင်းအဝတ်အစားဝတ်ပြီး ရုပ်ဖျက်လာလိမ့်မယ်။ ဖိုက်တင်ပလေးကြရင် တကယ် မလုပ်နဲ့။ သူစိတ်ကျေနပ်အောင် မင်းတို့ ဟန်ဆောင်ပန်ဆောင် ဖိုက်ပြီး လှဲချပြလိုက်…ကြားလား”

ဤသို့ဖြင့် နောက်တနေ့ နေဝင် တယောကိုတင်ရီ အချိန်တွင်…အဲ… နေဝင်ရီတရောအချိန်တွင် ရွှေပန်း၊ သာအေး၊ သာဂိ စသည့် အမိုက်တကာ့ဗိုလ်မင်း၊ အဖျဉ်းတကာ့ဗိုလ်ချုပ်၊ အပယ်လေးလီ မြစ်နဒီတွင် ပလုံစီအောင် ငုပ်မည့် လူရှုပ်ကြီးများသည် ဒဂုံဂျစ်၊ မြန်မာဂျစ် စသည့် ခေတ်မီမော်တော်ကားကြီးများ ကိုယ်စီဖြင့် ကြပ်ပြေးတောင်ခြေတွင် ပုန်းအောင်း၍ အသင့်စောင့်နေကြလေသည်။

အီးတညှစ်မျှ ကြာသောအခါတွင် (စစ်ရေးပြအခမ်းအနားများတွင် သုံးသော) အမိုးဖွင့် ကားနက်ကြီးကို စီးလျက် စပိုက်ဒါမင်း အဝတ်အစားကို ဝတ်ဆင်ထားသော တပ်ချုပ်ကြီး ပေါက်ချလာလေသည်။

သာအေး၊ သာဂိ၊ ရွှေပန်းတို့လည်း ပုန်းအောင်းနေရာက အသီးသီးထွက်ကြပြီး စပိုက်ဒါမင်းကို ဖမ်းရန် ကြိုးစားကြလေသည်။ စပိုက်ဒါမင်းလည်း အမိုးဖွင့်ကားကို ကပ်တုံ၊ ခွာတုံ၊ ရပ်တုံ၊ ဘက်ဂီယာထိုးတုံ အမျိုးစုံဖြင့် မရိုးရအောင် ကားရေးပြလေသည်။ နောက်ဆုံးတွင် ကားပေါ်မှ အသီးသီးဆင်းလာကြပြီး မြေပြင်ပေါ်တွင် (ကြက်ဖခွပ်သလို) ဖိုက်တင်ပလေး ကြလေသည်။ သာအေးတို့လည်း တင်ကြိုတိုင်ပင်ထားသည့်အတိုင်း အယောင်ပြသာ ဖိုက်ကြပြီး စပိုက်ဒါမင်းက လက်သီးထိုးလိုက်သည့်အခါ မထိမီကပင် “အားကနဲ” “အီးကနဲ” အော်ဟစ်ငြီးတွားကာ အသီးသီး ပစ်လှဲပြကြလေသည်။ နှပ်တညှစ်ခွဲခန့်အတွင်းမှာပင် သာအေးတို့လူစု မြေပေါ်သို့ အတုံးအရုံး လဲကျ ကုန်တော့သတည်း။

ထိုအခါမှ စပိုက်ဒါမင်းလည်း ကားနက်ကြီးပေါ်သို့ ပြန်တက်သွားပြီး… “ဝူးထွားဟားဟား။ စပိုက်ဒါမင်းတဲ့ဟေ့…တမင်းပဲရှိတယ်။ နှစ်မင်းရှိရင် စင်ပြိုင်အစိုးရတောင် ပြည်တွင်းမှာ မနေနိုင်ဘူး။ ထွက်ပြေးရတယ်။” ဟု အသံနက်ကြီးဖြင့် ရယ်မောလျက် မိုင်ကုန်မောင်းကာ ထွက်ခွာသွားလေသည်။

စပိုက်ဒါမင်းမြင်ကွင်းမှ ပျောက်ကွယ်သွားသော် သာအေးတို့လူစုလည်း မြေကြီးပေါ်က အသီးသီးထပြီး အူနှိပ်ကာ ရယ်မောကျန်ရစ်ခဲ့ကြလေသည်။

“ဟားဟားဟား။ တပ်ချုပ်ကြီးတော့ ငါတို့ရဲ့ အကယ်ဒမီရှော့တ်တွေကို တကယ် အဟုတ်ထင်ပြီး စိတ်ကြီးဝင်သွားပြီ။ ဧကန္တ အလောင်းစည်သူမင်းကြီးလည်း ငါတို့လို အကယ်ဒမီအဖွဲ့တွေနဲ့ တွေ့သွားတာပဲ ဖြစ်ရမယ်…ဟားဟား”

နောက်တနေ့ လေးလပတ် အစည်းအဝေးသို့ ရောက်သောအခါ သူရရွှေပန်းတို့ လူစုအား တပ်ချုပ်ကြီးက မေးလေသည်။

“ဘယ့်နှယ့်လဲကွ။ မင်းတို့ လူဆိုးကို ဖမ်းမိခဲ့ရဲ့လား”

သူရရွှေပန်းတို့လည်း ကြိုတင်တိုင်ပင်ထားသည့်အတိုင်း….. “မှန်ပါ။ ဤလူဆိုးသည် လူမက နတ်တမျှ စွမ်းလှကြောင်းပါ။ ကျနော်တို့မှာ အနားမျှပင် မကပ်နိုင်ဘဲ နောက်ဆုံး အလဲလဲ အကွဲကွဲဖြင့် ရှုံးနိမ့်ပြီး ပြန်ခဲ့ရပါသည်” ဟု လျှောက်ထားကြလေသည်။

ဤအခါတွင်မှ တပ်ချုပ်ကြီးလည်း…. “အိမ်း….. နင်တို့ ငါ့ကို အိုပြီ ထင်ကြသည်။ ငါမအိုသေး။ တပ်ထဲမှာ မဲဖောက်ပေးမယ့် မုဆိုးမ ရှိသေးရင် နောက်ထပ် ဆယ်ယောက်လောက် ထပ်ပြီး ယူပြနိုင်သေးတယ်….အဟေးဟေး”

ရွှေပန်း၊ သာအေး၊ သာဂိ စသည့် ဗိုလ်ချုပ်ကြီးများလည်း ပြင်းစွာ ကြောက်လန့် ခန့်ညားရိုသေကြလေသည်။ (တကယ်မလန့်လည်း လန့်သည့်သဏ္ဍာန် အကယ်ဒမီ အိုက်တင်များကို ပေးကြလေသည်။)

ထိုအခိုက် သာအေး၏ နဖူးကို လောက်စာလုံးတလုံး အရှိန်ပြင်းစွာ လာမှန်လေသည်။

“ဟေ့ ဘယ်ကောင်လဲကွ။ လေးလပတ်အစည်းအဝေးလုပ်နေတဲ့နေရာမှာ လေးဂွ လာသရမ်းတာ”

“ကျုပ်ပစ်လိုက်တာပဲဗျ…ဘာလုပ်ချင်သလဲ”

အသံကြား၍ အားလုံး လှည့်ကြည့်လိုက်သောအခါ အစည်းအဝေးခန်းမ အဝင်ဝတွင် လေးဂွကို လက်တဖက်က ကိုင်စွဲလျက် ရပ်နေသော မြေးတော် မျောက်လောင်းကလေး ဖိုးလောက်လန်း ကို တွေ့လိုက်ကြရသည်။

တပ်ချုပ်ကြီး။………..။ မြေးတော်လေး။ ဘာကြောင့် လေးဂွနဲ့ ပစ်ရသလဲ။

ဖိုးလောက်လန်း။……….။ မှန်လှပါ ဖိုးဖိုး။ ဒီလူတွေ ဖိုးဖိုးကွယ်ရာမှာ အတင်းတုပ်နေကြတာတွေ့ရတယ်။ သူတို့ အကယ်ဒမီအိုက်တင်နဲ့ ပတ်ချလိုက်တာ ဖိုးဖိုးတော့ ခံလိုက်ရပြီတဲ့။ နောက်ပြီး ပြောသေးတယ်။ အလောင်းစည်သူမင်းကြီးလည်း သူတို့လို အကယ်ဒမီသရုပ်ဆောင်တွေနဲ့ တွေ့သွားတာလို့ ပြောပြီး ဟားနေကြတယ်။

ဤမှာပင် တပ်ချုပ်ကြီးလည်း သူ့လူများ၏ မရိုးသားပုံကို ရိပ်မိသွားပြီး….

“မင်းတို့ ဒီလောက်တောင် အကယ်ဒမီ အိုင်တင်ပေးချင်တဲ့ကောင်တွေ၊ အရပ်ဝတ်ပြောင်းပြီး သရုပ်ဆောင်သင်တန်းတက်ပေတော့” ဟုဆိုကာ ရွှေပန်း၊ သာအေး၊ သာဂိတို့အား စစ်ဖက်ရာထူးအသီးသီးမှ အနားပေးလိုက်လေသတည်း။

ဒီကနေ့ တနေ့တည်း တင်ဖြစ်တဲ့ ရှေ့က တပို့စ်ကို ဖတ်ရန်။

ရေနစ်သူကို ကယ်ကြရာဝယ်

9 comments:

Anonymous said...

ကျော်သူရဲ့သရုပ်ဆောင်သင်တန်းကိုတက်ခိုင်းမှာလား....

Anonymous said...

The spelling of the title is wrong.
should be အလောင်းစီသူ

ရွှေရတုမှတ်တမ်း said...

ဦးကုလား ရာဇဝင်ကို မာမူပေါ ကခေတ်မှီဆန်းသစ်ထားတာကို..
ခေတ်သစ်မြန်မာ့သမိုင်း အတွက် ဂုဏ်ယူပါသဗျာ

Thu said...

You, Witty Guy !

Anonymous said...

ref:မောင်ဝဏ (ဏ ကိုအောက်ကမထိုးတတ်လို့)
လို့လဲထဲ့လိုက်ပါအုံး..ဆြာပေါ..ဟဲဟဲဟဲ
အဲနီးဝေး....ဂွတ်တယ်ဗျ...

ကိုစိုင်း

Patriotic Citizen said...

I love my country MYANMAR.
I want to see our citizens gracious in all over the world.
I'm RIT student too,but I condemn all who support sanctions on our country.
I strongly support coming elections and will respect whoever can take care the country.

Anonymous said...

To Patriotic Citizen ..pls feel free to respect USDA ( Kyant-phont )as they already won your supported election to take care of people like you.

Anonymous said...

Patriotic Citizen ..

u should condemn your pa-htwe (step-father) Na Ah Fa whose human-right violation is the real cause of the sanction.

patriotic citizen said...

I don't think hard working strong people who are achievers will not affected by sanctions.
even better...in all cases

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs