“တော်လှန်ရေးသမားနှင့် ဝေဖန်ရေး”

Share |
ယခင်ပို့စ်တွင် မှတ်ချက်ရေးသူတယောက်က “ ကိုပေါအနေနဲ့ စစ်အစိုးရကို အပြစ်တင်တာကို ခဏလောက်လျှော့ပြီး ကျနော်တို့ရဲ့ ကယ်တင်ရှင် အတိုက်အခံတွေကို နည်းနည်း ဝေဖန်ထောက်ပြပါဦး။ တကယ်တော့ တာဝန်ရှိတဲ့အထဲမှာ အတိုက်အခံတွေလည်း ပါတယ်” ဟု ရေးသားသွားသည်။

သည်မှတ်ချက်နှင့် ပတ်သက်၍ ကျနော့်မှာ ပြောစရာများ ရှိနေပါသည်။

ပထမအချက်မှာ “အတိုက်အခံ” ဆိုသည့် အသုံးအနှုန်းဖြစ်သည်။ ဤအကြောင်းနှင့် ပတ်သက်၍ အခြားသူများလည်း ဖန်တရာတေအောင် ရေးခဲ့ကြပြီးဖြစ်သည်။ ကျနော့်တို့မှာ မြန်မာ့ဒီမိုကရေစီအရေးလှုပ်ရှားသူများကို လက်ရှိအာဏာရစစ်အစိုးရနှင့် ဆန့်ကျင်ဖက်ဖြစ်နေ၍သာ အတိုက်အခံဟု နှုတ်ကျိုးနေကြသည်။ လွတ်လပ်သော ဒီမိုကရေစီနိုင်ငံများတွင် အတိုက်အခံဆိုမှာ တရားဝင် ရွေးချယ်တင်မြှောက်ခံရသည့် အာဏာရပါတီ၏ ပြိုင်ဖက် နိုင်ငံရေးပါတီများကို ခေါ်ဆိုခြင်းဖြစ်သည်။ တကယ်တော့ ၁၉၉ဝ ရွေးကောက်ပွဲ ရလဒ်အရဆိုလျှင် အမျိုးသားဒီမိုကရေစီအဖွဲ့ချုပ်သည် အပြတ်အသတ် အနိုင်ရထားသည့် အဖွဲ့အစည်းဖြစ်သည်။ အတိုက်အခံဟု ခေါ်ဆိုခြင်းငှာ မသင့်။ ထို့ကြောင့် မြန်မာ့မြေပေါ်တွင် အမြစ်တွယ်နေသော စစ်အာဏာရှင်စနစ် အပြီးတိုင် ပျောက်ကွယ်သွားစေရန် ကြိုးပမ်းနေကြသူအားလုံးကို “အတိုက်အခံ”ဟု ခေါ်ဆိုမည့်အစား “တော်လှန်ရေးသမား”ဟူသော အမည်နာမကိုသာ ကျနော်ရွေးချယ်လိုပါသည်။

ဒုတိယအချက်မှာ “တကယ်တော့ တာဝန်ရှိတဲ့အထဲမှာ အတိုက်အခံတွေလည်း ပါတယ်” ဆိုတာနဲ့ ပတ်သက်၍ ဖြစ်သည်။ ကျနော့်တွေးမိသည်ကတော့ တာဝန်ရှိသည်မှာ ကျနော်တို့အားလုံးပင် ဖြစ်သည်။ ယနေ့ဖြစ်ပျက်နေသမျှ အများနှင့်ဆိုင်သော ကိစ္စအဝဝ၊ တိုင်းပြည်တွင် ဖြစ်ပေါ်နေသည့် အခြေအနေ အရပ်ရပ်အတွက် ကျနော်တို့ အားလုံးတွင် တာဝန်ရှိသည်။ သူများကိုချည်း လက်ညိုးထိုးနေရန် မသင့်။

နောက်ဆုံးအချက်ဖြစ်သည့် “စစ်အစိုးရကို ဝေဖန်တာ နည်းနည်းလျှော့ပြီး ကယ်တင်ရှင် အတိုက်အခံတွေကို ဝေဖန်ထောက်ပြပါဦး” အချက်နှင့် ပတ်သက်၍ကား ပြောစရာတွေ အများအပြားပင် ရှိနေပါသည်။

လွန်ခဲ့သည့် ၂၁ နှစ်လုံးလုံး နအဖ စစ်အစိုးရ၏ ဆိုးသွမ်းယုတ်မာ ညံ့ဖျင်းပုံများကို တောက်လျှောက် မရပ်မနား တွေ့မြင်ခဲ့ကြရသည်ဖြစ်ရာ နအဖ မကောင်းကြောင်းကို အထူးတလည် ရေးပြနေရန် လိုအပ်လှသည်ဟု ကျနော်မထင်ပါ။ ပြည်သူအများစုအနေဖြင့် နအဖ မကောင်းသည်ကို မျက်ဝါးထင်ထင် မြင်ကြ၊ ကြားကြ၊ သိကြပြီးဖြစ်ပါသည်။ နိုင်ငံတကာ အသိုင်းအဝိုင်းကလည်း နအဖ ဘာလဲဆိုသည်ကို နောကျေနေကြပြီး ဖြစ်သည်။ နအဖ မကောင်းကြောင်း ထပ်မံ သက်သေပြနေစရာ မလိုတော့ပါ။ ကျနော်ရေးခဲ့သည့် ပို့စ်များတွင် နအဖကို ဝေဖန်သည့်ပို့စ်မှာ အရေအတွက်အားဖြင့် အင်မတန် နည်းပါးလှပါသည်။

မှတ်ချက်ရေးသူက “ကယ်တင်ရှင် အတိုက်အခံတွေကို ဝေဖန်ထောက်ပြပါဦး” ဟုရေးသွားပါသေးသည်။ ရှေးဦးစွာ ကယ်တင်ရှင်ဆိုသော အသုံးအနှုန်းနှင့်ပတ်သက်၍လည်း ကျနော့်အမြင်ကို ပြောပြလိုပါသည်။

လက်ရှိအနေအထားတွင် စီးပွားရေး၊ ပညာရေး၊ လူမှုရေး၊ ကျန်းမာရေး စသည့် နယ်ပယ်အားလုံးကို နိုင်ငံရေးစနစ်ကသာ အပေါ်စီးမှနေ၍ အခေါင်အချုပ်သဖွယ် တုပ်တုပ်မျှ မလှုပ်နိုင်အောင် တင်းကြပ်စွာ ထိန်းချုပ်ထားသည်ဖြစ်ရာ လက်ရှိနိုင်ငံရေးစနစ်ကို မပြောင်းလဲဘဲ ကျန်သည့် နယ်ပယ်များကို အောင်မြင်စွာ ပြောင်းလဲယူဖို့ မဖြစ်နိုင်ပါ။ စစ်အာဏာရှင် တည်းဟူသော နိုင်ငံရေးစနစ်ကြောင့် စီးပွားရေး၊ ပညာရေး၊ လူမှုရေး၊ ကျန်းမာရေး စသည့် နယ်ပယ်အားလုံးတွင် အဖက်ဖက်က ချွတ်ခြုံကျကာ ပြည်သူတရပ်လုံး ဆင်းရဲဒုက္ခ အတိရောက်လျက်ရှိသည်မှာလည်း အားလုံးအသိပင်ဖြစ်သည်။

“တော်လှန်ရေးသမားအများစု”မှာ ယင်းသို့သော လက်ရှိအခြေအနေကို မနှစ်သက်နိုင်၍၊ လက်မခံနိုင်၍၊ မရှုစိမ့်နိုင်၍ အဆိုပါနိုင်ငံရေးစနစ်ကို ပြုပြင်ပြောင်းလဲနိုင်ရန်၊ တော်လှန်ဖောက်ထွက်နိုင်ရန် ကြိုးပမ်းနေကြသူများဖြစ်သည်။ တနည်းဆိုရလျှင် ထိုသူတို့သည် ပြည်သူတို့ကို ဆင်းရဲတွင်းမှ ကယ်တင်နိုင်ရန် ကြိုးပမ်းနေကြသူများဖြစ်သည်။ ထိုသို့ ကြိုးပမ်းသည့်အတွက် စစ်အာဏာရှင်၏ ရန်ရှာခြင်း၊ ဒုက္ခပေးခြင်းများကို သာမန်ပြည်သူများထက် ပိုမို ခံကြရသူများဖြစ်သည်။ သူတို့ကြိုးပမ်းနေသော ကယ်တင်သည့် လုပ်ရပ်မှာ မအောင်မြင်သေးသဖြင့် ကယ်တင်ရှင်ဟု မခေါ်ဆိုနိုင်သေးသော်လည်း ကယ်တင်ရန် လက်တွေ့ကြိုးပမ်းနေကြသူများအဖြစ်ဖြင့်ကား အသိအမှတ်ပြုသင့်ပေသည်။ သို့သော် ကျနော်တို့အားလုံးသည် မိမိတို့လွတ်မြောက်ရေးအတွက် သူတပါးကယ်တင်မှုကိုသာ ထိုင်စောင့်မနေဘဲ မိမိတို့ကိုယ်တိုင်လည်း ပါဝင်ကြိုးပမ်းအားထုတ်သင့်ပေသည်။

တော်လှန်ရေးသမားများတွင် အကြမ်းဖျင်း အစုအဖွဲ့ ၃ ခု ခွဲချင်ပါသည်။

(၁) ပြည်တွင်းမှ အင်အားစုများ (အမျိုးသားဒီမိုကရေစီအဖွဲ့ချုပ် နှင့် နိုင်ငံရေးပါတီများ၊ ကျောင်းသား၊ သံဃာ နှင့် အခြား တက်ကြွ လှုပ်ရှားသူများ)
(၂) လက်နက်ကိုင် အင်အားစုများ (ကျောင်းသားတပ်မတော်၊ တိုင်းရင်းသားလက်နက်ကိုင်အဖွဲ့များ)
(၃) ပြည်ပရောက် အင်အားစုများ (ပြည်ပသို့ ထွက်ပြေးတိမ်းရှောင်လာသော နိုင်ငံရေးသမားများ၊ တက်ကြွစွာလှုပ်ရှားခဲ့သူ ကျောင်းသားများ၊ လက်နက်ကိုင်ဟောင်းများ နှင့် အခြား တက်ကြွ လှုပ်ရှားသူများ)

ဟူ၍ ဖြစ်ပါသည်။

ထိုအစုအဖွဲ့ သုံးခုစလုံးတွင် ကိုယ်စီကိုယ်ငှ အားနည်းချက်များ၊ ညံ့ဖျင်းချက်များ၊ အမှားအယွင်းများ အသီးသီး ရှိကြသည်လည်း မှန်၏။ သို့သော် ထိုအားနည်းချက်များ၊ ညံ့ဖျင်းချက်များ၊ အမှားအယွင်းများမှလွဲ၍ အများစုမှာ သူတို့၏ အမှန်တရားဖက်မှ ရပ်တည်ချက်၊ ဒီမိုကရေစီစနစ်နှင့်လွတ်လပ်ရေး တိုက်ပွဲအပေါ် ယုံကြည်ချက်၊ တိုင်းပြည်အပေါ်ထားသော အရင်းခံစိတ်စေတနာ စသည်တို့မှာ မပျက်ယွင်း၊ မသွေဖီသေး။ တနည်းပြောရလျှင် သူတို့သည် ပြည်သူလူထုနှင့် တရားမျှတမှုဖက်က ရပ်တည်မြဲ ရပ်တည်နေဆဲဖြစ်သည်။ ထို့ကြောင့် ကိုယ်ကျိုးအတွက် နအဖ နှင့် သွားရောက်ပူးပေါင်းခဲ့သူအချို့မှ လွဲ၍ ကျန်သူများကို သူတို့၏ ရပ်တည်ချက်၊ ယုံကြည်ချက် နှင့် အရင်းခံစိတ်ထားအပေါ် ရှုတ်ချပြောဆိုရန် အကြောင်းမရှိ။ ထိုသူတို့အား တတ်နိုင်သမျှ ကူညီဝိုင်းဝန်းရန်၊ အားပေးရန်၊ ထောက်ပံ့ရန်ပင် သင့်ပါသေးသည်။

(ယခု ရေးခဲ့ပြီးသမျှအထိတွင် ကျနော်သည် “တော်လှန်ရေးသမား အများစု”၊ “ထိုသူ အများစု” ဟူ၍ ဂရုတစိုက် ရေးသားခဲ့ပါသည်။ “အများစု” ဟူသည့် စကားလုံးကို သုံးရသည်မှာ “အနည်းစု” ဆိုသော အမျိုးအစားလည်း ရှိသေးသည့်အတွက် ဖြစ်သည်။ ပို့စ်ရှည်လျားမည် စိုးသဖြင့် အော့နှလုံးနာဖွယ်ကောင်းသော ထို “အနည်းစု” အကြောင်းကို နောင်မှ ပို့စ် သီးသန့် ရေးပါဦးမည်။)

တဖက်တွင်လည်း ထိုအဖွဲ့သုံးခုစလုံး၏ လုပ်ရပ်၊ အတွေးအခေါ်၊ မူဝါဒ စသည်တို့ အပေါ်တွင်ကား ပွင့်လင်းစွာ ဝေဖန်ထောက်ပြသင့်ပေသည်။ မိမိအမြင်ကို ပွင့်ပွင့်လင်းလင်း ဖော်ပြသင့်သည်။ အချို့သူများသည် ဤသို့ ပွင့်ပွင့်လင်းလင်း ဝေဖန်ထောက်ပြခြင်းကို ညီညွတ်ရေးကို ပျက်ပြားအောင်လုပ်သည်ဟု မှားယွင်းစွာ စွတ်စွဲတတ်ကြသည်။ အမှန်တကယ်မှာမူ ပွင့်ပွင့်လင်းလင်း ပြောဆိုဝေဖန်တတ်သော အလေ့အထ၊ အဝေဖန်ခံနိုင်သော အလေ့အထများကို ကျင့်သားရမှသာလျှင် လွတ်လပ်ပွင့်လင်းသော လူ့အဖွဲ့အစည်းကို အောင်မြင်စွာ ထူထောင်နိုင်ပေမည်။ မတူညီသော အမြင်ရှိပါလျက် ကျိတ်မျိုချနေရသော လူ့အဖွဲ့အစည်းသည် လွတ်လပ်သော လူ့အဖွဲ့အစည်း (Free Society) မဟုတ်။ အကြောက်တရားကြီးစိုးသော လူ့အဖွဲ့အစည်း (Fear Society) သာ ဖြစ်သည်။ အာဏာရှင်စနစ်ကဲ့သို့ အကြောက်တရားကြီးစိုးသော လူ့အဖွဲ့အစည်းတွင် မိမိအမြင်ကို ပွင့်လင်းစွာ မထုတ်ဖော်ဝံ့ခြင်း၊ ပွင့်ပွင့်လင်းလင်း မဝေဖန်ရဲခြင်း၊ အဝေဖန်မခံနိုင်ခြင်း စသည်တို့မှာ ဖြစ်ရိုးဖြစ်စဉ်ဖြစ်သည်။

သို့သော် လွတ်လပ်ပွင့်လင်းသော လူ့အဖွဲ့အစည်းကို ထူထောင်ရန် ကြိုးပမ်းနေကြသော တော်လှန်ရေးသမားများ၊ တော်လှန်ရေးအစုအဖွဲ့များအတွင်းတွင်မူ ပွင့်ပွင့်လင်းလင်း ဝေဖန်တတ်သောအလေ့အထ၊ အဝေဖန်ခံနိုင်သော အလေ့အထကို ပြုစုပျိုးထောင်ရန် လိုအပ်သည်ဟု ယူဆပါသည်။

နောင်လာမည့်ပို့စ်များတွင် အထက်ပါ အင်အားစု သုံးခုအပေါ်တွင် ကျနော်၏ အမြင်များကို အလျဉ်းသင့်သလို ဆက်လက်တင်ပြသွားမည်ဖြစ်ပါသည်။

21 comments:

Bino said...

Good Day Ko Paw,

Thanks for your posting.
ကျနော်တို့အားလုံးသည် မိမိတို့လွတ်မြောက်ရေးအတွက် သူတပါးကယ်တင်မှုကိုသာ ထိုင်စောင့်မနေဘဲ မိမိတို့ကိုယ်တိုင်လည်း ပါဝင်ကြိုးပမ်းအားထုတ်သင့်ပေသည်။
Everybody have to do whenever they can.

BINO

Tavoy Gyi said...

ကျွန်တော်ကတော့တော်လှန်ရေးသမားတွေဟာ
ဘယ်အဆင့်မှာနိုင်ငံရေးသမားစစ်စစ်ဘဝကိုကူးပြောင်း
သင့်လဲ၊ကူးပြောင်းနိုင်မလဲ လို့ တွေးမိတယ် ဗမာ့သမိုင်းမှာလည်း ငါတို့ ကတော်လှန်ရေး သမားတွေဆိုပြီး လွတ်လပ်ရေးအရမှာလုပ်လိုက်
ကြတာ ခေါင်းဆောင်လိုက်ကြတာ..နောက်ဆုံး
သူတို့ ထက်ဆိုးတဲ့လူတွေ စစ်ဗိုလ်တွေလက်ထဲ
ရောက်သွားဘဲ..တော်လှန်ရေးကConflict
Oriented ,Administration ကဒီထက်
ပိုခက်သလားလို.ဘဝ တစ်လျှောက်လုံး.. နှစ် ၆၀
လုံး..တော်လှန်ရေးသမားတွေကြောက်ပါပြီ..
ခိုင်မာတဲ့..Civil Administration မျိုး
မြင်သွားရပါတော့မလား မသိပါဘူးဗျာ...

မောင်သန့် ။ said...

၁။ ။စစ်အာဏာရှင်အုပ်စု ၇ဲ. ယုတ်မာရက်စက်ရမ်းကားမှုတွေ ကို ခဏလောက်လျှော့ ပီး မရေးဘဲမနေပါနဲ.။၈၈၈၈ ကနေ ကနေ.အထိ ဖိနှိပ်မှုတွေ က ရပ်မှမသွားတာကို။ပိုပိုဆိုးလာတာကို။(ဥပမာ--အောင်လံလယ်သမားများအမှု)
၂။ ။အတိုက်အခံ အစား တော်လှန်ရေးသမား အမည်ရွေ့းချယ်မှု ကို ထောက်ခံပါတယ်။
၃။ ။ ပြည်တွင်းပြည်ပ ၊ပါတီ၇ှိ၊ပါတီမဲ့ တော်လှန်ရေးသမား (စစ်စစ်)အများစု ဟာ တတ်နိုင်သလောက်၊စွမ်းနိုင်သလောက် တိုက်ပွဲဝင်နေကြပါတယ်။ ကလောင် ပိုင်သူက ကလောင်ကိုင်၊ ကာတွန်း ကျွမ်းသူက ကာတွန်းဆွဲ၊ သေနတ် ကိုင်တဲ့လူက သေနတ်ကိုင်၊ အားလုံးလေးစားဂုဏ်ပြုစရာ လုပ်နေကြတာပါဘဲ။(ဖိနပ်နဲ.ပေါက်ခွင့်သာသူက ပေါက်ပေါ့ဗျာ)။
၎။ ။ဘလောက်ထဲရေးနေကြတာကိုတောင် Electronic Revolution လို. ဘလော့ဂါကြီးတယောက်ကိုယ်တိုင် သူပိုင်ဘလော့မှာ အငေါ်တူးသဗျ။(သူ ဘာလို. ဘလော့ ထောင်တယ်ဆို တာ ညာဏ်မမှိလောက်အောင်ဘဲ)။
၅။ ။လက်ရုံးများမြောင်၊ညာဏ်များမြောင်ဖြင့်၊ညီညီညွတ်ညွတ် လုပ်ကြရင် မကောင်းပေဘူးလားဗျာ တို.။
၆။ ။သူတပေါက် ငါတပေါက်နဲ. နအဖ ဒူး ဗုံတီးနေပီ ခင်ဗျ။
၇။ ။ဘုံရန်သူ ထင်းထင်းကြီး တွေ.နေရတာ အနှစ် ၅၀ ပြည်.တော့မယ်ဗျာ။

ကိုကြီး said...

မြန်မာ ပြည်ရဲ. ဒုတိယ လွတ်လပ်ရေး ရဘို.ရာက မြန်မာ ပြည်သူတိုင်းမှာ တာဝန်ရှိပါတယ် ။
ပါတီဝင်မှ...တော်လှန်ရေးလုပ်မှ မဟုတ်ပါ ။
ပြည်တွင်းပြည်ပ မှာရှိတဲ. ဒီမိုကရေစီ လွတ်လပ်ရေး ကိုတကယ် လိုချင်ပါတယ်ဆိုတဲ. လူတဦးချင်းရဲ. တာဝန်ပါ ။
တခုပြောစရာ ရှိတာက မြန်မာပြည်သူတော်တော် များများက မသိလိုက်ဖါသာ နေတဲ.သူတွေ များနေလားလို.ပါ။
ဒါမှမဟုတ် ပီပီပြင်ပြင် ဦးဆောင်နိုင်မဲ.ခေါင်းဆောင် ကို မျှော်နေကြတာလား ။
ပြည်တွင်းပြည်ပ မှ ပြည်သူ အပေါင်း ကြောက်ရွံချင်း မှ ကင်းဝေးကြပါစေဗျာ ။

Dr. Yi Yi Win said...

“ဝေဖန်ခံနိုင်ရမည်” ဆိုတာနဲ့ ပတ်သက်ပြီး နည်းနည်းဝင်ပြောချင်ပါတယ်။ ဝေဖန်ခံနိုင်ခြင်းဟာ transparent ဖြစ်ခြင်း၊ ဖုံးကွယ်ထားမှုမရှိခြင်းတို့ ကိုပြဆိုတာမို့ တကယ်လိုအပ်တဲ့အရည်အချင်းပါ။ ဒီနေရာမှာ ဝေဖန်ကြတဲ့အခါ လုပ်နည်းကိုင်နည်းမှားနေတာမျိုးကို လူကြီးလူကောင်းဆန်ဆန်ထောက်ပြ ဆွေးနွေးဝေဖန်ကြတာမျိုးပဲဖြစ်သင့်ပါတယ်။ မဟုတ်ပဲ ကွယ်ရာကနေ လူအများထင်ယောင်ထင်မှားဖြစ်အောင် ခနိုးခနှဲ့ သဘောမျိုးတွေပြောကြ လုပ်ကြတာတွေက ကျတော့ လိုက်ရှင်းပြခွင့်မရပဲ သက်သက်မဲ့ အထင်လွဲခံရ နစ်နာရတာတွေမို့ လို့ ၊ အဲဒါမျိုးကို ဘယ်လိုနည်းနဲ့ ခံနိုင်ရည်ရှိသင့်ကြလဲ သိရင်ရှင်းပြပါဦး။ အမှန်တော့ မကောင်းတာကို မကောင်းဘူးလို့ မသိကြ၊ မပြောရဲကြ၊ အားနာကြ၊ မဝေဖန်ရဲကြတော့ လုပ်နိုင်တဲ့နည်းနဲ့ ပဲ မဆိုင်တာတွေ ပြောကြလုပ်ကြတာတွေ ရှိကြပါတယ်။ ဘယ် နယ်ပယ်ရယ်လို့ တော့မဟုတ်ပါဘူး။ နေရာတိုင်းမှာပါ။ အပြုသဘောဆောင်တဲ့ ဝေဖန်မှုမရှိရင်၊ မခံနိုင်ရင် တိုးတက်မှုရှိဖို့ မလွယ်ပါဘူး။ အဖျက်သဘောဆောင်တဲ့ ဝေဖန်မှုတွေ မရှိရင် ယဉ်ကျေးသာယာတဲ့လူ့ အဖွဲ့ အစည်းဖြစ်လာကြမယ်။ တစ်ခုနားမလည်တာက အဖျက်သဘောဆောင်တဲ့ ဝေဖန်မှုကို ဘယ်လိုရင်ဆိုင်ကြရင် ယဉ်ကျေးကြမလဲဆိုတာပါ။ ကျေးဇူးပါ။

Anonymous said...

ရှင်းနေတာပဲဟာ။ ငတ်နေလို့ပေါ့။ ဒင်းတို့ကလည်း ကျွမ်းမှကျွမ်း။ ငတ်ပြတ်သွားအောင်ကို လုပ်ပလိုက်တာကလား။ ဒီထက်ပိုမငတ်အောင် အငတ်ပြသနာ အရင်ရှင်းနေရတာနဲ့ပဲ လုံးပါးပါးနေပါပေါ့လေ။ ငတ်ဆိုလို့ ထမင်းငတ်တာပဲလာမြင်နေအုံးမယ်။ အစစ ငတ်ခဲ့ရတာလေဗျား။ သိပါတယ်။

Anonymous said...

Quote "တခုပြောစရာ ရှိတာက မြန်မာပြည်သူတော်တော် များများက မသိလိုက်ဖါသာ နေတဲ.သူတွေ များနေလားလို.ပါ။"

ရှင်းနေတာပဲဟာ။ ငတ်နေလို့ပေါ့။ ဒင်းတို့ကလည်း ကျွမ်းမှကျွမ်း။ ငတ်ပြတ်သွားအောင်ကို လုပ်ပလိုက်တာကလား။ ဒီထက်ပိုမငတ်အောင် အငတ်ပြသနာ အရင်ရှင်းနေရတာနဲ့ပဲ လုံးပါးပါးနေပါပေါ့လေ။ ငတ်ဆိုလို့ ထမင်းငတ်တာပဲလာမြင်နေအုံးမယ်။ အစစ ငတ်ခဲ့ရတာလေဗျား။ သိပါတယ်။

ကိုပေါ said...

ယုဝရီ .... (quote) "မဟုတ်ပဲ ကွယ်ရာကနေ လူအများထင်ယောင်ထင်မှားဖြစ်အောင် ခနိုးခနှဲ့ သဘောမျိုးတွေပြောကြ လုပ်ကြတာတွေက ကျတော့ လိုက်ရှင်းပြခွင့်မရပဲ သက်သက်မဲ့ အထင်လွဲခံရ နစ်နာရတာတွေမို့ လို့ ၊ အဲဒါမျိုးကို ဘယ်လိုနည်းနဲ့ ခံနိုင်ရည်ရှိသင့်ကြလဲ သိရင်ရှင်းပြပါဦး။" (end of quote)

အဲသည်လို အဖြစ်မျိုးတွေက နေရာတိုင်းမှာ ရှိတတ်ပါတယ်။ ကိုယ်ကောင်းရင် ခေါင်းဘယ်မရွေ့ဆိုတဲ့ စကားကိုပဲ လက်ကိုင်ထားရမှာပေါ့။ အထင်ရှားဆုံး ဥပမာတခု ပေးရရင်.... မြန်မာပြည်မှာလည်း အစိုးရပိုင် သတင်းစာကြီးများကနေ အမျိုးသမီးတယောက်ကို ဒီလိုပဲ ရစရာမရှိအောင်၊ ထင်ယောင်ထင်မှားဖြစ်အောင် မနားတမ်း ရေးသားခဲ့ကြတာပဲ မဟုတ်လား။ ဒါပေမယ့် ကာယကံရှင်က သူတို့စွတ်စွဲတဲ့အတိုင်း ဖြစ်မနေတဲ့အခါ စွတ်စွဲသူတွေမှာသာ နိမ့်ကျသွားတယ်။ ကာယကံရှင်ရဲ့ အသရေကတော့ စိုးစဉ်းမျှ နွမ်းပါးသွားခြင်း မရှိပါဘူး။

လူတိုင်းမှာ.. စာဖတ်သူတိုင်းမှာ... ဆင်ခြင်တုံတရားရှိတယ်လို့ စိတ်ထဲမှာ ခံယူထားလိုက်ရင် ဒီပြဿနာမျိုးက အလိုအလျောက် ပြေလည်သွားနိုင်ပါတယ်။

Anonymous said...

2010ရွေးကောက်ပွဲကိုဆန့်ကျင်တာ ရွေးကောက်ပွဲဝင်မဲ့လူတွေကို အချောင်သမားလို့ စွပ်စွဲတာ ကလွဲရင် ဘာမမလုပ်တတ်တော့ဘူးနဲ့တူတယ် ကိုယ့်ဘက်မှာဘာအားသာချက်မှမရှိပဲနဲ့ ဘယ်လိုလုပ်စစ်တပ်ကတွေ့ဆုံဆွေးနွေးရေးလုပ်မှာလဲ သူတို့ကအသာစီးရနေတာ အဓိကလုပ်ရမှာက election fair ဖြစ်ရေးတောင်းဆိုရမှာ အဲလိုမဟုတ်ပဲနဲ့ constitution မပြင်ရင်မဝင်ဘူးဆိုလိုကတော့ စစ်တပ်ကသူ့လူနဲ့သူ့ဇတ်ကပြီး ကျုပ်တို့နိုင်ငံ တရုတ်ပြည်လိုအာဏာရှင်စနစ်နဲ့ အသားကျတဲ့နိုင်ငံဖြစ်အောင်လုပ်တာကို ဒီအတိုင်းထိုင်ကြည့်နေရမယ်

Anonymous said...

ဒီပိုစ့်လေး ကောင်းတယ်ကိုပေါ။
ကွန်မင့်လေးတွေလဲ ကောင်းတယ် ..း))

Anonymous said...

ကျနော်က ကိုပေါရေးတဲ့ စာပေတွေကို ဖတ်ရူနေကြ ပရိသတ်တစ်ဦးပေါ့၊ ဘလော့လည်း ရေးပါတယ်၊ ကိုပေါ
အခုဆိုလိုလိုက်တာ ပြည်တွင်း၊ လက်နက်ကိုင်နှင့် ပြည်ပ
လို့ သိရပါတယ်၊ ပြည်တွင်း ... ကိုပေါ မြန်မာပြည်မှာ
နေခဲ့စဉ်တုန်းက နိုင်ငံရေး အသိုင်းအ၀ိုင်း၊ အစိုးရဆန်
ကျင့်ရေး နယ်ပယ်တွေ၊ သို့မဟုတ်ရင်လည်း တခြား
ဘယ်လောက်များ လုပ်ခဲ့ဘူးပါသလဲ၊ ပြီးတော် လက်နက်
ကိုင် တော်လှန်ရေးနှင့် နယ်စပ် သဘောတွေ ဘယ်
လောက်သိပါသလဲ၊ ဥပမာ ... ကျနော် ဆိုလိုတာ က နယ်စပ်မှာ တိုင်းရင်းသားတွေဘဲ နေတယ်၊ နယ်စပ်မှာ တော်လှန်ရေး လုပ်မယ်ဆိုရင် သူတို့နဲ့ ဆက်ဆံရမယ်၊ သူတို့ ထောက်ခံမှုပါမှ လုပ်လို့ရမယ်၊ နယ်စပ်မှာ မြန်မာပိုင် နယ်မြေ မရှိဘူး
ဗျာ၊ ကရင် မွန် အစရှိသူတွေက ပေးမှ ကျွှေးမှ စား
ဖို့ တိုက်ဖို့ ဖြစ်မယ် အများကြီးပဲ၊ သူတို့နဲ့ အဆင်
မပြေရင် ထောက်လှမ်းရေး ခေါင်းစဉ်တပ် အသတ်ခံ
ရနိုင်တယ်၊ ဥပမာ ... ကရင်လူမျိုးတွေက သူတို့
ကလေးတွေ အငိုတိတ်အောင် ... ဗမာ စစ်သား
လာနေပြီ... ဗမာ လာနေပြီလို့ မမြင်ဘူးတဲ့ အရာ
ကို တစ္ဆေလို ကြောက်အောင် သင်ကြားတာ၊ အဲလို
မျိုးတွေ အများကြီး ရှိတယ် ကိုပေါ၊ ပြည်ပမှာလည်း
ထားပါတော့ ကိုပေါတို့ သိထားတာ အမေရိကားနဲ့
ဥရောပကို UNHCR နဲ့ သွားကြတယ်၊ အဲဒီမှာလည်း
နိုင်ငံရေးသမား တစ်မျိုးတည်း မဟုတ်ဘူး၊ စစ်ပြေး
တွေ၊ လူမျိုးရေး ဒုက္ခသည်တွေ ပါတယ်ဗျ၊ ပြီးတော်
တချို့လူတော်တော်များ ပြောကြတယ်၊ ဘာတဲ့ နိုင်ငံ
ရေးကို လုပ်စားတယ်၊ အဲဒီစကားတွေ စောက်ရူးတွေ
ပြောတာ ဘယ်နေရာမဆို ထမင်းစားဖို့ အလုပ်လုပ်
ရတယ်၊ ထောက်ပံ့ကြေးဆိုတာ စားလောက်ရုံ ပဲ ရ
တာ၊ ဒါလည်း အများကြီး မပေးဘူး၊ အမြဲ မပေးဘူး၊
အဖြူကောင်တွေ စောက်ရူး မဟုတ်ဘူး ကိုပေါ၊
လိုင်းစုံက လူစုံတွေ အများကြီး၊ နိုင်ငံသမား တော်
လှန်ရေးသမားဆိုတာ ရာခိုင်နှုန်းဘယ်လောက် ရှိလဲ
ကိုပေါ သေသေချာချာ လေ့လာပြီးသွားပြီလား၊ ကျနော် က ကိုပေါ ခင်ပါတယ်၊ ဒါတွေကို ကိုပေါ
အရင် လေ့လာပါအုံး၊ ဝေဖန် မစောနဲ့လေ၊ တချို့
လည်း နယ်စပ်မှာ တော်လှန်ရေး လုပ်နေတယ် ပြော
တာ သူတို့ အလံစိုက်ပြီး အလေးပြုနေတာ မြန်မာ
ပြည်ထဲမှာ မဟုတ်ဘူး နယ်စပ်စည်း ဟိုဖက် ထိုင်း
မြေထဲက လယ်ကွက်ထဲမှာဗျာ၊ အမျိုးမျိုးပေါ့ဗျာ၊ ကျနော့်လည်း ဝေဖန်လုပ်ဖို့ အကြိမ်ကြိမ် ကြိုးစား
ဖူးပါတယ်၊ အဲဒီက က မြန်မာနိုင်ငံသား အများစုက
ထေရ၀ါဒ ဗုဒ္ဓဘာသာကို ကိုးကွယ်တာ၊ ကျနော် ဆို
လိုချင်တဲ့ သဘောက လူအများစု တစ်ခုခုဖြစ်လာ
ရင် ကောက်ရိုးမီးလို့ ဟုန်းကနဲ လောင်းတယ်၊ သို့ပေမဲ့ အားလုံးအတွက် စနစ်တကျ လုပ်မယ်၊တော်
လှန်မယ်၊ သတ်စရာ ရှိတာ သတ်မယ်ဆိုရင် (တော်
လှန်ရေးမှာ သတ်စရာ ရှိတာ သတ်ရတယ် ကိုပေါ)
ကံ ကံ၏ အကျိုးတို့၊ ၀တ်ရှိလို့ ခံရတယ်တို့ ဘာတို့ သိပ်ပြောကြတာ၊ ဒါတွေဟာ ဒီမိုကရေစီရဖို့
ဝေးနေတာပေါ့၊ သန်းရွှေက ဒါတွေကို သိတယ်လေ၊
ဒါကြောင့် ဘုန်းကြီးကို ရိုက်သတ်လိုက်၊ ဘုရားကို
ထီးတင်လိုက် လုပ်ပြီး လူတွေကို အုပ်ချုပ်ထားတာ
ပေါ့၊ ကျနော် ဆိုလိုချင်တာ ကိုပေါအနေနဲ့ လေ့လာ
ပါအုံးပေါ့၊ လက်ရှိ အင်တာနက်ပေါ်မှာ ကိုပေါဘလော့
ရေးနေတာ ချစ်တဲ့သူ ထောက်ခံတဲ့သူ အများကြီးပါ။
အဝေဖန် မတတ်ရင် ကိုပေါ စေတနာတွေ အကုန်လုံး
မီးလောင်းသွားမှာ ဆိုလို့ပါ၊ ကျနော့်စာ အရေးအသား
ကို ကြည့်ပြီး ကျနော် ဘယ်သူလဲဆိုတာ ကိုပေါ
ခန့်မှန်းနိုင်ပါတယ်၊ ကျနော်က ကိုပေါကို စေတနာနဲ့
ပါ၊ ဆရာလုပ်တာ လုံးဝ မဟုတ်ပါဘူး။
စာရှည်ရှည်ရေးမိတယ် ဆိုရင် ခွင့်လွှတ်နော် ..
Anonymous အနေနဲ့ပဲ ကော်မန့် ရေးပါ့စေ
ကျနော်က ကိုပေါလို လူချစ်လူခင် သိပ်မရှိဘူးဗျ..
ဟဲဟဲ ...

Anonymous said...

ထပ်လာပြီး ရေးလိုက်ပါတယ်၊ နည်းနည်လေး ထပ်ပြော
ချင်လို့ ...
ကျနော် ဘယ်သူလည်း ဆိုတာ ကိုပေါ ဖောက်သယ်
မချနဲ့နော်၊ ကိုပေါက ကျနော့်ထက် ကွန်ပြူတာကျွမ်း
တယ်ဆိုတာ ကျနော်သိတယ်၊ ကျနော့်ဘလော့လင့်ခ်ကို
ကိုပေါဆီက လင့်ခ်ထဲမှာ မရှိလည်းပဲ ကိုပေါကို ကျနော်
ခင်ပါတယ်ဗျာ ...ဟဲဟဲ

ကိုပေါ said...

အမည်မသိ (October 18, 2009 8:42 AM).... ကွန်မင့်ကို ရှည်ရှည်လျားလျား ရေးသွားတဲ့အတွက် ကျေးဇူးတင်ပါတယ်။

ပထမဦးဆုံးပြောလိုတာက စိတ်မပူဖို့ပါ။ မိတ်ဆွေ ဘယ်သူလဲဆိုတာ ကျနော်မသိပါဘူး။ IP address တွေနဲ့ ခြေရာခံရတာ ဘယ်လိုလုပ်ရသလဲဆိုတာ ကျနော် သိလည်း မသိဘူး။ စိတ်လည်း မဝင်စားပါဘူး။ မိတ်ဆွေဘယ်သူလဲဆိုတာ ကျနော်သိခဲ့ရင်တောင်မှ အမည်မဖော်ချင်လို့ Anonymous နဲ့ရေးလာခဲ့တာဆိုရင် ကျနော်မဖော်ပါဘူး။

ပြည်တွင်းမှာ နိုင်ငံရေးလုပ်ခဲ့ဘူးသလားဆိုတဲ့ မိတ်ဆွေမေးတဲ့ မေးခွန်းကို ဖြေရရင် (ဒီမေးခွန်းမျိုး အရင်ကလည်း ဖြေဖူးတယ်။) ပြည်တွင်းမှာနေစဉ်က အရေးအခင်းမှာ ဆန္ဒပြဖူးတာ၊ ရွေးကောက်ပွဲမှာ အဖွဲ့ချုပ်ကို မဲထည့်ဖူးတာလောက်က လွဲလို့ ဘာနိုင်ငံရေးမှ မလုပ်ခဲ့ဖူးပါဘူး။ ဘယ်လောက်များ လုပ်ခဲ့ဘူးပါသလဲဆိုတဲ့မေးခွန်းကို ဖြေရမယ်ဆိုရင်လည်း ဘာမှဖြစ်ဖြစ်မြောက်မြောက် မလုပ်ခဲ့ဘူးပါဘူးလို့ပဲ ဖြေရမှာပဲ။ အဲဒီအချက်ကို ဘာမှ ဖုံးကွယ်ထားစရာမလိုပါဘူး။ အဲဒီလို မလုပ်ခဲ့မိတဲ့အတွက်တော့ တာဝန်မကျေခဲ့သလို အခုအချိန်မှာ ခံစားရတယ်။ ဒါကြောင့်လည်း အခုအချိန်မှာတော့ ကျနော့်မှာ တာဝန်ရှိတယ်လို့ ကိုယ့်ဘာသာ ယူဆတဲ့အလျောက် ကိုယ်ရောက်ရာနေရာက အတတ်နိုင်ဆုံး တာဝန်ယူပေးနေပါတယ်။

မြန်မာနိုင်ငံရေးနယ်ပယ်ကို ဝေဖန်ရမယ့် အချက်ကလည်း အဲဒီအကြောင်းအရာက စရမယ် ထင်တာပါပဲ။ မြန်မာ့နိုင်ငံရေးကို သုံးသပ်တဲ့နေရာမှာ နိုင်ငံရေးလုပ်ဖူးမှ၊ ထောင်ကျဘူးမှ၊ လက်နက်ကိုင်ဖူးမှ ဝေဖန်ရမယ်၊ အဲဒါတွေ မလုပ်ဘူးရင် ဝင်မပြောနဲ့ ဆိုတဲ့ မှားယွင်းတဲ့ အတွေးအခေါ်ကို ပထမဦးဆုံး ပြင်သင့်တယ်ဆိုတဲ့ အကြောင်း။ မြန်မာ့နိုင်ငံရေးကို နိုင်ငံရေးသမားတွေသာ လက်ဝါးကြီးအုပ်ထားလိုက်မယ်ဆိုတဲ့ စိတ်ဓါတ်မျိုးတွေကို ပြင်ရဦးမယ်ဆိုတဲ့ အကြောင်း။

အဝေဖန် မစောပါနဲ့ဦး ဆိုတဲ့ စကားနဲ့ ပတ်သက်လို့ကတော့.... အခုမှ နိဒါန်းပျိုးရုံပဲ ရှိပါသေးတယ်။ ဝေဖန်တဲ့ ကဏ္ဍကို မရောက်သေးပါဘူး။

ကျနော်ဝေဖန်တဲ့အခါ ကျနော်သိတဲ့၊ အပြင်မှာ လက်တွေ့ကြုံခဲ့ရတဲ့ အခြေအနေတွေ၊ အခြင်းအရာတွေ၊ မီဒီယာကတဆင့်သိရတဲ့ အချက်အလက်တွေ၊ မြန်မာ့နိုင်ငံရေးမှာ ကိုယ်တိုင်ကိုယ်ကျ လုပ်ဆောင်နေသူတွေဆီကတဆင့် ကြားသိရတဲ့ အချက်တွေပေါ် မူတည်ပြီး ဝေဖန်မှာပါ။

လူတယောက်ဟာ သူသိတာထက် ဘယ်နည်းနဲ့မှ ပိုမရေးနိုင်ပါဘူး။ ဒါကြောင့် ကျနော့်ရဲ့ အချက်အလက် ကြွယ်ဝမှု၊ တွေးတောဆင်ခြင်မှုပေါ်မူတည်ပြီး ကောင်းမွန်တဲ့ ဝေဖန်ရေးဖြစ်နိုင်သလို ညံ့ဖျင်းတဲ့ ဝေဖန်ရေးလည်း ဖြစ်လာနိုင်ပါတယ်။ ကျနော်ရေးတဲ့အကြောင်းအရာ ခိုင်လုံမှုအပေါ်မှာ မူတည်ပြီး စာဖတ်သူက လက်ခံခြင်း၊ လက်မခံခြင်း ဖြစ်ပါလိမ့်မယ်။

ကျနော်ရေးတာ မှားယွင်းသွားမှာကို ကျနော်စိတ်မပူပါဘူး။ မှားယွင်းသွားရင် အဲဒီအမှားကို ဝေဖန်သူတွေ၊ အမှန်ကို ထောက်ပြသူတွေ ကွန်မင့်ကဏ္ဍမှာ ဖြစ်စေ၊ ဘလော့ဂ်တွေမှာဖြစ်စေ ပေါ်လာနိုင်ပါတယ်။ အဲဒီအခါမှာ စာဖတ်သူအဖို့၊ ပြည်သူအဖို့ အကျိုးများနိုင်ပါသေးတယ်။ ဒီနည်းနဲ့ပဲ အတွေးအခေါ်ပိုင်းဆိုင်ရာ၊ မူဝါဒပိုင်းဆိုင်ရာ၊ နည်းဗျူဟာပိုင်းဆိုင်ရာမှာ တိုးတက်လာမှာပဲ။ ကျနော်တို့လည်း ဒီလိုပဲ စကားဝိုင်းတွေမှာ ပြောကြဆိုကြ၊ ငြင်းခုန်ကြရင်းကနေ အယူအဆတွေ၊ အတွေးအမြင်တွေ ဖလှယ်တယ်၊ ပြောင်းလဲလာတယ်၊ တိုးတက်လာတယ်။ ဘာမှ မပြောဘဲ၊ မဆိုဘဲ နှုတ်ပိတ်နေရတဲ့ လူ့အဖွဲ့အစည်းဟာ Retarded Society သဘောမျိုး ဖြစ်သွားနိုင်တယ်။ ဒီတော့ အမြဲတစေ အယူအဆတွေ၊ အတွေးအခေါ်တွေကြားမှာ တွန်းတိုက်မှုတွေ၊ ပဋိပက္ခတွေ ရှိမှသာ တိုးတက်မှုလည်း ရှိနိုင်မယ်လို့ ယူဆပါတယ်။

နောက်တချက်က ကျနော့်အမြင်ဟာ လူကြိုက်နည်းတဲ့အမြင် ဖြစ်နေမှာကိုလည်း ကျနော်မစိုးရိမ်ပါဘူး။ ကျနော်တယောက်တည်း လက်ခံတဲ့အမြင် ဖြစ်နေစေဦးတော့...ကိုယ်ယုံကြည်တဲ့အတိုင်း ကိုယ်တွေးခေါ်မိတဲ့အတိုင်း ရေးမှာပါ။ လူ့အခွင့်အရေးဖြစ်တဲ့ လွတ်လပ်စွာထုတ်ဖော်ပိုင်ခွင့် ကို ကျနော်အပြည့်အဝ သုံးမှာပါ။

ဒါကြောင့်...ကျနော့်အနေနဲ့ မြန်မာ့ဒီမိုကရေစီအရေးနဲ့ ပတ်သက်လို့... ဘယ်သူတွေ ဘာပဲရေးရေး မရေးနဲ့လို့ ပိတ်ပင်ရန် ဆန္ဒမရှိပါ။ သူတို့ရေးတာမှာ ကိုယ်နဲ့အမြင်ကွဲလွဲတဲ့အချက်၊ ဝေဖန်စရာအချက်ရှိရင် ထောက်ပြလိုက်တာ၊ ဝေဖန်လိုက်တာနဲ့ ကိစ္စပြီးပါတယ်။

နောက်ဆုံးအနေနဲ့ကတော့ ကျနော့်ဘလော့ဂ်လင့်ခ်မှာ ထည့်ထားတဲ့ လင့်ခ်တွေဟာ ကျနော် သွားဖတ်ဖြစ်တဲ့ ဘလော့ဂ်တွေရယ်၊ တကယ်လည်း ရည်ညွန်းချင် စိတ်ရှိတဲ့ ဘလော့ဂ်တွေရယ်၊ ကျနော်ခင်မင်တဲ့ ဘလော့ဂါအချို့ရဲ့ ဘလော့ဂ်ကို ရွေးချယ်ထည့်ထားခြင်းမျှ ဖြစ်ပါတယ်။

Mg Pwa Gyi said...

အို ဗုဒ္ဓဘာသာ...
အလွန်ကံမကောင်းလေစွတကား..
အသင်သည်အခြားဘာသာများကိုတိုက်ခိုက်
ရန်မသင်ကြားခဲ့သဖြင့်သင့်ကိုတိုက်ခိုက်ကြကုန်၏...
သင်၏သားသမီးများသည်နိုင်ငံရပ်ခြားရောက်ကာဝလင်
ကုန်ကြသောအခါ အချို့ သည်ံသင့်အဆုံးအမကိုပြစ်တင်ကြကုန်၏..
ရောင့်ရဲရန်ဆုံးမခဲ့သောသင့်ကိုရန်သူထင်ကုန်ကြ၏...
ထမင်းဝ၍စာရေးနိုင်ကာအချင်းချင်းလှည့်ဖတ်ခြင်းသာလုပ်နိုင်သောblooger ၇၀၀ ခန့် ..အနက်အချို့ သည်အချင်းချင်းဆော်ရုံသာအားမရ..ပြည်တွင်းမှလူ
၅၇ သန်း ကျော်ကိုငါတို့ လောက်မှအဆင့်မရှိ
ထင်တော်မူကုန်ကာပြစ်တင်ကုန်ကြ၏....
လက်ငင်းပြသနာဝမ်းရေးနှင့်ကြံ့ ဖွတ်အရေးကို
ကြောက်နေရသောပြည်သူများကိုပြစ်တင်တော်မူ
ကုန်ကြ၏..ထိုရန်များကြားမှဖြေသိမ့်၍နေနေရသူ
များကိုဘာသာရေးကြောင့်..သင့်ကြောင့်..
ထက်မြတ်မူမရှိဟုပြစ်တင်ကြ၏.
နအဖတီးကွက်တိုင်းသာကတက်ပြီး၂၁ နှစ်လုံးအခြေအနေဖန်တီးနိုင်ခွင့် ရရှိလာတဲ့အချိန်တွေမှာရန်သူ့ ကိုအလဲထိုးနိုင်သည့်ထက်မြတ်သော
ခေါင်းဆောင်မရှိ၍နောက်လိုက်မရှိ
ခြင်းကိုကျည်ဆံကိုရင်မဆိုင်ရဲအောင်သင်ကြား
ပေးသောသင့်ကြောင့်ဟုပြစ်တင်ကြ၏...
သင်အတွက်စိတ်မကောင်းပါ.....

Mg Pwa Gyi said...

ကိုပေါဆောင်းပါးကိုမဆိုလိုပါ..
comments အချို့ အပေါ်ပါ..

Anonymous said...

ဝေဖန်တာ ကောင်းပါတယ် ကိုပေါ၊ ဝေဖန်ရေးရှိမှာလည်း
တိုးတက်မှာပေါ့၊ ဒေါက်တာမောင်မောင်လက်ထက်
စစ်တပ်က သေနတ်နဲ့ မပစ်တဲ့အချိန်မှာ ဆန္ဒတွေပြ ရဲ၊
၂၁ နှစ်လုံးလုံး ကိုယ်ရေးကိုယ်တာကို ဦးစားပေး ရဲ၊
နိုင်ငံရေးမှာ တိုက်ရိုက်မပါဝင်ပဲ NGO ယောင်ယောင် လုပ် ရဲ ဆိုတဲ့ ရဲ (၃) ရဲ နည်းဗျူဟာ အသစ်ပေါ့ဗျာ၊
Mg Pwa Gyi လို အဆင့်မရှိပဲ တွေးမခေါ်ရဲ တာလဲ
ရဲ တစ်မျိုးပေါ့ဗျာ ဟဲဟဲ ... စိတ်မဆိုးနဲ့နော် ကိုပေါ။

Mg Pwa Gyi said...

To.. Anonymous said...
October 18, 2009 11:23 AM..
ဒီလိုမြင်လည်းရပါတယ် ;D

Ngaman said...

KP,
great post n comments (except some stupid SPDC's proxy), please be reminded that we hv right to expose our own view on any issue bt shouldn't be wasting time by arguing. Let's prictically participate in democracy establishment in different ways as we can.

KHIN ZIN MINN said...

Personaly, i agree with you ko paw. Cause, we must notice that, "Democracy in Myanmar" is not only one person duty, its our duty for all burmese people.
So Now its the time for us to realize that, even we can do little things, its better than nothing to do.
About your blog, still now i agree and like your posts.......so go a head.

Dr. Yi Yi Win said...

ပြန်ဖြေထားတာလေးအတွက်ကျေးဇူးပါကိုပေါရေ။ တင်ပြမှုတစ်ခုမှာ ဆွေးနွေးမှုတွေဝင်လုပ်ကြတယ်ဆိုတာက ရည်ရွယ်ချက်အမျိုးမျိုးတော့ရှိကြပါတယ်။ ကိုယ်မသိသေးတာကို သိချင်လို့ ။ကိုယ်သိတာနဲ့ ကွာ မကွာ ညှိချင်လို့ ၊ အချို့ ကတော့ရိချင်လို့ ပေါ့။ အခုဒီပို့ စ်မှာ ကျွန်မ၀င်မေးခဲ့တာတွေက ကိုယ်မသိလို့ ဆိုတာထက် discussion ကို life ဖြစ်စေချင်တာလည်းပါပါတယ်။ ဒါကလည်း ကိုပေါပြန်ဖြေထားသလို လူတိုင်း၊ စာဖတ်သူတိုင်းမှာ စဉ်းစားဉာဏ်ရှိတယ်ဆိုတာကို သံသယရှိလို့ မဟုတ်ဘူးနော်။ ရှိကြတဲ့စဉ်းစားဉာဏ်တွေဆိုတာကလည်း သူ့ ခေတ်သူ့ အခါအလိုက်ရိုက်သွင်းခံထားရတဲ့ ပုံစံခွက်ထဲကအတွေးအခေါ်မျိုးတွေလည်းရှိနိုင်ကြသေးတယ်လေ။ အထူးသဖြင့် ဒီဖက်ခေတ်မှမွေးလာတဲ့ ပြည်တွင်းက လူငယ်တွေဆိုရင် သူတို့ ဘ၀တစ်လျှောက်မြင်နေကြားနေရတာတွေပဲ အဟုတ်မှတ်ကြတော့တာ။ အချို့ ကျွန်မတို့ ခေတ်က သင်ခဲ့ရတဲ့ ကဗျာတွေစာတွေဆိုရင် ဒီဖက်ခေတ်က ကလေးတွေမသိနိုင်ကြတော့သလိုပေါ့။ လူတိုင်းလူတိုင်း(မြန်မာစာဖတ်သူတိုင်း) သာမှန်မှန်ကန်ကန် စဉ်းစားတတ်ကြရင် မြန်မာပြည်လည်း ဒီမိုကရေစီရနေလောက်ပါပြီ(ကျားမြီးဆွဲမိသွားပြီလားတော့မသိ) စာဖတ်သူဆိုတဲ့နေရာမှာလည်း အသက်အရွယ်၊ အသိအမြင်၊ ကျွမ်းကျင်မှုနယ်ပယ် စတာတွေကွဲပြားကြသလို သူတို့ ရွေးဖတ်တဲ့စာတွေကလည်း ကွဲသွားကြတာကိုး။ ဒီတော့ အကြောင်းအရာတစ်ခုကိုမြင်တဲ့အမြင်တွေကလည်း မတူနိုင်ကြဘူးပေါ့။ ဒါကြောင့်သာ လူအများမြင်သာတဲ့ ဆွေးနွေးမှုတွေတိုင်းမှာ ဆွေးနွေးချက်တွေ အသက်ဝင်လာအောင် သိပြီးသားတွေကိုလည်း လွယ်ကူရှင်းလင်းတဲ့စကားလုံးမျိုးနဲ့ ချဲ့ ကားပြီးပြန်ဆွေးနွေးကြရပါတယ်။ အဲဒီလို စိတ်ရှည်လက်ရှည် ဆွေးနွေးလို့ အကောင်းဆုံးဘလော့ဂ်တစ်ခုလို့ မြင်မိလို့ လည်း ဒီနေရာမှာ လာပြီးဆွေးနွေးချက်တွေလုပ်မိပါကြောင်း။ ဆက်လက်ပြီးလည်း စာဖတ်သူအားလုံး စိတ်ပါဝင်စားနိုင်မည့် ဆွေးနွေးချက်များဆက်လက်ရေးသားတင်ပြနေဦးမယ်လို့ ယုံပါကြောင်းနော်။

Anonymous said...

I prefer worship (Buddha) and
follow his logic and rational thinkings (Dhamma), learn from (Sangha) to reach the state of tranquilty (Nivana) than to
convert (change religion) to
worship some SOB or virtual entity
named Jebus or known as Zallah.

Democracy is the best practice,
human rights should be respected
but it is not a replacement for
a good Buddhist society.

Liberal Democracy copied from
the United States where there
are organizations like ACORN
has cheated votes is not a solution too. We have to cut
and paste, customized to fit
own society. Copy and granted
to fail!

I dont like Than Shwe and his
gangs of mothers .... but on
the other hand I do not think
that Buddhism should not be
insulted as an attribute for
not earning democracy.

Buddhism and Democracy is most
compatible like fish and water.
Buddha never asked to submit,
or bend your ass freaking seven
times a day, or asking to believe
a crappily written book supposed
to emailed from God@Heaven.com or
Zallah@Somewhere.com. We are told,
you earn your Nivana. Let me quote "Dont blame Buddhism for your failings, you fail Buddism".

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs