“ကိုမြအေးရဲ့ မွေးနေ့”

Share |
ဒီကနေ့ ကျရောက်တဲ့ ကိုမြအေးရဲ့ ၄၂ ပြည့်မွေးနေ့မှာ လွန်ခဲ့တဲ့ ဆယ်နှစ်ကျော်က တောင်ငူထောင်အတွင်း အကျဉ်းကျနေစဉ် (၁၀၊၃၊၁၉၉၆) ကိုမြအေးရဲ့ မွေးနေ့မှာ သူကိုယ်တိုင် ရေးစပ်ထားသော ကဗျာကို ဝေမျှလိုက်ပါတယ်။ ဒီကဗျာကို အိုးဝေစင်္ကာပူ အင်တာနက် စာမျက်နှာမှာ လွန်ခဲ့တဲ့ နှစ်ကဖော်ပြဘူးခဲ့တာမို့ ဒီမှာ သွားရောက်ပြီးလည်း ဖတ်ရှုနိုင်ပါတယ်။


မျက်စိမှိတ်ခံစားခြင်း

နွမ်းလျနေတဲ့ မျက်ရည်တစနဲ့
ဘ၀ကို အဆုံးမသတ်ချင်ဘူး
စိတ်ကူးယဉ်လွန်းတယ်ဘဲဆိုဆို....
ကိုယ်.....
အိပ်မက်တွေထဲမှာ ပျော်နေမိတယ်....

တခါတရံ ကဗျာတွေရေးရင်း
နာရီလက်တံတွေကို
ယီလေးခိုစီးမိတဲ့အခါ
မရေရာတဲ့ အရုဏ်ကို
ယောင်လို့တောင် မမှန်းဆမိပါဘူး။

ဝေးလွန်းတဲ့ မနက်ဖြန်ကို
မြင်နိုင်မယ်ဆိုရင်တော့
ကိုယ့်ရဲ့ မျှော်လင့်ချက်တွေဟာ...
ဟောဒီ ၀သုန်မြေကြီးပေါ်ကို
ဖိတ်စင်ကျကုန်မှာပေါ့။

အခုတော့....
ဘာဘဲပြောပြော
အိပ်မက်လေးရေ
မင်းရဲ့ နွေးထွေးတဲ့ရင်ခွင်မှာ
ကိုယ့်ကို
ဒီတည မှေးစက်ခွင့်ပြုပါအုံးနော်....


(ရေးသူ-ကိုမြအေး)


ကိုမြအေးနဲ့အတူ မတရားဖမ်းဆီးခံထားရသော နိုင်ငံရေးအကျဉ်းသားအားလုံး အမြန်ဆုံးလွတ်မြောက်ကာ မိသားစုများနှင့် ပြန်လည်ဆုံဆည်းနိုင်စေကြောင်း ဆုမွန်ကောင်းတောင်းလိုက်ပါသည်။

1 comments:

Anonymous said...

ကိုမြအေးသို့....


မျှော်လင့်ချက်တွေ ဖိတ်စင်ကျခွင့်ရှိမယ်ဆိုရင်..

ချစ်ရသော ဇနီး၊သမီးလေးတို့ နဲ့ အတူကျင်းပခွင့်ရမယ့် ကိုမြအေးရဲ့ နောင်လာမယ့်မွေးနေ့များစွာကိုမျှော်လင့်လျက်။

မိတ်ဆွေ…. စင်္ကာပူနိုင်ငံသား ခံယူဖို့ စိတ်ကူးနေသလား။ ဒီစာကို အရင်ဖတ်ကြည့်ဖို့ တိုက်တွန်းပါရစေ။



စင်္ကာပူနိုင်ငံရေး တစေ့တစောင်း သိကောင်းစရာ...
Websites
Blogs